Ձայնագիր 08.12.2018


Դեկտեմբերի 3-ին համերգային ծրագրով նշվել  է Բարսեղ Թումանյանի 60-րդ հոբելյանը։
Հայաստանի պարի պետական անսամբլի համերգից ստացված ողջ հասույթը տրամադրվելու է քաղցկեղով հիվանդ երեխաների և երիտասարդների բուժմանը։
Սպիտակի երկրաշարժի 30-րդ տարելիցի կապակցությամբ Հայաստանում առաջին անգամ կատարվել է Անտոն Բրուքների «Ռեքվիեմ»-ը:
Վոլֆգանգ Ամադեուս Մոցարտի «Ռեքվիեմ»-ը հնչել է Գյումրու «Սև բերդ» ամրոցում։
Ռոմանոս Մելիքյանի ռոմանսները կատարել են «Գեղարդ» երգեցիկ խմբի մենակատարները։
 
 

Ձայնագիր 01․12․2018


Աշխարհահռչակ դուդուկահար Ջիվան Գասպարյանը նշում է ծննդյան 90-ամյակը:
«Երջանկության 100 ժամ» Մարիամ Մերաբովայի հետ՝ «Արամ Խաչատրյան» համերգասրահում․ անվանի ջազ-էստրադային երգչուհին հյուրընկալվել է նաև «Ձայնագրի» տաղավարում։ 
Ջորջ Գերշվինի «Բլյուզի ոճով գրված ռապսոդիան»՝ Վահագն Պապյանի և Հայաստանի պետական սիմֆոնիկ նվագախմբի կատարմամբ։ 
Ռոմանոս Մելիքյանի ռոմանսները կատարել են «Գեղարդ» երգեցիկ խմբի մենակատարները։
 

Ձայնագիր 24.11.2018


Չայնա Մոսեսի և Հայաստանի պետական ջազ նվագախմբի համերգը` «Դվին» հյուրանոցի նորաբաց համերգասրահում։
Լունդստրեմի անվան ջազ նվագախմբի և Հայաստանի պետական ջազ նվագախմբի համատեղ համերգի ժամանակ հնչեց «Երևան ջազֆեստի» վերջին ակորդը։
Հայ ժամանակակից կամերային երաժշտության փառատոնի վեց համերգների ընթացքում ներկայացվել են մոտ հինգ տասնյակ երաժիշտների գործեր:
«Ռիխարդ Վագներն ու ժամանակակից արվեստի զարգացումները» թեմայով երկօրյա սիմպոզիում է կազմակերպվել:
17-18-րդ դարերում ստեղծված պատմական գործիքների կրկնօրինակներով բարոկկյան երաժշտություն՝ շվեդական «Բրիգգան» անսամբլի կատարմամբ։
Գեղասահքի համաշխարհային աստղեր, օլիմպիական և աշխարհի չեմպիոններ ժամանել են Երևան՝ սառույցի վրա «Ախթամար» շոուն ներկայացնելու համար:
 

Ձայնագիր 17.11.2018


Գնչուներ, ցլամարտիկներ, կիրք, սեր, դավաճանություն․ նոր «Կարմենի» առաջնախաղը Դուբայի օպերային թատրոնից հետո նաև մեր օպերայի և բալետի թատրոնում է կայացել։ 
Հայաստանում բալետի պարողների 90%-ը բանակային ծառայությունից հետո չի վերադառնում բալետային արվեստին և ստիպված է լինում այլ աշխատանք փնտրել: 
Բորիս Բերեզովսկու, Դանիել Ռոհնի և Հայաստանի պետական սիմֆոնիկ նվագախմբի համատեղ համերգով ամփոփվեց Ա. Խաչատրյանի 6-րդ միջազգային փառատոնը:
Կինոյի համար Արամ Խաչատրյանի գրած գործերը հնչեցին «Խաչատրյան նոն ստոպ» համերգային ծրագրի շրջանակում։

Ձայնագիր 10.11.2018


Անկախացումից հետո առաջին անգամ Ալ․Սպենդիարյանի անվան օպերայի և բալետի թատրոնում մանկական ներկայացում է բեմադրվել. բեմում «Չիպոլինոն» էր:
Հայկական ջազֆեստի բացման համերգը նշանավորվեց համաշխարահային ճանաչում ունեցող շեփորահար Արթուրո Սանդովալի ելույթով: 
Դաշնակահար և մանկավարժ Յուրի Հայրապետյանի ծննդյան 85-ամյակին նվիրված փառատոն՝ երաժշտի հայրենիքում։
Արամ Խաչատրյանի հայտնի և հազվադեպ հնչվող ստեղծագործությունները՝ Հայաստանի պետական սիմֆոնիկ նվագախմբի, դիրիժոր Հարություն Արզումանյանի և թավջութակահար Ալեքսանդր Ռամի կատարմամբ։
 

Ձայնագիր 03.11.2018


Յան Մաքսին. երաժիշտ, ում թավջութակը երգում է երաժշտական տարբեր գործիքների ձայներով, իր տիրոջ նման, որը երգում է 15 լեզվով։ «Ձայնագրի» տաղավարում երաժշտական ամենատարբեր ոճեր միահյուսելու սիրահար Մաքսինն է։
Անվանի ջազ դաշնակահար Տիգրան Համասյանը երաժշտական երկու հանդիպում է ունեցել  իր արվեստի սիրահարների հետ։
Հայաստանում առաջին անգամ հյուրընկալվել է բրազիլացի անվանի դիրիժոր Դեբորա Վալդմանը։ 
 

Ձայնագիր 27.10.2018


Պուչինիի հանրահայտ «Մադամ Բաթերֆլայ» օպերան՝ տասը տարվա ընդմիջումից հետո: «Արամ Խաչատրյանը և արդի աշխարհը» միջազգային գիտաժողով՝ կոմպոզիտորի ուսանողների, թոռնուհու, անվանի երաժիշտների ու հետազոտողների մասնակցությամբ: 
«Մշակութային դեսպան» ֆոլկլյոր պարի միջազգային փառատոնը՝ հոկտեմբերի 19-ից 31-ին, Հայաստանում։ 
Վիլյամ Սարոյանի՝ քչերին հայտնի երգերը:   
 

Ձայնագիր 20.10.2018


Ռուս դասական և ժամանակակից կոմպոզիտորների ստեղծագործություններ՝  «Մոսկվայի մենակատարների» և Յուրի Բաշմետի կատարմամբ։  
Կրծքագեղձի քաղցկեղի դեմ պայքարին միացել է նաև Հայաստանի ազգային ֆիլհարմոնիկ նվագախումբը։
Խաչատրյանի և ջազի՝ առաջին հայացքից անհամատեղելի թվացող միախառնումով ազդարարեցվեց Արամ Խաչատրյանի անվան միջազգային 6-րդ փառատոնի մեկնարկը։ 
Դաշնամուր Հյուսիսային պողոտայում՝ «ՓՈՒՇ» նախագծի շրջանակում։
 

Ձայնագիր 13.10.2018


Մոնսերատ Կաբալյե․ 85 տարեկանում կյանքից հեռացել է լեգենդար օպերային երգչուհին։ Համերգ՝ նվիրված բել կանտոյի մեծ վարպետին: 
Հյուրախաղեր Մոսկվայի Մեծ թատրոնում, Դուբայի և Քուվեյթի գերժամանակակից թատրոններում․ ներկայացվել են նոր բեմադրություններ։ «Ձայնագրի» տաղավարում Ալ․ Սպենդիարյանի օպերայի և բալետի թատրոնի գեղարվեստական ղեկավար և տնօրեն Կոնստանտին Օրբելյանն է։
Ժյուլ Մասնեի «Մանոն» օպերան այսուհետ կզարդարի մեր օպերային թատրոնի երկացանկը։ Ֆրանկոֆոնիայի գագաթնաժողովի շրջանակում տեղի ունեցած մշակութային իրադարձություններից մեկը «Մանոնի» հայաստանյան պրեմիերան էր: 
Համերգ՝ նվիրված մեծանուն երաժիշտներ Սթիվեն Իսերլիսի 60-ամյակին և Լևոն Չիլինկիրյանի 70-ամյակին. բեմում հոբելյարներն էին։ 
Նորայր Քարտաշյանի և «Մենուա» նվագախմբի համերգը՝ «Հայկական ավանդական և ժամանակակից երաժշտություն» խորագրի ներքո։
 

 

Ձայնագիր 06.10.2018


Կյանքի 94-րդ տարում Ֆրանսիայում իր տանը մահացավ Շարլ Ազնավուրը։ 
Վիեննայի տղաների երգչախմբի երևանյան համերգը նվիրված էր Շարլ Ազնավուրի հիշատակին:
Աշխարհի լավագույն ֆլեյտահարներից մեկը՝ ֆրանսիացի Էմանուել Պայուն իր կատարումը Հայաստանում նվիրել է Շարլ Ազնավուրին:
Ի հիշատակ Ազնավուրի՝ հոկտեմբեր 4-ին, Ֆրանկոֆոնիայի օրերի շրջանակներում Կոմիտասի անվան կամերային երաժշտության տանը համերգ էր:
 

Ձայնագիր 29.09.2018


Հինգերորդ անգամ մեկնարկեց «Կոմիտասը» խորագրով միջազգային գիտաժողով- փառատոնը:
«Կոմիտասյան օրեր Էջմիածնում» միջոցառումների շարք է անցկացվել:
Կոմիտաս Վարդապետի ծննդյան օրը՝ սեպտեմբերի 26-ին, տոնական համերգ էր Հառիճավանքում:
Նշվեց օպերային երգիչ Կոնստանտին Սիմոնյանի բեմական գործունեության 50-ամյակը:
«Արտասաքս» սաքսոֆոնահաների քառյակի համերգը «Գաֆէսճեան» արվեստի կենտրոնում։
 

Ձայնագիր 22․09․2018


Ալ․ Սպենդիարյանի անվան օպերայի և բալետի թատրոնում բալետային երկու ներկայացում է հանձնվել ունկնդրի դատին։ 
Մեկնարկել է Հայաստանի պետական կամերային նվագախմբի 2018-2019 թվականների  համերգաշրջանը։
Գյումրու Սուրբ Նշան եկեղեցում այսուհետ կհնչի երգեհոնային երաժշտություն որակյալ երգեհոնով։ 
Հայաստանի Անկախության օրվան նվիրված համերգ՝ Հայաստանի ազգային ֆիլհարմոնիկ նվագախմբի  և հրավիրյալ արտիստների կատարմամբ։