Մենք՝ թվանշային հասարակություն


21-րդ դարը համարվում է թվային քաղաքակրթության դարաշրջան։ Շատ սոցիոլոգներ պնդում են, որ այսպես կոչված թվանշային սերունդը այլ կերպ է զարգանում, ի տարբերություն ավագ սերնդի, որը դժվարությամբ է ենթարկվում թվանշային սոցիալիզացիայի: Ըստ հետազոտողների, թվանշային սերունդը ավելի հանդուրժող է, սոցիալական ցանցերը սովորեցնում են,  որ աշխարհը բազմազան է, սովորեցնում են արձագանքել և սպասել արձագանքների: Ինչպե՞ս են անալոգային հասարակությունները դառնում թվանշային: Զրուցում են մեդիափորձագետ Սամվել Մարտիրոսյանը և Մեդիա նախաձեռնությունների կենտրոնի media.am կայքի խմբագիր Գեղամ Վարդանյանը:

Ակսել Բակունց. գեղեցիկ բառի խարդավանքից՝ ճշգրիտ բառի գեղեցկությանը


Լրացավ Ակսել Բակունցի ծննդյան 120-ամյակը: Ի՞նչ առանձնահատկություն ունի Բակունցի արձակը, ինչպե՞ս և ինչո՞ւ էր գնահատվում իր ժամանակի մեջ և այսօր, որտեղի՞ց է գալիս Բակունց արձակագիրը և ինչպե՞ս են նրա գործերում համատեղվում ինտերնացիոնալիզմն ու ազգային ոգին: Այս հարցերի մասին Հայկ Համբարձումյանը զրուցել է գրականագետ Սևակ Ղազարյանի հետ:

Օրենք՝ կինոարվեստի, թե՞ կինոարտադրության համար


ԱԺ-ում «Կինոարդյունաբերության ոլորտում առկա հիմնախնդիրները և անհրաժեշտ օրենսդրական նախաձեռնություններ» թեմայով լսումներ էին: Պատրաստվում է կինոյի մասին օրենքի նախագիծ և կինոգործիչները որոշակիորեն ներգրավված են այդ գործընթացում: Ինչու՞ է կինոարտադրության զարգացման համար անհրաժեշտ օրենսդրական կարգավորումը: Ի՞նչ տեսանկյունից է օրենքը կարգավորելու հարաբերությունները պետության և կինոարտադրողների միջև: Թեման քննարկում են կինոպրոդյուսեր Մելիք Կարապետյանը և իրավաբան Նարեկ Վան Աշուղաթոյանը: Զրույցը վարում է Աննա Սարգսյանը: 

Ինչպիսի՞ն կարող են լինել թանգարանները


Ի՞նչ կարող է սովորել մարդը հայաստանյան թանգարաններում, որքանո՞վ են կրթական ծրագրերը գրավիչ և հասանելի, որքա՞ն հաճախ են թարմացվում ցուցադրությունները և ինչու՞ պետք է այցելուն երկրորդ անգամ մտնի նույն թանգարան:

Արևմտյան Հայաստանի ազգագրության պետերբուրգյան նյութերը Երևանում


Երևանում կայացավ «Նյութեր Արևմտյան Հայաստանի ազգագրության՝ Սանկտ-Պետերբուրգից» ցուցադրությունը, որտեղ ներկայացվեցին 20-րդ դարասկզբում հայաբնակ տարբեր շրջաններում հավաքված իրեր, լուսանկարներ: Ինչո՞ւ էին կայսրական ազգագրագետները հետաքրքրված հայկական ավանդական մշակույթով, դա քաղաքակա՞ն, թե՞ մշակութային խնդիր էր, ինչպե՞ս են ցուցադրվում և ուսումնասիրվում այդ նյութերը: Այս հարցերի մասին Հայկ Համբարձումյանը զրուցել է ազգագրագետ Լուսինե Ղուշչյանի հետ:

Բռնադատվածի հիշատակի օր՝ օրացույց առանց քաղաքականության


Հունիսի 14-ին լրանում է 1949 թվականի հայերի բռնաքսորի 70-րդ տարելիցը: Հունիսի 13-ի լույս 14-ի գիշերը ԽՍՀՄ-ում ապրող տասնյակ հազարավոր հայեր աքսորվեցին Ալթայի և Կրասնոյարսկի երկրամասեր: 2006 թվականից հունիսի 14-ը Հայաստանում պաշտոնապես համարվում է «Բռնադատվածի հիշատակի օր»: Արդյո՞ք այս տարիները օգտագործվեցին անցյալին համակողմանի գնահատական տալու համար: Օրացույցի սև շրջանակից բացի ի՞նչ է տեսնում հայ հանրությունը խորհրդային կամ, ընդհանրապես, պետական ռեպրեսիա և զոհ հասկացությունների տակ: Թեման քննարկում են իրավապաշտպան Վարդան Հարությունյանը և ԳԱԱ հնագիտության և ազգագրության ինստիտուտի գիտաշխատող Լուսինե Խառատյանը: Զրույցը վարում է Աննա Սարգսյանը: 

Մեծահասակների կրթությունը Հայաստանում


Անընդհատ սովորող մարդը չի կարող աշխատանք չունենալ։ Եվրոպական
կրթական համակարգում վերջին երեք տասնամյակում ներդրվել է
շարունակական կամ ցկյանս ուսումնառության հասկացությունը։ Վերջին մի
քանի տարիներին շարունակական կամ հարատև կրթության ծրագրեր
իրականացվում են նաև Հայաստանում։ Որքա՞ն մեծ է
մեծահասակների հետաքրքրությունը կրթության նկատմամբ, ի՞նչ է փոխվում
մարդու և պետության կյանքում շարունակական կրթության շնորհիվ։ 
 

Տ. Մարկոս քահանա Մանգասարյան


«Ինձ համար, որպես քահանայի շատ կարևոր է առողջ ընտանիքներով հասարակություն ունենալը: Օգնել ընտանիքներին՝ դառնալու համայնքի լիիրավ և ապահովված անդամներ: Այս սկզբունքով ենք շարժվում Ընտանիքների աջակցության կենտրոնում»: Մեր հաղորդաշարը հյուրընկալվել է Մարկոս քահանա Մանգասարյանին: 

Լևոն Շանթ գրողն ու քաղաքական գործիչը


Այս տարի լրանում է հայ գրող, հասարակական ու քաղաքական գործիչ Լևոն Շանթի ծննդյան 150-ամյակը: Ի՞նչ առանձնահատկություններով է բնութագրվում Լևոն Շանթի ստեղծագործությունը: Ինչպե՞ս և ինչո՞ւ գրողը դարձավ քաղաքական գործիչ, որքանո՞վ են այսօր արդիական Լևոն Շանթի դրամաները: Այս հարցերի մասին Հայկ Համբարձումյանը զրուցել է գրականագետ Արքմենիկ Նիկողոսյանի հետ:

Հայկական ցանցի տատանումները


Թավշյա հեղափոխության ընթացքում և դրանից հետո հանրային և քաղաքական խոսույթում ակտիվացել է Հայաստան-սփյուռք թեման: Հայկական ցանցում նկատվում է «ՀՀ», «հայ», «հայկական համայնք» բառերի ակտիվացում: Ի՞նչ է ընած այս բառերի հետևում, ինչպե՞ս ինքնության խոսույթը դարձնել գործնական քաղաքականության հենք: Թեման քննարկում են ԵՊՀ քաղաքակրթական և մշակութային հետազոտությունների կենտրոնի մասնագետներ, իրանագետ Աննա Դավթյան-Գևորգյանը և արաբագետ Տաթևիկ Մկրտչյանը: Զրույցը վարում է Աննա Սարգսյանը: 

Նաիրի Զատիկյան


Նաիրին ծնվել է Բրազիլիայում, 1 տարի է՝ արդեն Հայաստանում է, վերջերս քույրն է վերադարձել, սպասում են նաև մյուս քրոջ վերադարձին: Համոզված են, որ Հայաստանում ավելի շատ գործ ունեն անելու, քան Բրազիլիայում էին անում: 

Հայ ժամանակակից կոմպոզիտորական արվեստ. խնդիրներ ու լուծումներ


Ինչպե՞ս է հնարավոր հանրայնացնել հայ ժամանակակից երիտասարդ կոմպոզիտորների ստեղծագործությունները, ո՞վ պետք է զբաղվի այդ գործով՝ ստեղծագործո՞ղը, Միությո՞ւնը, Մշակույթի նախարարությո՞ւնը: Ի՞նչը կարելի է համարել ժամանակակից կամ արդիական երաժշտություն և ի՞նչ վերաբերմունք ունեն նվագախմբերը այդ երաժշտության նկատմամբ: Այս հարցերի մասին Հայկ Համբարձումյանը զրուցել է կոմպոզիտոր, դաշնակահար Դավիթ Բալասանյանի հետ: