Հեղինակ Մարի Խաչատրյան

Հուլիսի 28-ին Հայ առաքելական եկեղեցին նշեց հինգ տաղավար տոներից երրորդը՝ Հիսուս Քրիստոսի Այլակերպության կամ Պայծառակերպության տոնը: Բոլոր եկեղեցիներում մատուցվեց տոնական պատարագ: Մայր Աթոռ Սուրբ Էջմիածնում տոնական ղողանջների ներքո հոգևորականների թափորը Սուրբ Գայանե վանք ուղեկցեց Գարեգին Բ Ամենայն հայոց կաթողիկոսին: Ավանդույթի համաձայն, Վեհափառ հայրապետը հավատացյալների վրա ցողում էր մաքրություն և հույս խորհրդանշող վարդաջուրը: 

 

Այս կիրակի՝ հուլիսի 28-ին, Հայ առաքելական եկեղեցին կնշի հինգ տաղավար տոներից երրորդը՝ Քրիստոսի Պայծառակերպությունը: 

 

Հայաստանի ազգային գրադարանում հայ անվանի գրող, դրամատուրգ, մանկավարժ, պետական և հասարակական գործիչ Լևոն Շանթի 150-ամյակի առթիվ կազմակերպվել էր ցուցադրություն:

 

Հուլիսի 14-ին Ֆրանսիան նշում է ազգային տոնը: ՀՀ-ում Ֆրանսիայի դեսպանության նախաձեռնությամբ տոնական համերգ տեղի ունեցավ նաև «Արամ Խաչատրյան» համերգասրահում: Ելույթ ունեցավ Ֆրանսիայի հանրապետական գվարդիայի լարային քառյակը: Խմբի հետ հանդես եկավ ֆրանսիական բանակի երգչախմբի մենակատար Ժերեմի Դելվերը:  

 

Հուլիսի 11-ին «Գոլդեն Թյուլիփ» հյուրանոցում տեղի ունեցավ «Ոսկե ծիրան» միջազգային կինոփառատոնի ավանդական «Պրեսս կոկտեյլը», որի ընթացքում լրագրողները հնարավորություն ունեցան զրուցել հյուրերի հետ: Ներկա էին նաև փառատոնի աջակիցներ, հովանավորներ ու գործընկերները: Նրանցից մի քանիսին, արդյունավետ համագործակցության համար փառատոնի հիմնադիր Հարություն Խաչատրյանը մեդալներ հանձնեց: 

 

Հուլիսի 12-ին և 13-ին  ՀՀ ԳԱԱ  նախագահության նիստերի դահլիճում  անցկացվեց «Հայաստանի ազգային հերոս», ԽՍՀՄ ժողովրդական արտիստ, պետական մրցանակների դափնեկիր,  Հայաստանի ազգային ակադեմիական երգչախմբի գեղարվեստական ղեկավար և խմբավար Հովհաննես Չեքիջյանի 90-ամյակին նվիրված  գիտական նստաշրջան: 

 

Իտալացի հայտնի քանդակագործ Լորենցո Քուինը «Նարեկացի» արտ-նախագծի պրոդյուսեր Յուլիաննա Պարակշիեւայի հրավերով երկօրյա այցով Հայաստանում էր: Քանդակագործը որոշել էր այցելել այն վայրերը, որտեղ եղել էր Հռոմի Ֆրանցիսկոս Պապը: Լորենցո Քուինն առաջինն այցելեց Մայր Աթոռ Սուրբ Էջմիածին՝ բացահայտելու հայոց հոգևոր կենտրոնի գեղեցկությունն ու ուժը: 

 

Հուլիսի 7-ին Երևանի Սուրբ Գրիգոր Լուսավորիչ մայր եկեղեցում 12 սարկավագների քահանայական ձեռնադրությունն ու օծումն էր: Պատարագը հանդիսապետում էր Գարեգին Բ Ամենայն հայոց կաթողիկոսը:

 

Հոկտեմբերի 2-ին լրանում է Հնդկաստանի քաղաքական և հոգևոր առաջնորդ Մահաթմա Գանդիի ծննդյան 150-ամյակը։ Այդ օրը կմեկնարկի «Շարժվելով դեպի ազատություն և խաղաղություն» խորագրով քայլարշավը:  Հուլիսի 2-ին Գարեգին Բ Ամենայն հայոց կաթողիկոսը Մայր Աթոռ Սուրբ Էջմիածնում ընդունեց քայլերթի կազմապերպիչներին՝ «Գանդի» հիմնադրամի հայաստանյան ներկայացուցիչ Արսեն Խառատյանի ուղեկցությամբ: 

 

ՀՀ ժողովրդական արտիստ, թատրոնի ու կինոյի բազմաթիվ սերունդներ կրթած Ռաֆայել Ջրբաշյանի հիշատակին նրա ուսանողները հուշ-երեկո էին կազմակերպել: