«Եկեղեցական կյանք» լրատվական թողարկումը ներկայացնում է Հայ Առաքելական եկեղեցու գործունեությունը կրթական, մշակութային, հասարակական, առողջապահական և այլ ոլորտներում, անդրադառնում եկեղեցական տոներին, պատմում թեմերին կից գործող հասարակական կառույցների, երիտասարդական շարժումների, հայորդյաց տների գործունեության մասին: Ներկայացնում է Մայր Աթոռ Սուրբ Էջմիածնի հոգևոր ծառայությունը, Հայ եկեղեցու և հայ հավատացյալի համայնքային կյանքը հայրենիքում և արտասահմանյան թեմերում:
Պարբերականությունը՝ ամեն երկուշաբթի և ուրբաթ, ժամը 19:30-ին և 21:30-ին
Կրկնությունը՝ երեքշաբթի և շաբաթ, ժամը 08:00-ին և 10:30-ին
Հեռարձակվում է նաև Հայաստանի հանրային հեռուստատեսության արբանյակային ալիքով: 

Եկեղեցական կյանք 22.05.2020


Մայիսի 21-ին նշվեց Համբարձման տոնը: Այդ օրը նաև Ամենայն հայոց կաթողիկոսական աթոռը Սսից Ս. Էջմիածին տեղափոխելու հիշատակության օրն է: Շիրակի թեմում Մայր Աթոռն իրականացնում է սոցիալական օժանդակության երկրորդ ծրագիրը: Արագածոտնի մարզի Ափնա գյուղի Ս. Գրիգոր Լուսավորիչ եկեղեցին վերականգնվում է: Մայր Աթոռի մատենադարնն ու գրադարանը շարունակում են ծառայությունները առցանց եղանակով: Միջազգային լուրեր- Ռուս ուղղափառ եկեղեցին թույլատրել է քահանաներին այցելել համաճարալաբանական հիվանդանոցներ և թողություն տալ կորոնավիրուսից մահացող հիվանդներին: Հռոմի պապը մայիսի 18-ին դռնբաց պատարագ է մատուցել Սուրբ Պետրոսի տաճարում: Իսրայելում բացվել են սինագոգները, եկեղեցիներն ու մզկիթները:

Եկեղեցական կյանք 18.05.2020


Մայր Աթոռ Սուրբ Էջմիածնում Առողջապահության նախարարության մարդասիրական օգնության կենտրոնին փոխանցվեց շուրջ 2000 բժշկական պաշտպանիչ արտահագուստ: Մայիսի 17-ին Արագածոտնի թեմի առաջնորդ Մկրտիչ եպիսկոպոս Պռոշյանի ձեռամբ Աշտարակի Սուրբ Մարիանե եկեղեցու բակում օծվեց խաչքար: Մայր Աթոռը Գեղարքունիքի մարզում իրականացրեց սոցիալական օժանդակության 2-րդ ծրագիրը, որից օգտվեց 250 ընտանիք: Այսօր Թանգարանների միջազգային օրն է. Մայր Աթոռի թանգարանների մասին պատմում է Ասողիկ աբեղա Կարապետյանը: Միջազգային լուրեր- Քրիստոնյաները և հրեաները բողոքել են Դանիայի Աստվածաշնչային ընկերության հրատարակած պոլիտկոռեկտ Սուրբ Գրքի պատճառով՝ նոր Աստվածաշնչում «Իսրայել» բառը ջնջվել ու փոխարինվել է «մենք» բառով: Վատիկանում սկանդալ է հասունանում նացիստական հանցագործությունների մասին վկայող՝ Պիոս 12-րդ պապի գործունեությունը լուսաբանող փաստաթղթերի պատճառով:

Կիրակնօրյա դռնփակ պատարագ Ս. Շողակաթ եկեղեցում (10.05.2020)


Կիրակնօրյա դռնփակ պատարագ Ս. Շողակաթ եկեղեցում (10.05.2020)

Եկեղեցական կյանք 09.05.2020


Մայիսի 9-ի` Հաղթանակի եռատոնի առիթով շնորհավորական ուղերձ է հղել Ամենայն հայոց հայրապետը: Հաղթանակի և խաղաղության, Շուշիի ազատագրության և Պաշտպանության բանակի օրվա առիթով Գարեգին Երկրորդ Ամենայն հայոց կաթողիկոսը եպիսկոպոսների ուղեկցությամբ այցելեց Երևանի «Հաղթանակ» զբոսայգի: Մայիսի 9-ին Ս. Խաչի երևան համաքրիստոնեական տոնի օրն է. ամեն տարի Հայ եկեղեցում պահվող Աշոտ Երկաթի մասունքակիր խաչը տարվում է հայոց զորամասեր: Երկրորդ համաշխարհային պատերազմի օրերին Գևորգ արքեպիսկոպոս Չորեքչյանի կոչը համախմբեց աշխարհասփյուռ հայությանը. արդյունքը էական դեր ունեցավ հայ ժողովրդի կյանքում:

Ամենայն հայոց հայրապետի այցը Հաղթանակի հուշահամալիր


Մայիսի 9-ին՝ Հաղթանակի եռատոնի կապակցությամբ Երևանի «Հաղթանակ» զբոսայգում կազմակերպված պատվո երթին Ամենայն հայոց Գարեգին Բ կաթողիկոսը, հոգևորականների դասը ծաղիկներ խոնարհեցրին Երկրորդ աշխարհամարտի հուշահամալիրի առջև և աղոթք բարձրացրին մեր հայրենիքի պաշտպանության համար զոհված բոլոր որդիների հոգու հանգստության համար։

Եկեղեցական կյանք 08.05.2020


Շուշիի ազատագրության ու Հաղթանակի տոնի մասին զրուցել ենք Արցախի թեմի առաջնորդ Պարգև արքեպիսկոպոս Մարտիրոսյանի հետ։ Արտաշատի բժշկական կենտրոնին 120 Աստվածաշունչ է նվիրվել։ Մայր Աթոռի սոցիալական ծառայության գրասենյակը սննդի փաթեթներ է տրամադրել պրոբացիոն ծառայության կենտրոնների շահառուներին և նախկին դատապարտյալների 114 ընտանիքների։ Արարատյան հայրապետական թեմն աջակցություն է տրամադրել կարիքի մեջ հայտնված սիրիահայերին։ Ս․ Էջմիածնում կատարվող դռնփակ ժամերգություններն ու բժշկության աղոթքները հեռարձակվում են։ Արագածոտնի թեմն իրականացնում է սոցիալական աջակցության արդեն 3-րդ ծրագիրը։

 

Կիրակնօրյա դռնփակ պատարագ Ս. Հռիփսիմե եկեղեցում (03.05.2020)


Կիրակնօրյա դռնփակ պատարագ Ս. Հռիփսիմե եկեղեցում (03.05.2020)

Եկեղեցական կյանք 01.05.2020


Մայր Աթոռը 26 միլիոն 500 հազար ՀՀ դրամ արժողությամբ բժշկական պարագաներ է նվիրել Առողջապահության նախարարությանը։ Արագածոտնի թեմի ավելի քան 250 խոցելի ընտանիք պարենային աջակցություն է ստացել: Գուգարաց թեմը 32-րդ բնակարանը նվիրաբերեց բազմազավակ ընտանիքի։ «Էջմիածին» ամսագրի 2019 թվականի 11-րդ հոբելյանական համարը նվիրված է Գարեգին Բ Ամենայն հայոց կաթողիկոսի օծման և գահակալության 20-ամյակին: Հայոց 125-րդ կաթողիկոսը՝ Խրիմյան Հայրիկ։ ՀԵՀԵՄ-ի «Իմ թեմը» նախագիծը համավարակի օրերին։ Ռուսաստանում ավարտվել է Զինված ուժերի գլխավոր տաճարի աղմկահարույց շինարարությունը։

Եկեղեցական կյանք 24.04.2020


Մայր Աթոռ Սուրբ Էջմիածնի միաբանների ուղեկցությամբ Ծիծեռնակաբերդի հուշահամալիր այցելեց Գարեգին Բ Ամենայն հայոց կաթողիկոսը: Վեհափառ հայրապետի նախագահությամբ կատարվեց Հայոց ցեղասպանության սուրբ նահատակների բարեխոսական կարգ: Հայոց ցեղասպանության 105-րդ տարելիցի առիթով Հայ առաքելական բոլոր եկեղեցիներում պատարագ մատուցվեց։ Խոնարհումի համար դուրս էր բերվել Հայոց ցեղասպանության սուրբ նահատակաց մասունքարանը: Վիրտուալ հարթակում Ցեղասպանության 105-րդ տարելիցին նվիրված միջոցառումներ է ներկայացնում Կոմիտասի թանգարան-ինստիտուտը: Թերթելով մեկդարյա մամուլը, կամ ինչ էին գրում թերթերը 105 տարի առաջ։ Իտալահայ գործիչ Կարեն Կոկչյանն այս օրերին Հայոց ցեղասպանության մասին դասախոսություններ է կարդում իտալացի ուսանողների համար: Գրականության և արվեստի թանգարանի ֆեյսբուքյան էջում արդեն 2 շաբաթից ավելի է մեկնարկել են Ցեղասպանության 105-ամյակին նվիրված միջոցառումները: Փոխըմբռնման հուշագիր՝ «105 ռոյալ» նախագծի վերաբերյալ:

 

Եկեղեցական կյանք 23.04.2020


Հայոց ցեղասպանության 105-րդ տարելիցի միջոցառումների թեմայով ասուլիսով հանդես եկան Երևանի քաղաքապետի տեղակալ Տիգրան Վիրաբյանը և ԿԳՄՍ նախարարի տեղակալ Արա Խզմալյանը: Մայր Աթոռ Սուրբ Էջմիածնի թանգարանները ապրիլի 24-ին կներկայացնեն Հայոց ցեղասպանության թեմային առնչվող եզակի նմուշներ: Հայ առաքելական եկեղեցու գործունեությունը Հայոց ցեասպանության ճանաչման հարցում: Ջավախքի ընդհանուր առաջնորդական փոխանորդ Մաղաքիա վարդապետ Ամիրյանը Ջավախքի Ղուլալիս գյուղում 1314թ-ի խաչքար է հայտնաբերել: Մեկ ամսից ավել է՝ կարանտինի մեջ է Հայրենիքի պաշտպանի վերականգնողական կենտրոնը իր ողջ անձնակազմով, մասնագետններն այս քայլին գնացել են համավարակից վիրավոր զինվորներին պաշտպանելու համար: Ապրիլի 22-ին Արցախի թեմի առաջնորդ Պարգև արքեպիսկոպոս Մարտիրոսյանի ձեռամբ օծվել է Ասկերանի շրջանի Ջրաղացներ համայնքի Սուրբ Աստվածածին եկեղեցու գմբեթի խաչը։ Միջազգային լրահոս:

 

Եկեղեցական կյանք 22.04.2020


Այս տարի քաղաքացիների երթը դեպի Ծիծեռնակաբերդ կկազմակերպվի վիրտուալ տարածքում: Հայոց ցեղասպանության հիշատակության այս տարվա միջոցառումների մասին խոսել է Ցեղասպանության թանագարան-ինստիտուտի տնօրեն Հարություն Մարությանը: Ապրիլի 23-ին, ժամը 21:00-ին և ապրիլի 24-ին, ժամը 12-ին կղողանջեն բոլոր եկեղեցիների զանգերը: Մայր Աթոռ Սուրբ Էջմիածնի սոցիալական ծառայության գրասենյակն Էջմիածնի քաղաքապետարանի հետ համատեղ իրականացնում է կորոնավիրուսի հետևանքով սոցիալական ծանր կացության մեջ հայտնված բնակչությանը պարենային սննդի փաթեթներ տրամադրելու թվով երկրորդ ծրագիրը։ Եկեղեցիների համաշխարհային խորհրդի Հայաստանյան «Կլոր սեղան» բարեգործական հիմնադրամի հովանավորությամբ Շիրակի, Տավուշի, Գուգարաց թեմերի սոցիալ-կրթական կենտրոններում և Էջմիածնի հայորդյաց տանը կամավորները բազմակի օգտագործման 20. 000 դիմակ են կարել: Հայ եկեղեցու սոցիալական գործառույթի մասին խոսել է Տավուշի թեմի առաջնորդ Բագրատ եպիսկոպոս Գալստանյանը: Միջազգային լրահոս:

Եկեղեցական կյանք 21.04.2020


Մայր Աթոռի տեղեկատվական համակարգը հայտարարություն է տարածել, որում անդրադարձ է կատարվել Նիկոլ Փաշինյանի՝ ապրիլի 20-ի տեսաուղերձին: Ամենայն հայոց կաթողիկոսը համերաշխության և միաբանության հորդոր է հղել: ԱՄՆ Սիեթլ քաղաքի Սուրբ Հարություն եկեղեցու նկատմամբ իրականացված վանդալիզմի առնչությամբ Վազգեն քահանա Բոյաջյանը հայտարարություն է տարածել և լուսանկարներ հրապարակել: Արցախում պարետ Գրիգորի Մարտիրոսյանի որոշմամբ բնակչության տեղաշարժի համար որոշակի սահմանափակումներ են կիրառվել: Համավարակով պայմանավորված՝ Մայր Աթոռ Սուրբ Էջմիածինը և ՀԲԸՄ-ը շարունակում են սոցիալական աջակցություն տրամադրել Երևանի, Էջմիածնի և Վանաձորի բարեգործական ճաշարանների տարեցներին։ Ապրիլի 26-ին Կանաչ կիրակիի օրն է, ինչպես նաև Նորավանքի ուխտի օրը: ՀՕՖ-ի Երեխաների աջակցության կենտրոնն արտակարգ դրության օրերին աշխատում է փակ ռեժիմով, արգելված են տեսակցությունները: Զրույց արտերկրից ժամանած մեր հայրենակցի հետ, որն այս պահին ինքնամեկուսացման մեջ է: