Հեղինակ և վարող՝ Աննա Սարգսյան
Արագ փոփոխվող ժամանակակից աշխարհում անհատը ինքնադրսևորման խնդիր ունի, հասարակությունները՝ ինքնության նոր նշանների: Մարդկությանը հուզող հավերժական հարցերը, համամարդկային արժեքներն ամեն  հանրույթում փորձության են ենթարկվում յուրովի և պահանջում են լուծումներ յուրաքանչյուր անհատից առանձին:
«Հետխորհրդային հայ իրականություն», «Հավաքական հիշողություն», «Գիտելիք և տեղեկատվություն», «Անկախության դասեր», «Լեզու և ինքնագիտակցություն»... Թեմաներ, որ քննարկում են վաստակաշտ և երիտասարդ գիտնականներն, արվեստագետներն ու հոգևորականները «Երրորդ հազարամյակի» տաղավարում:  
Հաղորդաշարը ստեղծվել է 2005թ.: 2011թ-ին բանավեճի մշակույթ զարգացնելու համար արժանացել է Երևանի մամուլի ակումբի ամենամյա մրցանակին:
 
Պարբերականությունը՝ ամեն հինգշաբթի, ժամը 21:55-ին
Կրկնությունը՝ ուրբաթ, ժամը 13:00-ին, կիրակի, ժամը 15:15-ին

Ինչու՞ «վարակը մեզ չի կպնի»


Ինչպե՞ս ենք վերաբերվում սեփական առողջությանը, ինչպե՞ս ենք վերաբերվում դիմացինի առողջությանը: Արդյո՞ք գնահատում ենք հոգեկան լավակեցությունը: Այս խնդիրները կապված են մտածողությա՞ն հետ, թե՞ նաև ինստիտուցիոնալ աշխատանք են ենթադրում: Այս հարցերի շուրջ զրուցել ենք հանրային առողջապահության մասնագետ Շահանե Մնացականյանի հետ:

Մայիսյան հերոսամարտերն ու Առաջին հանրապետության հռչակումը՝ ճգնաժամի կառավարման օրինակ


Ինչպե՞ս հնարավոր եղավ ցեղասպանության, պատերազմի, սովի, դասալքության, տարածաշրջանային մեկուսացման պայմաններում ստեղծել պետություն: Դա անձնական ձի՞րք էր, թե՞ հավաքական կամքի դրսևորում: Տեսակապով զրուցում ենք Հայոց ցեղասպանության թանգարան-ինստիտուտի տնօրեն, պատմ. գիտ. դոկտոր Հարություն Մարությանի հետ:

Չդառնալ տեղեկատվական թիրախ


Ճգնաժամային իրավիճակում, երբ անորոշությունը մեծ է, մարդկանց հեշտ է հավատացնելը, ապա՝ կառավարելը: Ինֆորմացիայի տարածման մանիպուլյատիվ միջոնցերի և հուզական գրոհից պաշտպանվելու բանաձևերի մասին զրուցել ենք հոգեբան Անուշ Ալեքսանյանի հետ:

Հետազոտելով կորոնավիրուսի հետևանքները


«Հետազոտական ռեսուրսների կովկասյան կենտրոն-Հայաստան»-ը Ֆեյսբուքի հայաստանյան օգտատերերի շրջանում կատարել է Կորոնավիրուսի վերբերյալ իրազեկվածության և դրա ազդեցության գնահատում: Առցանց հետազոտության արդյունքների մասին զրուցել ենք կենտրոնի ղեկավար Սոնա Բալասանյանի հետ:

Իրաքի հայ համայնքը համավարակի օրերին


Բաղդադից տեսակապով մեզ հետ զրուցել է Իրաքի հայոց թեմի առաջնորդ Տ. Ավագ արքեպիսկոպոս Ասատուրյանը:

Դանիայի հայ համայնքը համավարակի օրերին


Օդենսեից տեսակապով մեզ հետ զրուցել է Դանիայի հայոց հովվության հոգևոր սպասավոր Տ. Ստեփանոս քահանա Հովհաննիսյանը:

Ռուսաստանի հայությունը համավարակի օրերին


Մոսկվայից տեսակապով մեզ հետ զրուցել է Ռուսաստանի և Նոր Նախիջևանի հայոց թեմի հոգևոր սպասավոր Տ. Քերովբե քահանա Բարսեղյանը:

 

Ավստրալիայի հայ համայնքը համավարակի օրերին


Սիդնեյից տեսակապով մեզ հետ զրուցել է Նոր Զելանդիայի և Ավստրալիայի հայոց թեմի առաջնորդ Տ․ Հայկազուն արքեպիսկոպոս Նաջարյանը:

Ջավախահայությունը համավարակի օրերին


Ախալցխայից տեսակապով մեզ հետ զրուցել է Սամցխե-Ջավախքի և Ծալկայի ընդհանուր առաջնորդական փոխանորդ Տ. Մաղաքիա վարդապետ Ամիրյանը:

Հունահայ համայնքը համավարակի օրերին


Աթենքից տեսակապով մեզ հետ զրուցել է Հունաստանի հայ համայնքի առաջնորդական տեղապահ Տ. Խորեն Վարդապետ Առաքելյանը:

Ավստրիայի հայ համայնքը համավարակի օրերին


Վիեննայից տեսակապով մեզ հետ զրուցել է Ավստրիայի հայ համայնքի հոգևոր հովիվ Տ. Անդրեաս քահանա Իսախանյանը:

Սիրիայի հայությունը համավարակի օրերին


Տեսակապ ենք հաստատել Սիրիա, մեզ հետ զրուցել է Դամասկոսի հայոց թեմի առաջնորդ Տ. Արմաշ եպիսկոպոս Նալբանդյանը: