Նրանք մեզ հետ են, մեր կողքին: Նկարիչ են, երաժիշտ, գրող, հոգևորական, գիտնական, բժիշկ, ովքեր ամբողջ կյանքում արժեք են ստեղծում բոլորի համար, մարդիկ, ում գործը չի պարագծվում ներկա ժամանակով:
Նրանց պետք է ճանաչել, նրանց պետք է տեսնել իրենց ստեղծագործության ակունքում, պետք է իմանալ՝ ինչ են մտածում երեկվա, այսօրվա ու վաղվա մասին, մարդու, բնության և Աստծո մասին:

Սվետլանա Գրիգորյան


Մենք միշտ ուզում ենք ձեզ վրա տպավորություն թողնել մեր լավ խաղով, մանավանդ, եթե դերը լավ է ստացվում: Այդ մոգական ուժն է, որ ձեզ պահում է մեզ հետ, թե չէ դուք ի~նչ եք կորցրել մեզ նայելով...»:
Նվիրյալ անձեր» հաղորդաշարի հերոսուհին ՀՀ ժողովրդական արտիստուհի Սվետլանա Գրիգորյանն է:

 

Հենրիկ Մամյան


Նրա պատկերներով ենք մենք տեսել Լևոն Շանթի Հին Աստվածները», Դանիել Վարուժանի Հարճը», Լերմոնտովի Մծիրին», Թումանյանի Անուշը», Իսահակյանի և Չարենցի հերոսներին: Նկարչի աշխատանքները զարդարում են նաև Արցախի, Օշականի, Տաշիրի, Սիսիանի եկեղեցիները: Զինվոր, մշակ» Հենրիկ Մամյանի հեռուստադիմանկարը օգնում են ներկայացնել նկարչի ընկերները, գործընկերները, դուստրը:

Բորիս Պեպանյան


Այս տղան ծնվել է մեր ժանրի համար»,- տեսնելով Բորիս Պեպանյանին` ասել է ՀՀ ժող. արտիստ, հայ բեմի մեծ կատակերգակ Կարպ Խաչվանքյանը: Թատերական ինստիտուտն ավարտելուց հետո Բորիս Պեպանյանն արդեն շուրջ 40 տարի Հ. Պարոնյանի անվան երաժշտական կոմեդիայի թատրոնում է: Իր խաղացած մեծ ու փոքր դերերի, երիտասարդ տարիների, ներկա աշխատանքի ու ապագայի սպասելիքների մասին է վաստակավոր դերասանին նվիրված այս հաղորդումը:

Արամ Ղարաբեկյան


1996 թ. թողնելով Բոստոնի սիմֆոնիկ նվագախմբի գլխավոր դիրիժորի պաշտոնը՝ Արամ Ղարաբեկյանը վերադառնում է Հայաստան: Հայրենիքում նրան վստահվում է Երևանի պետական կամերային և Հայաստանի պետական կամերային նվագախմբերը միավորելու և մեկ նվագախումբ ստեղծելու պատասխանատվությունը: Կարճ ժամանակ անց նվագախումբը գործուն դերակատարություն է ձեռք բերում երկրի երաժշտական կյանքում: Հայ ունկնդրի հիշողության մեջ վառ են Արամ Ղարաբեկյանի կազմակերպած համերգները: 2014 թ. հուվարի 11-ին երաժշտական աշխարհը ծանր կորուստ ունեցավ. Միացյալ նահանգներում անվանի դիրիժորը հանկարծամահ եղավ:

Alt

Հարություն Չալիկյան


Հումորը կյանքի աղն է». համոզված է ծաղրանկարիչ Հարություն Չալիկյանը: Նրա ծաղրանկարներում մարդիկ երևում են իրենց բնավորության ամենացայտուն և ամենագաղտնի կողմերով: Նրա հայացքից չեն վրիպում քաղաքական և հասարակական գործիչներ, արվեստագետներ և մշակույթի գործիչներ:

Անդրանիկ Քոչար


Ռոլեյֆլեքսի 3-րդ սերնդի լուսանկարչական ապարատը միշտ նրա հետ էր, նկարում էր աննկատ, չէր սիրում ուշադրություն գրավել: Մինչ իր փնտրած ակնթարթը գտնելը, երկար էր մտմտում:
Հաղորդումը Անդրանիկ Քոչարի մասին է, ում նկարներով հայ արվեստի, գիտության, մշակույթի երևելիները բացահայտված են նոր կողմերով: Նրա բնանկարներն ու կոմպոզիցիոն աշխատանքները հայ լուսանկարչության մեջ նոր ուղիներ են բացել:

Մարտին Ահարոնյան


Մարտին Ահարոնյանը կարծում է, որ իր բոլոր երգերն ունեն ինքնուրույն ճակատագիր: Պրոֆեսիոնալ նկարչին այսօր ճանաչում են հեղինակած երգերով ու երաժշտությամբ: Մարտին Ահարոնյանը երաժշտությունն արվեստներից ամենահոգևորն է համարում:

Սոս Սարգսյան


ՀՀ ժող. արտիստ Սոս Սարգսյանի մտորումներն ու խոհերը անցած ուղու, մտահոգությունները մերօրյա արվեստի, թատրոնի ու կյանքի մասին:
Սոս Սարգսյանի մասին պատմում են նաև Համազգային թատրոնի՝ նրա գործընկերները:

 

Արմեն Բլբուլյան


Արմեն Բլբուլյանն այնքան վաղուց է երաժշտական գործիքներ պատրաստում, որ իրեն առանց կիթառի չի հիշում: Նրա՝ 100-ից ավելի գործիքներով աշխարհում հայտնի շատ երաժիշտներ են նվագում: Վարպետի բոլոր գործերը բացառապես ձեռքի աշխատանք են: Արմեն Բլբուլյանը միակ հայ կիթառագործն է, ով տարիներ շարունակ մասնակցում է ԱՄՆ-ում անցկացվող NAMM» երաժշտական գործիքների միջազգային ցուցահանդեսին: Արմեն Բլբուլյանը կիթառի երկու մոդելի հեղինակային իրավուք ունի. առաջինը` առանց լադի չորս օկտավայով գործիքներն են, իսկ երկրորդը`ութ լարանի բաս կիթառն է:

Ալբերտ Ազարյան


Սպորտում նրա արձանագրած հաջողությունները քչերին է հասանելի: Անվանի մարմնամարզիկ, Օլիմպիական կրկնակի չեմպիոն, աշխարհի, Ասիական խաղերի, Եվրոպայի չեմպիոն, ԽՍՀՄ մարզիչ Ալբերտ Ազարյանը հետաքրքիր դրվագներ է պատմում իր կյանքի և հաղթանակների մասին:

Հարություն Քեհեյան


Լեգենդար Արարատ 73-ի» մարզիչ, ֆուտբոլի երախտավոր Հարություն Քեհեյանը բազում սպորտային պատնեշներ է հաղթահարել»: Նա ԽՍՀՄ սպորտի վաստակավոր գործիչ է, 1975 թվականից մինչ այսօր՝ Հրազդան» մարզադաշտի տնօրենը:

Ռուբեն Ալթունյան


ՀՀ ժողովրդական արտիստ, անվանի կոմպոզիտոր Ռուբեն Ալթունյանը պատմում է իր ստեղծագործությունների, կատարած մշակումների, ղեկավարած նվագախմբերի մասին: Հաղորդման ընթացքում հնչում են կոմպոզիտորի հին ու նոր գործերը: Ռուբեն Ալթունյանը խոստովանում է, որ կարողացել է շատ բան հասցնել օրվա խիստ ռեժիմի շնորհիվ. առավոտյան՝ դասեր Կոնսերվատորիայում, կեսօրին՝ անսամբլի հետ փորձեր, իսկ երեկոյից մինչև ուշ գիշեր ստեղծագործելու ժամեր են... Մասնակցում են՝ Ռուբեն Ալթունյան ՀՀ ժողովրդական արտիստ, կոմպոզիտոր