«Եկեղեցական կյանք» լրատվական թողարկումը ներկայացնում է Հայ Առաքելական եկեղեցու գործունեությունը կրթական, մշակութային, հասարակական, առողջապահական և այլ ոլորտներում, անդրադառնում եկեղեցական տոներին, պատմում թեմերին կից գործող հասարակական կառույցների, երիտասարդական շարժումների, հայորդյաց տների գործունեության մասին: Ներկայացնում է Մայր Աթոռ Սուրբ Էջմիածնի հոգևոր ծառայությունը, Հայ եկեղեցու և հայ հավատացյալի համայնքային կյանքը հայրենիքում և արտասահմանյան թեմերում:
Պարբերականությունը՝ ամեն երկուշաբթի և ուրբաթ, ժամը 19:30-ին և 21:30-ին
Կրկնությունը՝ երեքշաբթի և շաբաթ, ժամը 08:00-ին և 10:30-ին
Հեռարձակվում է նաև Հայաստանի հանրային հեռուստատեսության արբանյակային ալիքով: 

Զորակցության համազգային աղոթք հանուն Արցախի. 03.10.2020

Եկեղեցական կյանք 01.10.2020


Հոկտեմբերի 1. պատերազմական իրադրությունն Արցախում. պաշտոնական լրահոս: Ֆրանսիական Le Monde պարբերականի լրագրողները հրետակոծության տակ են ընկել: Արցախի ԱԺ-ն դիմել է Ադրբեջանի բնիկ ժողովուրդներին` խուսափել առաջնագիծ մեկնելուց: ՀՀ նախագահ Արմեն Սարգսյանը հարցազրույց է տվել CNBC ամերիկյան հեռուստացանցին: ՀՀ մարդու իրավունքների պաշտպան Արման Թաթոյանը հայտարարություն է տարածել: Մայր Աթոռում գումարվել է Գերագույն հոգևոր խորհրդի ժողով. ի զորակցություն Արցախի՝ «Հայաստան» համահայկական հիմնադրամին կես միլիոն ԱՄՆ դոլար կփոխանցվի Մայր Աթոռի միջոցներից: ԵՀԽ գործող գլխավոր քարտուղարը խորը մտահոգություն է հայտնել Լեռնային Ղարաբաղում սեպտեմբերի 27-ից լրջորեն ծավալվող հակամարտության սրման համար: ՀՀ ԱԱԾ-ն բացահայտել է նախկինում բարձրաստիճան զինվորական ծառայություն իրականացրած անձի կողմից պետական դավաճանության դեպք: ԱԱԾ-ն հաղորդագրություն է տարածել՝ զերծ մնալու հեռախոսզանգերից և կարճ հաղորդարություններ ուղարկելուց: Հայկական զինուժը խոցել է հակառակորդի 3 ինքնաթիռ, 2 ուղղաթիռ, 6 ԱԹՍ՝ մեկ կեսօրում: Հայ եկեղեցու ԱՄՆ Արևմտյան թեմի առաջնորդ Հովնան արքեպիսկոպոս Տերտերյանը նամակով դիմել է ԱՄՆ նախագահ Դոնալդ Թրամփին:

 

Եկեղեցական կյանք 30.09.2020


Հայկական զինուժը շարունակում է հերոսաբար կասեցնել թուրք-ադրբեջական հարձակումը, ռմբակոծվել է Մարտակերտը. օրվա իրադարձություննեի պաշտոնական լրահոս։ Սահմանի համար քաղաքացիները իրեր են հավաքվում: «Էօրնեկեան» դպրոցն օգնում է սահմանին: Միջազգային մամուլի ամփոփ լրահոս:

 

Եկեղեցական կյանք 29.09.2020


Սեպտեմբերի 29-ին Ս. Գայանե վանքում Հանրապետական մաղթանքի ընթացքում Ամենայն հայոց կաթողիկոսը ուղերձ հղեց աշխարհասփյուռ հայ ժողովրդին: Սեպտեմբերի 29-ի պատերազմական իրավիճակի լրահոս: «Իզմիրլյան» հիվանդանոցի բուժանձնակազմը մեկնել է սահման: Մայր Աթոռից Արցախ են մեկնում զինվորագրված հոգևորականները: Քրիստոնեական կրոնական կառույցներն արձագանքել են Արցախում տիրող պատերազմական իրավիճակին:

Հանրապետական մաղթանքի ընթացքում Հայոց հովվապետը ուղերձ հղեց համայն հայությանը


Սեպտեմբերի 29. Սուրբ Գայանե վանք, Հանրապետական մաղթանք եւ Ամենայն հայոց հայրապետի ուղերձ աշխարհասփյուռ հայությանը։

Եկեղեցական կյանք 28.09.2020


Արցախի Հանրապետության դեմ Ադրբեջանի սանձազերծած ռազմական ագրեսիան դատապարտելու վերաբերյալ ԱԺ հայտարարությունը: Ամենայն հայոց կաթողիկոսը Մայր Աթոռում հրավիրել է եպիսկոպոսների հավաք: Սեպտեմբերի 28. իրադարձությունների լրահոս: Զորակոչ. հազարավոր քաղաքացիներ կամավորագրվում են՝ սահման մեկնելու համար: Քաղաքացիները շարունակում են արյուն հանձնել: Տիրոջ խաչափայտի մասունքը՝ սահմանապահ Տավուշում:

 

Եկեղեցական կյանք 27.09.2020


ՀՀ կառավարության որոշմամբ հանրապետությունում հայտարարվել է ռազմական դրություն և ընդհանուր զորահավաք: Վեհափառ հայրապետն ընդհատել է իր այցը Իտալիա ու Վատիկան և վերադառնում է հայրենիք: «Արցախ հայրենի մեր երկիրը կանչում է մեզ ամենքիս՝ պաշտպանելու մեր ազգի իրավունքները». Գարեգին Բ Ամենայն հայոց կաթողիկոսը ուղերձով դիմել է հայությանը: Ամենայն հայոց կաթողիկոսը հեռախոսազրույց է ունեցել ՀՀ վարչապետ Նիկոլ Փաշինյանի և ՀՀ նախագահ Արմեն Սարգսյանի հետ: Վատիկանում Ֆրանցիսկոս պապի և Գարեգին Երկրորդ Ամենայն հայոց կաթողիկոսի հանդիպման ժամանակ անդրադարձ է եղել ադրբեջանական ագրեսիային արցախա-ադրբեջանական ուժերի շփման գծի ողջ երկայնքով: Մայր Աթոռ Ս. Էջմիածնի Սուրբ Տրդատ բաց խորանում աղոթք է հնչել Արցախի և հայոց բանակի անսասության, հայրենիքի խաղաղության, զինվորի ոգու ամրության համար։ Երևանի Զորավոր Սուրբ Աստվածածին եկեղեցում պահվող Տիրոջ խաչափայտի մասունքը դուրս է բերվել երկրպագության: Սեպտեմբերի 27-ի իրադարձությունների ամփոփ լրահոս:

Եկեղեցական կյանք 25.09.2020


Սեպտեմբերի 25-ին Մայր Աթոռ Սուրբ Էջմիածնում Գարեգին Բ Ամենայն հայոց կաթողիկոսն ընդունեց պաշտոնական այցով ՀՀ ժամանած Արցախի Ազգային ժողովի պատվիրակությունը՝ ԱԺ նախագահ Արթուր Թովմասյանի գլխավորությամբ: Հայաստանի ազգային պատկերասրահի մասնաճյուղ Մհեր Աբեղյանի թանգարանում երկու ցուցասրահ նվիրված է լինելու Եղիշե Թադևոսյանին: Սեպտեմբերի 27-ին Հայ առաքելական եկեղեցին կտոնախմբի Վարագա ս. Խաչի տոնը: Միջազգային լուրեր- Երուսաղեմի հայոց պատրիարքությունում պահվող ձեռագրերն այժմ հնարավոր է տեսնել բացառիկ տեսագրության շնորհիվ: Բարսելոնայի Սբ. Ընտանիքի տաճարին կից կբացվի Անտոնիո Գաուդիի և նրա հետևորդների արվեստը ուսումնասիրող կենտրոն: Սաուդյան Արաբիայում կարանտինային սահմանափակումները մեղմացվել են, հոկտեմբերից կթույլատրվեն դեպի Մեքքա ուխտագնացույթունները:

 

Եկեղեցական կյանք 18.09.2020


Ս. Էջմիածնի մայր տաճարի նորոգման ընթացքում բացահայտումները շարունակվում են: «Էջմիածնասեր տիկնանց համախմբումը» բաշխել է Բեյրութի նավահանգստի պայթյունից տուժածներին հասցեագրված՝ Մայր Աթոռի և աշխրահասփյուռ թեմերի տրամադրած հումանիտար օժանդակությունը: Արտաշատի Ս. Հովհաննես եկեղեցու բակում տեղադրվել է արևային էներգիայի կայան: Հառիճավանքում կանցկացվեն կոմիտասյան փառատոն-գիտաժողովի միջոցառումներ: Ֆրանսիան Նորքի հայորդյաց տան սաների նկարներում:

Եկեղեցական կյանք 13.09.2020


Խաչվերացի տոնական պատարագի օրը Մայր Աթոռ Ս. Էջմիածնում քահանայական ձեռնադրություն և օծում ստացավ չորս սարկավագ: Խաչվերաց տոնը Երևանի Սուրբ Խաչ (Արաբկիր) և Զորավոր Ս. Աստվածածին եկեղեցիներում: Ռեհանով զարդարված ու վարդաջրով ցողված տոնական խաչի պտույտը Արաբկիրի Սուրբ Խաչ եկեղեցում: Մոսկվայի հայկական եկեղեցու համայնքը ևս նշում է տարվա վերջին տաղավար տոնը՝ Խաչվերացը: Խաչվերացի տոնը Ներքին Չարբախի Սուրբ Խաչ եկեղեցում: Խաչվերացի տոնը նաև Դիլիջանի Սուրբ Խաչ եկեղեցու ուխտի օրն է:

 

Եկեղեցական կյանք 11.09.2020


2020-2021 ուսումնական նոր տարեշրջանի մեկնարկի առիթով Մայրավանքի Ս. Տրդատ բաց խորանին, Գարեգին Բ Ամենայն հայոց կաթողիկոսի նախագահությամբ կատարվեց կրթության մշակների ավանդական օրհնության կարգը: Այս կիրակի մեր եկեղեցու հոգևոր դասը կհամարվի ևս 8 քահանայով: Սեպտեմբերի 13-ին Խաչվերաց տոնն է: Լույս է տեսել Դեյվիդ Հորըլի «Պողոսագիտության ներածություն» մենագրության հայերեն թարգմանությունը: «Կորոնավիրուսն իմ պատուհանից» խորագրով նկարչական ցուցահանդեսը Նորքի հայորդյաց տան առաջին միջոցառումն էր համավարակի սահմանափակումներից հետո:

Եկեղեցական կյանք 08.09.2020


ԱԺ նախագահ Արարատ Միրզոյանն ու Գարեգին Երկրորդ Ամենայն հայոց կաթողիկոսը հանդիպում են ունեցել Ազգային ժողովում, քննարկել եկեղեցի-պետություն հարաբերություններին առնչվող հարցեր: «Հռադամիզդ» օպերայի ստեղծագործական խումբը Ս. Էջմիածնում հանդիպել է Ամենայն հայոց կաթողիկոսի հետ: Աստվածամոր ծննդյան տոնի կապակցությամբ Մասիսի Սուրբ Թադեոս եկեղեցու հոգևոր հովիվ Տ. Արարատ քահանա Օրդոյանը երիտասարդաց միության անդամների հետ այցելեց Մասիսի բժշկական կենտրոն: Սբ. Կույս Մարիամի ծնննդյան տոնական պատարագին մեր նկարահանող խումբը Քանաքեռի Սուրբ Աստվածածին եկեղեցում էր: