Օծվել է Հաղբատավանքի Սուրբ Նշան եկեղեցու գմբեթի խաչը


Օգոստոսի 31-ին Գուգարաց թեմի առաջնորդ Սեպուհ արքեպիսկոպոս Չուլջյանի ձեռամբ օծվեց և տեղադրվեց Թումանյանի տարածաշրջանի Հաղբատավանքի Սուրբ Նշան եկեղեցու գմբեթի խաչը: Դեռ 2007 թվականի օգոստոսին կայծակից կոտրվել էր խաչի քարե խնձորակը: Իսկ 2017 թվականի փոթորիկի ժամանակ խաչն ընկել էր և կոտրվել:

Ուսուցիչներն օրհնություն ստանալու էին եկել Մայր Աթոռ Ս. Էջմիածնում


Օգոստոսի 31-ին հայոց հոգևոր կենտրոն ուխտագնացության էին եկել մանկավարժներ, կրթական գործի կազմակերպիչներ՝ ուսումնական տարին օրհնությամբ և աղոթքով սկսելու համար: Միածնաէջ տաճարում կրթության մշակներին օրհնեց Գարեգին Բ Ամենայն հայոց կաթողիկոսը: 

ՀԲԸՄ սկաուտները ճամբար են հաստատել Գուգարաց թեմում


Այս տարի «Անդրանիկ» սկաուտական ճամբարի անդամները Հայաստան են եկել Իրանից, Իրաքից, Սիրիայից, Լիբանանից և Վրաստանից: Ստանալով Վեհափառ հայրապետի օրհնությունը իրենց ճամբարն են հաստատել Գուգարաց թեմում՝ Թեժ լեռան հովտում: Այս օրերին նրանք հանդիպեցին նաև թեմի առաջնորդ Սեպուհ արքեպիսկոպոս Չուլջյանի հետ: 

Գուգարաց թեմի «Ծիծեռնակ» ճամբարն այս տարի ևս իր դռներն է բացել 6-15 տարեկան երեխաների համար


Արդեն 17 տարի, Սեպուհ արքեպիսկոպոս Չուլջյանի օրհնությամբ Գուգարաց թեմի «Ծիծեռնակ» ճամբարն իր դռներն է բացում 6-15 տարեկան երեխաների առաջ: Ամեն ամառ ճամբարում հանգստանում է 1200-1500 երեխա:  
 

Գուգարաց թեմում 22-րդ բարեգործական բնակարանը նվիրվեց տնակային ավանում ապրող ընտանիքին


«Ձեռք մեկնիր եղբորդ» բարեգործական ծրագրի 22-րդ բնակարանը հանձնվեց Վանաձորի տնակային ավանում ապրող Նալբանդյանների հինգ հոգանոց ընտանիքին: 

«Արամե» պատկերասրահի 15-ամյակին նվիրված ցուցահանդեսը


«Արամե» պատկերասրահը նորաբաց ցուցահանդեսով նշեց հիմնադրման 15-ամյակը:

Վարդավառի նախատոնակը՝ Երևանի մանկական զբոսայգում


5 տարի առաջ ձևավորվեց Վարդավառի նախատոնակը նշելու ուրախ ավանդույթը: Արարատյան հայրապետական թեմի երիտասարդաց միության անդամները, Երևանի քաղաքապետարանի աջակցությամբ քայլերթ են կազմակերպում դեպի Մանկական զբոսայգի՝ երգ ու պարով, ժողովրդական խաղիկներով: Այս տարի էլ տոնախմբությունը սկսվեց առաջնորդանիստ Ս. Սարգիս եկեղեցու բակից: Նախատոնակի մասնակիցները եկեղեցուց շարժվեցին դեպի Մանկական զբոսայգի` «Վարք հայոց» և «Վան» ազգագրական երգ ու պարի խմբերի նվագակցությամբ:

Օձունի վանքի վրանային ճամբարում հյուրընկալվել են 100-ից ավելի երիտասարդներ


Օձունում մեկնարկել է ավանդական դարձած բակային վրանային հոգևոր ճամբարը: Արագածոտնի թեմի 15-30 տարեկան ավելի քան 100 երիտասարդ մեկ շաբաթով հյուրընկալվել է Օձունի Ս. Աստվածածին վանական համալիրում:

«Ոսկե ծիրան» կինոփառատոնի սպասվող ծրագրերը՝ ասուլիսում


Կազմակերպիչները լրագրողներին են ներկայացրել «Ոսկե ծիրան» Երևանի 15-րդ միջազգային կինոփառատոնի սպասվող տոնի ընդհանուր պատկերը։

Երևանի Ս. Երրորդություն եկեղեցում ուխտավորներին միացավ Ամենայն հայոց կաթողիկոսը


Քրիստոսի 12 առաքյալների և Ս. Պողոս  առաքյալի հիշատակության տոնին Երևանի Սուրբ Երրորդություն եկեղեցու հարկի տակ էին հավաքվել բազմաթիվ ուխտավորներ: Անսալով Գարեգին Երկրորդ Ամենայն հայոց կաթողիկոսի նախորդ օրվա հորդորին՝ Հայաստանի թեմերից ժամանած ուխտավորները Մայր Աթոռ Ս. Էջմիածնի փոխարեն հավաքվել էին Ս. Երրորդություն եկեղեցում՝ մասնակցելու երեկոյան ժամերգությանը: Անսպասելիորեն ուխտավորներին միացավ նաև Գարեգին Բ Ամենայն հայոց կաթողիկոսը: Իր քարոզում Վեհափառ հայրապետը խոսեց օրվա խորհրդի և բոլոր ժամանակներում ի Քրիստոս մեր ունեցած սիրո մասին:

Մշակույթի նախարարությունը և «Ստեղծարար Հայաստան» հիմնադրամը համագործակցության հուշագիր են ստորագրել


ՀՀ մշակույթի նախարարության և «Ստեղծարար Հայաստան» հիմնդրամի միջև համագործակցության մասին հուշագիր է ստորագրվել։ Համագործակցության ոլորտային քարտեզը բավական ընդգրկուն է՝ ստեղծարար արդյունաբերության զարգացումից մինչև մշակութային ժառանգության պահպանում և հանրահռչակում: 

«Ոսկե ծիրան» 15-րդ միջազգային կինոփառատոնն այս տարի կանցկացվի հուլիսի 8-15-ը


«Ոսկե ծիրան» 15-րդ միջազգային կինոփառատոնի նախապատրաստական աշխատանքներն ավարտական փուլում են։ Արդեն հայտնի են կինոփառատոնի խաղարկային և վավերագրական միջազգային մրցութային և ոչ մրցութային, ինչպես նաև Հայկական համայնապատկեր ծրագրերը։