Հաղորդաշարը պատմում է հատուկ կրթական այն հաստատությունների մասին, որտեղ հավաքված է մեր ազգի ներուժը: Հայ եկեղեցու Հայորդյաց տներ, գեղարվեստի ու երաժշտության դպրոցներ, արվեստի ու գիտության թեքումով կրթօջախներ, ամառային ճամբարներ ու հատուկ ծրագրեր, որոնք նպատակ ունեն բացահայտել մանուկների և պատանիների շնորհները: 

Էջմիածնի հայորդյաց տան ձյուդոյի դասարան


Մեր նկարահանող խումբն այցելել է Էջմիածնի հայորդյաց տան ձյուդոյի դասարանի սաներին։

Էջմիածնի հայորդյաց տան ժողովրդական պարերի դասարան


Ոմանք բեմում հուզվում են, ոմանք հաղթահարել են այդ հուզմունքը։ Ոմանք չեն սիրում կլասիկայի դասերը, ոմանք՝ հակառակը։ Բոլոր դեպքերում, ժողպարերի դասարանի սաների մեծ մասի ցանկությունը պրոֆեսիոնալ պարող դառնալն է։ 

Էջմիածնի հայորդյաց տան նկարչության դասարան


Ով ինչ է սիրում նկարել, ով ինչպես է սիրում նկարել, ով ինչպես է սովորել նկարել։ Մենք այցելել ենք Էջմիածնի հայորդյաց տան նկարչության դասարան։ 

Էջմիածնի հայորդյաց տան ըմբշամարտի դասարան


Էջմիածնի հայորդյաց տան պատանի ըմբշամարտիկները պատմում են, թե ինչպես է սպորտը փոխել իրենց բնավորության գծերն ու ֆիզիկական տվյալները։ 

Էջմիածնի հայորդյաց տան դհոլի և շեփորի դասարան


Ինչու՞ նվագել դհոլ ու շեփոր. պատմում են Էջմիածնի հայորդյաց տան սաները: 

Էջմիածնի հայորդյաց տան անգլերենի դասարան 2019


Մեր նկարահանող խումբն այցելել է Էջմիածնի հայորդյաց տան անգլերենի դասարանի սաներին: 

Էջմիածնի հայորդյաց տան գոբելենի դասարան


Ի՞նչն է ոգևորում երեխաների գոբելեն գործել, ինչպե՞ս են սովորում գոբելենի՝ ինտերիերում գործածության նրբությունները: Մեր նկարահանող խումբն այցելել է Էջմիածնի հայորդյաց տան գոբելենի դասարան: 
 

Գյումրու հայորդյաց տան խեցու և նկարչության դասարան


Վարդան Վարդանյանը հաճախում է Գյումրու հայորդյաց տան խեցու և նկարչության դասարան: Պատմում է խեցու և Գյումրու նկատմամբ իր սիրո մասին, չի թաքցնում՝ ինչ կուզենար փոխել Գյումրիում:

Էջմիածնի հայորդյաց տան խեցեգործության դասարան


Ի՞նչ զգացողություն է փոխանցում կավը, ինչու՞ են երեխաները սիրում կավով աշխատել: 

Գյումրու հայորդյաց տան ձյուդոյի դասարանը


Ի՞նչ հաջողություններ ու հաղթանակներ ունեն Գյումրու հայորդյաց տան ձյուդոյի դասարանի սաները, ինչու՞ են սիրում այս մարզաձևը: 
 

Աշտարակի հայորդյաց տան նկարչության դասարան


Ով՝ ի՞նչ նպատակով է գալիս նկարել սովորելու, ինչո՞ւ նրանք դրա համար ընտրեցին հենց հայորդյաց տունը: Պատմում են Աշտարակի հայորդյաց տան նկարչության դասարանի սաները: 

Էջմիածնի հայորդյաց տան ջութակի դասարան


Էջմիածնի հայորդյաց տան ջութակի դասարանի սաները դասերից հետո հաճախ գնում են նվագելու Մայր Տաճարի բակում: Պատմում են հատկապես զբոսաշրջիկներից ստացած տպավորությունների, իրենց առօրյայի և ջութակի դժվար տեխնիկային տիրապետելու հաճույքի մասին: