Վեհարանի նոր համալիրի հանդիսավոր բացումը


Սեպտեմբերի 18-ին, հանդիսապետությամբ Գարեգին Երկրորդ Ամենայն հայոց կաթողիկոսի, Մայր Աթոռ Ս. Էջմիածնում տեղի ունեցավ հիմնանորոգված Վեհարանի, Ս. Հայրապետաց մատուռի և նորակառույց հանդիսությունների սրահի բացման հանդիսավոր արարողությունը: Վեհարանի համալիրի նորոգության ու կառուցապատման աշխատանքներն իրականացվել են ազգային բարերար Սամվել Կարապետյանի և Կարապետյան ընտանիքի նվիրատվությամբ: 
Արարողությանը ներկա էին ՀՀ նախագահ Արմեն Սարգսյանը, ՀՀ վարչապետ Նիկոլ Փաշինյանը, բարերար Սամվել Կարապետյանը, պետական այրեր, Հայ եկեղեցու թեմակալ առաջնորդներ, Մայր Աթոռի միաբաններ, Գերագույն հոգևոր խորհրդի անդամներ, ՀԲԸՄ նախագահ Պերճ Սեդրակյանը, տարբեր երկրներից Հայաստան ժամանած բարերար հայորդիներ, Գերմանիայի Դաշնային Հանրապետության վաստակյալ նախագահ Յոախիմ Գաուկը և այլ հրավիրյալներ: 
Հանդիսությունը սկսվեց նորակառույց Ս. Հայրապետաց մատուռի առջև: Ամենայն հայոց կաթողիկոսի հանդիսապետությամբ կատարվեց Վեհարանի ողջ համալիրի օրհնության կարգը: 
 

Մայր Աթոռի բարերարներն ու նվիրատուները՝ Վեհարանի համալիրի բացման արարողությանը


Սեպտեմբերի 18-ին Վեհարանի համալիրի բացման արարողությանը մասնակցելու համար աշխարհի տարբեր անկյուններից Մայր Աթոռ էին ժամանել բարերարներ ու նվիրատուներ, որոնք մշտապես հոգածության տակ են պահում հայոց հոգևոր կենտրոնի խնամքը: 
 

Մայր Տաճարը


Մի քանի տարի առաջ Ս. Էջմիածնի Մայր տաճարի բուսածածկույթի մաքրման աշխատանքների ժամանակ պատահականորեն բացահայտվում է, որ տաճարը փլուզման վտանգի առջև է։ Ի՞նչ են պարզում մանրամասն հետազոտությունները։ Ի՞նչ լուծումներ են մշակվում Ս. Էջմիածնի տաճարի փրկության համար։ Ներկայացնում են վերականգնող մասնագետները:

Եպիսկոպոսական ձեռնադրություն և օծում Մայր Աթոռ Սուրբ Էջմիածնում


Մայիսի 12-ին Մայր Աթոռ Սուրբ Էջմիածնում տեղի ունեցավ եպիսկոպոսական ձեռնադրություն և օծում: Սուրբ Տրդատ բաց խորանում մատուցված հայրապետական պատարագի ընթացքում Գարեգին Երկրորդ Ամենայն հայոց կաթողիկոսը եպիսոպոսության աստիճան շնորհեց Գերմանիայի և ԱՄՆ հայոց արևելյան թեմերի առաջնորդները Սերովբե վարդապետ Իսախանյանին և Դանիել վարդապետ Ֆընտըգյանին, Կենտրոնական Եվրոպայի ու Շվեդիայի հայրապետական պատվիրակ Տիրան վարդապետ Պետրոսյանին: 
 

Ամենայն հայոց կաթողիկոսն այցելել է Տավուշի մարզ


Հարության տոնից երկու օր անց` ապրիլի 23-ին Ամենայն հայոց կաթողիկոս Գարեգին Բ-ն այցելել է Տավուշի մարզի սահմանամերձ Բերդավան համայնք: Վեհափառ հայրապետը տնօրհնեքի արարողություն կատարեց տներից մեկում` հավատի ամրություն և Տիրոջ մշտական օրհնություն մաղթելով սահմանապահ բնակիչներին: 
 

Սուրբ Հարության հայրապետական պատարագ Երևանի Ս. Գր. Լուսավորիչ մայր եկեղեցում


Ապրիլի 21-ին Հայ եկեղեցին տոնախմբեց Աստվածորդու հրաշափառ հարության տոնը: Երեկ երեկոյան ճրագալույցի պատարագին մարդիկ եկեղեցիներում ստացան հարության ավետիսը և միմյանց փոխանցեցին Քրիստոսի հարության լուրը: Իսկ այսօր առավոտյան Զատկական պատարագ մատուցեց Ամենայն հայոց Գարեգին Բ կաթողիկոսը: Հայրապետական պատարագը մայրաքաղաքի ամենամեծ՝ Սբ. Գրիգոր Լուսավորիչ մայր եկեղեցում էր:

 

Ստեփանակերտի Սուրբ Աստվածածին եկեղեցու օծումը


Հիմնարկեքից 13 տարի անց՝ 2019 թվականի ապրիլի 7-ին, Գարեգին Բ Ամենայն հայոց հայրապետի ձեռամբ օծվեց Արցախի մայրաքաղաք Ստեփանակերտի Սուրբ Աստվածածին եկեղեցին: Առաջնորդանիստն իր շրջակա տարածքով 2 հեկտար է: Շինության բարձրությունը շուրջ 40 մետր է, ծավալատարածական լուծումներով մոտ է Զվարթնոցի տաճարին, հատակագծային լուծումներով ու հորինվածքով՝ տարբեր: Այս տարիների ընթացքում եկեղեցու կառուցմանն իրենց օժանդակությունն են բերել ավելի քան 450 անձինք:
Ապրիլի 8-ին Ամենայն հայոց կաթողիկոսին ընդունեց Արցախի Հանրապետության նախագահ Բակո Սահակյանը: Քննարկվեցին եկեղեցի- պետություն հարաբերություններին, Արցախի արտաքին եւ ներքին քաղաքականությանն առնչվող հարցեր:
 

Ամենայն հայոց կաթողիկոսը հովվապետական այցի ընթացքում հանդիպել է Սիդնեյի համազգային վարժարանի սաներին


Գարեգին Բ Ամենայն հայոց կաթողիկսը հովվապետական շրջագայությամբ Ավստալիայի և Նոր Զելանդիայի հայոց թեմում է: Հայրապետի համոզմամբ հայկական սփյուռքի ապագայի երաշխավորը հայկական դպրոցն է և հայախոս մանուկը: Այս ուղերձը նա հղեց նաև Սիդնեյում գործող Համազգային վարժարան կատարած այցի ժամանակ:    
 

Գարեգին Բ Ամենայն հայոց կաթողիկոսը հովվապետական այցով մեկնեց Ավստրալիա


Հունվարի 30-ին Գարեգին Բ  Ամենայն հայոց կաթողիկոսը, Ավստրալիայի և Նոր Զելանդիայի հայոց թեմի առաջնորդի և թեմական խորհրդի հրավերով, հովվապետական այցով մեկնեց Ավստրալիա:

Ամենայն հայոց կաթողիկոսն այսօր իր քվեն տվել է հանուն ժողովրդի բարօր կյանքի


Դեկտեմբերի 9-ի առավոտյան, Մայր Աթոռ Սուրբ Էջմիածնի միաբանների ուղեկցությամբ, Վաղարշապատի 14/11 ընտրական տեղամաս այցելեց Գարեգին Երկրորդ Ամենայն հայոց կաթողիկոսը` մասնակցելու խորհրդարանական ընտրությունների քվեարկությանը: 
«Քվեարկեցինք աղոթքով՝ մեր երկրի կայունության, խաղաղության և առաջընթացի համար, որպեսզի մեր ժողովուրդն ապրի ապահով, անվտանգ ու բարօր կյանքով, սիրո և միաբանության մեջ»,- ասաց Վեհափառ հայրապետը:
 

Հին ու նոր Մայր Աթոռը


Մայր Աթոռի տարածքում են հիմնվել Կովկասի առաջին տպարանը՝ 1771թ.-ին, Հայաստանի ամենահին բարձրագույն ուսումնական հաստատությունը՝ 1874թ.-ին, ամենահին թանգարանը՝ 1868թ.-ին: Դրանք նույն նպատակին ծառայում են առ այսօր: Մայր Աթոռը այն եզակի տարածքներից է, որտեղ իրար կից պահպանվում են տարբեր դարերի բազում շինություններ ու հիշատակներ: Հայ առաքելական եկեղեցու գահակալները իրար են փոխանցել նախորդի գործը շարունակելու պատգամը, անցյալի հիշատակների հանդեպ խնամքի ու հոգատարության հանձնառությունը:

Վատիկանում Գարեգին Բ հայրապետը հանդիպել է Ֆրանցիսկոս Պապի հետ


Հոկտեմբերի 24-ին Գարեգին Բ Ամենայն հայոց կաթողիկոսը Վատիկանում հանդիպելէ Հռոմի կաթոլիկ եկեղեցու սրբազան քահանայապետ Ֆրանցիսկոս Պապի հետ: Հայոց հայրապետը Իտալիա էր ժամանել՝ հանդիսապետելու Միլանի Ս. Քառասուն մանկանց հայկական եկեղեցու կառուցման վաթսունամյակի հանդիսությունները: