Շարքի հերոսները դպրոցահասակ երեխաներ են՝ իրենց հետաքրքրություններով և հոգսերով: Բայց կա մի բան, որ նրանք անում են մեծ ջանասիրությամբ` շապիկ են հագնում և Խորան բարձրանում. ծառայում եկեղեցում որպես դպիր:
Յուրաքանչյուր հաղորդում մի պատմություն է, եկեղեցու հետ հաղորդակցության մի դեպք:
Պարբերականությունը՝ երկուշաբթի, ժամը 21:00-ին
 |
Հովանավանքի դպիր ԱլիկըԱմեն կիրակի Ալիկը մայրիկի հետ Ուշիից գնում է Հովանավանք՝ պատարագի մասնակցելու։ Տեսնելով իրենից ավագ դպիրներին՝ նա երազում է շապիկ հագնել և խորան բարձրանալ՝ ցանկանալով դառնալ հոգևորական։ Բացի հոգևոր ճանապարհից, Ալիկը սիրում է ծաղիկներ աճեցնել, հողագործությամբ զբաղվել և իր սիրելի շանը խնամել։ |
 |
Արցախից Բռնի տեղահանված Արամեն ոգեւորությամբ է խորան բարձրանումԱրցախից տեղահանված Արամեի ընտանիքը ապրում է Ոստանում: Սուրբ Սարգիս եկեղեցի առաջին անգամ մայրիկի հետ է հաճախել, ու սիրով ընդունել է Տեր Միքայելի՝ խորան բարձրանալու առաջարկը: Ամեն կիրակի, անսահման ոգևորությամբ մասնակցում է պատարագին: Արամեի առօրյան շատ հետաքրքիր է անցնում գյուղում: |
 |
Խոր Վիրապի դպիրներըԽոր Վիրապի դպիրները ամեն կիրակի շապիկ են հագնում՝ մասնակցում պատարագի: Ավելի փորձառու դպիրները նորեկներին սիրով օգնում են: Պատարագից հետո միասին աղավնիներին են կերակրում, շտապում՝ ֆուտբոլ խաղալու: Երեխաների առօրյան գյուղում հետաքրքիր է ու արկածներով լի: |
 |
Ծաղկազարդ (Արտաշատ)Ծաղկազարդին Արտաշատի Սուրբ Հովհաննես Ավետարանիչ առաջնորդանիստ եկեղեցու խորանը դպրաշատ էր: Երեխաները վաղ առավոտյան շտապել էին եկեղեցի: Ուռենու ճյուղերից հյուսել պսակներ ու մասնակցել պատարագին։ |
 |
Ջրվեժի դպիրները (երեք եղբայր)Հովհաննեսը, Տիգրանն ու Արշավիրը եղբայրներ են,նրանք արդեն ինը տարի հաճախում են Ջրվեժի Սուրբ Կաթողիկե եկեղեցի, շապիկ հագնում և մասնակցում պատարագին: Նրանց նախասիրությունները բազմազան են, առօրյան՝ հագեցած։ |
 |
Առինջի եկեղեցու դպիր ՆարեկըՆարեկի կիրակին սկսվում է Առինջի Սուրբ Հովհաննես եկեղեցուց, նա շապիկ է հագնում և խորան բարձրանում: Երազում է ճարտարապետ դառնալ, սիրում է նկարել, կիթառ նվագել, եղբոր համար գրքեր կարդալ: |
 |
Գևորգն ու Լևոնը (Արտաշատ)Գևորգն ու Լևոնը դասընկերներ են, հաճախում են Արտաշատի Սուրբ Հովհաննես եկեղեցի, խորան են բարձրանում, մասնակցում Պատարագին: Նրանք անհամբեր սպասում են կիրակի օրվան՝ ընկերներով զբոսնում են, կիթառ նվագում, օրն անցկացնում են միասին։ |
 |
Տիգրանն ու Ալբերտը (Ջրվեժ)Մանուկ դպիր Ալբերտը Ջրվեժի Սուրբ Կաթողիկե եկեղեցում խորան է բարձրանում։ Նրա օրինակին հետեւել է եղբայրը՝ Տիգրանը։ Հիմա եղբայրներով ծռայում են եկեղեցում։ |
 |
Սուրբ Աննայի դպիր ԳրիգորըԳրիգորն ու պապիկի ամեն կիրակի գնում են Սբ. Աննա եկեղեցի։ Նա շապիկ է հագնում՝ մասնակցում պատարագին: Հետո միասին զբոսնում են, հաճելի ժամանակ անցկացնում: Գրիգորի առօրյան հագեցած է, զբաղվում է սպորտով՝օգնում քույրիկներին: |
 |
Կեչառիսի դպիր ԱլեքսըՊապիկի ուղեկցությամբ Ալեքսը մանկուց էր հաճախում Կեչառիս։ Նա մի օր շապիկ հագնելու և խորան բարձրանալու ցանկություն է հայտնել: Այդպես՝ ամեն կիրակի Ծովագյուղից գալիս են, մասնակցում պատարագին ու վերադառնում: |
 |
Սուրբ Զորավոր եկեղեցու ԳոռըՍուրբ Զորավոր եկեղեցու դպիր Գոռը առաջին անգամ խորան է բարձրացել լարվածությամբ ու շիկնելով։ Հիմա այլեւս չկա այդ լարվածոթությունը։ Հոգեւորականները նրան օգնում ու կողմնորոշում են արարողությունների ժամանակ։ Նույնիսկ ձայնն է փոխվել այս ընթացքում և արդեն կարողանում է երգել։ |
 |
Սուրբ Ամենափրկչի դպիր եղբայրներըԵղբայրներ Վախթանգն ու Ռուբենը ամեն կիրակի մարզվում են և քայլում դեպի Արարատի Սուրբ Ամենափրկիչ եկեղեցի: Շապիկ են հագնում, ընկերների հետ սպասավորում խորանին, իսկ պատարագից հետո ամբողջ օրը նվիրում են եկեղեցուն: |
