Գեղարվեստական տպագրությունն այսօր


2019թ. սեպտեմբերի 7-ին մեկնարկեց և մինչ դեկտեմբերի 15-ը Երևանում կշարունակվի Գեղարվեստական տպագրության Երկրորդ միջազգային բիենալեն: Բիենալեի ընթացքում կլինեն հայ և օտարազգի արվեստագետների ցուցահանդեսներ, վարպետության դասեր: Հայ արվեստասերը հնարավորություն ունի հետևելու արվեստի այս ինքնատիպ  ոլորտի շրջանակում ստեղծվող  լեհական, չինական, գերմանական, ֆրանսիական, էստոնական և հայկական աշխատանքների: Բիենալեի նպատակի, ձեռքբերումների, ինչպես նաև գեղարվեստական տպագրության զարգացման խնդիրների մասին Հայկ Համբարձումյանը զրուցել է  «Մշակութային երկխոսություն» կազմակերպության նախագահ Սոնա Հարությունյանի հետ:

Վեհարանի նոր համալիրի հանդիսավոր բացումը


Սեպտեմբերի 18-ին, հանդիսապետությամբ Գարեգին Երկրորդ Ամենայն հայոց կաթողիկոսի, Մայր Աթոռ Ս. Էջմիածնում տեղի ունեցավ հիմնանորոգված Վեհարանի, Ս. Հայրապետաց մատուռի և նորակառույց հանդիսությունների սրահի բացման հանդիսավոր արարողությունը: Վեհարանի համալիրի նորոգության ու կառուցապատման աշխատանքներն իրականացվել են ազգային բարերար Սամվել Կարապետյանի և Կարապետյան ընտանիքի նվիրատվությամբ: 
Արարողությանը ներկա էին ՀՀ նախագահ Արմեն Սարգսյանը, ՀՀ վարչապետ Նիկոլ Փաշինյանը, բարերար Սամվել Կարապետյանը, պետական այրեր, Հայ եկեղեցու թեմակալ առաջնորդներ, Մայր Աթոռի միաբաններ, Գերագույն հոգևոր խորհրդի անդամներ, ՀԲԸՄ նախագահ Պերճ Սեդրակյանը, տարբեր երկրներից Հայաստան ժամանած բարերար հայորդիներ, Գերմանիայի Դաշնային Հանրապետության վաստակյալ նախագահ Յոախիմ Գաուկը և այլ հրավիրյալներ: 
Հանդիսությունը սկսվեց նորակառույց Ս. Հայրապետաց մատուռի առջև: Ամենայն հայոց կաթողիկոսի հանդիսապետությամբ կատարվեց Վեհարանի ողջ համալիրի օրհնության կարգը: 
 

Րաֆֆի. հեքիաթասա՞ց, թե՞ մարգարե


Որքանո՞վ ենք ծանոթ հայ մեծ վիպասան Րաֆֆու ստեղծագործությանը, որքանո՞վ են նրա արծարծած գաղափարներն այսօր արդիական և ի՞նչ նոր բացահայտումներ կարող են լինել նրա գրական ժառանգության նորովի ընթերցման արդյունքում: Այս հարցերի մասին Հայկ Համբարձումյանը զրուցել է արձակագիր, հրապարակախոս Ալիս Հովհաննիսյանի հետ:

Պատկերի բանաստեղծությունը կամ բանաստեղծության պատկերը


Լույս է տեսել Սամվել Սևադայի «Կույսի համաստեղություն» բանաստեղծությունների ժողովածուն, որտեղ ընդգրկված են նաև նկարչի գեղանկարներն ու գծանկարները: Ինչպե՞ս է հարաբերվում պոեզիան գեղանկարչության հետ, ի՞նչն է ներշնչում արվեստագետին այսօր Հայաստանում: Այս հարցերի մասին Հայկ Համբարձումյանը զրուցել է գեղանկարիչ, լուսանկարիչ Սամվել Սևադայի հետ:

Հայ միջնադարյան գրականությունն ու աստվածաբանությունը


Հայ միջնադարյան գրական հարուստ ժառանգությունը շատ քիչ է ուսումնասիրվել լայն աստվածաբանական հայացքով: Ի՞նչ նոր բացահայտումներ կարող են լինել այդպիսի ուսումնասիրությունների արդյունքում: Ո՞ր ուղղությամբ են ընդհանրապես այսօր զարգանում միջնադարագիտությունն ու հայագիտությունը Հայաստանում և արտերկրում: Ինչպիսի՞ ուսումնասիրությունների կարիք կա: Այս հարցերի մասին Հայկ Համբարձումյանը զրուցել է հայագետ, աստվածաբան Աբրահամ Տերյանի հետ:

«Սասնա ծռերը»՝ պետականության մոդել


Ո՞րն է էպոսի գաղափարաբանությունը, որքանո՞վ են էպոսում իրացվող գաղափարները արդիական, պետականության ի՞նչ մոդել է ներկայացնում «Սասնա ծռերը» և ի՞նչ է ասում էպոսն այսօր մեզ ու աշխարհին: Այս հարցերի մասին Հայկ Համբարձումյանը զրուցել է բանագետ Արուսյակ Սահակյանի հետ:

«Սասնա ծռերը»՝ հավերժական գիտելիք և նախնիների սրբազան պատմություն


Որքանո՞վ է մեր ժողովուրդը ծանոթ էպոսին, ի՞նչ է տալիս հատկապես «Սասնա ծռեր» էպոսի բանավոր տարբերակների ընթերցումը, ինչպիսի՞ն է էպոսը կենդանի վիպասացման ընթացքի մեջ, ինչպե՞ս են վերաբերվում էպոսին վիպասացաները. որպես հին զրո՞ւյցի, որպես սրբազան պատմությա՞ն կամ հեքիաթի՞: Այս հարցերի մասին Հայկ Համբարձումյանը զրուցել է բանագետ Արուսյակ Սահակյանի հետ:

Տ. Մաշտոց քահանա Բաբայան


«Խոսեք Աստծու հետ և վստահ եղեք, որ նա միշտ ձեզ լսում է: Աղոթքը երջանկության միակ ճանապարհն է»: Մեր նկարահանող խումբը մեկնել է Աբովյան քաղաք, հյուրընկալվել Սուրբ Ստեփանոս եկեղեցու հոգևոր հովիվ Տ. Մաշտոց քահանա Բաբայանին:

Դեկորատիվ-կիրառական արվեստ. ներկայացում և հանրայնացում


Հայաստանի ազգային պատկերասրահում պատրաստվում է  «Գունային տեսիլքներ հին Հռոմից. խճանկարներ Կապիտոլյան թանգարանից» ցուցադրությունը, որտեղ կներկայացվեն հռոմեական շրջանի ուշագրավ խճանկարներ: Ինչպե՞ս հնարավոր դարձավ ցուցադրությունը, դեկորատիվ-կիրառական արվեստի ի՞նչ նմուշներ են պահվում և ցուցադրվում Ազգային պատկերասրահում, ինչպե՞ս է հնարավոր պատշաճ ներկայացնել դրանք ու հանրայնացնել: Այս հարցերի մասին Հայկ Համբարձումյանը զրուցել է արվեստաբան, պատկերասրահի դեկորատիվ-կիրառական արվեստի բաժնի վարիչ Սաթենիկ Չուգասզյանի հետ:

Մահացու երթևեկություն


Վերջին 17 տարում ՀՀ ճանապարհներին զոհվել է այնքան մարդ, որքան Մարալիկ քաղաքի բնակչությունն է: Պատկերավոր համեմատությամբ, ամեն տարի Հայաստանում մեկ մեծ ինքնաթիռ է կործանվում։ Հատկապես մեծ ու ողբերգական պատահարներից հետո ոմանք կոչ են անում խստացնել երթևեկության կանոնների խախտման համար պատիժը, մյուսները կարծում են, որ խնդիրն այդպիսով չի լուծվի։ Ինչպես ե՞ն հիմնավորվում այս տեսակետները տնտեսագետ, վիճակագիր Վահագն Քեշիշյանը և «Քաղաքացու որոշում» կուսակցության գործադիր մարմնի քարտուղար Սուրեն Սահակյանը:

Աքսորի գրականություն. անպտուղ տարածության ու ժամանակի վեպը


Լույս է տեսել Վաչե Սարգսյանի 1960-ական թվականներին գրված «Ակեղդամա» վեպը, որը հեղինակի աքսորական փորձառության գեղարվեստական պատկերն է: Ի՞նչ նպատակով էին գրվում սովետական գրականության այս գործերը, հոգեբանական ու գեղարվեստական ի՞նչ առանձնահատկություններ ունեն և որքանո՞վ են արդիական այսօր: Այս հարցերի մասին Հայկ Համբարձումյանը զրուցել է գրականագետ Սիրանուշ Դվոյանի հետ:

Մեր կինոն. թեմայի ընտրություն և իրացում


Ի՞նչն է խանգարում ժամանակակից հայ կինոարտադրության զարգացմանն ու միջազգային ճանաչմանը, որքանո՞վ են հայ կինոյի ավանդական թեմաներն ու դրանց իրացման գեղարվեստական ու տեխնիկական միջոցները արդիական այսօր, կա ժամանակակից կինո նկարելու մարդկային ու տեխնիկական ներուժ մեր երկրում:  Այս հարցերի մասին Հայկ Համբարձումյանը զրուցել է ռեժիսոր, սցենարիստ Արտակ Սևադայի հետ: