Հաղորդաշարը պատմում է հատուկ կրթական այն հաստատությունների մասին, որտեղ հավաքված է մեր ազգի ներուժը: Հայ եկեղեցու Հայորդյաց տներ, գեղարվեստի ու երաժշտության դպրոցներ, արվեստի ու գիտության թեքումով կրթօջախներ, ամառային ճամբարներ ու հատուկ ծրագրեր, որոնք նպատակ ունեն բացահայտել մանուկների և պատանիների շնորհները:
 |
Արաբկիրի հայորդյաց տան գորգագործության դասարանՀանգույցները կապում ես իրար, հետո` թելերը կտրում ու պատմում քո հեքիաթը… Արաբկիրի հայորդյաց տան գորգագործության դասրանում երեխաները ոչ միայն սովորում են գորգ գործել, այլև խաղիկների ու ազգային երգերի միջոցով բացահայտում են հայկական գորգագործության գաղտնիքները: |
 |
Արաբկիրի հայորդյաց տան կարատեի դասարանԵթե ուզում ես ստանալ սև գոտի, եթե ուզում ես հաղթահարել քո վախերն ու բարդույթները, եթե ուզում ես ունենալ լավ ընկերներ, ուրեմն պիտի գաս Արաբկիրի հայորդյաց տուն»,-ասում են կարատեի դասարան հաճախող տղաներն ու աղջիկները: |
 |
Մալաթիայի հայորդյաց տան ավիամոդելավորման դասարանԵթե ուզում ես զգալ թռիչքի ազատությունը, ուրեմն քո ձեռքով պիտի ինքնաթիռ սարքես ու թռցնես: Եթե ուզում ես ինքնաթիռ հավաքել, ուրեմն պիտի մանրամասն ու համբերատար հաշվարկես ամեն դետալ ու կպցնես իրար: Մալաթյայի հայորդյաց տանը` ավիամոդելավորման դասարանում պատանիները բացահայտում են թռիչքի գաղտնիքներն ու ուրախությունը: |
 |
Մալաթիայի հայորդյաց տան թատերական դասարանՄալաթիայի հայորդյաց տան թատերական ստուդիայի յուրաքանչյուր նորեկ ստանում է իր դերը, բեմ է բարձրանում ու ... սիրահարվում թատրոնին: Ստուդիան 20 տարվա պատմություն ունի: Այստեղ կարևորը ազատ ու անկաշկանդ լինելն է ու դերի միջոցով հանդիսատեսին սեփական պատմությունը ներկայացնելը: |
 |
ՕվսաննանՕվսաննան երազում է ներկել Երևանը: Երազում է ստեղծել իր օպերան, թռչել իր օդապարիկով: Ուզում է նաև ձկան նման լողալ և տեսնել ջրի հատակը:
|
 |
Էջմիածնի հայորդյաց տան ձյուդոյի դասարանՀինգ տարի առաջ Սևակը իր ընկեր Հակոբին համոզեց գալ ձյուդոյի դասարան՝ ասելով, որ այստեղ ֆուտբոլ են պարապում: Իսկ Ռուբենը համոզված է, որ ձյուդոյում և ֆուտբոլում ընդհանուր մի բան կա՝ պետք է լինել արագաշարժ և ճկուն: Այդպես անցնելով պարտությունների փորձությունը՝ կարող ես ուժեղանալ և հասնել կարևորագույն նպատակին՝ դառնալ չեմպիոն: |
 |
Էջմիածնի հայորդյաց տան քանոնի դասարանԱյստեղ նոտաները սովորում են գույնզգույն լարերով, իսկ առաջին լուրջ մեղեդին Ծափիկ- ծիրանիկն է»: Հետո արդեն կազմում են տրիոներ ու համույթներ և դառնում պրոֆեսիոնալ քանոնահարներ: Քանոնի դասարանի ուսուցիչ Մարինե Միրզոյանի կարծիքով Թագուհին, Սրանուշն ու Անահիտն արդեն պրոֆեսիոնալ երաժիշտներ են, մասնակցում են հյուրախաղերի ու մրցույթների: Երեք ընկերուհի, երեք քանոն՝ տրիո կյանքում և բեմում: |
 |
Նորքի հայորդյաց տան հարվածային գործիքների դասարանՄեկ, երկու, երեք, չորս... դհոլ, թմբուկ, ծնծղա, զարբ: Եթե հաշվելով սովորես, ապա շատ կարճ ժամանակում կկարողանաս հարվածային բոլոր գործիքները շատ լավ նվագել: Պարզապես մինչև չորսը հաշվելու տասնյակ տարբերակներ կան, հետո պետք է միշտ ժամանակին դասի գաս, ֆիզիկական վարժություններ անես, ընկերներիդ ու վարպետներիդ ուշադիր լսես, հա, մեկ էլ սկզբում կոշտուկներ կարող են լինել ձեռքերիդ մեջ ու ականջներդ կարող են ցավալ անսովորությունից: Ու վերջ, էլ ոչ մի դժվարություն: Իսկ առավելություններն ու հաճույքները թվարկել հնարավոր չէ: Լսել ու տեսնել է պետք: |
 |
Նորքի հայորդյաց տան բատիկի դասարանԳույնը գույնին, վրձնի մի հարվածը մյուսին շարունակելով` թղթի վրա հայտնվում են պատկերներ` շա~տ սիրուն: Բայց ամենահետաքրքիր ու հուզիչ պահը գալիս է դրանից հետո, երբ պատկերը տեղափոխվում է աշխարհի ամենանուրբ կտորի` մետաքսի վրա: Գույները ավելի վառ, նաև ավելի փափուկ են դառնում, նկարն էլ նրբանում է, թափանցիկանում: Բայց Վարսենիկը, Արփինեն, Աստղիկը, փոքրիկ Ժաննան ու մյուսները պատմում են, որ Նորքի հայորդյաց տան բատիկի դասարան գալիս են նաև ուրիշ պատճառներով: Պատմում են` լսենք: |
 |
Նորքի հայորդյաց տան կրկեսային խումբՆոր Նորքի հայորդյաց տան կրկեսային խմբում կա երկու Լուսինե, և որպեսզի նրանց տարբերեն, ընկերները մեկին մեծ Լուսինե են ասում, մյուսին` փոքր Լուսինե: Կրկեսը նրանց կյանքը դարձրել է հետաքրքիր ու բազմազան: Պարապմունքներ, ելույթներ, հյուրախաղեր: Այս անգամ էլ ահա հեռուստատեսային տեսախցիկն է նկատել նրանց: |
 |
Նորքի հայորդյաց տան ձյուդոյի խմբակՁյուդոն սովորեցնում է պարտվել, եթե պարտություն չունենաս, հաղթանակ չես ունենա,- ասում է Նորքի հայորդյաց տան սան Վահեն: Ձյուդոն սովորեցնում է լինել ճկուն, տրամաբանել և համբերել»:
|
 |
Մալաթիայի հայորդյաց տան խեցեգործության խմբակՄասնագետներն ասում են, որ կավով աշխատանքը զարգացնում է երեխաների երևակայությունն ու ճաշակը, ձևավորում կամք և համբերատարություն: Մալաթիայի հայորդյաց տանն արդեն երեք տարի գործում է խեցեգործության խմբակ: Երեխաները հասցրել են ճանաչել կավի գաղտնիքները... |