«Եկեղեցական կյանք» լրատվական թողարկումը ներկայացնում է Հայ Առաքելական եկեղեցու գործունեությունը կրթական, մշակութային, հասարակական, առողջապահական և այլ ոլորտներում, անդրադառնում եկեղեցական տոներին, պատմում թեմերին կից գործող հասարակական կառույցների, երիտասարդական շարժումների, հայորդյաց տների գործունեության մասին: Ներկայացնում է Մայր Աթոռ Սուրբ Էջմիածնի հոգևոր ծառայությունը, Հայ եկեղեցու և հայ հավատացյալի համայնքային կյանքը հայրենիքում և արտասահմանյան թեմերում:
Պարբերականությունը՝ ամեն երկուշաբթի և ուրբաթ, ժամը 19:30-ին և 21:30-ին
Կրկնությունը՝ երեքշաբթի և շաբաթ, ժամը 08:00-ին և 10:30-ին
Հեռարձակվում է նաև Հայաստանի հանրային հեռուստատեսության արբանյակային ալիքով: 

Եկեղեցական կյանք 08.07.2019


Երևանի Ս. Գրիգոր Լուսավորիչ եկեղեցում 12 սարկավագ ձեռնադրվեց քահանա: 
Հուլիսի 7-ի երեկոյան Մայր Աթոռ Սուրբ էջմիածնում նորաօծ քահանաներին ընդունեց Գարեգին Բ Ամենայն հայոց կաթողիկոսը:
Գևորգյան ճեմարանի ուսանողները ամռանը կծառայեն Հայաստանի և Սփյուռքի թեմերում:
Օծվեցին Գեղարքունիքի մարզի Մադինա համայնքի եկեղեցու հիմնաքարերը: 
Հայ եկեղեցու համաշխարհային երիտասարդական միավորման 250 մասնակիցներն Արցախում էին:
Հայաստանի 5-րդ միջազգային բժշկական համագումարի մասնակիցները հանդիպել են Ամենայն հայոց կաթողիկոսի հետ:
Երեկոն՝ Մայրավանքում:
Մայր Աթոռ Ս. Էջմիածինը հայտարարում է մրցույթ Վեհարանի նորոգված շենքի նախասրահի նկարազարդման համար:  
 
 
 
 
 

Եկեղեցական կյանք 01.07.2019


Հուլիսի 1-ին տեղի ունեցավ Մայր Աթոռ Սուրբ Էջմիածնի կրթական հաստատությունների համատեղ մանկավարժական ժողովը:
Գարեգին Բ Ամենայն հայոց կաթողիկոսն ընդունեց հայկական սփյուռքի անվանի գործիչներից բաղկացած խմբին:
Երկու հայ երիտասարդներ միմյանց գտել են հեռավոր Հնդկաստանում:
Հունիսի 30-ին Սուրբ էջմիածնում Գարեգին Բ Ամենայն հայոց կաթողիկոսին հյուրընկալվեցին ամերիկյան Ֆիլադելֆիա քաղաքից եկած հայ ուխտավորները:
«Հաղթանակած» համաբուհական նախաձեռնության շրջանակում Երևանում էին Արցախի 4 բուհերի 20 ուսանողներ: 
 
 

Եկեղեցական կյանք 05.07.2019


Մեկնարկեց  «Դեպի Հայրենիք, դեպի Սուրբ Էջմիածին» համահայկական երիտասարդական հավաքը:
Սահակ եպիսկոպոս Մաշալյանն ընտրվել է Պոլսի հայոց պատրիարքի տեղապահ:
Հուլիսի 1-ին սկսվեց 2019 թվականի ամառային առաջին զորակոչը. նոր իրավիճակում հայտնված երիտասարդների լարվածությունը հավաքակայանում փորձում են մեղմել զինվորականներն ու բանակի հոգևոր սպասավորները։ 
Գումարվեց Ս. Էջմիածնի մայր տաճարի նորոգման աշխատանքներին առընթեր հանձնախմբի երկրորդ ժողովը:
Գևորգյան հոգևոր ճեմարանի ուսումնական տարվա ամփոփումը կազմակերպվեց տոնական հանդիսությամբ: 
Ճեմարանականների տարեվերջյան ուխտագնացությունն այս տարի Արագածոտնի և Շիրակի թեմերում էր:
Կալկաթայի հայոց ճեմարանի աշակերտները ամառային արձակուրդից հետո վերադարձան Հնդկաստան:
 

Եկեղեցական կյանք 28.06.2019


Հունիսի 27-ին Գարեգին Բ Ամենայն հայոց կաթողիկոսի հյուրերն էին Արաբական Միացյալ Էմիրությունների Շարժայի գործադիր խորհրդի անդամ Շեյխ Ֆահիմբին Սուլթան բին Խալիդ Ալ Քասիմիի և Շարժայի կառավարական հարաբերությունների հարցերով վարչության պետ Շեյխ Մաջիբբին Աբդուլլահ Ալ Քասիմիի գլխավորած պատվիրակության անդամները:          
Գարեգին Բ Ամենայն հայոց կաթողիկոսն անցնող ողջ շաբաթ ընդունեց Սուրբ Էջմիածին ուխտագնացության եկած տարբեր զորամիավորումների սպաներին, զինվորներին ու նրանց ընտանիքներին: 
Գագիկ Չիլինգարյանը Մայր Տաճարը վերականգնող վարպետներից է: «Հրաշքով է մեր տաճարը մինչ օրս կանգուն մնացել»,-անկեղծանում է շինարարը: 
 «Դիալոգ» հասարակական կազմակերպության նախաձեռնությամբ անցկացվում է «Քրիստոնեական ռազմավարություն» դասընթացը: 
Արտաշատ քաղաքի Ս. Հովհաննես Ավետարանիչ եկեղեցու բակում բացվել է 7-16 տարեկան  երեխաների ամառային ճամբար: 
Կանադայում ՀՀ նորանշանակ դեսպան Անահիտ Հարությունյանը հյուրընկալել է հայ համայնքի ներկայացուցիչների պատվիրակությանը՝ կանադահայոց թեմի առաջնորդ Աբգար եպիսկոպոս Հովակիմյանի գլխավորությամբ: 
 

Եկեղեցական կյանք 24.06.2019


Կաթողիկե Ս. Էջմիածնի տոնը Հայ առաքելական եկեղեցին այս տարի նշեց հունիսի 23-ին: Խորան բարձրացվեց հայրապետական կոնդակը, որում ասվում էր՝ Մայր Տաճարն այսօր բոլորիս օգնության կարիքն ունի:   
Հունիսի 22-ին միաբանական համագումարի հերթական նիստն էր: 
Գևորգյան հոգևոր ճեմարանի աստվածաբանական համալսարանում ընթանում են մագիստրոսական ավարտաճառերի պաշտպանություններ:  
Հայ եկեղեցու համաշխարհային երիտասարդական միավորման կենտրոնական գրասենյակում տեղի ունեցավ «Ակունք» երկօրյա սեմինար-դասընթացը:
Կաթողիկե Սուրբ Էջմիածնի տոնի առիթով «Ռուբեն Սևակ» թանգարանում հայ հոգևոր երաժշտության համերգ էր կազմակերպվել:  
Լույս է տեսել Նարեկացու «Մատյան ողբերգության» երկի արևելահայերեն նոր թարգմանությունը` Մեսրոպ քահանա Արամյանի աշխատասիրությամբ: 
 

Եկեղեցական կյանք 21.06.2019


Միաբանական համագումարի կապակցությամբ Մայր Աթոռում ժողովված միաբաններին այցելեց Ամենայն հայոց կաթողիկոսը և պատասխանեց նրանց հուզող հարցերին: 
Հունիսի 21-ին Մայր Աթոռ Սուրբ Էջմիածնում Գարեգին Բ Ամենայն հայոց կաթողիկոսը հյուրընկալեց Իրաքի Քուրդիստան ինքնավար մարզի նախկին փոխվարչապետ և ֆինանսների նախարար Սարգիս Աղաջանին` Իրաքի հայոց թեմի առաջնորդ Ավագ արքեպիսկոպոս Ասատուրյանի ուղեկցությամբ: 
Հունիսի 19-ից 20-ը Մայր Աթոռ Սուրբ Էջմիածնում, նախագահությամբ Գարեգին Բ Ամենայն հայոց կաթողիկոսի, տեղի ունեցավ Գերագույն հոգևոր խորհրդի ժողով: Քննության առնվեցին առաջիկա Ազգային-եկեղեցական ժողովի կազմակերպմանը, Հայաստանում ու Սփյուռքում ազգային-եկեղեցական կյանքին առնչվող մի շարք հարցեր:
Հունիսի 20-ին մեր եկեղեցին տոնախմբեց Ս. Հովհաննես Մկրտչի և Աթանագինես եպիսկոպոսի հիշատակության և Սբ. Շողակաթ վանքի ուխտի օրերը: 
Հունիսի 19-ին Միաբանական համագումարի մասնակիցները հյուրընկալվել էին Գեղարքունյաց թեմում: 
 

Եկեղեցական կյանք 17.06.2019


Հունիսի 18-ից հունիսի 22-ը Մայր Աթոռ Ս. Էջմիածնում կգումարվի միաբանական հավաք: Հավաքի մասնակիցների հետ հանդիպել է Գարեգին Բ Ամենայն հայոց կաթողիկոսը: 
Հունիս 17-ից, Հռիփսիմյանց կույսերի տոնով, սկսվում է Արարատյան շաբաթը: Մայր Աթոռից Ս. Հռիփսիմե վանք տարվեց սրբուհու մասունքը: 
Այս կիրակի մեր եկեղեցին նշում էր Սուրբ Եղիա մարգարեի հիշատակության օրը: 
Համայն Բելառուսի պատրիարքական էկզարխ, Մինսկի և Զասլավի միտրոպոլիտ Պավելը հայաստանյան այցելության շրջանակում Ամենայն հայոց հայրապետի առաջնորդությամբ հյուրընկալվեց նաև Էջմիածնի հայորդյաց տանը և «Էօրնեկեան» հանրակրթական դպրոցում:
Հունիսի 16-ին Մայր Աթոռում Վեհափառ հայրապետն ընդունեց Արգենտինայից ժամանած գործարար կանանց, որոնց ուղեկցում էր Խուլիանա Դել Ագիլա-Էօրնեկյանը: 
Գևորգյան հոգևոր ճեմարանի սաներըԿոմիտաս վարդապետի 150-ամյա հոբելյանին նվիրված ցերեկույթ էին նախաձեռնել: 
 

Եկեղեցական կյանք 14.06.2019


Գարեգին Բ Ամենայն հայոց կաթողիկոսը հունիսի 14-ին Մայր Աթոռում հանդիպեց Արմավիրի թեմի կիրակնօրյա դպրոցների սաների հետ: 
Հունիսի 13-ին Վեհափառն ընդունեց Վիրահայոց թեմի ուխտավորներին և հայրապետական օրհնություն բաշխեց նրանց:
Յուրաքանչյուր ուսումնական տարվա վերջին Լոս Անջելեսում գործող ՀԲԸՄ-ի «Մանուկյան-Դեմիրճյան» հայկական վարժարանի ավարտական դասարանի սաներն այցելում են Հայաստան: Այցելության պարտադիր վայրերից է Մայր Աթոռ Սուրբ Էջմիածինը: 
Մայր Աթոռի հրատարակչատունը լույս է ընծայել «Վավերագրեր հայ եկեղեցու պատմության» մատենաշարի 17-րդ հատորը: 
Մատենադարանի վերականգնման բաժնի երեք մասնագետներ մեկամսա հագեցած աշխատանքից հետո վերադարձել են Երուսաղեմի հայոց պատրիարքության ձեռագրատնից: 
Հունիսի 10-ից սկսվել է Եղիական պահքը՝ ամառնամուտի շաբաթապահքը: 
 

Եկեղեցական կյանք 10.06.2019


Հոգեգալուստը` Պենտեկոստեն, այս տարի Հայ Առաքելական եկեղեցին տոնեց հունիսի 9-ին: Այն առաքյալների վրա Ս. Հոգու իջման հիշատակությունն է, որը տեղի է ունեցել Ս. Հարության 50-րդ օրը: Սուրբ Գայանե վանքում տոնական պատարագին Գարեգին Բ Ամենայն հայոց հայրապետի հետ մասնակցում էր նաև Համայն Բելառուսի պատրիարքական էկզարխ, Մինսկի և Զասլավի միտրոպոլիտ Պավելը: 
Միտրոպոլիտ Պավելը Հայաստան էր ժամանել Հայոց հայրապետի հրավերով: Հունիսի 8-ին նրան Մայր Աթոռ Սուրբ Էջմիածնում ընդունել էր Գարեգին Բ Ամենայն հայոց կաթողիկոսը: 
Հունիսի 9-ին Գարեգին Բ Ամենայն հայոց կաթողիկոսը հյուրընկալեց Ֆրեզնոյի պետական համալսարանի Հայագիտության ամբիոնի ուսանողներին: 
Այս տարի Հայ եկեղեցու համաշխարհային երիտասարդական միավորման հերթական ուխտագնացությունը նախատեսվում է անցկացնել Արցախում, հուլիսի 4-7-ը: 
Երևանի մատենադարանում ցուցադրվում է Տոսկանայից բերված հայերեն երեք ձեռագիր: 
Հունիսի 8-ին, ժամը 19-ի սահմանում խոշոր հրդեհ է բռնկվել Հաղպատի վանական համալիրում: 
 

Եկեղեցական կյանք 07.06.2019


Հունիսի 5-ին Հայաստան ժամանած կաթոլիկ ուխտավորների խումբը այցելեց Գերեգին Երկրորդ Ամենայն հայոց կաթողիկոսին: 
Մայր Աթոռի միջոցներով գնված տասը բնակարաններից մեկը նվիրվել է գյումրեցի Աղաջանյանների ընտանիքին: 
Օթթավա քաղաքում կայացավ Հայ եկեղեցու կանադահայոց թեմի 36-րդ պատգամավորական ժողովը: 
Զինծառայողների հոգևոր և հոգեբանական կայունության ապահովման թեմայով սեմինար է կազմակերպվել ՀՀ ԶՈւ-ում սպասավորող հոգևորականների համար:
Միջազգային լուրեր- «Հայր մեր»-ում «... և մի տանիր զմեզ ի փորձություն» տողը կաթոլիկ ծեսում կարդացվելու է «...և մի թողուր զմեզ անկանել ի փորձութիւն» ձևով: Տերունական աղոթքի տեքստի փոփոխությունը հաստատել է Ֆրանցիսկոս պապը: 
Բրազիլիայում մեկնարկել է քրիստոնեական միասնականության համար աղոթքի շաբաթը:
Ամերիկյան «Նոյան տապան» այգու ղեկավարությունը դատի է տվել ապահովագրական ընկերությանը, որը հրաժարվում է մուծել մեկ միլիոն դոլար փոխհատուցումը: 
Սաուդյան Արաբիայում մուսուլմանական տերությունները ստորագրել են «Մեքքայի դեկլարացիան»` ընդդեմ իսլամաֆոբիայի: 
 

Եկեղեցական կյանք 03.06.2019


Մայր Աթոռի միջոցներով գնված նոր բնակարանի մուտքը այս անգամ նշեց Շահինյանների ընտանիքը: 
Սանկտ Պետերբուրգի հայկական եկեղեցու հարակից շենքում կգործի Ռուսաստանի և Նոր Նախիջևանի հայոց թեմի բարձրագույն ուսումնական հաստատություն:  Մայիսի 28-ին ՌԴ Արդարադատության նախարարությունը վավերացրել է ճեմարանի կանոնադրությունը։ 
Ալեքսանդր Հարությունյանի անվան փողային գործիքների միջազգային փառատոնի հերթական համերգը տեղի ունեցավ Գևորգյան հոգևոր ճեմարանի հանդիսությունների սրահում: 
Գարեգին Բ Ամենայն հայոց կաթողիկոսի օժանդակությամբ հունիսի 1-ին՝ Լուսինե Զաքարյանի ծննդյան օրը Եզնիկ Կողբացի 42 հասցեում բացվեց երգչուհու տուն-թանգարանը: 
Հունիսի 1-ին Մայր Աթոռ Ս. Էջմիածնի հովանու ներքո գործող «Էօրնեկեան» հանրակրթական դպրոցի բակը վերածվել էր խաղային կենտրոնի, մրցող թիմերը դպրոցի աշակերտներն ու ծնողներն էին: 
Հունիսի 1-ին Նորագավիթի Սուրբ Գևորգ եկեղեցում երեխաների պաշտապնության օրվա առիթով միջոցառում էր կազմակերպվել: Տ. Ղուկաս քահանա Բալայանն օրհնության կարգ կատարեց Շենգավիթ վարչական շրջանի մանկապարտեզներից եկած երեխաների համար:
 

Եկեղեցական կյանք 31.05.2019


Այս տարի Հիսուս Քրիստոսի Համբարձման տոնը մայիսի 30-ին էր: Համբարձման տոնական պատարագ մատուցվեց հայ աառքելական բոլոր եկեղեցիներում: Ս. Գայանե վանքում պատարագի ավարտին Ամենայն հայոց կաթողիկոսի նախագահությամբ կատարվեց հայրապետական մաղթանք: Գարեգին Բ հայրապետի տնօրինությամբ Համբարձման տոնը հռչակվել է նաև Ս. Էջմիածնի ուխտի օր: Համբարձման տոնին հիշատակվում է նաև 1441 կաթողիկոսական Աթոռը Սիս քաղաքից Մայր Աթոռ Ս. Էջմիածին վերահաստատելու պատմական օրը:
Համբարձման տոնը Երևանի Թումանյանի անվան այգում Արարատյան հայրապետական թեմի երիտասարդները նշեցին ժողովրդական ավանդույթներով: 
«Հաղթանակած» համաբուհական նախաձեռնության շրջանակներում եռօրյա այցով  Երևանում էին Արցախի 4 բուհերի 36 ուսանողներ:  
Գյումրեցի Հակոբյանների ընտանիքը տեղափոխվեց Մայր Աթոռի նվիրած բնակարան: 
«Բարձունք 5165» ֆրանսահայ բարեգործական հասարակական կազմակերպությունը 30 տարեկան է: Հոբելյանին նվիրված միջոցառումներ անցկացվեցին Էջմիածնում: 
Մայր Աթոռի հրատարակչությունը լույս է ընծայել Խրիմյան Հայրիկի բարոյախրատական երկերը ընտանիքի մասին:
2019 թվականը Արաբական Միացյալ Էմիրություններում հայտարարված է «Հանդուրժողականության տարի»: Այդ առթիվ Միացյալ Էմիրությունները շարունակում է ողջ աշխարհում իրականացնել մարդասիրական օժանդակություն: ՀՀ   Արմավիրի մարզում շուրջ 200 կարիքավոր ընտանիքի օգնություն տրվեց։