Հեղինակ և վարող՝ Հայկ Համբարձումյան 
ԹԵՄԱՅԻ հյուրերն են մշակույթի գործիչներ, հոգևորականներ, ճանաչված ռեժիսորներ ու դերասաններ, Հայաստանում և արտերկրում ապրող և աշխատող հայ և օտարազգի գիտնականներ, հայագետներ, երիտասարդ մասնագետներ, գրողներ, լրագրողներ:
Որքանո՞վ են ժամանակակից հայ արվեստն ու գրականությունը հարաբերվում համաշխարհային արվեստի զարգացման միտումներին: Հայագիտական ի՞նչ նոր ուսումնասիրություններ են կատարվում Հայաստանում ու Սփյուռքում: Մեր օրերի արվեստը կրթում է, թե՞ զբաղեցնում:  Այս և այլ հարցադրումները հնչում ու պատասխաններ են ստանում ԹԵՄԱՅԻ  տաղավարում:
Պարբերականությունը՝ ամեն ուրբաթ, ժամը 21:50-ին
Կրկնությունը՝ շաբաթ օրը, ժամը  13:30-ին

Հայերի փրկության գործը Մերձավոր Արևելքում


«Հայոց ցեղասպանության թանգարան-ինստիտուտում» կայացավ «Հայերի փրկության գործը Մերձավոր Արևելքում 1915-1923թթ.» խորագրով միջազգային գիտաժողով և ցուցադրություն: Ինչպե՞ս դժվարին ժամանակներում կազմակերպվեց հայ որբերի փրկության գործը, ի՞նչ դեր ունեին առանձին անհատները և կազմակերպությունները, ի՞նչ ճակատագիր ունեցան փրկված երեխաներն ու կանայք: Հայկ Համբարձումյանը զրուցել է ՀՑԹԻ գիտքարտուղար Նարինե Մարգարյանի հետ:

Կոմիտասի կյանքի ու ստեղծագործության անհայտ էջերի շուրջ


Ինչպիսի՞ն էր Կոմիտասը Էջմիածնում, Բեռլինում ու Կ. Պոլսում, երաժշտական ի՞նչ բարենորոգումներ էր կատարում և ինչո՞ւ: Կոմիտասագիտական ուսումնասիրություններն ի՞նչ նոր բացահայտումների հնարավորություն են տալիս այսօր: Հայկ Համբարձումյանը զրուցել է երաժշտագետ Լուսինե Սահակյանի հետ:

Նարեկացու նոր ընթերցումները


Մաշտոցի անվան Մատենադարանում արդեն 5-րդ անգամ անցկացվեց «Նարեկացիական ընթերցումներ» միջազգային գիտաժողովը: Ինչպե՞ս է գիտաժողողվը նպաստում նարեկացիագիտության զարգացմանը, հայ և օտարազգի ուսումնասիրողները ի՞նչ սկզբունքներով են մոտենում Գրիգոր Նարեկացու ստեղծագործությանը, ինչպե՞ս է ընդհանրապես հնարավոր գիտականորեն ուսումնասիրել ու արժևորել հայ միջանադարյան հանճարի ստեղծագործությունը: Այս հարցերի մասին Հայկ Համբարձումյանը զրուցել է  արվեստաբան Արուսյակ Թամրազյանի հետ:

Հովհաննես Թումանյանն ու հեքիաթի թարգմանության արվեստը


Երևանում անցկացվեց հեքիաթագիտական 10-րդ միջազգային գիտաժողովը, որն այս տարի նվիրված էր Հովհ. Թումանյանի 150-ամյակին: «Արևելք-արևմուտք. Հովհ Թումանյանը և հեքիաթի թարգմանության արվեստը» խորագիր կրող գիտաժողովի նպատակն էր Հովհ. Թումանյանի, ընդհանրապես թարգմանական հեքաթի առանձնահատկությունների ուսումնասիրությունը: Արդի հեքիաթագիտության, հայ ժողովորդական հեքիաթների, ինչպես նաև գրական մշակումների հմայքի ու արժեքի մասին Հայկ Համբարձումյանը զրուցել է հեքիաթագետ, թարգմանիչ Ալվարդ Ջիվանյանի հետ:

Կոմիտասը և 20-րդ դարի երաժշտությունը


Ի՞նչ ազդեցություն է ունեցել Կոմիտասի ստեղծագործությունը 20-րդ դարի հայ երաժշտության զարգացման վրա, ի՞նչ դրսևորումներ է ունեցել խորհրդային, ապա նաև անկախության շրջաններում: Որքանո՞վ է Կոմիտասի ստեղծագործությունը ճանաչելի աշխարհում: Այս հարցերի մասին Հայկ Համբարձումյանը զրուցել է կոմպոզիտոր, դաշնակահար Արթուր Ավանեսովի հետ:

Կոմիտասը նամակներում


Կոմիտասի կերպարի և ստեղծագործության ուսումնասիրության հավաստի աղբյուրներ են նրա նամակները: Դրանք բացահայտում են Կոմիտասի բնավորությունը, աշխարհայացքը, երաժշտական նախասիրությունները: Զարգացման ի՞նչ շրջաններ է անցել նա որպես կոմպոզիտոր, ի՞նչ ազդեցություն է ունեցել եվրոպական դասական երաժշտությունը նրա ստեղծագործության վրա, ի՞նչ խնդիրների էր բախվել Կոմիտասը: Այս հարցերի մասին Հայկ Համբարձումյանը զրուցել է կոմպոզիտոր, դաշնակահար Արթուր Ավանեսովի հետ:

Զրույց Կոմիտասի հետ՝ գույների ու ձևերի լեզվով


Երևանում բացվեց երաժիշտ, նկարիչ Անի Հովակի «Կոմիտաս» խորագրով անհատական ցուցահանդեսը՝ նվիրված Կոմիտասի 150-ամյակին: Երիտասարդ արվեստագետը իր Կոմիտասին փնտրում և գտնում է երաժշտության, գեղանկարչության ու քանդակի միջոցների համադրությամբ, գույների ու ձևերի բազմազան ընկալումներով:  Կոմիտասի կերպարի ու ստեղծագործության ընկալումների, նրա գործի նշանակության ու ազդեցության մասին Հայկ Համբարձումյանը զրուցել է երաժիշտ, նկարիչ Անի Հովակի հետ:

Գեղարվեստական տպագրությունն այսօր


2019թ. սեպտեմբերի 7-ին մեկնարկեց և մինչ դեկտեմբերի 15-ը Երևանում կշարունակվի Գեղարվեստական տպագրության Երկրորդ միջազգային բիենալեն: Բիենալեի ընթացքում կլինեն հայ և օտարազգի արվեստագետների ցուցահանդեսներ, վարպետության դասեր: Հայ արվեստասերը հնարավորություն ունի հետևելու արվեստի այս ինքնատիպ  ոլորտի շրջանակում ստեղծվող  լեհական, չինական, գերմանական, ֆրանսիական, էստոնական և հայկական աշխատանքների: Բիենալեի նպատակի, ձեռքբերումների, ինչպես նաև գեղարվեստական տպագրության զարգացման խնդիրների մասին Հայկ Համբարձումյանը զրուցել է  «Մշակութային երկխոսություն» կազմակերպության նախագահ Սոնա Հարությունյանի հետ:

Րաֆֆի. հեքիաթասա՞ց, թե՞ մարգարե


Որքանո՞վ ենք ծանոթ հայ մեծ վիպասան Րաֆֆու ստեղծագործությանը, որքանո՞վ են նրա արծարծած գաղափարներն այսօր արդիական և ի՞նչ նոր բացահայտումներ կարող են լինել նրա գրական ժառանգության նորովի ընթերցման արդյունքում: Այս հարցերի մասին Հայկ Համբարձումյանը զրուցել է արձակագիր, հրապարակախոս Ալիս Հովհաննիսյանի հետ:

Պատկերի բանաստեղծությունը կամ բանաստեղծության պատկերը


Լույս է տեսել Սամվել Սևադայի «Կույսի համաստեղություն» բանաստեղծությունների ժողովածուն, որտեղ ընդգրկված են նաև նկարչի գեղանկարներն ու գծանկարները: Ինչպե՞ս է հարաբերվում պոեզիան գեղանկարչության հետ, ի՞նչն է ներշնչում արվեստագետին այսօր Հայաստանում: Այս հարցերի մասին Հայկ Համբարձումյանը զրուցել է գեղանկարիչ, լուսանկարիչ Սամվել Սևադայի հետ:

Հայ միջնադարյան գրականությունն ու աստվածաբանությունը


Հայ միջնադարյան գրական հարուստ ժառանգությունը շատ քիչ է ուսումնասիրվել լայն աստվածաբանական հայացքով: Ի՞նչ նոր բացահայտումներ կարող են լինել այդպիսի ուսումնասիրությունների արդյունքում: Ո՞ր ուղղությամբ են ընդհանրապես այսօր զարգանում միջնադարագիտությունն ու հայագիտությունը Հայաստանում և արտերկրում: Ինչպիսի՞ ուսումնասիրությունների կարիք կա: Այս հարցերի մասին Հայկ Համբարձումյանը զրուցել է հայագետ, աստվածաբան Աբրահամ Տերյանի հետ:

«Սասնա ծռերը»՝ պետականության մոդել


Ո՞րն է էպոսի գաղափարաբանությունը, որքանո՞վ են էպոսում իրացվող գաղափարները արդիական, պետականության ի՞նչ մոդել է ներկայացնում «Սասնա ծռերը» և ի՞նչ է ասում էպոսն այսօր մեզ ու աշխարհին: Այս հարցերի մասին Հայկ Համբարձումյանը զրուցել է բանագետ Արուսյակ Սահակյանի հետ: