«Գանձեր» երգչախումբ


2015 թվականին Երևանի Սուրբ Աննա եկեղեցում սկսած հոգևոր երգերի դասերը «համեղ պտուղ» են տվել՝ «Գանձեր» պրոֆեսիոնալ երգչախումբը: 

«Կայթ» նվագախումբ


Հնարավո՞ր է 21-րդ դարում կատարել մոռացության մատնված ժողովրդական երգ: Հնարավո՞ր է դափ խփել ու ծնծղա նվագել: Հնարավո՛ր է, եթե դուք հայտնվել եք «Կայթ» նվագախմբում:

Քաղաքացու օրը


Ապրիլի 27-ին Հայաստանի Հանրապետությունում առաջին անգամ նշվեց Քաղաքացու օրը: Վաղ առավոտից մայրաքաղաքի փողոցներում տոնական տրամադրություն էր, մարդիկ վերհիշում էին թավշյա հեղափոխության օրերը, տոնում իրենց հաղթանակը: 

«Ապագա» ընկերություն


«Ապագա»-ն հարթակ է, որը միավորում է մեր մոլորակի էկոհամակարգի մասին մտահոգ մարդկանց: Գաղափարի շուրջ համախմբված մարդիկ փորձում են բարձրացնել հասարակության տեղեկացվածությունը աղբի վերամշակման մասին, կազմակերպում են պլաստիկ շշերի ու զանգվածի փոխադրումը, հանձնումը վերամշակողին: 
«Միացիր մեր կանաչ համայնքին և օգնիր մեզ փրկել մեր մոլորակը». սա է «Ապագայի» կոչը: 
 

Գայանե Էլիազյան


Արդեն 25 տարի, Գայանե Էլիազյանը ղեկավարում է Մ. Մաշտոցի անվան մատենադարանի վերականգնման բաժինը: Հիշում է, երբ ընդունվեց աշխատանքի, բաժնում ութ աշխատակից կար, այժմ իր ղեկավարությամբ քսանյոթ մասնագետ է աշխատում: Տիկին Գայանեն խոստովանում է, որ հնագույն ձեռագրերի հետ աշխատանքը իմաստավորում է կյանքը: 

Հենրիկ Սիրավյան


«Ահա այսպես, մի  գեղեցիկ օր հայ ժողովուրդը քեզ գրկելու և սիրելու է». դեռևս 1961 թվականին Մարտիրոս Սայրանը, նկարելով իր աշակերտին, կանխատեսել է նրա ապագան: Հենրիկ Սիրավյան՝ 60-ականների սերնդի ամենավառ ու ինքնատիպ նկարիչներից մեկը: 

Զինվոր և հոգևորական


Զինվորների մասին պատմում են բանակում ծառայող հոգևորականները, որոնք զինականի կողքին են սահմանում, հոսպիտալում, զորամասում: Հաղորդումը նվիրված է հայոց բանակի կազմավորման 27-ամյա տարեդարձին: 

«Արեգ» ազգային պարի խումբ


Այստեղ պարում են տարբեր մասնագիտության և տարիքի մարդիկ, որոնց հետաքրքիր է ազգային մշակույթը: Այստեղ սովորում են ոչ միայն պարային շարժումները, այլև պարի բովանդակությունը: «Արեգ» ազգային պարի խումբը «Կարին» ավանդական երգի-պարի համույթի շառավիղներից է: Հիմնադիր Արտավազդ Այվազյանը 15 տարի զբաղվում է ազգային պարի ուսումնասիրմամբ և տարածմամբ:  

Ամանորի և Սուրբ Ծննդյան երաժշտական բարեմաղթանքներ


Ամանորի և Սուրբ Ծննդյան երաժշտական բարեմաղթանքներ անվանի երաժիշտներից:  

Մարզասրահ հաշմանդամների համար


2014թ.-ին մայոր Սարգիս Ստեփանյանն ընկերոջը փրկելիս ականային վիրավորում է ստանում, կորցնում ոտքերն ու աջ ձեռքը: Սակայն նա կարողանում է ոչ միայն ոտքի կանգնել, այլև դառնալ բազկամարտի աշխարհի և Եվրոպայի չեմպիոն: Իսկ այսօր Սարգիսն իր զինակից ընկերների հետ հիմնել է ներառական մարզասրահ, որտեղ կարող են մարզվել և կոփվել բոլոր ցանկացողները: Մարզասարքերը նախատեսված են նաև հաշմանդամություն ունեցողների համար: Կամավոր սկզբունքով աշխատող մարզիչներն անում են ամեն ինչ, որ Հայաստանում զարգանա հաշմանդամ մարդկանց սպորտը և Սարգիս Ստեփանյանի օրինակը վարակիչ լինի մարզասրահ հաճախող մարզիկների համար: 

Ձրի շուկա


Այստեղ կարող ես գտնել ու անհատույց վերցնել քեզ անհրաժեշտ իրեր կամ թողնել իրեր, որոնք քեզ այլևս պետք չեն։ Ձրի շուկայում կարող ես կիսվել ոչ միայն իրերով, այլև փորձով ու գաղափարներով, լավ ժամանակ անցկացնել մի բաժակ թեյի շուրջ ու քննարկել, թե ինչպես է սպառողական համակարգը կործանում շրջակա միջավայրը, առաջ բերում տնտեսական ճգնաժամեր ու շահագործում մարդուն։ 
Ձրի շուկայի գաղափարը մեզանում փորձում են տարածել բնապահպան ակտիվիստները: 
 

Երվանդ Քոչար


Նա եզակի արվեստագետներից է, որ համարժեք հզոր գործեր է ստեղծել կերպարվեստի բոլոր ժանրերում: Որքան ինքնատիպ են Երվանդ Քոչարի ստեղծագործությունները, նույնքան ինքնատիպ է նաև Քոչարն ինքը: