Երաժշտական և թատերական խմբերի առօրյան ու տոնը տեսախցիկը նկարահանում է բեմից դուրս` փորձասենյակում:  Իրենց ընկերների, խմբի ու շրջապատող աշխարհի մասին անկեղծ ու անկաշկանդ պատմում են «Փորձասենյակի» արտիստները: 

Ալ. Սպենդիարյանի անվան օպերայի և բալետի ակադեմիական թատրոն. մաս 2-րդ


Հաղորդումը շարունակում է անդրադառնալ Օպերային թատրոնի պատմությանը, երախտավորներին, ներկա գործունեությանը: Մեր տեսախցիկը հետաքրքիր կադրեր է որսացել կուլիսներում, համերգներից առաջ, փորձասենյակներում: 

Ալ. Սպենդիարյանի անվան օպերայի և բալետի ակադեմիական թատրոն. մաս 1-ին


Հաղորդումն անդրադառնում է Օպերային թատրոնի պատմությանը, երախտավորներին, ներկա գործունեությանը: Մեր տեսախցիկը հետաքրքիր կադրեր է որսացել կուլիսներում, համերգներից առաջ, փորձասենյակներում: 

Երևանի պարարվեստի պետական քոլեջ


Շուրջ մեկդարյա պատմություն ունեցող Երևանի պարարվեստի պետական քոլեջը դասական և ժողովրդական պարի պրոֆեսիոնալ միակ կրթօջախն է Հայաստանում: Այն Ալ. Սպենիդիարյանի անվան օպերայի և բալետի ազգային թատրոնի դարբնոցն է համարվում: Մեր տեսախցիկը շրջել է քոլեջի փորձասենյակներով: 

«Որդան կարմիր» ռոք խումբ


Ղարաբաղցի տատիկի օժիտի 100 տարեկան կարպետների որդան կարմիրը դարձավ վանաձորցի տղաների խմբի անվանումը: 2004 ստեղծված «Որդան կարմիր» ռոք խումբը ստեղծագործում է հայրենի Վանաձորում, համերգներ ունենում Երևանում և նրա սահմաններից դուրս: Մեր ստեղծագործական խմուբը եղել է «Որդան կարմիր» ռոք խմբի տղաների ձեռքերով նորոգած և հարմարեցրած փորձասենյակում: 

«Ոստան հայոց»


1980-ականների ազգային շարժման առաջամարտիկ «Ոստան հայոց» ռոք-խումբը հայ իրականության մեջ ամենաերկարակյացներից է: ՙ՚Բեմից մինչ ռազմի դաշտ ընդամեն է մեկ քայլ էր, - խոստովանում է խմբի հիմնադիր Արեգ Նազարյանը: Հիշելով այդ տաիների իրենց համերգները, հիշում է թե ինչպես Ստեփանակերտում ունեցած համերգից հետո երաժտական գործիքներն ու սարքավումներն այլևս անհնար եղան հետ բերել:  Փորձասենյակում «Ոստան հայոց» ռոք-խումբ անդամները պատմում են նաև իրենց ապագա ծրագրերի մասին: 

«Նեմրա» ռոք խումբ


Ռոք խումբ կազմելու գաղափարը հղացել են Վանն ու Վասպուրը: Ապա՝ նրանց միացել են Մարեկն ու Մարիաննան: Խմբի անունը որոշել են դնել Նեմրա: Մնացածը՝ պատմում են իրենք: 

«Տիեզերք» բենդ


«Տիեզերք» բենդի աղջիկները երազում են, որ Ամանորի գիշերը մեծ փաթիլներով ձյուն գա: Փորձասենյակում նրանք խոսում են իրենց ստեղծագործությունների մասին և ամփոփում տարին:

«Միքայել Ոսկանյան և ընկերներ»


2011թվականին ստեղծված «Միքայել Ոսկանյան և ընկերներ» էթնո-ջազ խումբը ամենաինքնատիպ երաժշտական խմբերից է: Երկացանկում ընդգրկված են հայտնի ստեղծագործությունների մշակումներ ու հեղինակային գործեր: Այս խմբում թառը մենակատար գործիք է: Երաժշտության մեջ միախառնված են ջազի, հայկական ֆոլկի, ռոքի և ֆյուժեն երաժշտության տարրեր: Մեր տեսախցիկը «Միքայել Ոսկանյան և ընկերներ» խմբի փորձասենյակում է: 

Տիկնիկային արվեստի գործիչների միջազգային միության հայկական կենտրոն


Անկախության շրջանում կազմավորված Տիկնիկային արվեստի գործիչների միջազգային միության հայկական կենտրոնը (ՅՈՒՆԻՄԱ-Հայաստան) նշանակալի ներդրում ունի մեր թատերական կյանքում: 25 տարվա ընթացքում կենտրոնի արվեստագետները Հայաստանում և Արցախում տասնյակ թատերախմբեր ու թատրոններ են հիմնել: Կենտրոնի «Կարապետ» թատերախումբն էլ անիվների վրա է՝ շրջում է հեռավոր գյուղերում ու քաղաքներում, բեմադրություններով զվարճացնում և կրթում փոքրերին:  

«Գաթա» բենդ


Հայկական ֆոլք երաժշտության ինքնատիպ մեկնաբանություններով «Գաթա» բենդը ունկնդիրների մեծ լսարան ունի: Խմբի երկացանկը բազմաժանր է՝ օրորոցայինից մինչև ռազմահայրենասիրական, գուսանականից մինչև հոգևոր: Ինքնատիպ են նաև խմբի տեսահոլովակները՝ փորձասենյակից ուղիղ համացանց:

«Բերդ» պարային անսամբլ


Ավելի քան 50 տարվա պատմություն ունեցող «Բերդ» պարային անսամբլը մենահամերգներով եղել է աշխարհի տարբեր բեմերում, մասնակցել  փառատոների ու մրցույթների, արժանացել բարձր պարգևների: Չնայած անսամբլի կազմը մի քանի անգամ սերնդափոխվել է, բայց անփոխոխ են մնացել դիմագիծն ու որդեգրած սկզբունքները:

Ռոզեն Թալ


Հայկական ռոք միջավայրում «Ռոզեն Թալ» պրոգրեսիվ ռոք խմբի անունը հաճախ է շրջանառվում: Երաժիշտները վաղուց գիտեն միմյանց, հանդես են եկել տարբեր նախագծերում, նոր խմբի կազմում աշխատում են մեկ տարի: Արդեն հասցրել են ձայնագրություններ անել, հանդես են գալիս երևանյան ակումբներում, աշխատում նոր գործերի վրա: