«Եկեղեցական կյանք» լրատվական թողարկումը ներկայացնում է Հայ Առաքելական եկեղեցու գործունեությունը կրթական, մշակութային, հասարակական, առողջապահական և այլ ոլորտներում, անդրադառնում եկեղեցական տոներին, պատմում թեմերին կից գործող հասարակական կառույցների, երիտասարդական շարժումների, հայորդյաց տների գործունեության մասին: Ներկայացնում է Մայր Աթոռ Սուրբ Էջմիածնի հոգևոր ծառայությունը, Հայ եկեղեցու և հայ հավատացյալի համայնքային կյանքը հայրենիքում և արտասահմանյան թեմերում:
Պարբերականությունը՝ ամեն երկուշաբթի և ուրբաթ, ժամը 19:30-ին և 21:30-ին
Կրկնությունը՝ երեքշաբթի և շաբաթ, ժամը 08:00-ին և 10:30-ին
Հեռարձակվում է նաև Հայաստանի հանրային հեռուստատեսության արբանյակային ալիքով: 

Հիշատակի արարողություն հանուն հայրենիքի նահատակվածների համար

Եկեղեցական կյանք 20.11.2020


Ամենայն հայոց կաթողիկոսն այցելել է Մայր Աթոռի Քահանայից պատրատման լսարանի մասնաշենքում ապաստանած արցախցի ընտանիքներին: Կոտայքի թեմի հովանու ներքո գտնվող Ծաղկաձորի ճամբարում հադրութցի ընտանիքներին ապաստան է տրվել: Նոյեմբերի 19-ին կորոնավիրուսի պատճառով վախճանվել է Գուգարաց թեմի առաջնորդ Տ. Սեպուհ արքեպիսկոպոս Չուլջյանը: Ս. Էջմիածնում նոյեմբերի 22-ին հիշատակի արարողությունը կկատարվի ժամը 13։30-ին, Ս. Տրդատ բաց խորանին:

Արցախցիներին հյուրընկալած կացարան այցելեց Ամենայն հայոց կաթողիկոսը


Մայր Աթոռի կողմից արցախցիներին հյուրընկալած կացարան այցելեց Ամենայն հայոց կաթողիկոսը: Քահանայից պատրաստման լսարանի մասնաշենքն է, որտեղ արցախցի 17 ընտանիք է ապրում:

 

Հայոց հայրապետը սթափ քաջության կոչ է անում


Գարեգին Բ Ամենայն հայոց կաթողիկոսի ուղերձը. 10. 11. 2020

Ամենայն հայոց հայրապետը դիմում է առաջնագծին եւ թիկունքին


Ամենայն հայոց Գարեգին Բ հայրապետը դիմում է առաջնագծին եւ թիկունքին։

Ամենայն հայոց Գարեգին Բ հայրապետի ուղերձը


Ամենայն հայոց Գարեգին Բ հայրապետի ուղերձը

Եկեղեցական կյանք 11.10.2020


ՀՀ վարչապետն ուղերձ հղել. «Արցախը պետք է դառնա համաշխարհային արդարության խորհրդանիշ»: Արցախի խորհրդարանը կոչով դիմել է Հայաստանի, Ռուսաստանի և Իրանի իշխանություններին` ստեղծել համատեղ Հակաահաբեկչական կոալիցիա: Արցախի նախագահն այցելել է հանրապետության մի շարք հիվանդանոցներ: Հոկտեմբերի 11-ին հայոց եկեղեցիներում պատարագի ընթացքում խաղաղության մասնավոր աղոթք հնչեց հանուն Արցախի: Սուրբ Գայանե վանքում Ամենայն հայոց հայրապետը խոնարհումի խոսք ուղղեց մերօրյա հերոսներին ու նրանց ծնողներին:

Եկեղեցական կյանք 10.10.2020


Զոհրաբ Մնացականյանը խոսել է Մոսկվայում ձեռք բերած պայմանավորվածության և հրադադարի մասին: Մարտական գործողությունների գոտում գտնվող զինծառայողների հետ կապված հարցերին օպերատիվ արձագանքելու նպատակով ՊՆ-ն ձևավորվել է աշխատանքային հանձնաժողով: Հայրապետական կոչին ընդառաջ՝ Մայր Աթոռ Ս. Էջմիածնում հանգանակվում են նվիրատվություններ հանուն Արցախի. դրանք կփոխանցվեն «Հայաստան համահայկական հիմնադրամին»: ՀՀ աշխատանքի և սոցիալական հարցերի նախարարությունը ստեղծել է Արցախից տեղափոխված քաղաքացիների ժամանակավոր կայանման կետ: Սրբոց Թարգմանչաց տոնին Օշականի Ս. Մեսրոպ Մաշտոց եկեղեցին ևս աղոթում էր առաջնագծի զինվորների համար:

Եկեղեցական կյանք 04.10.2020 Պատերազմական իրադրության 8-րդ օրը


Պաշտպանության բանակը խոցել է Գյանջայի ռազմական օդանավակայանը: Արայիկ Հարությունյանը ուղիղ եթերում պարգևատրում է Արցախի հերոսներին: «Հետք»-ի բացառիկ տեսանյութը Արցախի առաջնագծից: ՀՀ պաշտպանության նախարար Դավիթ Տոնոյանը հավաստիացնում է, որ ՀՀ տարածքից Ադրբեջանի տարածքի հրթիռակոծություն կամ հրետակոծություն չի իրականացվել: Ադրբեջանական ագրեսիան դադարեցնելու կոչով հանրային ակցիաներ է իրականացնում սփյուռքի հայությունը: «Կիպրոսի Եկեղեցին և ժողովուրդն այս դժվարին պահին կանգնած են Լեռնային Ղարաբաղի ժողովրդի կողքին». Կիպրոսի Արքեպիսկոպոս Խրիզոստոմոս Երկրորդը նամակ է հղել Գարեգին Երկրորդ Ամենայն հայոց կաթողիկոսին: Հոկտեմբերի 3-ին, Երևանի ժամանակով 18:00-ին հանուն Արցախի համազգային զորակցության աղոթքի արարողությունը կատարվեց Հայ առաքելական եկեղեցու բոլոր գործող եկեղեցիներում՝ Հայաստանում և արտերկրում:

 

Եկեղեցական կյանք 02.10.2020


Պատերազմական իրադրությունն Արցախում. լրահոս: Գևորգյան հոգևոր ճեմարանի սաները արյան դոնորություն են անում: Մոսկվայի միջազգային կինոփառատոնը ցուցադրությունից հանել է հայ կինոռեժիսորի ֆիլմը:

 

Զորակցության համազգային աղոթք հանուն Արցախի. 03.10.2020

Եկեղեցական կյանք 01.10.2020


Հոկտեմբերի 1. պատերազմական իրադրությունն Արցախում. պաշտոնական լրահոս: Ֆրանսիական Le Monde պարբերականի լրագրողները հրետակոծության տակ են ընկել: Արցախի ԱԺ-ն դիմել է Ադրբեջանի բնիկ ժողովուրդներին` խուսափել առաջնագիծ մեկնելուց: ՀՀ նախագահ Արմեն Սարգսյանը հարցազրույց է տվել CNBC ամերիկյան հեռուստացանցին: ՀՀ մարդու իրավունքների պաշտպան Արման Թաթոյանը հայտարարություն է տարածել: Մայր Աթոռում գումարվել է Գերագույն հոգևոր խորհրդի ժողով. ի զորակցություն Արցախի՝ «Հայաստան» համահայկական հիմնադրամին կես միլիոն ԱՄՆ դոլար կփոխանցվի Մայր Աթոռի միջոցներից: ԵՀԽ գործող գլխավոր քարտուղարը խորը մտահոգություն է հայտնել Լեռնային Ղարաբաղում սեպտեմբերի 27-ից լրջորեն ծավալվող հակամարտության սրման համար: ՀՀ ԱԱԾ-ն բացահայտել է նախկինում բարձրաստիճան զինվորական ծառայություն իրականացրած անձի կողմից պետական դավաճանության դեպք: ԱԱԾ-ն հաղորդագրություն է տարածել՝ զերծ մնալու հեռախոսզանգերից և կարճ հաղորդարություններ ուղարկելուց: Հայկական զինուժը խոցել է հակառակորդի 3 ինքնաթիռ, 2 ուղղաթիռ, 6 ԱԹՍ՝ մեկ կեսօրում: Հայ եկեղեցու ԱՄՆ Արևմտյան թեմի առաջնորդ Հովնան արքեպիսկոպոս Տերտերյանը նամակով դիմել է ԱՄՆ նախագահ Դոնալդ Թրամփին: