Ինչը փոխեց իմ կյանքը


Արմինեն ծնվում է տեսղության խնդիրներով: Հետագայում լիովին կորցնում է տեսողությունը: Չնայած դրան, նա իրականացնում է իր մեծագույն երազանքը՝ կրթություն է ստանում: Դա փոխում է Արմինեի ողջ կյանքը... 

Alt

Յուսուֆ Քարշ


20-րդ դարի հայազգի աշխարհահռչակ դիմանկարիչ Յուսուֆ Քարշին անվանում են բոլոր ժամանակների ու ժողովուրդների լավագույն ֆոտոդիմանկարիչ: Նրա ֆոտոխցիկի առաջ նստել են 20-րդ դարի հզորագույն մարդիկ: ԱՄՆ 12 նախագահ` Հերբերտ Հուվերից մինչև Բիլ Քլինթոն, 4 Հռոմի պապ` Պիոս 12-րդից մինչև Հովհաննես Պողոս Երկրորդ, Բրիտանիայի բոլոր վարչապետերը, ԽՍՀՄ լիդերներ Խրուշչովը, Բրեժնևը, Գորբաչովը:  Նա ստեղծել է  Անգլիայի Ելիզավետա 2-րդ թագուհու, Մայր Թերեզայի, Ալբերտ Էյնշտեյնի, Էռնեստ Հեմինգուեյի, Էլեոնորա Ռուզվելտի, Բերնարդ Շուոի, Պաբլո Պիկասոյի, Ֆիդել Կաստրոյի, Օդրի Հեփբըրնի, Շառլ դը Գոլի, Ալբեր Քամյուի, Մարտին Լյութեր Քինգի,  Յուրի Գագարինի հայտնի դիմանկարները: Շատ երիտասարդներ  լուսանկարչական արվեստն այսօր ուսումնասիրում ու ճանաչում են Յուսուֆ Քարշի գործերով:

Նարե Հայկազյան


Ես միշտ փնտրտուքի մեջ եմ եղել, միգուցե ինքս ինձ եմ փնտրել...»: Դերասանուհի Նարե Հայկազյանը կրկին Հայաստանում է: 

Alt

Հայոց ցեղասպանության 100-ամյակի իրադարձությունները Թուրքիայում


Հայոց ցեղասպանության զոհերի հիշատակին նվիրված միջոցառումներ Թուրքիայում, մասնավորապես, Ստամբուլում սկսել են անցկացվել 2010 թվականից:
Չնայած բազում դժվարություններին,  դիվանագիտական բարդ իրավիճակին, այս տարի Թուրքիայում տեղի ունեցան Հայոց ցեղասպանության 100-ամյա տարելիցին նվիրված ամենամասշտաբային միջոցառումները: Հայաստանից ժամանած լրագրողները  դրանց մասնակցելու և լուսաբանելու հնարավորություն ունեցան:

 

Հայաստան և հարևաններ. խաղաղության փնտրտուք. մաս 1-ին


Հեռուստաշարի առաջին մասը քննարկում է Հայաստան-Վրաստան հարաբերությունները: Կա՞ արդյոք հայ-վրացական հարաբերություններում հետևողական զարգացման հեռանկար, թե՞ երկու երկրները  բավարարվում են միայն մերթընդմերթ ծագող խնդիրները հարթելով: Ի՞նչ վերաբերմունք ունեն երկու հասարակությունները միմյանց հանդեպ և ի՞նչ ծրագրեր են իրականացվում փոխըմբռնման և փոխճանաչողության ուղղությամբ: Քննարկմանը մասնակցում են հայ և վրացի մասնագետներ, վիրահայոց թեմի առաջնորդ Վազգեն եպիսկոպոս Միրզախանյանը:

Alt

Իրեր թափոններից


Մի քանի պոլիէթիլենային տոպրակ, վարժ մատներ և լավ երևակայություն՝ և դուք կնպաստեք բնության պահպանմանը: Պոլիէթիլենային թափոններից կենցաղային օգտակար իրեր պատրաստելը միջավայրի աղտոտվածության խնդիրը լուծելու հնարավոր և հետաքրքիր տարբերակներից է:
Հաղորդումը ներկայացնում է թափոններից օգտակար կենցաղային իրեր պատրաստելու ԵՀԽ Հայաստանյան միջեկեղեցական բարեգործական Կլոր սեղան հիմնադրամի ծրագրերից մեկը: Դիտեք և կսովորեք նաև պատրաստել ինքներդ:

Alt

Էմման ու Սամվելը


Սամվելը բանակային ծառայության ընթացքում ստացած հրազենային վնասվածքի հետևանքով կորցրել է քայլելու ունակությունը: Բուժման ընթացքում ծանոթացել է Էմմայի հետ… Նորապսակներն այս տարի առաջին անգամ միասին նշում են Սուրբ Սարգսի տոնը:

Alt

Մայր Աթոռ Սուրբ Էջմիածնի սոցիալական ծառայություն


2014 թվականի սկզբին ստեղծվել է Մայր Աթոռի սոցիալական ծառայության բաժինը: Հայ եկեղեցու սոցիալական ուղղվածության ծրագրերը համակարգող այս հաստատությունը օժանդակում է սոցիալապես անապահով ընտանիքներին, տեղահանված մեր հայրենակիցներին՝ սիրիահայերին, քեսաբահայերին, իրաքահայերին, ինչպես նաև ազատամարտիկներին ու հաշմանդամներին, ուսանողներին, ծնողազուրկներին ու զինծառայողներին: Ծառայության գործունեությունն ուղղված է նաև սոցիալապես խոցելի վիճակում հայտնված ընտանիքների բացահայտմանը:

Alt

Օղի թորելու գաղտնիքը


Տնական օղու համի ու առողջարար հատկության գաղտնիքը թորման մեջ է: Օղի թորելու գաղտնիքը» հեռուստաֆիլմը ներկայացնում է մեր մշակութային ժառանգության այս մասնիկը: Հայաստանի անտառաշատ բնակավայրերից մեկի՝ Ծաղկաձորի բնակիչը ներկայացնում է, թե ինչպես է օղի թորում վայրի տանձից:       

Alt

Թղթապանակ (հայ-ադրբեջանական հանրային դիվանագիտություն)


1994թ. մայիսին Լեռնային Ղարաբաղի անկախության համար հայ և ադրբեջանական բանակների միջև ծավալված պատերազմում հաստատվում է հրադադար: 
Փակ սահմանների երկու կողմերում մնացած ժողովուրդների հարաբերություններն ինքնաբուխ էին, օրվա պահանջի հրամայականով: Աստիճանաբար, երկու հասարակություններում սկսում են ակտիվանալ մասնագիտական խմբեր ու կազմակերպություններ՝ փորձագիտական, իրավարար, լրագրողական: Թղթապանակ» հեռուստաֆիլմը ներկայացնում է հայաստանյան հասարակական կազմակերպությունների 20-ամյա գործունեությունն ու ծրագրերը՝ ուղղված Ղարաբաղյան հակամարտության խաղաղ կարգավորման և երկու ժողովուրդների հաշտեցման գործընթացին: 

 

Alt

Երկու սերունդ. փորձագետները և ուսանողները խաղաղության մասին


Փորձագետներ Ալեքսան Արզումանյանի, Մանվել Սարգսյանի, ԵՊՀ ուսանողների, Հայ եկեղեցու Արմավիրի թեմի երիտասարդաց միության անդամների կարծիքը հայ-ադրբեջանական հակամարտության և տարածաշրջանային խաղաղության մասին:
  

 

Alt

Տեղեկատվական պատերազմ


Հաղորդումը պատմում է Ղարաբաղյան հակամարտության 20 տարիների ընթացքում հայաստանյան և ադրբեջանական  լրատվամիջոցների խաղացած դերի մասին:  Փորձագետներն անդրադառնում են տեղեկատվության և քարոզչության տարբերություններին, գնահատում լրատվամիջոցների գործելաոճը: Նշում են, որ 1994թ.-ի հրադադարից հետո կողմերը փամփուշտի փոխարեն օգտագործում են լրագրողներին ու լրատվամիջոցներին և մատնանշում պրոֆեսիոնալ լրագրության անկատարության պատճառները երկու երկրներում: