«Եկեղեցական կյանք» լրատվական թողարկումը ներկայացնում է Հայ Առաքելական եկեղեցու գործունեությունը կրթական, մշակութային, հասարակական, առողջապահական և այլ ոլորտներում, անդրադառնում եկեղեցական տոներին, պատմում թեմերին կից գործող հասարակական կառույցների, երիտասարդական շարժումների, հայորդյաց տների գործունեության մասին: Ներկայացնում է Մայր Աթոռ Սուրբ Էջմիածնի հոգևոր ծառայությունը, Հայ եկեղեցու և հայ հավատացյալի համայնքային կյանքը հայրենիքում և արտասահմանյան թեմերում:
Պարբերականությունը՝ ամեն երկուշաբթի և ուրբաթ, ժամը 19:30-ին և 21:30-ին
Կրկնությունը՝ երեքշաբթի և շաբաթ, ժամը 08:00-ին և 10:30-ին
Հեռարձակվում է նաև Հայաստանի հանրային հեռուստատեսության արբանյակային ալիքով: 

Եկեղեցական կյանք 03.02.2020


Մեր եկեղեցում Առաջավորաց պահքի շրջան է: Պետրոս Գետադարձ Ա կաթողիկոսի կերպարը պատմության համատեքստում․Հայ եկեղեցու պատմություն առարկայի ուսուցիչների համար բանախոսել է Մատենադարանի գիտական քարտուղար Վահե Թորոսյանը։ Այս տարի Ս. Սարգսի տոնը փետրվարի 8-ին է․ Արարատյան թեմը հայտնել է փետրվարի 7-ի և 8-ի տոնական միջոցառումների ցանկը: Միջազգային լուրեր- Անգլիայում հնագետները հայտնաբերվել են այն վանքը, որտեղ թագադրվել է երկրի առաջին արքան: Լիբանանում տեղի է ունեցել Արևելյան ուղղափառ և կաթոլիկ եկեղեցիների երկխոսության Միջազգային աստվածաբանական համատեղ հանձնախմբի 17-րդ հանդիպումը։ Մայր Աթոռ Սուրբ Էջմիածնից մասնակցել են Խաժակ արքեպիսկոպոս Պարսամյանը և Շահե ծայրագույն վարդապետ Անանյանը: Ֆրանցիսկոս պապը և Միացյալ Նահանգների փոխնախագահ Մայք Փենսը քննարկել են ընդդեմ հղիության արհեստական ընդհատումների շարժմանը վերաբերող հարցեր: Այս տարի կազմակերպվելու է Հռոմի սրբազան քահանայապետի այցը Ինդոնեզիա, Արևելյան Թիմոր և Պապուա, Նոր Գվինեա: Ենթադրյալ այցի մասին նորությունը հայտնել է «Հումանիտար իսլամ» շարժման առաջնորդ շեյխ Յահյա Խալիլը:

Եկեղեցական կյանք 31.01.2020


Հունվարի 30-ին Հաղարծին վանական համալիրում դիմավորեցին տուն վերադարձող Տիրամոր հարթաքանդակը: Հիմնադրման 25-ամյակն է նշում ԵՊՀ Աստվածաբանության ֆակուլտետը։ Երուսաղեմի հայոց միաբանությունը նշում է Ս․ Ծնունդը՝ հին տոմարով։ ՀԵՀԵՄ գրասենյակում մեկնարկեց «Սոցիալական ձեռներեցություն, գաղափարի գեներացում, ծրագրի ստեղծում» թեմայով սեմինարը: Միջազգային լուրեր-Կաթոլիկ եկեղեցին Լեհաստանում նշել է «Իսլամի օր» կոչվող ամենամյա միջոցառումը: Հունվարի երրորդ երկուշաբթին Միացյալ Նահանգներում նշվում է Մարտին Լյութեր Քինգ կրտսերի հիշատակի օրը: Անգլիայի ծխական եկեղեցիներից մեկում վերարտադրել են Սիքստինյան կապելայի նշանավոր նկարազարդումները:

Եկեղեցական կյանք 24.01.2020


Հայրապետական կոնդակով ստեղծվել է Բալթյան երկրների հայոց թեմը, որում ընդգրկված են Լատվիայի, Լիտվայի և Էստոնիայի հանրապետությունների հայկական եկեղեցական համայնքները։ Նորաստեղծ թեմի առաջնորդ է նշանակվել Վարդան եպիսկոպոս Նավասարդյանը: Էկումենիկ աղոթք՝ Մոնրեալի Ս․Գրիգոր Լուսավորիչ հայ առաքելական առաջնորդանիստ եկեղեցում: Նորքի հայորդյաց տունը մասնակցում է «Օգնության խցաններ» մարդասիրական նախաձեռնությանը: Լույս է տեսել Մատենադարանի հիմնադիր տնօրեն Լևոն Խաչիկյանի 100-ամյակին նվիրված գիտաժողովի նյութերի ժողովածուն։ Փետրվարի 8-ին Սուրբ Սարգսի տոնն է։ Մայր Աթոռի հրատարակչատունը լույս է ընծայել Մեծ Հայքի Տայք նահանգին նվիրված ուսումնասիրությունների գիրքը: Միջազգային լուրեր- Անգլիկան եկեղեցին միջոցներ է տրամադրում քահանաներին ժամանակակից գիտական կրթություն ստանալու համար: Իտալիայի եպիսկոպոսները երկրում աճող անտիսեմիտիզմին ի պատասխան զարգացնում են երկխոսություն կաթոլիկների և հրեաների միջև: Երուսաղեմում կայացել է Հոլոքոսթի հիշատակին նվիրված հինգերորդ ֆորումը, որին մասնակցել է նաև ՀՀ նախագահ Արմեն Սարգսյանը:

Եկեղեցական կյանք 20.01.2020


Այս օրերին Հայ եկեղեցին խնկարկում է 30 տարի առաջ Բաքվում զոհ գնացած հայերի հիշատակը։ Մոսկվայի հայկական եկեղեցու թանգարանում Հովհ․ Այվազովսկու, Մարտիրոս Սարյանի, Գևորգ Բաշինջաղյանի, Ժանսեմի կտավների կողքին այսուհետ կցուցադրվեն նաև Երվանդ Քոչարի, Վահրամ Գայֆեճյանի, Ռուդոլֆ Խաչատրյանի աշխատանքները։ «Արմավիր» քրեակատարողական հիմնարկում օծվեց ևս մեկ մատուռ: Խնկո Ապոր անվան գրադարանի դահլիճում ցուցադրվեց Զորավոր Սրբ. Աստվածածին եկեղեցու տիկնանց միության «Երազանքների տնակը» ներկայացումը: Միջազգային լուրեր- Մոնակոյի արքայադուստր Ալեքսանդրային կաթոլիկություն ընդունելու պատճառով բրիտանական միապետական ընտանիքը զրկել է գահաժառանգության իրավունքից: Վատիկանի առաքելական գրադարանի նյութերն այժմ հասնաելի են նաև առցանց։ Եգիպտոսի կառավարությունը վերականգնել է 2013 թվականին երկրի Մինյա նահանգի բոլոր տուժած ղպտիական եկեղեցիները:

Եկեղեցական կյանք 17.01.2020


Լույս է տեսել Մատթեոս Ա Կոստանդնուպոլսեցի հայրապետի «Հայելի աստվածային շնորհաց» աստվածաբանական երկը։ 
Տնօրհնեքի արարողություն «Իզմիրլյան» բժշկական կենտրոնում։ 
Լույս է տեսել «Երիտասարդի աղոթագիրք» ժողովածուն։
Մայր Աթոռ Ս․ Էջմիածինը հրատարակել է այս տարվա եկեղեցական օրացույցը: 
Միջազգային լուրեր-Վիեննայի մայր տաճարում Դյուրերին վերագրվող որնմանկար է հայտնաբերվել: Վերջին 20 տարում Հարավային Կորեայում շուրջ հիսուն տոկոսով աճել է կաթոլիկների թիվը: Ֆրանսիացի ճարտարապետներից մեկն առաջարկել է Փարիզի Աստվածամոր տաճարը ծածկել փայտյա ծածկերով:

Եկեղեցական կյանք 13.01.2020


ՀՀ վարչապետ Նիկոլ Փաշինյանը, Ամենայն հայոց կաթողիկոս Գարեգին Երկրորդը, ԱԺ նախագահը, բարձրաստիճան պաշտոնյաներ, պատգամավորներ հարգանքի տուրք մատուցեցին 30 տարի առաջ իրականացված Բաքվի ջարդերի զոհերի հիշատակին։ Մայր Աթոռի թանգարանների գեղանկարչական հավաքածուն հարստացավ Դավիթ Դանիելյանի բնանկարով։ Մայր տաճարի վերականգնման նախագծի գլխավոր ճարտրապետ Ամիրան Բադիշյանը նոր մանրամասներ է պատմում Ս․ Էջմիածնում հայտնաբերված տապանաքարի մասին: Սունդուկյանի անվան մայր թատրոնի բեմում Հայորդյաց տների Ս. Ծննդյան հանդիսությունն էր: Միջազգային լուրեր- Միացյալ Նահանգների կաթոլիկ եպիսկոպոսները հավանություն են տվել հիվանդանոցային ինքնասպանություններին վերաբերող Կոնգրեսի բանաձևին: Հյուսիսային Իռլանդիայում գործող քրիստոնեական կազմակերպություններից մեկն առաջարկել է վերանայել ազարտային խաղերի մասին օրենքները: Պապական հանձնաժողովը հերքել է զանգվածային որոշ լրատվամիջոցներում տարածված միասեռական կապերին վերաբերող փաստարկները, որոնք իբր վերցված են Սուրբ գրքից: Ֆրանսիայում հայտնաբերված 13-րդ դարի «Քրիստոսի անարգանքը» սրբանկարը հայտարարվել է ազգային արժեք:

Եկեղեցական կյանք 10.01.2020


2020թ․-ի տարեմուտի Կաղանդչեքը Մայրավանքում։ Հայորդյաց տների մոտ 300 սաներ հունվարի 10-ին Գարեգին Բ Ամենայն հայոց կաթողիկոսի հյուրերն էին։ Ս․ Ծննդյան և Աստվածահայտնության տոնական արարողությունները Մոսկվայի հայկական եկեղեցական համալիրում։ Սուրբ Ծննդյան տոնը Հայ եկեղեցու աշխարհասփյուռ թեմերում։ Խարբերդի մանկատան սաներին Ս․ Ծննդյան տոնի առթիվ այցելել են հոգևորականներ, երիտասարդաց միության անդամներ, Աստվածաշնչային ընկերության աշխատակիցներ:

Եկեղեցական կյանք 05.01.2020 Ս․ Ծննդյան ճրագալույց


Տարվա առաջին՝ Ս․ Ծննդյան ճրագալույցի պատարագը Սուրբ Գայանե վանքում մատուցվեց Գարեգին Բ Ամենայն հայոց հայրապետի հանդիսապետությամբ։
Ավանդույթի համաձայն տարվա առաջին տնօրհնեքը կատարվեց կաթողիկոսական նստավայրում:
Ճրագալույցի տոնական պատարագին մասնակցելու համար Երևանի ամենամեծ՝ Սուրբ Գրիգոր Լուսավորիչ մայր եկեղեցի էին եկել հարյուրավոր հավատացյալներ:
Ս․ Ծննդյան ճրագալույցի պատարագին Երևանի Ս․ Սարգիս առաջնորդանիստ եկեղեցում մասնակցում էր նաև Երևանի քաղաքապետ Հայկ Մարությանը։
Մեղրաձորի Սուրբ Աստվածածին եկեղեցում տոնական պատարագից հետո մեղրաձորցի փոքրիկները անտեսելով ցուրտը և հոգնածությունը՝ շտապում էին տնետուն՝ փոխանցելու նվիրական ճրագն ու Սուրբ Ծննդյան ավետիսը։
 

Ամենայն հայոց հայրապետի՝ 2020թ․-ի տարեմուտի ուղերձը


Գարեգին Բ Ամենայն հայոց կաթողիկոսի Ամանորի ուղերձը։

Եկեղեցական կյանք 30.12.2019


Դեկտեմբերի 28-ին Մայր Աթոռ Սուրբ Էջմիածնում Արմավիրի թեմի առաջնորդ Սիոն սրբազանին հանձնվեց արքության պատվի հայրապետական կոնդակը: Դեկտեմբերի 27-ին Հայաստանի ազգային պոլիտեխնիկական համալսարանի ուսանողները հանդիպեցին Ամենայն հայոց հայրապետի հետ: Հայ եկեղեցու համաշխարհային երիտասարդական միավորման գրասենյակում մտերմիկ միջավայրում հավաքվել են կառույցի ակտիվ մասնակիցներ: Էջմիածնի հայորդյաց տան սաները ամանորյա տրամադրությամբ և նվերներով այցելել էին Աբովյան քաղաքի «Նարեկ» ծերանոց: Վանաձորի «Գրիգոր Նարեկացի» հայորդյաց տանը 400-ից ավելի սաներն ու նրանց ծնողները հավաքվել էին շնորհավորելու միմյանց Նոր տարվա և Սուրբ Ծննդյան տոների առիթով։ Գարեգին Բ Ամենայն հայոց կաթողիկոսի հայրապետական գործունեությունը՝ անցնող տարում: Մայրավանքի վերանորգման ընթացքը 2019-ին: Ընտանիքի տարի հռչակված 2019-ի միջոցառումները:

Եկեղեցական կյանք 27.12.2019


Դեկտեմբերի 25-ին Գարեգին Բ հայրապետը Մայր Աթոռում ընդունեց Շիրակի թեմի առաջնորդ Միքայել արքեպիսկոպոս Աջապահյանին և մարզային, համայնքային, թեմական ներկայացուցիչների պատվիրակությանը: Միքայել սրբազանին հանձնվեց արքության պատվի հայրապետական կոնդակը: Ամանորի շեմին Մայր Աթոռի «Ռուբեն Սևակ» թանգարանում «Նոր Կամերատա» անսամբլի կատարմամբ տոնական համերգ էր։ Դեկտեմբերի 25-ին Գարեգին Բ Ամենայն հայոց կաթողիկոսի հրավերով Ամանորի և Սուրբ Ծննդյան տոների առթիվ Էջմիածնի հայորդյաց տուն էին այցելել հատուկ կարիքով երեխաները։ Բեյրութի Մխիթարյան դպրեվանքի եկեղեցու սարկավագ Հարություն Հարբոյանը Սուրբ Նիկողայոսի օրինակով հանդերձավորվելով՝ Երևանում ու սահմանամերձ գյուղերում ներկայանում է որպես բարի Ձմեռ պապ: ՀՀ ԳԱԱ հնագիտության և ազգագրության ինստիտուտի աշխատակիցները ուսումնասիրել են անհատների սեփականություն հանդիսացող արժեքավոր ձեռագրեր և Սուրբ Գրքեր։ Դեկտեմբերի 22-ին տեղի ունեցավ Արտակ սարկավագ Ղևոնդյանի «Մի բուռ լռություն» բանաստեղծությունների ժողովածուի շնորհանդեսը: Կանադայի հայոց թեմում նշվել է Ս․ Գրիգոր Լուսավորիչ առաջնորդանիստ եկեղեցու օծման և անվանակոչության 49-րդ տարեդարձը:

Եկեղեցական կյանք 23.12.2019


Դեկտեմբերի 21-ին Գարեգին Բ Ամենայն hայոց kաթողիկոսը հյուրընկալեց Հրազդանից և Ծաղկաձորից եկած բազմազավակ ընտանիքների: Նույն օրը Վեհափառ հայրապետը հյուրընկալեց նաև Երևանի Նոր Նորքի Սուրբ Սարգիս եկեղեցու «Նավասարդ» երիտասարդաց միության անդամներին և Արցախի հերոս Գագիկ Ստեփանյանի անվան թիվ 135 դպրոցի տարբեր դասարանների աշակերտներին: Մայր Տաճարի բակում՝ մուտքից մոտ 10 մետր հեռավորության վրա, վերանորոգման աշխատանքների ընթացքում շինարարները տապանաքար են գտել: Գարեգին Բ Ամենայն հայոց հայրապետի օծման և գահակալության 20-ամյակի կապակցությամբ Մայր Աթոռի հրատարակչական բաժինը լույս է ընծայել Նորին Սրբության` «Էջմիածին» ամսագրում տպված պաշտոնական խոսքերի հատընտիրը: Կայացավ Հայաստանի աստվածաշնչային ընկերության տարեկան համագումարը, ընտրվեց հոգաբարձուների խորհրդի նոր կազմ՝ հաջորդ չորս տարիների համար: Դկտեմբերի 21-ին մեր եկեղեցին տոնախմբեց Սուրբ Աբգար թագավորի հիշատակության օրը: Հ. Կոջոյանի անվան կրթահամալիրի առաջին դասարանցիները «Մուղդուսյան» արվեստի կենտրոնում մասնակցեցին տարեմուտի «Ավանդախաղին»: