«Համագործակցության և բարեկամության ներկապնակ» փառատոնի ամփոփումը Օձունում


Օձունի Ս. Աստվածածին վանական համալիրի բակում ամփոփվեց «Համագործակցության և բարեկամության ներկապնակ» խորագրով միջազգային փառատոնը: Տարբեր երկրներից ժամանած 20 նկարիչներ տասը օր շարունակ կտավին հանձնեցին Լոռվա տարածաշրջանի պատմաճարտարապետական հուշարձանների և բնության պատկերներ:

Օձունում ստեղծագործում են հինգ երկրից ժամանած 20 նկարիչներ


Օձունում «Լոռվա ձոր» հայրենակցական միությունը կյանքի կոչեց հերթական նկարչական փառատոնը: «Համագործակցության և բարեկամության ներկապնակ» խորագրով միջազգային փառատոնի նպատակը գեղարվեստի միջոցով Լոռվա տարածաշրջանի պատմաճարտարապետական հուշարձանների, բնության և կերպարների հանրահռչակումն է: Այս տարի փառատոնին մասնակցում է հինգ երկրից ժամանած 20 նկարիչ:

Ազգային երգ ու պարի փառատոն` Օձունում


Սեպտեմբերի 23-ին Օձունի Ս. Աստվածածին վանական համալիրի հարակից բակում անցկացվեց ազգային երգ ու պարի փառատոն՝ «Պետական աջակցություն մշակույթին» ծրագրի շրջանակում: Օձունի վանահայրը սիրով հյուրընկալում է մշակութային խմբերի, աջակցում կազմակերպչական հարցերում: 

Օծվել է Դսեղի Սուրբ Գրիգոր Լուսավորիչ եկեղեցու վերականգնված զանգակատան խաչը


Սեպտեմբերի 7-ին Գուգարաց թեմի առաջնորդ Սեպուհ արքեպիսկոպոս Չուլջյանի ձեռամբ օծվեց և տեղադրվեց Դսեղի Սուրբ Գրիգոր Լուսավորիչ եկեղեցու վերականգնված զանգակատան խաչը։ Օծվեցին նաև բարերարների կողմից նվիրված սրբապատկերները։

Օծվել է Հաղբատավանքի Սուրբ Նշան եկեղեցու գմբեթի խաչը


Օգոստոսի 31-ին Գուգարաց թեմի առաջնորդ Սեպուհ արքեպիսկոպոս Չուլջյանի ձեռամբ օծվեց և տեղադրվեց Թումանյանի տարածաշրջանի Հաղբատավանքի Սուրբ Նշան եկեղեցու գմբեթի խաչը: Դեռ 2007 թվականի օգոստոսին կայծակից կոտրվել էր խաչի քարե խնձորակը: Իսկ 2017 թվականի փոթորիկի ժամանակ խաչն ընկել էր և կոտրվել:

Քարինջ գյուղում վերաօծվեց Սուրբ Կարապետ եկեղեցին


Օգոստոսի 15-ին Լոռվա Քարինջ գյուղում սպասված տոնախմբություն էր: Համագյուղացիների ջանքերով վերակառուցված Սուրբ Կարապետ եկեղեցին վերաօծվեց: Գուգարաց թեմի առաջնորդ Սեպուհ արքեպիսկոպոս Չուլջյանը հորդորեց մշտապես աղոթք հնչեցնել Սուրբ Կարապետում և բանուկ պահել եկեղեցի տանող ճանապարհը:

Օծվեց Արդվիի Ս. Հովհաննես Օձնեցի հայրապետի դամբարան-մատուռին կից զանգակատան խաչը


Օգոստոսի 2-ին Գուգարաց թեմի առաջնորդ Գերաշնորհ Սեպուհ արքեպիսկոպոս Չուլջյանի ձեռամբ օծվեց Արդվի համայնքի Սուրբ Հովհան Օձնեցի հայրապետի դամբարան-մատուռին կից վերակառուցված զանգակատան խաչը: 

Հետախույզ Զորիկ Գևորգյանի հիշատակին նվիրված երեք խաչքարեր օծվեցին


Չորս տարի առաջ, օգոստոսի 2-ին հակառակորդի դիվերսիոն հետախուզական խոշոր գրոհը կանխելու ընթացքում Մարտակերտում զոհվեց հետախուզական վաշտի հրամանատար, կապիտան Զորիկ Գևորգյանը։ 
Բագրատ եպիսկոպոս Գալստանյանի ձեռամբ այսօր օծվեցին Զորիկ Գևորգյանի հիշատակին նվիրված երեք խաչքարեր՝ Վանաձորի Ամենափրկիչ մատուռի հարևանությամբ: Օծումից հետո ներկաները մասնակցեցին Զորիկ Գևորգյանի հուշատախտակի բացմանը: Այն բացեցին հերոսի ծնողները:
 

ՀԲԸՄ սկաուտները ճամբար են հաստատել Գուգարաց թեմում


Այս տարի «Անդրանիկ» սկաուտական ճամբարի անդամները Հայաստան են եկել Իրանից, Իրաքից, Սիրիայից, Լիբանանից և Վրաստանից: Ստանալով Վեհափառ հայրապետի օրհնությունը իրենց ճամբարն են հաստատել Գուգարաց թեմում՝ Թեժ լեռան հովտում: Այս օրերին նրանք հանդիպեցին նաև թեմի առաջնորդ Սեպուհ արքեպիսկոպոս Չուլջյանի հետ: 

Գուգարաց թեմի «Ծիծեռնակ» ճամբարն այս տարի ևս իր դռներն է բացել 6-15 տարեկան երեխաների համար


Արդեն 17 տարի, Սեպուհ արքեպիսկոպոս Չուլջյանի օրհնությամբ Գուգարաց թեմի «Ծիծեռնակ» ճամբարն իր դռներն է բացում 6-15 տարեկան երեխաների առաջ: Ամեն ամառ ճամբարում հանգստանում է 1200-1500 երեխա:  
 

Գուգարաց թեմում 22-րդ բարեգործական բնակարանը նվիրվեց տնակային ավանում ապրող ընտանիքին


«Ձեռք մեկնիր եղբորդ» բարեգործական ծրագրի 22-րդ բնակարանը հանձնվեց Վանաձորի տնակային ավանում ապրող Նալբանդյանների հինգ հոգանոց ընտանիքին: 

Օձունի վանքի վրանային ճամբարում հյուրընկալվել են 100-ից ավելի երիտասարդներ


Օձունում մեկնարկել է ավանդական դարձած բակային վրանային հոգևոր ճամբարը: Արագածոտնի թեմի 15-30 տարեկան ավելի քան 100 երիտասարդ մեկ շաբաթով հյուրընկալվել է Օձունի Ս. Աստվածածին վանական համալիրում: