«Եկեղեցական կյանք» լրատվական թողարկումը ներկայացնում է Հայ Առաքելական եկեղեցու գործունեությունը կրթական, մշակութային, հասարակական, առողջապահական և այլ ոլորտներում, անդրադառնում եկեղեցական տոներին, պատմում թեմերին կից գործող հասարակական կառույցների, երիտասարդական շարժումների, հայորդյաց տների գործունեության մասին: Ներկայացնում է Մայր Աթոռ Սուրբ Էջմիածնի հոգևոր ծառայությունը, Հայ եկեղեցու և հայ հավատացյալի համայնքային կյանքը հայրենիքում և արտասահմանյան թեմերում:
Պարբերականությունը՝ ամեն երկուշաբթի և ուրբաթ, ժամը 19:30-ին և 21:30-ին
Կրկնությունը՝ երեքշաբթի և շաբաթ, ժամը 08:00-ին և 10:30-ին
Հեռարձակվում է նաև Հայաստանի հանրային հեռուստատեսության արբանյակային ալիքով: 

Եկեղեցական կյանք 15.11.2019


Օշականի Ս. Մեսրոպ Մաշտոց եկեղեցու «Փառք հայ գրի և դպրության» որմնանկարը վերականգնվում է: 
«Հայրենիքի և ընտանիքի գաղափարները Մայր Աթոռ Ս. Էջմիածնի հրատարակություններում» խորագրով գիտաժողովի հայտերի կանչ է հայտարարում «Վաչե և Թամար Մանուկյան» Մատենադարանը: 
«Էօրնեկեան» կրթահմալիրի բնագիտական հոսքի աշակերտների համար հանդիպում էր կազմակերպվել «Իզմիրլյան» բժշկական կենտրոնի գլխավոր տնօրեն Արմեն Չարչյանի հետ: 
Նոյեմբերի 14-ին «Մխիթար Սեբաստացի» կրթահամալիրի ուսուցչական երգչախումբը ժամերգություն էր երգում Երևանի Սուրբ Սարգիս առաջնորդանիստ եկեղեցում: 
«Էօրնեկեան» դպրոցի «հաշվիչ տղաները» այս անգամ էլ հաղթանակով են վերադարձել Սոչիի Մենթալ թվաբանության միջազգային օլիմպիադայից: 
Միջազգային լուրեր- Վենետիկում ջրհեղեղից  տուժել է քաղաքի նշանավոր կենտրոնը և Ս. Մարկոսի տաճարը, վնասվել է նաև Ս. Ղազար կղզու Մխիթարյանների վանքը:
Այս ամիս Հնդկաստանում վերջակետ է դրվել կրոնական հողի վրա ծագած երկարամյա դատական գործին: 
Թուրքիայում ստեղծվել է Անթալիայի ուղղափառ ռուսախոս հավատացյալների միություն: 
 

Եկեղեցական կյանք 11.11.2019


Նոյեմբերի 9-ին Գարեգին Բ Ամենայն հայոց կաթողիկոսն ընդունել է պաշտոնական այցով Հայաստանում գտնվող Սուրբ Աթոռի՝ պետությունների հետ հարաբերությունների քարտուղար, արքեպիսկոպոս Պոլ Ռիչարդ Գալագերին: Վատիկանի պատվիրակությանն ուղեկցում էր ՀՀ Արտաքին գործերի նախարար Զոհրաբ Մնացականյանը: 
Մայր տաճարի նորոգման աշխատանքներին զուգահեռ կենտրոնական մուտքի հարևանությամբ ընթանում է մոմավառության նոր սրահի կառուցումը: 
Նոյեմբերի 10-ի Արցախի Դադիվանքում ՀՀ զինված ուժերի հոգևոր առաջնորդ Վրթանես եպիսկոպոս Աբրահամյանի օրհնությամբ մի խումբ զինվորականներ մկրտվեցին:  
«Հայերի փրկության գործը Մերձավոր Արևելքում 1915-1923թվականներին» գիտաժողովի աշխատանքային երկրորդ օրն անցկացվեց Մայր Աթոռի «Գարեգին Ա» կենտրոնում: 
Միջազգային լուրեր- Վատիկանը կոչ է արել ՄԱԿ-ին զինադադար հաստատել Եմենում: 
Մեքսիկայում եկեղեցին աջակցում է օրենքի նախագծին, որը թույլ կտա բուժաշխատողներին կրոնական համոզմունքների պատճառով հրաժարվել որոշ ծառայություններ մատուցելուց:
Դիժոնում տեղի ունեցած ողբերգական դեպքերից հետո Ֆրանսիայում մուսուլման կանանց գլխանոցների մասին վեճը վերածվել է իսլամի, ներգաղթի և ռադիկալիզմի վերաբերյալ հանրությունը պառակտող կոնֆլիկտի: 
 

Եկեղեցական կյանք 08.11.2019


Ս. Էջմիածնի մայր տաճարի ամրակայումը մոտենում է ավարտին: Համագործակցության հուշագիր է ստորագրվել Մաշտոցի անվան Մատենադարանի և Վրաստանի ձեռագրերի ազգային կենտրոնի միջև: 
Հայաստանի ազգային գրադարանի Անձեռնմխելի գրականության բաժինը համալրվել է Շուշիում հրատարակված Համառոտ հայկազյան քերականություն գրքով: 
Միջազգային լուրեր- Միացյալ Արաբական էմիրությունները ՅՈՒՆԵՍԿՕ-ի աջակցությամբ ֆինանսավորելու է Մոսուլ քաղաքի երկու կաթոլիկ տաճարների վերականգնումը;
Կաթոլիկ, հրեական և մուսուլման հոգևորականները Վատիկանում ընդդեմ էվթանազիայի հռչակագիր են ստորագրել: 
Աստվածաշունչը թարգմանվել է Հնդկաստանի, Քենիայի, Ուգանդայի, Ինդոնեզիայի լեզուներով ու բարբառներով: 
 

Եկեղեցական կյանք 04.11.2019


Նոյեմբերի 4-ին Ամենայն հայոց կաթողիկոսն ընդունեց ՀԱՊԿ խորհրդարանական վեհաժողովի միջոցառումների շրջանակում Հայաստան այցելած Տաջիկստանի խորհրդարանի նախագահ Շուքուրջոն Զուխուրովին: 
Ուղիղ 20 տարի առաջ, նոյեմբերի 4-ին Հայաստանյայց Առաքելական եկեղեցու գահակալ օծվեց Գարեգին Բ Ներսիսյանը: Նորին սրբության կամքով` հոբելյանական օրերին տոնակատարություններ չեն լինի: Գահակալության քսանամյակը կնշվի հաջորդ տարի, երբ կավարտվի հայոց Ս. Էջմիածնի մայր տաճարի մեծամասշտաբ նորոգությոնը: 
Նոյեմբերի 4-ի առավոտյան Ամենայն հայոց կաթողիկոսին գահակալության 20-ամյակի կապակցությամբ շնորհավորեց Մայր Աթոռի միաբանությունը:  
Նոյեմբերի 3-ին Տ. Աբրահամ քահանա Մարտիրոսյանի գլխավորությամբ, Մասիսի շրջանի Դաշտավան, Զորակ և Նիզամի համայքների աշակերտներն ու ուսուցիչներն ուխտի էին եկել Մայր Աթոռ: 
Նոյեմբերի 2-ին և 3-ին Հայ եկեղեցու համաշխարհային երիտասարդական միավորման (ՀԵՀԵմ) կենտրոնական գրասենյակում տեղի ունեցավ անդրանիկ ատենապետաց ժողովը, որին մասնակցում էին Հայ եկեղեցու ավելի քան 25 թեմերի երիտասարդաց միությունների պատասխանատուները:  
ՀԵՀԵՄ կենտրոնական գրասենյակի աշխատակիցները և աշխարհասփյուռ թեմերից ժամանած երիտասարդական կառույցների պատասխանատուները շնորհավորեցին Վեահափառ հայրապետին գահակալության 20-ամյա տարեդարձի առիթով: 
 
 
 

Եկեղեցական կյանք 03.11.2019 Գարեգին Բ հայրապետի գահակալության 20-րդ տարեդարձը


Նոյեմբերի 3-ին Մայր Աթոռ Սուրբ Էջմիածնում նշվեց Գարեգին Երկրորդ Ամենայն հայոց կաթողիկոսի օծման և գահակալության 20-րդ տարեդարձը:
1999 թվական, նոյեմբերի 4, Մայր Աթոռ Ս. Էջմիածին. Գարեգին Բ Ամենայն հայոց կաթողիկոսի օծման արարողության վավերագրություն:  
 

Եկեղեցական կյանք 01.11.2019


Նոյեմբերի 1-ին Գերագույն հոգևոր խորհրդի եզրափակիչ ժողովին ներկա գտնվեց ՀՀ վարչապետ Նիկոլ Փաշինյանը:  
Հոկտեմբերի 30-ին Ռուսաստանի և Նոր Նախիջևանի հայոց թեմի առաջնորդ Տ․ Եզրաս արքեպիսկոպոս Ներսիսյանը բոլորեց ծննդյան 60-ամյակը: 
«Մոսկվա» կինոթատրոնում տեղի ունեցավ «Միստիկ երկիր Առան» վավերագրական-խաղարկային ֆիլմի պրեմիերան: Ֆիլմը նվիրված է Արցախի թեմի վերաբացման 30-ամյակին: 
Հոկտեմբերի  28-ին Արարատյան հայրապետական թեմի հոգևոր հովիվ Տ. Եսայի քահանա Արթենյանն ու Աստվածաշնչային ընկերության ծրագրերի տնօրեն Արշավիր Գաբուջյանը լսողության խնդիրներ ունեցող երեխաների միակ մասնագիտացված հանրակրթական դպրոցի 120 աշակերտներին բաժանեցին    ժեստերի լեզվով թարգմանված «Աստվածաշնչի մարգարեները» տեսասկավառակները: 
Մայր Աթոռ Ս. Էջմիածնի «Էօրնեկեան» դպրոցի 12-րդ դասարանի կենսաբանություն և քիմիա հոսքի աշակերտները «Իզմիրլյան» բժշկական կենտրոնում պրակտիկա անցնելու հնարավորություն են ստանում: 
Միջազգային լուրեր-Հռոմի Սուրբ Աթոռի օրհնությամբ վաճառքի են հանվել էլեկտրոնային համրիչ-վարդարաններ, որոնք սինքրոնացված են բջջային աղոթագրքերի հետ: 
Լատվիայի ուղղափառ եկեղեցու խորհուրդը հրապարակել է տվյալներ, որոնք ցույց են տալիս, որ 90-ականներից սկսած երկրում աճել է ուղղափառ համայնքների թիվը:
Մեծ Բրիտանիայի Անգլիկան եկեղեցու գահերեց, անգլիկան եկեղեցիների համաշխարհային միության ղեկավար Քենթրբերիի արքեպիսկոպոսը հարցազրույցի ժամանակ խոստովանել է, որ բուժվում է դեպրեսիայից: Արքեպիսկոպոս Ջասթին Ուէլբին կոչ է արել բոլոր հավատացյալներին և տառապյալներին բաց լինել սեփական խնդիրներն ընդունելու հարցում և պայքարել հոգեկան խանգարումների դեմ: 
 

Եկեղեցական կյանք 28.10.2019


Հոկտեմբերի 28-ին Շվեյցարիայի Աստվածաշնչային ընկերության պատվիրակությունն այցելեց Մայր Աթոռ Սուրբ Էջմիածին: 
Հոկտեմբերի 27-ին մեր եկեղեցին նշեց Քրիստոսի կենարար խաչին նվիրված 4 տոներից վերջինը` Խաչի գյուտի տոնը: 
Զինվորականների մկրտություն Մայր Աթոռի Ս. Վարդան և Ս. Հովհաննես Մկրտիչ մատուռում: 
Տավուշի մարզի Այգեհովիտ գյուղի նորակառույց ապաստարանը խաղաղ պայմաններում կծառայի որպես մարզասրահ, իսկ պատերազմական իրավիճակներում՝ ապահով թաքստոց: 
Ավարտին են մոտենում Ս. Էջմիածնի մայր տաճարի վերանորոգման աշխատանքները: 
Տավուշի թեմի առաջնորդարանում Իջևան քաղաքի և հարակից գյուղերի ավելի քան 20 կանայք ընդգրկված են «Տավուշի սոցիալական ձեռներեցության» նախագծում: 
 

Եկեղեցական կյանք 25.10.2019


Տաթևի վանական համալիրում թանգարան է ստեղծվել:
Հոկտեմբերի 23-ին և 24-ին Մաշտոցի անվան Մատենադարանում տեղի ունեցավ «Նարեկացիական ընթերցումներ» 5-րդ միջազգային գիտաժողովը: 
«Կոմիտաս. հանճարի ճանապարհները» խորագրով ժամանակավոր ցուցադրությունը է բացվել Տաթևի վանական համալիրում: 
Բագրատ եպիսկոպոս Գալստանյանի նոր՝ «Միտք և բանք» գիրքը անդրադառնում է հանրային կյանքի մի շարք հիմնախնդիրների: 
Գուգարաց թեմի «Ձեռք մեկնիր եղբորդ» բարեգործական ծրագրով հոբելյանական՝ 30-րդ բնակարանը հանձնվեց արջուտցի Գագիկ Սարգսյանի բազմանդամ ընտանիքին: 
Միջազգային լուրեր - «Սիբիէն Նյուզ» հեռուստաընկերության նորությունների մերձավորարևելյան բյուրոյի տնօրեն Քրիս Միթչելլը եթերում հայտարարել է, որ թուրքական ներխուժումը Սիրիա փորձ է վերականգնելու Օսմանյան կայսրությունը, իսկ կատարվողն ուղղված է հարյուր տարի առաջ ցեղասպանություն վերապրած հայերի ժառանգների դեմ: 
Ֆիլիպիններում կառուցում են Աստվածամոր 100 մետրանոց արձան. 2021թ.-ին երկիրը նշելու է այդ տարածաշրջանում քրիստոնեության տարածման 500-ամյակը: Վիճակագիրները Նիդեռլանդները հայտարարել են մուսուլմանների հանդեպ ամենաբարեկամական տրամադրված երկիր: Նիդեռլանդները եվրոպական երկրների թվում առաջինն է, որտեղ եկվոր մուսուլմանների թիվը մոտեցել է բնիկ բնակչության քանակին:

Եկեղեցական կյանք 21.10.2019


Հոկտեմբերի 19-ին Արտաշատում նշվեց Սուրբ Հովհաննես Ավետարանիչ եկեղեցու տոնը: Հայտարարված էր ուխտի օր: 
Կրթության, գիտության, մշակույթի և սպորտի նախարարության «Ստեղծարար համայնքներ» նախաձեռնության և «Սինոփսիս ընկերության՝ համաշխարհային կամավորության օրվա» 2019 թվականի ծրագրի շրջանակներում, հոկտեմբերի 19-ին իրականացվեցին միջնադարյան ճարտարապետության գլուխգործոց՝ Թալինի Սբ.  Կաթողիկե եկեղեցու, ինչպես նաև դրա հարակից տարածքի մաքրման և բարեկարգման աշխատանքներ: 
Մայր Աթոռ Սուրբ էջմիածնի արխիվը վերջերս հարստացավ նոր բացառիկ փաստաթղթերով: Դրանք հերոս վրիժառու Սողոմոն Թեհլիրյանի արխիվից են: Փաստաթղթերն ու բացառիկ լուսանկարները Սողոմոնի 90-ամյա որդին՝ Զավեն Թեյլիրյանը Օքլենդի Սուրբ Վարդան եկեղեցում սպասավորող Տ. Հովել քահանա Օհանյանի միջոցով նվիրել է Մայր Աթոռի թանգարանին: 
«Ավրորա» նախաձեռնության չորրորդ մրցանակակիր Միրզա Դինային այցելեց Արմավիրի մարզի Ակնալիճ համայնք, եղավ եզդիական Թաուսե Մալաք տաճարում: 
«Կոնրադ Ադենաուեր» հիմնադրամի Հարավային Կովկասի մասնաճյուղի նախաձեռնությամբ՝ հոկտեմբերի 21-22-ը Հայ եկեղեցու համաշխարհային երիտասարդական միավորման կենտրոնական գրասենյակում տեղի ունեցավ «Համայնքը ես եմ» խորագրով հանդիպում-քննարկում: 
Էջմիածնի «Էօրնեկեան» հիմնական դպրոցի միջին դասարանցիները օրեր առաջ մասնակցելով IQ center Global Education-ի կազմակերպած երևանյան միջազգային օլիմպիադային՝ 5 գավաթ և 5 մեդալ են բերել դպրոց, այդ թվում՝ 2 առաջին, 1՝ երկրորդ և երկու սուպերչեմպիոնական գավաթներ: 
 

Եկեղեցական կյանք 27.09.2019


Սեպտեմբերի 26-ին՝ Կոմիտասի ծննդյան օրը, Գարեգին Բ Ամենայն հայոց կաթողիկոսի հանդիսապետությաբ Կոմիտասի թանգարան-ինստիտուտում խորհրդանշական զանգի ղողանջով ազդարարվեց «Կոմիտաս» միջազգային գիտաժողով-փառատոնի բացումը: 
Հայ եկեղեցու «Հայ օգնության ֆոնդ»-ի աջակցությամբ բացվեց հանրապետական թիվ 2 հատուկ կրթահամալիրի ուսումնա-արտադրական մասնաշենքը:
ՀՕՖ-ի և «Արաբկիր» ԲԿ-ի համագործակցության շնորհիվ կհեշտանա էպիլեպսիայի ախտորոշումն ու բուժումը: 
Ամենայն հայոց Գարեգին Բ կաթողիկոսին այցելեց Կահիրեի ազգային առաջնորդարանի պատվիրակությունը:
Օտտավայի հայ համայնքում տեղի ունեցավ դրոշի բարձրացման արարողություն համայնքային եկեղեցապատկան նոր կալվածքում: 
Գուգարաց թեմում 29-րդ բնակարանը նվիրաբերվեց բազմազավակ ընտանիքի:
Սեպտեմբերի 27-ին «Սևան» քրեակատարողական հիմնարկում տեղի ունեցավ Ռուբեն վարդապետ Զարգարյանի կազմած «Աղոթագիրք. ճանապարհ ազատության» գրքի շնորհանդեսը:
«Օգնության կափարիչներ» ակցիայի շնորհիվ ևս մեկ երեխա անվասայլակ ստացավ:
 
 
 
 
 
 

Եկեղեցական կյանք 14.10.2019


Հոկտեմբերի 12-ին Գարեգին Բ Ամենայն հայոց կաթողիկոսը ժամանեց Ժնև՝ մասնակցելու Կարմիր Խաչի կազմակերպած բարեգործական ձեռնարկին և հանդիսապետելու Ժնևի Սբ. Հակոբ եկեղեցու հիմնադրման 50-ամյակի հանդիսությունները: Նույն օրը Հայրապետական պատվիրակությունը ներկա գտնվեց Շվեյցարիայի Կարմիր Խաչի 2019թ. բարեգործական հանդեսին: Միջոցառմանը ներկա էր նաև ՀՀ վարչապետի տիկին Աննա Հակոբյանը: Հաջորդ օրը Ամենայն հայոց կաթողիկոսը պատարագ մատուցեց Ժնևի Սուրբ Հակոբ եկեղեցում: 
Հոկտեմբերի 14-ին ազգային բարերար Ջոն Քյուրքչյանի ծննդյան օրն էր, այդ առիթով Սբ. Գայանե եկեղեցում հոգեհանգստյան կարգ կատարվեց, որը հանդիսապետեց Գարեգին Բ Ամենայն հայոց կաթողիկոսը: 
Հոկտեմբերի 12-ին թարգմանիչ սուրբ վարդապետներ Մեսրոպ Մաշտոցի, Սահակ Պարթևի և նրանց աշակերտների տոնը նշվեց նաև Վիրահայոց թեմում: 
Ինչու՞ մոմ վառել, ինչպե՞ս խաչակնքվել, ինչպե՞ս կազմակերպել ուխտագնացություններ, ինչպե՞ս ողջունել հոգևորականին: Այս և շատ այլ հարցերի է պատասխանում Թովմաս ուրարակիր Առաքելյանի «Բարեպաշտական սովորությունները Հայոց եկեղեցում» գիրքը, որի շնորհանդեսը տեղի ունեցավ Էջմիածնի հայորդյաց տանը: 
 

Եկեղեցական կյանք 11.10.2019


Սիրիայում ծավալված ռազմական գործողությունների մտահոգությամբ ուղերձ է հղել Գարեգին Բ Ամենայն հայոց կաթողիկոսը: 
Հոկտեմբերի 11-ին «Գալուստ Գյուլբենկյան» հիմնադրամի՝ Լիսաբոնից ժամանած ներկայացուցիչներին ընդունեց Ամենայն հայոց կաթողիկոսը: 
Մայր Աթոռ Սուրբ Էջմիածնում տեղի ունեցած «Եկեղեցին և ընտանիքը 21-րդ դարում, արժեքներ և մարտահրավերներ» միջազգային համաժողովի առիթով Ս. Գայանե վանքում Ամենայն Հայոց Կաթողիկոսի հանդիսապետութամբ կատարվեց համատեղ աղոթքի արարողություն՝ հանուն ընտանիքների զորացման:
Նոյեմբերյանի «Պապոնց տուն» կրթական կենտրոնը, «Ցե-Կվադրատ Ամպեգա Ասեթ Մենեջմենթ Արմենիա» ընկերության նվիրատվության շնորհիվ, շուտով նոր շենք կունենա:  
Հոկտեմբերի 8-ին Տավուշի մարզի Կոթի համայնքում տեղի ունեցավ խաղաապաստարանի հանձնման արարողություն։ 
Էջմիածնի Մհեր Աբեղյանի թանգարանում «Իմ Կոմիտասը» ցուցահանդեսը ներկայացնում է խորհրդահայ տասը հայտնի նկարիչների՝ Ազգային պատկերասրահում պահվող կոմիտասյան դիմանկարները: