«Դեպի Ս. Էջմիածին, դեպի սրբազան Արցախ» 2019թ.-ի համահայկական երիտասարդական ուխտագնացությունը


«Դեպի Ս. Էջմիածին, դեպի սրբազան Արցախ». Ամենայն հայոց հայրապետի հռչակած այս կարգախոսը Հայաստանի, Արցախի ու Սփյուռքի ավելի քան 250 երիտասարդների ուխտագնացության բերեց հայրենիք: Ուխտագնացությունը կազմակերպել էր Հայ եկեղեցու համաշխարհային երիտասարդական միավորումը՝ Թովմա վարդապետ Խաչատրյանի գլխավորությամբ: Չորսօրյա ուխտագնացության ընթացքում երիտասարդները եղան Ստեփանակերտում, Խոջալուի զորամասում, Ամարասի վանքում, Տիգրանակերտի ամրոցում, Ղազանչեցոց վանքում:

 

Թուղթը աղբ չէ


«Թուղը աղբ չէ» նախաձեռնությունը աղբի տեսակավորման և վերամշակման մասին է: Առանց որևէ ֆինանսական միջոցների, ինքնակամ քաղաքացիները միացել են նախաձեռնությանը: Քաղաքի տարբեր անկյուններում կամավորների օգնությամբ տեսակավորվում են թուղը, ապակին և պլաստիկը, այնուհետև բեռնատարները դրանք տեղափոխում են վերամշակող գործարաններ: Թափոններից ստացված գումարը ուղղում են որևէ բարեգործական ընկերության: Նախատեսում են աջակցություն ստանալ քաղաքապետարանից և ավելի ինստիտուցիոնալ զբաղվել այս հարցով:

Ներառական փուռ-սրճարան Գյումրիում


Գյումրիի «Արեգակը» Հայաստանում առաջին ներառական փուռ-սրճարանն է, որտեղ աշխատում են հաշմանդամություն ունեցող երիտասարդներ: 

Երիտասարդ ընտանիքը


Մարտիրոս Թափալյանը և Անի Հովհաննիսյանը երիտասարդ ամուսիններ են: Մարտիրոսը եկեղեցում ուրարակիր է, Անին երգում է « Գեղարդ» երգեցիկ խմբում: 

«Հավեսին սենյակ»


Սահմանամերձ Վազաշեն գյուղի «Հավեսին սենյակը» երեխաների զբաղմունքի միակ տեղն է: Կենտրոնի միակ ուսուցիչը՝ Մարիամը, շաբաթը մի քանի անգամ դասերից հետո երեխաներին անվճար նկարչություն, ձեռքի աշխատանք է սովորեցնում: Կենտրոնը չունի ֆինանսավորում: Արվեստագետների մի խումբ աջակցում է որոշ հարցերում:

Մարդասիրություն


Էրինը ԱՄՆ Խաղաղության կորպուսի կամավոր է: Մեկ տարի առաջ է տեղափոխվել Հայաստան: Այժմ ապրում և աշխատում է Իջևանում՝ Տավուշի թեմում և «Հույսի կամուրջ» ՀԿ-ում: Երգում է եկեղեցու երգչախմբում: Էրինի կարծիքով կամավորական աշխատանքի հիմքում մարդկանց՝ իրար օգնելու, աջակցելու ցանկությունն է, որն էլ իր հերթին մարդասիրության առօրյա կիրառությունն է:

Դասավանդելով Ձորագյուղում


Նարեկն ու Սամվելը աշխարհագրություն և ֆիզիկա են դասավանդում Լոռվա Ձորագյուղում: Դպրոցում տարիներ շարունակ չեն եղել այս առարկաների մասնագետ ուսուցիչներ: Տղաները նաև վարում են աստղագիտության, ռոբոտաշինության, թուրքերենի և թատերական արտադասարանական խմբակներ: Նրանք Ձորագյուղում են «Դասավանդի՛ր, Հայաստան» ծրագրով: 

Խնամելով կատուներին


Քանաքեռավան գյուղում կատուների մի կացարան կա: Կացարանը վարձակալել են Հասմիկը և Դիանան: Նրանք իրենց անձնական միջոցներով պահում և խնամում են անտուն կատուների: Կատուները շատանում են, իսկ կացարանը շատ փոքր է…

Կալկաթայի հայոց մարդասիրական ճեմարան


Կալկաթայում սովորող ճեմարանականները պատմում են հայրենիքից հեռու կրթություն ստանալու դժվարությունների, դրանց հաղթահարման ուղիների, իրենց նպատակների ու երազանքների մասին:

Հայ բարերար. Թրբանճյաններ


Հառիճավանքի Թրբանճյան ընծայարանի կառուցում, հոգևոր և աշխարհիկ կրթության ապահովում, գյուղական համայնքների զարգացում. Ջերալդ և Փաթրիշա Թրբանճյանների հայաստանյան ծրագրերի մասին պատմում են մարդիկ, որոնց կյանքում բարերարների ներդրումը շրջադարձային է եղել: 

Անծուխ Երևան


#Անծուխ Երևան հեշթեգը հայտնվել է Երևանի փողոցային նկարազարդումներում: Ծխելու դեմ ակցիային և պասիվ ծխողներին պաշտպանելու գործին միացել են ազատ ոճի երիտասարդ նկարիչները: