Երբ սիրում ես


Ո՞րն է երջանիկ ու ամուր ընտանիք ունենալու գրավականը, ի՞նչ է նշանակում սիրել, վստահել ու հավատալ: «Կյանքի այս հատվածում մենք ուրիշ բանով չէինք ուզենա զբաղվել, քան տանը նստած ուղղակի զրուցել, գիրք կարդալ կամ մուլտֆիլմ դիտել: Ու դա իսկապես իդեալական է»: Այսպես են կարծում Լիան ու Տիգրանը:

Տ. Վիգեն քահանա Մանուկյան


«Ընտանիքն այն տեղն է, որտեղ մարդն իրեն ապահով ու սիրված է զգում»: Մեր նկարահանոող խումբը մեկնել է Օշական, հյուրընկալվել տեղի հոգևոր հովիվ Տ. Վիգեն քահանա Մանուկյանին: 

Ս. Ծննդյան ծիսական տիկնիկներ


Ավանդական տիկնիկները՝ Կաղանդ պապը, խլվլիկներն ու արալեզներն այսօր փոխակերպվել են նոր տիկնիկներով: Տիկնիկագործները ներկայացնում են, թե ինչպես կարելի է դա անել՝ պահպանելով Ս. Ծննդյան ժողովրդական ծեսերի խորհուրդն ու բովանդակությունը:

Ամանորի զարդեր` ձեռքի աշխատանքով


Ամանորի տոնածառի զարդարանքները բազմատեսակ են, բայց ձեռքի աշխատանքով պատրաստվածները` առավել արժեքավոր: Այս Ամանորին վարպետները զարդարում են տոնածառը հելունագործ, կավե և թաղիքե խաղալիքներով:
 

Լիլիթ Ավետյան


Զարդեր բնական քարերից` Լիլիթ Ավետյանի ձեռքով: 

Pics Art


Pics Art հավելվածը հիմնադրվել է 2011 թվականին Հայաստանում, որպես մի հարթակ, որտեղ բոլորը անկաշկանդ ստեղծագործելու և արտահայտվելու հնարավորություն ունեն: Pics Art-ի հավելվածը ունի 500-ից ավելի ներբեռնում և մեկ միլիոնից ավելի օգտատեր: Հավելվածը հասանելի է ամբողջ աշխարհում՝ 30 լեզվով IOS, Android, Windows հարթակներում: Երևանի, Սան Ֆրանցիսկոյի, Լոս Անջելեսի, Պեկինի գրասենյակներում աշխատում է 350-ից ավելի աշխատակից: Հավելվածը բազմիցս ճանաչվել է որպես լավագույն հավելված Google Play-ի և Apple Store-ի կողմից:

Հակոբ Հակոբյան


26 տարի Ռուսաստանում, Դուբայում, Անգլիայում, Ֆրանսիայում ապրելուց հետո Հակոբը վերադարձել է Հայաստան: Երջանիկ պատահականությամբ հանդիպել է ապագա կնոջը, որն էլ նրան համոզել է հաստատվել Հայաստանում: Նրանք վարձակալությամբ գործարկում են «Ագապե» սեղանատունը: Հակոբը ուրախ է, որ հնարավորություն ունի մասնակցելու նոր Հայաստանի կառուցմանը:

Տ. Մինաս քահանա Մարտիրոսյան


Մինաս քահանա Մարտիրոսյանը Վազգենյան դպրանոցում աշխատում է ավելի քան քսան տարի: Իրեն երջանիկ է համարում ապագա հոգևորականներին կրթություն ու գիտելիք փոխանցելու համար: «Իմ հովիվը» հաղորդաշարը հյուրընկալվել է Ս. Առաքելոց վանքի վանահայր, Սևանի Վազգենյան հոգևոր դպրանոցի փոխտեսուչ Տ. Մինաս քահանա Մարտիրոսյանին:

Գևորգ-Ջորջ Քասսաբյան


Գևորգ-Ջորջ Քասսաբյանը ծնվել է Սիրիայում, երիտասարդ տարիքում տեղափոխվել է Կանադա, բազմաթիվ անգամներ եկել է Հայաստան ապրելու ու էլի հետ վերադարձել: Մի քանի տարի է` Հայաստանում է, իր համար մի ճշմարտություն է պարզել. «Հայի գենետիկ այս հողի հետ է կապված»: Ընտանիքը դեռ Կանադայում է, Գևորգը համոզված է, որ գենետիկ կոդը նրանց էլ է Հայաստան բերելու:  

Լուսինե Սանթրոսյան


Լուսինե Սանթրոսյանը տիկնիկագործ է:

Դաննիել Ռումեան


Դաննիել «Դեպի Հայք» ծրագրով Հայաստան գալուց հետո որոշում է մնալ Հայաստանում: Նա Մադրիդից է: Մայրը անգլուհի է, հայրը կես հայ, կես իսպանացի: «Իսպանիայում ես անգլիացի էի, Անգլիայում՝ իսպանացի, իսկ Հայաստանում բոլորը պնդում են, որ հայ եմ: Թող այդպես լինի...»: 

Հերիքնազ Խաչիկյան


Դդմի մեջ սնունդ, ընդեղեն թաքցնելու մասին տատիկի պատմությունները ոգեշնչում են Հերիքնազ Խաչիկյանին: Նա փորձում է վերականգնել դդմարվեստի հին ավանդույթները:  Այսօր նա դդմարվեստը վերածել է կիրառական արվեստի, դդմից նաև տիկնիկներ է պատրաստում: Հերիքնազը երազում է դդմարվեստը տարածել Հայաստանում որպես կերպարվեստի ճյուղ: