Հռոմի Պապը Սուրբ Պողոսի տաճարում հատուկ անդրադարձել է Հայ Եկեղեցու ավանդին

Սրբազան Քահանայապետը Քրիստոնյաների միության համար ամենամյա աղոթքի շաբաթվա ամփոփիչ արարողության ժամանակ հայտարարել է, որ այս տարվա աղոթքները պատրաստվել են Հայաստանի Եկեղեցիների կողմից։ Նա համարում է, որ դրանք վկայությունն են այն քաջ քրիստոնեական հավատքի, որը հայ ժողովուրդը դրսևորել է իր պատմության ընթացքում: Պապը շեշտել է, որ Հայաստանը, որպես առաջին քրիստոնյա ազգ, շատ վաղ է ընդունել Ավետարանը՝ Փրկության Խոսքի անվախ քարոզիչների շնորհիվ։ Այդ երկրից հավատքը տարածվել է Արևելք և Արևմուտք՝ դառնալով միասնության և խաղաղության սերմ։