Նրանք մեզ հետ են, մեր կողքին: Նկարիչ են, երաժիշտ, գրող, հոգևորական, գիտնական, բժիշկ, ովքեր ամբողջ կյանքում արժեք են ստեղծում բոլորի համար, մարդիկ, ում գործը չի պարագծվում ներկա ժամանակով:
Նրանց պետք է ճանաչել, նրանց պետք է տեսնել իրենց ստեղծագործության ակունքում, պետք է իմանալ՝ ինչ են մտածում երեկվա, այսօրվա ու վաղվա մասին, մարդու, բնության և Աստծո մասին:

Ռուբեն Ալթունյան


ՀՀ ժողովրդական արտիստ, անվանի կոմպոզիտոր Ռուբեն Ալթունյանը պատմում է իր ստեղծագործությունների, կատարած մշակումների, ղեկավարած նվագախմբերի մասին: Հաղորդման ընթացքում հնչում են կոմպոզիտորի հին ու նոր գործերը: Ռուբեն Ալթունյանը խոստովանում է, որ կարողացել է շատ բան հասցնել օրվա խիստ ռեժիմի շնորհիվ. առավոտյան՝ դասեր Կոնսերվատորիայում, կեսօրին՝ անսամբլի հետ փորձեր, իսկ երեկոյից մինչև ուշ գիշեր ստեղծագործելու ժամեր են... Մասնակցում են՝ Ռուբեն Ալթունյան ՀՀ ժողովրդական արտիստ, կոմպոզիտոր

Սարգիս Մուրադյան


Հաղորդումը ՀՀ ժողովրդական նկարիչ Սարգիս Մուրադյանի կյանքի և ստեղծագործական ուղու մասին է: Հաղորդման ընթացքում անդրադարձ է կատարվում նաև Սարգիս Մուրադյանի հասարակական--քաղաքական գործունեությանը, անկախության համար մղած նրա պայքարին: Մասնակցում են՝ Զառա Մուրադյան -- նկարչի դուստրը Անատոլի Գրիգորյան- ՀՀ վաստակավոր նկարիչ Զուլում Գրիգորյան- ՀՀ ժող. նկարիչ

Ռաֆայել Պապայան


Մեր օրերի հայտնի մտավորական, հասարակական, քաղաքական գործիչ, բանաստեղծ, թարգմանիչ Ռաֆայել Պապայանը Հայաստանի անկախացման համար մղվող պայքարի առաջամարտիկներից էր, ՀՀ առաջին խորհրդարանի պատգամավոր, Խղճի և դավանանքի ազատության մասին օրենքի հեղինակը: Ռ. Պապայանը նար Մայր Աթոռ Սուրբ Էջմիածնի Գերագույն հոգևոր խորհրդի և ՀՀ Սահմանադրական դատարանի անդամ էր: Նա հեղինակ է մի շարք գիտական գրքերի և հոդվածների: Ռաֆայել Պապայանը մեր գրականությունը հարստացրել է նաև թարգմանություններով ու ստեղծագործություններով:

Վիգեն Ղազարյան


Միջնադարագետ Վիգեն Ղազարյանը ՀՀ մշակույթի վաստակավոր գործիչ է, ԳԱԱ թղթակից անդամ: Հեղինակ է մի շարք մենագրությունների` Սարգիս Պիծակ», Մեկնություն խորանաց»: Արվեստաբանը նաև Հայ արվեստի պատմություն» ձեռնարկի չորս հեղինակներից մեկն է: Վիգեն Ղազարյանի կարծիքով արվեստագետն ու գիտնականը ճգնավորի կյանք են ապրում, կամքը կարող է ուղղորդել անգամ ճակատագիրը, տոկունությունը փրկում է...»: