«Ձայնագիր» երաժշտական-լրատվական հաղորդաշարի տաղավարն առաջարկում է հանդիպում հայ և համաշխարհային արվեստի ինքնատիպ ներկայացուցիչների հետ: Մեզ հյուր են գալիս հայտնի և բազմաժանր երաժիշտներ, արվեստաբաններ և արվեստասերներ: Նրանք պատմում են իրենց ստեղծագործական կյանքի վառ դրվագների մասին, քննարկում ժամանակակից արվեստի առջև ծառացած հարցեր: 
Հեղինակ և վարող՝ Անահիտ Մարգարյան
Ռեժիսոր՝ Վարդգես Մանուկյան
 
Պարբերականությունը՝ ամեն շաբաթ օր, ժամը 20:00-ին և 22:30-ին
Կրկնությունը՝ կիրակի օրը, ժամը 08:00-ին և 17:00-ին
 

«Ջազ չգալ չէի կարող, որովհետև ծնվել եմ քաղաքում, որը ջազի էպիկենտրոններից էր». Մարիամ Մերաբովա


«Ջազ չգալ ուղղակի չէի կարող, որովհետև ծնվել եմ քաղաքում, որը խորհրդային տարիներին ջազի էպիկենտրոններից մեկն էր՝ հայտնի ջազ և ռոք փառատոններով»: Անահիտ Մարգարյանը «Ձայնագրի» տաղավարում զրուցել է ջազ-էստրադային ճանաչված երգչուհի Մարիամ Մերաբովայի հետ։

Երաժշտական ամենատարբեր ժանրերի խաչմերուկում կանգնած Յան Մաքսինը


Դասական երաժշտությունից` մինչև ջազ և ժողովրդական երաժշտություն, ռոքից և ֆիլմերի սաունդթրեքերից` մինչև բալկանյան մոտիվներ և ֆրանսիական շանսոն։ Երաժշտական ինքնատիպ ոճ ստեղծած թավջութակահար Յան Մաքսինը Անահիտ Մարգարյանի հյուրն է։

Կոնստանտին Օրբելյանը և Օպերային թատրոնը


Նոր բեմադրություններ, հյուրախաղեր Մոսկվայի Մեծ թատրոնում, Դուբայի և Քուվեյթի գերժամանակակից թատրոններում։ «Ձայնագրի» տաղավարում Ալ․ Սպենդիարյանի օպերայի և բալետի թատրոնի գեղարվեստական ղեկավար և տնօրեն Կոնստանտին Օրբելյանն է։ Մաեստրոն իր հիշողություններն է կիսում նաև օրերս կյանքից հեռացած Մոնսերատ Կաբալյեի մասին։ 

Աշխարհի լավագույն երիտասարդ երաժիշտը «Ձայնագրի» տաղավարում է


«Մեր օրերի մեծագույն խնդիրներից է միջակությունը: Զգացմունքային աշխարհը մղվում է երկրորդ պլան»: Մեր ժամանակների լավագույն երիտասարդ ջութակահարներից մեկը՝ Սերգեյ Խաչատրյանը, հյուրընկալվել է «Ձայնագրի» տաղավարում։

Ինչ է կարելի և ինչ չի կարելի հնչեցնել Կոմիտասի թանգարան-ինստիտուտում. պարզաբանում է Մհեր Նավոյանը


Կոմիտասի թանգարան-ինստիտուտի գիտխորհրդի որոշմամբ թանգարան-ինստիտուտի դահլիճում Կոմիտասի ստեղծագործությունները կարող են հնչել միայն բնագրային տարբերակով: «Ձայնագրի» տաղավարում թանգարան-ինստիտուտի գիտական խորհրդի նախագահ, դոկտոր, պրոֆեսոր Մհեր Նավոյանը պարզաբանում է մամուլում և սոցցանցերում բազմաթիվ քննարկումների առիթ դարձած և ոմանց կողմից որպես գրաքննություն որակված գիտական խորհրդի որոշումը: 

«Բեռլինում բարձրակարգ հրեա մասնագետների երաժշտական մաֆիա կա». Լիոր Շամբադալ


Մշակութային Հայաստանի առանձնահատկությունների, երաժշտական Իսրայելի հաջողության պատմության, հրեական երաժշտական մաֆիայի, Իսրայելի բանակում երաժիշտների պարտադիր ծառայության և այլ հարցերի շուրջ Անահիտ Մարգարյանը զրուցել է աշխարհահռչակ հրեա դիրիժոր Լիոր Շամբադալի հետ։ 

Մշակութային 2016 թվականը․ հյուրը՝ ՀՀ մշակույթի նախարար Արմեն Ամիրյան


Մշակութային ցենզուրա, հեռուստաեթերում ռեստորանային ցածրորակ երաժշտության, երիտասարդ, տաղանդավոր երաժիշտների արտագաղթ, երաժշտական դպրոցների ուսուցիչների վարձատրություն: 
«Ձայնագրի» հյուրը ՀՀ մշակույթի նախարար Արմեն Ամիրյանն է։  
 

Նրա ձայնասկավառակները վաճառվել են 5 միլիոն օրինակով․ լեգենդար դիրիժոր Էնթոնի Վիթ


200-ից ավելի երաժշտական ալբոմներ, «Գրեմմի», «Էմմի», տասնյակ շքանշաններ և պարգևներ․ նա դասական երաժշտության քիչ կատարողներից է, որի ալբոմները վաճառվել են ավելի քան 5 միլիոն օրինակով: Հայաստանում է Էնթոնի Վիթը։ 

Ջեյմս Փենգ Լիու՝ ասիական ամենահեղիանակավոր նվագախմբերից մեկի գեղ. ղեկավար և գլխավոր դիրիժոր


Չինաստանում դասական ակադեմիական երաժշտության տարածված լինելու, երաժշտությամբ զբաղվող միլիոնավոր չինացի երիտասարդների, չին ժամանակակից կոմպոզիտորների և ասիացի երաժիշտների վիրտուոզության գաղտնիքների մասին «Ձայնագրի» տաղավարում պատմում է Վուհանի ֆիլհարմոնիկ նվագախմբի գեղարվեստական ղեկավար և գլխավոր դիրիժոր Ջեյմս Փենգ Լիուն:

Մեր հյուրը Արտո Թունջբոյաջյանն է


«Ձայնագրի» հյուրը մուլտիինստրումենտալիստ, վոկալիստ Արտո Թունջբոյաջյանն է։

Մեր հյուրը Ռիշար Գալիանոն է


«Ջազի սրբազան մոնստր», Նոր մյուզետ երաժշտական ոճի հիմնադիր Ռիշար Գալիանոն «Ձայնագրի» տաղավարում պատմում է իր անցած ստեղծագործական ուղու, բազմապրոֆիլ երաժիշտ լինելու կարևորության, իր ընկեր՝ Աստոր Պիացոլլայի արվեստի և իրենց փոխհարաբերությունների մասին: 

Մեր հյուրը Երվանդ Երզնկյանն է


45 տարի նա աշխատում է Հայաստանի ազգային ռադիոյի էստրադային-սիմֆոնիկ նվագախմբում, 1986 թվականից ղեկավարում է այն: Երվանդ Երզնկյանը պատմում է նվագախմբի անցած ճանապարհի, ծրագրերի և հեռանկարների մասին: