aaMUokf1Mtw

Մի քանի տարի առաջ Սպիտակի տարածաշրջանի Կաթնաջուր համայնքի բնակիչները որոշեցին սեփական ուժերով վերականգնել գյուղամեջի Սուրբ Հովհաննես եկեղեցին: Համայնքի միջոցներով, նաև դրսում ապրող ու աշխատող կաթնաջուրցիների նվիրատվությունների շնորհիվ հնարավոր եղավ կատարել մեկնարկային մի շարք աշխատանքներ: Այս պահին շինարարությունը ժամանակավորապես դադարեցված է միջոցների անբավարարության պատճառով: Համայնքի բնակիչները դարձյալ դիմում են միջոցներ ունեցող իրենց հայրենակիցներին՝ աջակցել և ավարտին հասցնել գործը: