Հայորդաց տան սանը մասնակցել է «Արտ Մյուզիք» արվեստի 15-րդ միջազգային փառատոնինՄայր Աթոռ Սուրբ Էջմիածնի և ՀԲԸՄ Արաբկիրի հայորդյաց տան սանը մասնակցել է Կոնստանտին Սարաջյանի անվան երաժշտական դպրոցի դահլիճում անցկացված «Արտ Մյուզիք» արվեստի 15-րդ միջազգային փառատոնին: Քանոնի դասարանը Արաբկիրի Հայորդյաց տան 22 դասարաններից մեկն է: Այստեղ երեխաները հմտանում են արվեստի, արհեստի, սպորտի տարբեր ուղություններում: Արաբկիրի Հայորդյաց տուն շուրջ 400 երեխա է հաճախում: |
|
«Գուլամերյան» Հայորդյաց տանը կայացել է «Երիտասարդը ուժն է եկեղեցու» ինտելեկտուալ խաղ-մրցույթըՄայր Աթոռ Սուրբ Էջմիածնի և ՀԲԸՄ Աշտարակի «Գուլամերյան» Հայորդյաց տանը կայացել է «Երիտասարդը ուժն է եկեղեցու» ինտելեկտուալ խաղ-մրցույթը։ Մրցույթի պատվավոր առաջին հորիզոնականը զբաղեցրել է Շենավան և Արագած համայնքների թիմը: Վիտորինայի ընթացքում կատարումներով հանդես են եկել Աշտարակի «Գուլամերյան» Հայորդյաց տան սաները: |
|
Կոմիտասի թանգարան ինստիտուտում նշել են «Դանիական-հայկական առաքելության» 20 ամյակը«Դանիական-հայկական առաքելության» կազմակերպությունը երկու տասնամյակ շարունակ Մայր Աթոռ սուրբ Էջմիածնի, Հայոց եկեղեցու տարբեր թեմերի հետ գործակցելով՝ կրթական ու սոցիալական ծրագրեր է իրականացնում: 20 տարիների ընթացքում կազմակերպիչները իրենց ծրագրերում ներգրավել են երեցկանանց, աջակցել են քահանա հայրերին իրենց առաքելությունն արդյունավետ իրականացնելու հարցում: Այն հիմնադրվել է 1921 թվականից գործող Դանիայում համանուն կազմակերպության անդամների նախաձեռնությամբ: |
|
Բուշ դյու Ռոնի շրջանային խորհրդի նախագահն այցելել է «Բարձունք 5165» բարեգործական կազմակերպություն«Բարձունք 5165» բարեգործական կազմակերպությունն այս տարի նշում է գործունեության 35-րդ ամյակը, իսկ Բուշ դյու Ռոնի հետ սկսել է համագործակցել 2003թ.-ից: Ատամնաբուժարանը թերապևտիկ և վիրաբուժական անվճար ծառայություններ է մատուցում Էջմիածնի բոլոր հաշմանդամներին, ծնողազուրկ երեխաներին, սոցիալապես անապահով ընտանիքներին, Արցախից բռնի տեղահանված և Էջմիածնում բնակվող բոլոր արցախահայ ընտանիքներին: |
|
ՀԵՊ առարկայի օլիմպիադայի հանրապետական փուլ են հասել 105 աշակերտԿառավարության որոշմամբ՝ Հայոց եկեղեցու պատմություն առարկան դուրս է բերվում դպրոցներից, չնայած երեխաների ոգևորությունն ու հետաքրքրությունը տարեցտարի մեծանում է։ Օլիմպիադայի արդյունքներով հանրապետական փուլ են հասել 8-12-րդ դասարանի 105 աշակերտ։ Մրցանակային տեղեր զբաղեցրած երեխաները պետության կողմից կրթաթոշակ կստանան: Ձևավորված ավանդույթի համաձայն՝ Հանրապետական փուլում հաղթած աշակերտները կհյուրընկալվեն վեհարանում, կստանան Ամենայն Հայոց Հայրապետի օրհնությունը: |
|
Շուրիշկանի Ավետարանը Մատենադարանից տարվել է Մուղնու Ս. Գևորգ եկեղեցիԱրագածոտնի թեմի առաջնորդ Տեր Մկրտիչ եպիսկոպոս Պռոշյանի օրհնությամբ, ձևավորված ավանդույթի համաձայն, Կրկնազատկի տոնին Շուրիշկանի հրաշագործ Ավետարանի առկայությամբ մատուցվել է Սուրբ և Անմահ Պատարագ: Մուղնու Սուրբ Գևորգ եկեղեցում Ավետարանը մնացել է մինչև երեկո: Այդ ընթացքում մարդիկ Շուրիշկանի Հրաշագործ Ավետարանին մոտենալու հնարավորություն են ունեցել: |
|
Քրիստոնեությունը 21-րդ դարում հսկայական քաղաքակրթություն էNewmag հրատարակչության կազմակերպած քննարկմանը Տավուշի թեմի երիտասարդների պատասխանատու Թովմաս ուրարակիր Առաքելյանը ասել է, որ հավատքը պայքար է, օգնություն, մարտահրավեր: Իսկ 21-րդ դարում քրիստոնեությունը ոչ միայն կրոն է, այլև հսկայական քաղաքակրթություն: Թովմաս Առաքելյանն այս տարի հրապարակել է իր առաջին գիրքը՝ «Ճանապարհը», որը փոքրիկ ճամփորդությունների միջոցով պատմում է Հայ Առաքելական եկեղեցու մասին։ |
|
Սուրբ Հարության տոնին հաջորդել է ժողովրդական տոնախմբությունԵրևանի Զորավոր Սուրբ Աստվածածին Եկեղեցու բակում իրականացվել է 3-րդ «Զատկական փառատոն»-ը, որտեղ երեխաները և պատանիները ցուցադրել են իրենց ձեռքի աշխատանքները և ներկայացել երաժշտական կատարումներով։ Պատմական Կաթողիկե Սուրբ Աստվածածին և Սուրբ Աննա եկեղեցիների բակում հաղորդություն ստացող հավատացյալները եկեղեցու բակում շուրջպար են բռնել: Նախաձեռնության անդամները պայմանավորվել են Տեր Զենոն քահանա Բարսեղյանի հետ ու Սուրբ Ծննդյան ու Հարության տոնից հետո եկեղեցու բակում ժողովրդական տոնախմբություն են անցկացնում: |
|
Արարատյան Հայրապետական թեմը կազմակերպել են կանթեղներով երթՃրագալույցի պատարագից հետո Արարատյան Հայրապետական թեմի Սուրբ Սարգիս առաջնորդանիստ եկեղեցուց թեմի եկեղեցիների երիտասարդաց միությունների անդամները իրականացրել են Հարության Ավետիս կանթեղներով երթը: Մասնակիցները Հարության Ավետիսը մարդկանց փոխանցելով՝ Մաշտոցի պողոտայով, այնուհետ Ամիրյան փողոցով քայլել են դեպի Հանրապետության հրապարակ: Թափորը Աշոտ երկաթի խաչով առաջնորդել է թեմի երիտասարդական միությունների հոգևոր համակարգող Տ. Պետրոս ավագ քահանա Մալյանը։ |
|
Մայր Աթոռում կատարվել է խաչելության և թաղման կարգԱվագ ուրբաթ Մայր Աթոռի բաց խորանում հիշատակումը կատարվել է Վեհափառ Հայրապետի հանդիսապետությամբ։ Թաղման կարգի ժամանակ հնչել է «Խաչի քո Քրիստոս» շարականը, որը հիշատակում է Տիրոջ մատնությունն ու մարդկության մեղքերի համար կրած չարչարանքները: |
|
Հայ Առաքելական բոլոր եկեղեցիներում կատարվել է խավարման կարգՍուրբ Գայանե վանքում Ամենայն Հայոց Կաթողիկոսը Մայր Աթոռի միաբանության հետ մասնակցել է խավարման կարգի և հսկման արարողության։ Այս արարողությունը Ավագ հինգշաբթի կատարվում է Հայ Առաքելական բոլոր եկեղեցիներում։ Օրվա ավարտին հիշատակվել է Քրիստոսի մատնությունը: Ավարտվել է վերջին ընթրիքը, հաստատվել է հաղորդության խորհուրդը, հնչել են Քրիստոսի վերջին պատգամները: |
|
Սուրբ Գայանե վանքում մատուցվել է բաց պատարագՀայ առաքելական եկեղեցիներում ավագ հինգշաբթի մատուցվել է բաց պատարագ և հաղորդություն է տրվել: Ավագ շաբաթվա յուրաքանչյուր օրն իր խորհուրդն ու ծիսակարգն ունի։ Հիշատակվում է հաղորդության խորհրդի հաստատումը: Պատարագին ավետարանական ընթերցումները նկարագրում են Հիսուսի երկրային կյանքի վերջին հինգշաբթի երեկոյան տեղի ունեցած իրադարձությունները։ Ընթրիքին Քրիստոս սեղանից վերցնում է հացը, օրհնում է այն, բաժանում աշակերտներին, ապա գինի է բաժանում, մատուցելով իբրև նոր ուխտի սուրբ նշաններ՝ իր մարմինն ու արյունը։ |