Արվեստագետները, արվեստի կառավարիչներն ու հասարակական գործիչները «ԱՐՏՖՈԿՈՒՍԻ» տաղավարում քննարկում են արվեստի աշխարհի կարևորագույն իրադարձությունները, արվեստի փոխակերպումները, մերօրյա արվեստագետներին հուզող խնդիրները։

Հեղինակ և վարող՝ Անահիտ Մարգարյան

Ռեժիսոր՝ Վարդգես Մանուկյան

 

Թատերականի նոր ռեֆորմները


Ժամանակի շունչը պետք է մտնի Երևանի թատրոնի և կինոյի պետական ինստիտուտ
ԵԹԿՊԻ-ում սկսվել է մեծ ռեֆորմների շրջան, որպեսզի ԲՈՒՀ-ը ծառայի ժամանակակից պահանջներին։ Ինստիտուտ են հրավիրվել Հայաստանի լավագույն օպերատորները, որոնք ոչ միայն դասավանդում, այլեւ իրենց հետ նկարահանման են տանում ուսանողներին։ Պայմանավորվածություն է ձեռք բերվել հեռուստաընկերություններից մեկի հետ, որպեսզի համատեղ օգտագործեն տաղավարները։ Ուսանողները հնարավորություն ունեն բեմադրել ներկայացումներ։ Զարգացման ո՞ր ճանապարհով է գնում Երևանի թատրոնի և կինոյի պետական ինստիտուտը։
«Արտֆոկուսում» Անահիտ Մարգրայանի հյուրն է ԵԹԿՊԻ-ի ռեկտոր Սառա Նալբանդյանը։

Ախթալայի վանքի որմնանկարները


Տեր Հեթում քահանա Թարվերդյանը հրատարակել է Ախթալայի վանքի գանձերը
Կոմիտասի թանգարան-ինստիտուտում տեղի է ունեցել Տեր Հեթում քահանա Թարվերդյանի «Ախթալայի Սուրբ Աստվածածին վանքի որմնանկարները» գրքի շնորհանդեսը: Գիրքը պատմում է վանքի որմնանկարների, հովանավորների ու դրանք կերտած վարպետների մասին: Հայկական եւ համաշխարհային ճարտարապետության և մշակույթի անգին գոհարներից մեկի` Ախթալայի վանական համալիրի Սուրբ Աստվածածին վանքում պահպանված  շուրջ 960 քառակուսի մետր տարածությամբ 800-ամյա որմնանկարներին նվիրված  Տեր Հեթում քահանա Թարվերդյանի աշխատության մասին «Արտֆոկուս»-ի տաղավարում պատմել է հեղինակը: Հաղորդումը վարել է Անահիտ Մարգարյանը:

Լարային քառյակի համերգը


Կկայանա «Ավետիս» լարային քառյակի անդրանիկ համերգը

Մարտի 12-ին Կոմիտասի անվան կամերային երաժշտության տանը տեղի կունենա «Ավետիս» լարային քառյակի դեբյուտային համերգը։ Երաժիշտներից երեքը նվագում են Հայաստանի ազգային ֆիլհարմոնիկ նվագախմբում: Կոնցերտմայստերը Կարմեն Թոսունյանն է, Ֆիլհարմոնիկի ալտերի խմբի կոնցերտմայստերը Հայկ Տեր-Հովհաննիսյանը, Միքայել Նավասարդյանը թավջութակների խմբի երաժիշտ է: Ջութակահար Անուշ Նիկողոսյանը ակտիվ համերգային գործունեություն է ծավալում որպես մենակատար և կամերային կազմերում հանդես եկող երաժիշտ: Ջութակահար Անուշ Նիկողոսյանն ու ալտահար Հայկ Տեր-Հովհաննիսյանը ներկայացրել են իրենց գործունեությունը։

 

«Տիրամայր Հայաստանի» անսպասելի հրավերը


Հայկական «Տիրամայր Հայաստանի» երգչախմբին Վատիկանից են հրավիրել շարական երգելու

Հայոց ցեղասպանության 100-րդ տարելիցին Հռոմի Սուրբ Պետրոս տաճարում պատարագի «Տիրամայր Հայաստանի» երգչախմբի կողմից կատարումը բացառիկ իրադարձություն էր։ Մինչեւ այդ Սուրբ Պետրոսում ոչ մի պատարագ չի անցկացվել օտար երգչախմբի կողմից։ Ավելին՝ Հռոմի պապի Հայաստան այցի ընթացքում Գյումրիում մատուցված պատարագին կրկին երգում էր «Տիրամայր Հայաստանի» երգչախմբը։ Ինչպե՞ս երգչախումբը ստացավ այդ բացառիկ հրավերը։ «Արտֆոկուսի» տաղավարում մանրամասները ներկայացրել է Հայաստանի պետական կամերային և «Տիրամայր Հայաստանի» երգչախմբերի գեղարվեստական ղեկավար և գլխավոր դիրիժոր Ռոբերտ Մլքեյանը:

Ուրարտական ժառանգությունը


Մոսկվայում ուրարտական ժառանգության ցուցադրությունն ավարտվել է։ Պուշկինի անվան թանգարանում «Ուրարտուի թագավորությունը․հին Հայաստանի ժառանգությունը․Ուրաշտու–Հարմինուա–Արմինա» ցուցադրությանը ներկայացվել է ավելի քան 400 ցուցանմուշ։ Վերջին 5 ամսվա ընթացքում թանգարանի այցելուներն հնարավորություն են ունեցել բացահայտել մինչուրարտական, ուրարտական և հետուրարտական ժամանակների հերթափոխն ու փոխազդեցությունը, պետական համակարգը, կրոնական պատկերացումները, արվեստն ու արհեստները։ Ցուցադրության արդյունքներն ու ձեռքբերումները «Արտֆոկուս»-ի տաղավարում ներկայացրել է «Էրեբունի» պատմահնագիտական արգելոց-թանգարանի տնօրեն Միքայել Բադալյանը:

Գրքի ձմեռային փառատոնի մանրամասները


Փետրվարի 10-ին «Դվին» մյուզիք հոլում տեղի կունենա «Նյումեգ» հրատարակչության «Ձմեռային փառատոնը»: Այս տարի հրատարակչությունը «Ձմեռային փառատոնը» վերածել է գրականության և ժամանակակից արվեստի տոնի: Այդ օրը հնարավոր կլինի ներկա գտնվելու ոչ միայն գրքերի շնորհանդեսների, այլև թատերական ներկայացման, պոեզիայի երեկոյի, համերգների, ցուցահանդեսների։ Նյումեգի «Ձմեռային փառատոնի» և ժամանակակից հրատարակչական խնդիրների մասին «Արտֆոկուսում» խոսել է հրատարակչության գլխավոր խմբագիր Գնել Նալբանդյանը:

Գարեգին Զաքոյանը՝ Փարաջանովի մասին


Համաշխարհային կինոյի առանցքային դեմքերից մեկը` Սերգեյ Փարաջանովը, հունվարի 9-ին կդառնար 100 տարեկան: Նա գունավորում էր առօրեականը, պայքարում գորշության դեմ: Նրա պոետիկ կինոն` լեցուն խորհրդապաշտությամբ, հաճախ բնորոշում են որպես շարժվող որմնանկարների կինո: «Արտֆոկուս»-ում Փարաջանովի մասին խոսում է կինոռեժիսոր և կինոգետ, վարպետին նվիրված ֆիլմերի և մենագրությունների հեղինակ Գարեգին Զաքոյանը: Հաղորդումը վարում է Անահիտ Մարգարյանը: Հաջորդիվ` մշակութային լրահոս

 

Գրքի նկարազարդման «հայկական ձեռագիրը»


Նկարիչների միությունում բացվել է գրքի նկարազարմանը նվիրաված ցուցահանդես: Ներառված են տասներեք նկարիչների նկարազարդումներ: Ցուցահանդեսը նվիրված էր ականավոր գեղանկարիչ և գրքերի նկարազարդումների հեղինակ Անդրանիկ Կիլիկյանի հիշատակին։ Ցուցահանդեսի և հայկական նկարազարդման դպրոցի մասին «Արտֆոկոս»-ի տաղավարում զրուցում են ցուցահանդեսի մասնակիցներ՝ ռեժիսոր-անիմատոր, նկարազարդող Նաիրա Մուրադյանը և գեղանկարիչ, նկարազարդող Լևոն Աբրահամյանը: Հաղորդումը վարում է Անահիտ Մարգարյանը:

Սուրբ Ծննդյան տոնը


Շոշափելի ի՞նչ փոփոխություններ են տեղի ունեցել մարդկության կյանքում Քրիստոսի ծնունդի պահից սկսած: Ինչպե՞ս լիարժեք նշել Սուրբ Ծննդյան տոնը: Ծննդյան երգեր, շարականներ, ավետիսներ սովորելու ժողովրդական ավանդույթն ինչու՞ է մարել: Սուրբ Ծննդյան խորհրդի մասին զրուցում ենք Գևորգյան հոգևոր ճեմարանի տեսուչ Տ. Շահե ծայրագույն վարդապետ Անանյանի հետ:

Թեյախմություն Ձմեռ պապի հետ


Ամանորին «Փոքր թատրոն»-ում հեքիաթային միջավայր է. «Թեյախմություն Ձմեռ պապի հետ» ներկայացման համար թատրոնի հարդարանքն ու կառուցվածքը փոխվում են, հանդիսատեսը ներկայացման կենտրոնում է՝ բեմահարթակում, սեղանի շուրջ Ձմեռ պապի հետ թեյ է խմում: «Արտֆոկուս»-ի տարեվերջյան եթերը հեռուստադիտողին տեղափոխում է ներկայացման հեքիաթային միջավայր: Հաղորդման հյուրն է «Փոքր թատրոնի» տնօրեն Վահան Բադալյանը: Հաղորդումը վարել է Անահիտ Մարգրայանը:

Մեկնարկում է թատերական պաստառների միջազգային մրցույթը


Մեկ տարի առաջ Հայաստանում առաջին անգամ անցկացվեց «Թատերական պաստառների միջազգային մրցույթ-փառատոնը»: Աշխատանքները գնահատել էին աշխարհահռչակ գրաֆիկ դիզայներներ Միշալ Բատորին, Սերգեյ Սերովը, Էբրահիմ Հաղիղին: Շուտով կհայտարարվի թատերական պաստառների երկրորդ փառատոնի գործերի ընդունման բաց կանչը: Ինչպիսի՞ն է լինելու Ցուցապաստառների հայկական միջազգային երկրորդ փառատոնը: Ի՞նչ տեղ է զբաղեցնում ցուցապաստառը ժամանակակից դիզայնի բնագավառում: Այս և մի շարք այլ հարցերի շուրջ «Արտֆոկուս»-ում խոսել է մրցույթ-փառատոնի համահիմնադիր և ղեկավար, գրաֆիկ դիզայներ Էդիկ Պողոսյանը: Զրույցը վարել է Անահիտ Մարգարյանը:

Աշնանային սալոն 2023


Հայաստանի նկարիչների միությունում բացվել է աշնանային սալոնը՝ նվիրված Շորժայի «Նկարիչ» ստեղծագործական տան 50-ամյակին: Ցուցահանդեսին մասնակցել է շուրջ 300 արվեստագետ։ Գեղանկար, քանդակ, գրաֆիկա և դեկորատիվ կիրառական արվեստ․ ինչո՞վ է առանձնահատուկ այս տարվա աշնանային սալոնը։ Ժամանակակից հայկական կերպարվեստի զարգացման միտումների մասին «Արտֆոկուս»-ում խոսել է գեղանկարիչ Արթուր Հովհաննիսյանը: Զրույցը վարել է Անահիտ Մարգարյանը: