Ռուսաստանի և Նոր Նախիջևանի հայոց թեմի վերածնունդը


Ֆիլմը նվիրվում է Հայ առաքելական եկեղեցու Ռուսաստանի և Նոր Նախիջևանի հայոց թեմի առաջնորդ Եզրաս արքեպիսկոպոս Ներսիսյանի ծառայության 30-ամյակին: Սրբազանի մասին պատմում և հայոց թեմի վերածնունդը գնահատում են ռուսաստանաբնակ հայտնի մտավորականներ, գործարարներ, հասարակական գործիչներ:  

Ընտանիքը սեր է


Փոքրիկ Նորայրի կարծիքով ընտանիքում կարևոր է երեք բան՝ հույսը, հավատը, սերը: Նորայրը պատմում է իր ընտանիքի և նրա առօրյայի մասին:

«21»-ի լեգենդը


«Ռուսական տանկերը Բրյուսելի փողոցներում». 1958թ.-ի գարնանը այս վերնագրով էին լույս տեսնում բրյուսելյան թերթերը: Եվրոպացիները ահազդու տեսքի համար «տանկ» էին անվանել խորհրդային նոր մեքենան: Խոսքը լեգենդար «Վոլգա Գազ-21» մակնիշի ավտոմեքենայի  մասին էր: Քսաներորդ դարակեսին հայտնված «Գազ-21»-ը միանգամից իշխանության կամ բարեկեցության խորհրդանիշ դարձավ, իսկ «21» ունենալու երազանքը ավելի երկար ապրեց, քան Խորհրդային Միությունը: 

Ծնողական օնլայն դպրոց


Ի՞նչ է ծնողական օնլայն դպրոցը, ինչպե՞ս է այն օգնում լսողական խնդիրներ ունեցող երեխաներին ու նրանց ծնողներին կրթության, հմտությունների զարգացման, սոցիալականացման և բազմաթիվ այլ հարցերում: 

Քաղաքացու օրը


Ապրիլի 27-ին Հայաստանի Հանրապետությունում առաջին անգամ նշվեց Քաղաքացու օրը: Վաղ առավոտից մայրաքաղաքի փողոցներում տոնական տրամադրություն էր, մարդիկ վերհիշում էին թավշյա հեղափոխության օրերը, տոնում իրենց հաղթանակը: 

Կաֆե «Էքստրիմ»


Տավուշի Բերքաբեր համայքի բնակիչների համար արտասովոր կիրակի էր. Բագրատ սրբազանի նախաձեռնությամբ սահմանամերձ «Էքստրիմ» սրճարանը
նկարազարդելու համար հավաքվել էին բերքաբերցիները, սահմանապահ մյուս գյուղերի երեխաները: Նախաձեռնությանը միացել էին «Հայ Ձմեռ պապ» բարեգործական հիմնադրամը, «Սահման» հասարակական կազմակերպությունը, «Արվեստը սահմանին» նախաձեռնության արվեստագետները: 
 

Տաղանդները՝ տնակում


1988-ի երկրաշարժից անցել է երեսուն տարի: Շատ ընտանիքներ դեռ ապրում են տնակներում: Գյումրեցի Սամվել Գալստյանի տնակի մի անկյունը արվեստանոցն է: Նկարչի արվետանոց հաճախող երեխաները՝ Հոբը, Մկրտիչը, Փաշիկն ու Դավիթը մեզ պատմում են իրենց հոգսերի ու ստեղծագործական ձեռքբերումների մասին: 

Հին ու նոր Մայր Աթոռը


Մայր Աթոռի տարածքում են հիմնվել Կովկասի առաջին տպարանը՝ 1771թ.-ին, Հայաստանի ամենահին բարձրագույն ուսումնական հաստատությունը՝ 1874թ.-ին, ամենահին թանգարանը՝ 1868թ.-ին: Դրանք նույն նպատակին ծառայում են առ այսօր: Մայր Աթոռը այն եզակի տարածքներից է, որտեղ իրար կից պահպանվում են տարբեր դարերի բազում շինություններ ու հիշատակներ: Հայ առաքելական եկեղեցու գահակալները իրար են փոխանցել նախորդի գործը շարունակելու պատգամը, անցյալի հիշատակների հանդեպ խնամքի ու հոգատարության հանձնառությունը:

Անհավասար հավասարություն. ընտանիք


Հայկական ընտանիքի կենսաձևը պահպանվել է պատմական բոլոր շրջաններում: Սակայն պատմությունը քիչ է հիշատակում կանանց: Կնոջ  պարտականությունը տան կրակը անշեջ պահելն է: Չնայած հավասար դերաբաշխմանը, կնոջ գործերին խառնվող կամ կնոջ թելադրանքով շարժվող տղամարդուն ամոթանք են տալիս: Առ այսօր, ընտանիքը թեև շարունակվում է արժևորվել, սակայն գենդերային խտրականությունը ընտանիքում շարունակում է մնալ խնդրահարույց:

Սփյուռք՝ համախմբվելով եկեղեցու շուրջ


Գիտե՞նք արդյոք, թե ինչպես է ընթանում կյանքը սփյուռքի հայկական համայնքերում, ինչ դժվարություններ, խնդիրներ ու հաջողություններ ունեն նրանք: Հուլիսի սկզբին 400 հայ երիտասարդ 20 երկրից 5 օր Հայաստանում էր: Առիթը Հայ եկեղեցու համաշխարհային երիտասարդաց միավորման հավաքն էր: Երիտասարդներից մի քանիսի հետ փորձել են բացահայտել նրանց համայքների խնդիրները: 

Խենթերը


1918թ.-ի մայիսին Ամենայն հայոց կաթողիկոս Գևորգ Ե Սուրենյանց կաթողիկոսի կոչով ինքնակազմակերպված ժողովուրդը գոյության պայքար մղեց Օսմանյան կայսրության ընտիր դիվիզիաների դեմ, որն ի վերջո պսակվեց հաղթանակով և Հայաստանի առաջին հանրապետության հիմնադրմամբ: 

Բարի գործերի միությունը. Գերմանիայի հայ գործարարներ


2001թվականին Գերմանիայի Քյոլն քաղաքում ստեղծվում է հայկական միություն, որի հիմնադիրները Գերմանիայում ապրող հայ գործարարներ էին: Միության ստեղծման նպատակը օտարության մեջ հաստատված հայերին և Հայաստանին օգնելն էր: