Հայրական տուն


Մայր Աթոռ Ս․ Էջմիածնի Գևորգյան հոգևոր ճեմարանը Հայաստանում գործող միակ Աստվածաբանական համալսարանն է։ 2002թ. Հայաստանի կառավարության որոշմամբ Գևորգյան հոգևոր ճեմարանը ճանաչվել է բարձրագույն ուսումնական հաստատություն, իսկ 2005 թվականից, նկատի առնելով ուսումնական ծրագրերի որակը, ճեմարանին տրվել է բարձրագույն ուսումնական հաստատության արտոնագիր: 2016-ին Ճեմարանի պատմության մեջ առաջին անգամ բացվել է ասպիրանտական լսարան, որտեղ կարող են ընդունվել ինչպես հոգևոր աստիճան ունեցող, այնպես էլ աշխարհիկ մարդիկ: Իր գոյության ողջ ընթացքում Գևորգյան հոգևոր ճեմարանն ու նրա սաները մշտապես վայելել են Ամենայն հայոց հայրապետների խնամքը և հոգատարությունը:

 

Արեւագալի ժամերգություն


Մայր Աթոռ Ս. Էջմիածին, 02.03.2022

Սուրբ Ծննդյան ավետիսներ


Կատարում է «Վարք հայոց» ավանդական երգի-պարի խումբը։

Արևների Սբ. Ծնունդը


Երևանի Զորավոր Սուրբ Աստվածածին եկեղեցու բակը Սուրբ Ծննդյան տոնին զարդարում են արև-երեխաները: Նրանցից Նարեկը, որ դաունի համախտանիշ ունեցող միակ երիտասարդն է, որ կարողանում է դպրական ծառայություն մատուցել պատարագների ժամանակ, մեր նկարահանող խմբին հրավիրել է իր տուն-արվեստանոց:

Ս․ Էջմիածնի Մայր Տաճարի նորոգումը


2013թ․-ին Մայր Տաճարի նորոգման և ամրակայման նախագիծը համաձայնեցվում է ՅՈՒՆԵՍԿՕ-ի հետ։ Որմնանկարների վերականգնման գիտահետազոտական կենտրոնը սկսում է Տաճարի որմնանկարների ուսումնասիրությունը։ 2017թ․ ամռանը սկսվում է նորոգության շինարարական աշխատանքը։ 2021-ի ավարտին նկարահանված ֆիլմում Մայր Տաճարի լուսարարապետը, Մայր Աթոռի գլխավոր ճարտարապետը, որմնանկարների վերականգնման նախագծի հեղինակը ներկայացնում են Ս․ Էջմիածնի նորոգման ընթացքի, անակնկալների, ավարտված ու սպասվող աշխատանքների մասին։

Ղազարավանի մենաստանը


Ղազարավանի կանանց մենաստանը դեռևս միակն է Հայաստանում: Գարեգին Բ Ամենայն հայոց կաթողիկոսի և Արագածոտնի թեմի առաջնորդ Մկրտիչ սրբազանի օրհնությամբ մի քանի տարի առաջ է հիմնվել: Միանձնուհիներից ոմանք 2000-ականների սկզբից են ապրում վանական կյանքով: Ղազարավանում քույրերն արդեն տնտեսություն ունեն և իրենց ապրուստի մի մասը կարողանում են սեփական աշխատանքով հոգալ:

Աղոթքով


Բուրաստան տատի տունն Ափնա գյուղում է: Ութ տասնյակից ավելի ապրած կյանքում չի հիշում մի օր, որ եկեղեցու ճամփան անցած չլինի: Հիշում է մորից լսած աղոթքը: Ասում է՝ օրը պետք է աղաթքով սկսել:

Հովվական տասնամյա ճանապարհ


Ֆիլմը նվիրվում է Մայր Աթոռի միաբան Տ. Մաղաքիա վարդապետ Ամիրյանի քահանայական ձեռնադրության տասնամյակին։

Ամարաս․ սահմանի վանքը


2021թ.-ի գարունն է, Արցախում ենք: 2020-ի պատերազմն ավարտվել է, բայց կյանքն այլևս առաջվանը չէ: Պատերազմը փոխել է դիրքերը: Մարտունու շրջանում հայ-ադրբեջանական սահմանին կանգնած են ռուս խաղաղապահները, հայկական բանակային դիրքերը և Ամարասի պարիսպները: Մեզ դիմավորում է օրվա վանահայրը։

Սուրբ Խաչի երևման տոն, խաչի խորհուրդ


Տ. Առնակ քահանա Հարությունյանը, պատմաբան Ռուբեն Վարդանյանն ու հնագետ, պատմաբան Համլետ Պետրոսյանը ներկայացնում են Սուրբ Խաչի երևման տոնի խորհուրդը, քննարկում խաչի մշակութաբանական ընկալումները:

Ավետում


Տ. Առնակ քահանա Հարությունյանը, երգչուհի Հասմիկ Բաղդասարյան-Դոլուխանյանը, մշակութաբան Կարեն Հովհաննիսյանը ներկայացնում են Ավետման տոնի խորհուրդը, վերլուծում տոնի հետ կապված ավետարանական դրվագներն ու Աստվածամոր կերպարը:

Մեծ Պահքի լուծումը. Սուրբ Հարություն


Տ. Առնակ քահանա Հարությունյանը, երաժիշտ Շահե Քեշիշյանը և բժիշկ Նարինե Ներսիսյանը զրուցում են Հարության տոնի խորհիդի մասին: