Հեղինակ և վարող՝ Աննա Սարգսյան
Արագ փոփոխվող ժամանակակից աշխարհում անհատը ինքնադրսևորման խնդիր ունի, հասարակությունները՝ ինքնության նոր նշանների: Մարդկությանը հուզող հավերժական հարցերը, համամարդկային արժեքներն ամեն  հանրույթում փորձության են ենթարկվում յուրովի և պահանջում են լուծումներ յուրաքանչյուր անհատից առանձին:
«Հետխորհրդային հայ իրականություն», «Հավաքական հիշողություն», «Գիտելիք և տեղեկատվություն», «Անկախության դասեր», «Լեզու և ինքնագիտակցություն»... Թեմաներ, որ քննարկում են վաստակաշտ և երիտասարդ գիտնականներն, արվեստագետներն ու հոգևորականները «Երրորդ հազարամյակի» տաղավարում:  
Հաղորդաշարը ստեղծվել է 2005թ.: 2011թ-ին բանավեճի մշակույթ զարգացնելու համար արժանացել է Երևանի մամուլի ակումբի ամենամյա մրցանակին:
 
Պարբերականությունը՝ ամեն հինգշաբթի, ժամը 21:55-ին
Կրկնությունը՝ ուրբաթ, ժամը 13:00-ին, կիրակի, ժամը 15:15-ին

Մեդիան` տեղեկատվության, քարոզչության, թե՞ մանիպուլիացիայի միջոց


Այս օրերին աշխարհը քննարկում է թվային հեղափոխության բերած փոփոխությունները: «Գլոբալացման 4-րդ ալիքը պետք է լինի մարդակենտրոն, ներառական և կայուն: Մենք թևակոխում ենք համաշխարհային լուրջ անկայունյության փուլ»,-ասել է Դավոսի ֆորումի հիմնադիր Կլաուս Շվաբը: Տեխնոլոգիաների փոփոխության հետ նոր նշանակություն է ստանում մեդիան: Հասարակական էական փոփոխությունները Հայաստանում նույնպես բերում են նոր մեդիաալիքներ: Մեդիան` տեղեկատվության, քարոզչության, թե՞ մանիպուլիացիայի միջոց: Թեման քննարկում են Երևանի մամուլի ակումբի նախագահ Բորիս Նավասարդյանը և «Բուն» TV-ի համահիմնադիր Գեմաֆին Գասպարյանը: Զրույցը վարում է Աննա Սարգսյանը:  

Կրթական համակարգը՝ հեղափոխությունից հետո


Ինչու՞ հեղափոխությունը դժվարությամբ է մտնում կրթական համակարգ: Որո՞նք են կրթական համակարգի անհրաժեշտ փոփոխություններն այսօր: Քննարկում են Կրթական քաղաքացիական նախաձեռնության համակարգող խմբի անդամներ Էսթեր Հակոբյանը և Միշա Թադևոսյանը: Զրույցը վարում է Աննա Սարգսյանը: 
 

Ընտանիքում բռնությունը՝ ըստ ՀՀ օրենքի


2018թ. հունվարից ուժի մեջ է Ընտանիքում բռնության կանխարգելման, ընտանիքում բռնության ենթարկված անձանց պաշտպանության և ընտանիքում համերաշխության վերականգնման մասին ՀՀ օրենքը: Օրենքի նախագիծը, որը հանրային բուռն քննարկումների առարկա դարձավ, կոչվում էր Ընտանեկան բռնության կանխարգելման, բռնության ենթարկված անձանց պաշտպանության մասին: Այսինքն, գործող օրենքում ընտանիքում համերաշխության վերականգնման բաղադրիչը լրացվել է: 
Ի՞նչ դեր կարող է կատարել օրենքը՝ ընտանիքում կատարվող բռնությունների գործում: Ի՞նչ բարդություններ կան օրենքի կիրառման հարցում այսօր: Արդարացվա՞ծ էր ընտանիքում բռնության վերաբերյալ առանձին օրենք ընդունելը, երբ բռնությունը ՀՀ օրենսդրությամբ քրեորեն պատժելի արարք է:
Քննարկում են Մայր Աթոռի արտաքին հարաբերությունների և արարողակարգի բաժնի տնօրեն Նաթան արքեպիսկոպոս Հովհաննիսյանը և ՀՀ ոստիկանության քրեական հետախուզության գլխավոր վարչության երրորդ վարչության պետ, ոստիկանության գնդապետ Նելլի Դուրյանը: Զրույցը վարում է Աննա Սարգսյանը:
 

Կրթական հեղափոխություն` սպասելիքներ և անորոշություն


Մշակութային հեղափոխություն արտահայտությունը խիզախ և գեղեցիկ է: Բայց մշակութային հարաբերությունների մեջ կարևոր բաղադրիչ է կրթական գործընթացը: Իսկ կրթական հեղափոխությունը վախեցնող չէ՞: Քննարկում են Կրթական քաղաքացիական նախաձեռնության անդամ Վահրամ Սողոմոնյանը և կրթության փորձագետ Արեգ Թադևոսյանը: Զրույցը վարում է Աննա Սարգսյանը: 

Մշակութային հեղափոխություն, թե՞ հեղափոխության մշակույթ


Երկար տարիներ փոփոխությունների սպասող հանրությունը արձանագրել է հեղափոխություն: Ավելին, արձանագրել է հեղափոխություն անելու մշակույթի փոփոխություն: Իսկ կարո՞ղ ենք կամ պե՞տք է անել մշակութային հեղափոխություն: Քննարկում են մշակութային մարդաբան Աղասի Թադևոսյանը և արվեստագետ Արման Գրիգորյանը: Զրույցը վարում է Աննա Սարգսյանը: 

Վարքագծի փոփոխությունը՝ զարգացման հնարավորություն


Ինչի՞ հետ է կապված Հայաստանի հեռանկարային զարգացումն ու բարեկեցությունը: Ի՞նչ է փոխվել մեզանում թավշյա հեղափոխությունից հետո և ինչ՝ չի փոխվել: Քննարկում են սոցիոլոգ Ժաննա Անդրեասյանը և տնտեսագետ Աշոտ Խուրշուդյանը: Զրույցը վարում է Աննա Սարգսյանը: 

Սիրելի ժողովուրդ, թե՞ հարգելի քաղաքացի


Մենք ստիպվա՞ծ ենք պատասխանել «Ով է հայը հարցին», որ ստեղծենք ժամանակակից հայկական պետություն: Ինչպե՞ս է հանրությունն ընտրում իր կենսագործունեության հիմնարար արժեքները և զարգացման իր մոդելը: Ինչպե՞ս են կարգավորվում պետական կառավարման համակարգ-հասարակություն հարաբերությունները: Քննարկում են մշակութաբան Մխիթար Գաբրիելյանը և քաղաքագետ Ալեն Ղևոնդյանը: Զրույցը վարում է Աննա Սարգսյանը: 

Լոկալ և գլոբալ մշակույթներ


Ինչու՞ է կարևոր ազգային, լոկալ մշակույթի համամարդկայնացումը, ի՞նչ մեխանիզմներ է առաջարկում ժամանակակաից աշխարհը դրա համար: Ի՞նչ ենք մենք անում այդ ուղղությամբ, բացի ներկայացուցչական միջոցառումներից: Թեման քննարկում են արվեստագետ Արևիկ Արևշատյանը և «Փրինթինֆո» հրատարակչության տնօրեն Արամ Մեհրաբյանը: Զրույցը վարում է Աննա Սարգսյանը: 

Մշակութային զարգացում՝ պետություն, թե՞ անհատ


Ո՞րն է մեր մշակութային զարգացման հեռանկարը: Կա՞ այն: Ինչպե՞ս է կապվում զարգացման հայեցակարգը ազգային ինքնության, ավանդական մշակութային նորմերի ու ժամանակակից աշխարհին ինտեգրվելու մեր ցանկության հետ: Մշակութային քաղաքականության ո՞ր տարբերակն է առավել նախընտրելի՝ այն, ինչ այսօր ունենք և ժառանգել ենք խորհրդային անցյալից, թե՞ այն, ինչ ավելի ապակենտրոն է: Թեման քննարկում են մշակութաբան Համլետ Պետրոսյանը և հանրային քաղաքականության մասնագետ Նվարդ Մանասյանը: Զրույցը վարում է Աննա Սարգսյանը: 

Տնտեսական զարգացում՝ թվեր, թե՞ մարդիկ


Ինչ արտադրել, ինչպես արտադրել և որտեղ սպառել: Ի՞նչ բարդություններ կան տնտեսության զարգացման այս պարզ բանաձևի իրականացման հիմքում: Արդյո՞ք մենք տնտեսական զարգացում ասելով հասկանում ենք յուրաքանչյուր մարդու լավակեցությունը, ի՞նչ տարբերություն կա տնտեսական աճի ցուցանիշի և տնտեսական զարգամցան միջև: Քննարկում են տնտեսագետ Անետա Բաբայանը և տնտեսական մեկնաբան Բաբկեն Թունյանը: Զրույցը վարում է Աննա Սարգսյանը:

Հայաստանի զարգացման հեռանկարները


Կարո՞ղ ենք չպատկերացնել մեր ապագա տունը և սկսել այն կառուցել: Ինչպե՞ս են ձևակերպվում այդ պատկերացումները: Ի՞նչն է որոշում ազգի լավակեցությունը, ինչպե՞ս է պետությունն ընտրում զարգացման ու բարեկեցության իր մոդելը և տեղավորում այն գլոբալ աշխարհում: Զրուցում են փիլիսոփայական գիտությունների դոկտոր Աշոտ Ոսկանյանը և ազգագրագետ-մշակութաբան Նիկոլ Մարգարյանը: Զրույցը վարում է Աննա Սարգսյանը: 

Գլոբալ օրակարգ. ցանցապետություն


Թավշյա հեղափոխության խտացված սպասելիքը Հայաստանի զարգացման հեռանկարն է: Այն ենթադրում է նաև գլոբալ մտածողության և գլոբալ ծրագրերի իրագործում: Ի՞նչ հնարավորություններ ունի մեր երկիրը գլոբալացնելու իր օրակարգը: Թեման քննարկում են ԵՊՀ քաղաքակրթական և մշակութային հետազոտությունների կենտրոնի առաջատար մասնագետ Հայկ Քոչարյանը և «Եվրասիա-համագործակցություն» հիմնադրամի ծրագրերի տնօրեն Միքայել Հովհաննիսյանը: Զրույցը վարում է Աննա Սարգսյանը: