Հեղինակ Մարի Խաչատրյան

Հայ եկեղեցու համաշխարհային երիտասարդական միավորման կենտրոնական գրասենյակում  «Դիալոգ» հասարակական կազմակերպության նախաձեռնությամբ անցկացվում է «Քրիստոնեական ռազմավարություն» դասընթացը: 

 

Հովհաննես Թումանյանի թանգարանում ներկայացված են Արաբկիրի հայորդյաց տան գեղանկարչության դասարանի սաների «Անխելք մարդը» հեքիաթի նկարազարդումները:

 

Կաթողիկե Սուրբ Էջմիածնի տոնի առիթով Մայր Աթոռի «Ռուբեն Սևակ» թանգարանում հայ հոգևոր երաժշտության համերգ էր կազմակերպվել:  

 

Վահան Արծրունին բարեգործական համերգ էր կազմակերպել ԵՊԲՀ ուսանողների համար: 

 

Հունիսի 16-ին Մայր Աթոռ Սուրբ Էջմիածնի «Գարեգին Ա» կրթական կենտրոնում ԱՄՆ Արևելյան հայոց թեմի Մինեսոտա նահանգի 36  ուխտավորին ընդունեց Գարեգին Բ  Ամենայն հայոց կաթողիկոսը: Հաջորդ օրը Վեհափառ հայրապետը հյուրընկալեց ավստրալահայ մի խումբ ուխտավորների: 

 

Հունիսի 18-ին Հայ եկեղեցին նշեց Գայանյանց կույսերի հիշատակության տոնը:  Եկեղեցականների թափորը, Հայոց հայրապետի գլխավորությամբ, Մայր տաճարից շարժվեց Սուրբ Գայանե վանք: Հայրապետի ձեռքում Սուրբ Գայանեի աջաձև մասունքարանն էր, որն ամեն տարի սրբուհու հիշատակության օրն է դուրս բերվում գանձատնից՝  հավատացյալներին օրհնություն բաշխելու համար:

 

Գևորգյան հոգևոր ճեմարանի սաներըԿոմիտաս վարդապետի 150-ամյա հոբելյանին նվիրված ցերեկույթ էին նախաձեռնել: 

 

Այս կիրակի մեր եկեղեցին նշում էր Սուրբ Եղիա մարգարեի հիշատակության օրը: Սրբոց Հրեշտակապետաց եկեղեցում Գևորգյան ճեմարանի ավարտական լսարանի սաները վերջին անգամ պատարագ էին սպասավորում որպես ուսանող: 

 

Արամ Խաչատրյանի անվան միջազգային մրցույթը 15-րդ անգամ դռները բացեց աշխարհի երաժիշտների և երաժշտասերների առջև: Այս տարի մրցույթն անցկացվեց դաշնամուր մասնագիտությամբ: Ժյուրին գլխավորում էր դաշնակահար, դիրիժոր Վահագն Պապյանը: 

 

Գարեգին Բ Ամենայն հայոց կաթողիկոսը հունիսի 14-ին Մայր Աթոռում հանդիպեց Արմավիրի թեմի կիրակնօրյա դպրոցների սաների հետ: