Երաժշտական հաղորդաշար

	Հայաստանի Հանրային Ռադիոյի «Արևիկ» մանկապատանեկան համույթ, մաս 2 Հանրային Ռադիոյի «Արևիկ» մանկապատանեկան համույթը կատարել է«Երկիր Անառիկ» երգը (երաժշտությունը, խոսքը և գործիքավորումը՝ Վահե Հայրապետյանի) և «Իմ Հայաստան» երգը, որի տեքստի հեղինակը Հովհաննես Ղուկասյանն է, երաժշտությունը՝ Արտեմի Այվազյանի, գործիքավորումը՝ Վահե Հայրապետյանի։ Համույթի գեղարվեստական ղեկավար` Վահե Հայրապետյան:
	Վիկտորյա և Լյանա Ուլիխանյան Թավջութակահար Լյանա Ուլիխանյանը, ջութակահար Վիկտորյա Ուլիխանյանը և դաշնակահար Արաքս Աշճյանը կատարում են Առնո Բաբաջանյանի «Անուրջները» Մարտին Ուլիխանյանի մշակմամբ, Ալեքսանդր Հարությունյանի «Սասունցիների պարը» և «Ամանորի սյուիտ» ստեղծագործությունները Մարտին Ուլիխանյանի մշակմամբ:
	«Տալույս» երգչախումբ, մաս 1 Տավուշի թեմի «Տալույս» երգչախումբը հանդես է եկել հոգևոր երկացանկով: Երգչախումբը կատարել է Կոմիտաս վարդապետի «Հայր մեր», Ս. Գրիգոր Լուսավորչի «Լույս ի Լուսո», Ս. Մեսրոպ Մաշտոցի «Լույս փառաց», Ս. Ներսես Շնորհալու «Առավոտ լուսո» ստեղծագործություններով: Երգչախմբի գեղարվեստական ղեկավար և խմբավարն է Մարիա Գալստյանը։
	«Տալույս» երգչախումբ, մաս 2 Տավուշի թեմի «Տալույս» երգչախումբը կատարել է Գաբրիել Երանյանի «Կիլիկիա» (մշակումը` Երվանդ Երկանյանի), Արթուր Գրիգորյանի «Նոր Տարի», Ռոբերտ Ամիրխանյանի «Դինգ-Դոնգ» (մշակումը` Լենա Թորոսյանի), Ռոբերտ Պետրոսյանի «Երկիր Հայրենի» ստեղծագործությունները: Երգչախմբի գեղարվեստական ղեկավար և խմբավարն է Մարիա Գալստյանը։
	«Լեգատա» երգչախումբ, մաս 1 «Լեգատա» երգչախումբը, որի խմբավարն է Ալվարդ Պետրոսյանը, կատարել է կոմպոզիտոր Ռոբերտ Ամիրխանյանի «Ինձ համար դու շող գարուն ու մայր» երգը և Լուի Պրիմայի «Երգի՛ր, երգի՛ր, երգի՛ր» ստեղծագործությունը, մշակումը` Ֆիլիպ Քյորնի։
	«Լեգատա» երգչախումբ, մաս 2 «Լեգատա» երգչախումբը, որի խմբավարն է Ալվարդ Պետրոսյանը, կատարում է Ստեփան Լուսիկյանի «Ազատ Հայաստան», Հենք Բիբի «Գլխարկներ» և Մոյրա Սմայլի «Ջուր բեր ինձ, Սիլվի» խմբերգերը:
	«Կամար» երգչախումբ «Կամար» երգչախումբը, որի գեղարվեստական ղեկավար և խմբավարն է Անահիտ Պապայանը, կատարել է Ս. Մովսես Խորենացու «Ծագումն հրաշալի» (մշակումը` Երվանդ Երկանյանի) և «Լոյս, լուսոյ մայր» (մշակումը` Դանիել Երաժշտի) տաղերը, «Օսաննա» ստեղծագործությունը (մշակումը` Թաթուլ Ալթունյանի), «Գացեք, տեսեք» աշխարհիկ խմբերգը (մշակումը` Քրիստափոր Կարա-Մուրզայի):