«Եկեղեցական կյանք» լրատվական թողարկումը ներկայացնում է Հայ Առաքելական եկեղեցու գործունեությունը կրթական, մշակութային, հասարակական, առողջապահական և այլ ոլորտներում, անդրադառնում եկեղեցական տոներին, պատմում թեմերին կից գործող հասարակական կառույցների, երիտասարդական շարժումների, հայորդյաց տների գործունեության մասին: Ներկայացնում է Մայր Աթոռ Սուրբ Էջմիածնի հոգևոր ծառայությունը, Հայ եկեղեցու և հայ հավատացյալի համայնքային կյանքը հայրենիքում և արտասահմանյան թեմերում:
Պարբերականությունը՝ ամեն երկուշաբթի և ուրբաթ, ժամը 19:30-ին և 21:30-ին
Կրկնությունը՝ երեքշաբթի և շաբաթ, ժամը 08:00-ին և 10:30-ին
Հեռարձակվում է նաև Հայաստանի հանրային հեռուստատեսության արբանյակային ալիքով: 

Եկեղեցական կյանք 03.08.2020


Օծվեց Վազգեն Սարգսյանի անվան ռազմական համալսարանի բակում կառուցված Ս. Մեսրոպ Մաշտոց եկեղեցին: ՀԵՀԵՄ կենտրոնական գրասենյակը սկսել է «Մատենազում»՝ Սուրբ Գրքի սերտողության առցանց բաց դասընթացը: Շարունակվում է Մոշագյուղի (նախկին Ջանջռլու) Սուրբ Կարապետ եկեղեցի տանող ճանապարհի կառուցումը: Միջազգային լուրեր- Իսրայելում 1300 տարեկան քրիստոնեական եկեղեցի է հայտնաբերվել: Մոսկվայի կենտրոնում ցուցահանդես է բացվել` նվիրված Ռուսաստանի մայրաքաղում ստեղծված նոր ծխական համայնքների գործունեությանը: Հռոմի պետական դպրոցների դասերի մի մասը կտեղափոխվի եկեղեցապատկան շինություններ:

Եկեղեցական կյանք 31.07.2020


Կորոնա-Զում՝ ՀԵՀԵՄ-ը շարունակում է առցանց գործունեությունը թեմերի հետ: Մայր Աթոռը լույս է ընծայել «Վավերագրեր հայ եկեղեցու պատմության» շարքի նոր հատորը` նվիրված Մկրտիչ Ա Խրիմյան հայրապետի ծննդյան 200-ամյակին: Արարատի մարզի ներքին Դվին գյուղի Սուրբ Հարություն եկեղեցու երիտասարդները: Միջազգային լուրեր- Ուկրաինայում հոգևոր բնույթի նոր պետական տոներ կսահմանվեն: Վրաց Իլիա Բ պատրիարքը դարձել է 721 երեխայի կնքահայր: Սաուդյան Արաբիայում սկսվել մուսուլմանական հաջը:

Եկեղեցական կյանք 27.07.2020


Մայր Աթոռի քարոզչական կենտրոնը Աստվածաշնչեր բաժանեց Հայաստանում հաստատված սիրիահայերի: «Հաղթահարենք համավարակը միասին». Համահայկական երիտասարդական միության անդամները Երևան քաղաքի տարբեր վարչական շրջաններում շնչադիմակներ կբաժանեն քաղաքացիներին: Հետևություններ հայ-ադրբեջանական սահմանի պատերազմական դեպքերից. հեռավար զրույց Արցախի թեմի առաջնորդ Պարգև սրբազանի հետ: Թբիլիսիի Ս. Գևորգ առաջնորդանիստ եկեղեցու բակում «Հայտնի բանաստեղծների անհայտ էջերից» խորագրով պոեզիայի երեկո էր: Միջազգային լուրեր- Հայտնաբերվել է ֆրանսիական Նանտ քաղաքի սուրբ Պողոս-Պետրոս տաճարի հրձիգը, նա խոստովանել է, որ դիտավորյալ է հրդեհել տաճարը: Հունաստանի մի քանի քաղաքներում ուղղափառ տաճարների զանգերը ղողանջել են ի նշան վշտի, երբ Ստամբուլի Սուրբ Սոֆյայի տաճարում կրկին նամազ է հնչել:

Մալաթիայի բարեգործական ճաշարանի շահառուներին օգնություն տրամադրվեց


Չորրորդ ամիսն է` ՀԲԸՄ-ն և Մայր Աթոռի սոցիալական ծառայությունը հինգ բարեգործական ճաշարանի շահառուներին շարունակում են պարենային փաթեթներ բաժանել: Այս շաբաթ իրենց հատկացված սննդամթերքն ստացան Երևանի Մալաթիա վարչական շրջանի շահառուները:

Եկեղեցական կյանք 20.07.2020


Հինգ տաղավար տոներից երրորդը՝ Հիսուս Քրիստոսի պայծառակերպության տոնը (Վարդավառ), մեր եկեղեցին այս տարի նշեց հուլիսի 19-ին: Ս. Էջմիածնում պատարագը մատուցվեց բաց խորանին: Պայծառակերպության տոնի օրը Մուղնու Սուրբ Գևորգ եկեղեցուն Գևորգ և Կարինե Մաչանյանները պատարագի արարողության ընթացքում գործածվող սկիհ նվիրեցին: 25 տարի առաջ, Պայծառակերպության տոնի օրը, Տավուշի թեմի առաջնորդ Բագրատ եպիսկոպոս Գալստանյանը ձեռնադրվեց որպես կուսակրոն քահանա: Պածառակերպության տոնը Վիրահայոց թեմի եկեղեցիներում նշվեց տոնական պատարագներով և ժողովրդական տոնախմբությամբ: ԵՀԽ հայաստանյան «Կլոր սեղան» հիմնադրամը հոգեբանական վերապատրաստման դասընթաց է սկսել, որին մասնակցում են Հայ առաքելական եկեղեցու Արագածոտնի, Արմավիրի, Շիրակի, Տավուշի, Գուգարաց, Գեղարքունյաց թեմերի քահանաներ և սոցիալական աշխատողներ: Միջազգային լուրեր- Հուլիսի վերջին այցելուների համար դռները կբացի Բարսելոնայի Ս. Ընտանիքի տաճարը՝ նշանավոր Սագրադա Ֆամիլիան: Սանկտ Պետերբուրգի տաճարներում գիշերային ժամերգություններ են կատարվել ի հիշատակ ցարական ընտանիքի նահատակների:

Եկեղեցական կյանք 17.07.2020


Եկեղեցիների համաշխարհային խորհուրդը անհանգստություն է հայտնել հայ-ադրբեջանական սահմանագծում շարունակվող հակամարտության կապակցությամբ: Հուլիսի 16-ին Ամենայն հայոց Գարեգին Բ կաթողիկոսը նախագահեց մահացու վիրավորում ստացած մայոր Գարուշ Համբարձումյանի հուղարկավորության արարողությունը «Եռաբլուրում»: Տավուշի մարզի հոգևորականները՝ թեժ սահմանագծում: Ս. Էջմիածնի մայր տաճարի հիմնանորոգման աշխատանքները մոտենում են ավարտական փուլին: Հայաստանի Աստվածաշնչային ընկերության գործունեությունը առցանց հարթակում: Լույս է տեսել Կարեն Մաթևոսյանի «Պատմահնագիտական դիտարկումներ» գիրքը:

Եկեղեցական կյանք 10.07.2020


Հայաստանի Աստվածաշնչային ընկերության հովանավորությամբ Վեդու բժշկական կենտրոնին Աստվածաշունչ մատյաններ են նվիրվել: Այս հիվանդանոցում կորոնավիրուսով վարակված 57 մարդ է բուժում ստանում: 12,5 միլիոն ՀՀ դրամի չափով պարենային օգնություն է բաժանվել Արցախի թեմում: «Արարատ չելենջ» նախաձեռնությունը, որին մասնակցել է նաև Հայ եկեղեցին, հավաքագրած 120 հազար դոլարը տրամադրել է Հայաստանի համար թոքերի արհեստական շնչառության սարքեր ձեռք բերելուն: Կանադահայոց թեմի առաջնորդ Աբգար եպիսկոպոս Հովակիմյանն այցելել է Կանադայի հյուսիսի բնիկների Քրի ցեղախմբին և ընդունել նրանց պատմական իրավունքը զբաղեցրած հողերի վրա: Միջազգային լուրեր - Շուտով կվերաբացի Սանկտ Պետերբուրգի Իսակովյան տաճարը, որ փակվել էր համաճարակի պատճառով: Անգլիայի 24 եկեղեցական կազմակերպություն դատական հայց է ներկայացրել կառավարության դեմ, համաճարակի տարածումը կանխելու նպատակով եկեղեցիները փակելու հրամանի պատճառով: Ի պատասախան Ստամբուլի Սուրբ Սոֆյայի տաճարը մզկիթի վերածելու Թուրքիայի նախագահի քայլերի՝ Հունաստանը պատրաստվում է Սալոնիկում գտնվող Աթաթուրքի տուն-թանգարանը դարձնել Պոնտոսի հույների ցեղասպանության թանգարան:

Եկեղեցական կյանք 06.07.2020


Վազգեն Սարգսյանի անվան ռազմական համալսարանում մեկնարկեց ՀՀ ԶՈՒ-ում սպասավորող հոգևորականների վերապատրաստման երկշաբաթյա դասընթացը: Հայ եկեղեցու համաշխարհային երիտասարդական միավորումը համալրվեց 16-30 տարեկան նոր կամավորներով: Սուրբ թարգմանիչներ Սահակ Պարթևի և Մեսրոպ Մաշտոցի տոնը Թբիլիսիում նշվեց հայ գրողների և հասարակական գործիչների՝ Խոջիվանքի պանթեոն ավանդական այցելությամբ: «Եկեղեցին հայկական՝ ծննդավայրն է հոգվույս» թեքեյանական բնաբանով ֆեյսբուքյան ֆլեշմոբին մասնակցել են հազարավոր հավատացյալներ Հայաստանից ու աշխարհի տարբեր երկրներից: Թուրքիայի Գերագույն դատարանը բավարար է համարել երկրի նախագահի հրամանը՝ Ս. Սոֆյայի տաճարի կարգավիճակը փոխելու համար:

Եկեղեցական կյանք 03.07.2020


Բարեկարգվում է դեպի Լուսաշող՝ նախկին Զնջռլու գյուղի Ս. Հովհաննես Կարապետ վանական համալիր տանող ճանապարհը: Ծրագրվում է նաև հայտնի ուխտավայրի և Արարատի մարզի մի շարք այլ եկեղեցիների նորոգումը: Հուլիսի 8-ին սուրբ թարգմանիչներ Սահակ Պարթև կաթողիկոսի և Մեսրոպ Մաշտոց վարդապետի հիշատակի օրը Օշականում նշանավորվեց դռնփակ պատարագով։ Հուլիսի 5-ը Սահմանադրության օրն է: Կալկաթայի հայոց մարդասիրական ճեմարանում հունիսի 25-ից վերսկսվել են դասերը՝ առայժմ հեռավար:

Եկեղեցական կյանք 29.06.2020


Արթիկի թեմում իրականացվել է սոցիալապես խոցելի խմբերին Մայր Աթոռի օժանդակության տրամադրման 4-րդ փուլը: ՀԵՀԵՄ-ը շարունակում է իր առցանց գործունեությունը. այս անգամ գործակցել են կանադահայ, հունահայ և ջավախահայ երիտասարդների հետ: «Թումո» կենտրոնների սաները համավարակի դեմ պայքարի թվային ծրագրեր են մշակել: Հունիսի 27-ին Թբիլիսիի Սուրբ Գևորգ առաջնորդանիստ եկեղեցում մատուցվեց պատարագ Սբ. Գրիգոր Լուսավորչի նշխարների գյուտի տոնի առթիվ: Միջազգային լուրեր- Միացյալ Նահանգների դեսպանը թուրքական իշխանություններից պահանջել է պահպանել Ս. Սոֆյայի ներկա կարգավիճակը: Իսրայելի դատարանը մերժել է Երուսաղեմի պատրիարքության հերթական հայցը, որը վիճարկում է եկեղեցական ունեցվածքի հարկադրված վաճառքը հրեական կազմակերպություններին: Երուսաղեմի պատրիարքությունը դատական վերջին որոշումները պատրաստվում է բողոքարկել Իսրայելի գերագույն դատարանում: Պաղեստինյան իշխանությունները Բեթղեհեմում խիստ կարանտին են սկսել կորոնավիրուսային համաճարակի նոր ալիքի բռնկման պատճառով:

Եկեղեցական կյանք 26.06.2020


Գարեգին Երկրորդ Ամենայն հայոց կաթողիկոսը հունիսի 24-ին հեռակապով հանդիպում ունեցավ Եվրոպայի երկրների Հայոց եկեղեցու թեմակալ առաջնորդների, հայրապետական պատվիրակների և առաջնորդական տեղապահների հետ։ ՀԵՀԵՄ-ը շարունակում է առցանց ակտիվ գործունեությունը՝ այս անգամ Իրաքի, ԱՄՆ Արևելյան և Արևմտյան, Մեծ Բրիտանիայի և Իռալանդիայի, Ռումինիայի, Ֆրանսիայի հայոց թեմերի հետ: Նոր Նորքի Ս. Աստվածածին եկեղեցու երիտասարդները իրականացրել են «Եկեղեցին իմ կյանքում» նախագիծը: Շուտով պատրաստ կլինի «12-ը, Տիրոջ մարդիկ» տեսասկավառակը ժեստերի լեզվով: Երիտասարդ Կերնը, Դավիթն ու Սաթենը օգնում են բացահայտել մեր երկրի ծանոթ ու անծանոթ սրբավայրերը:

Եկեղեցական կյանք 22.06.2020


Oծվել է սահմանամերձ Դովեղ գյուղի՝ 7-րդ դար թվագրվող Սուրբ Սարգիս վերանորոգված եկեղեցու խաչը: Մայր Աթոռ Սուրբ Էջմիածնը սոցիալական աջակցություն է ցուցաբերել նաև լիբանանահայ սոցիալապես անապահով ընտանիքների: Հայորդյաց տների սաներն առցանց երախտագիտություն են հայտնել կորոնավիրուսի դեմ պայքարող բուժաշխատողներին: Միջազգային լուրեր- Բացվել է ռուսական բանակի գլխավոր եկեղեցին, որը մեծությամբ երրորդն է ողջ ՌԴ-ում: Իսպանիայի թագավորը շնորհակալություն է հայտնել Կոթոլիկ եկեղեցուն՝ համավարակի պայմաններում ցուցաբերած օգնության համար և ցավակցություն է հայտնել այդ ընթացքում մահացած ավելի քան 100 հոգևորականների ընտանիքներին: Անգլիկան եկեղեցին ներողություն է խնդրել ստրկավաճառության մեջ որոշ հոգևորականների մասնակցության համար: