Հեղինակ և վարող՝ Հայկ Համբարձումյան 
ԹԵՄԱՅԻ հյուրերն են մշակույթի գործիչներ, հոգևորականներ, ճանաչված ռեժիսորներ ու դերասաններ, Հայաստանում և արտերկրում ապրող և աշխատող հայ և օտարազգի գիտնականներ, հայագետներ, երիտասարդ մասնագետներ, գրողներ, լրագրողներ:
Որքանո՞վ են ժամանակակից հայ արվեստն ու գրականությունը հարաբերվում համաշխարհային արվեստի զարգացման միտումներին: Հայագիտական ի՞նչ նոր ուսումնասիրություններ են կատարվում Հայաստանում ու Սփյուռքում: Մեր օրերի արվեստը կրթում է, թե՞ զբաղեցնում:  Այս և այլ հարցադրումները հնչում ու պատասխաններ են ստանում ԹԵՄԱՅԻ  տաղավարում:
Պարբերականությունը՝ ամեն ուրբաթ, ժամը 21:50-ին
Կրկնությունը՝ շաբաթ օրը, ժամը  13:30-ին

Լևոն Շանթ գրողն ու քաղաքական գործիչը


Այս տարի լրանում է հայ գրող, հասարակական ու քաղաքական գործիչ Լևոն Շանթի ծննդյան 150-ամյակը: Ի՞նչ առանձնահատկություններով է բնութագրվում Լևոն Շանթի ստեղծագործությունը: Ինչպե՞ս և ինչո՞ւ գրողը դարձավ քաղաքական գործիչ, որքանո՞վ են այսօր արդիական Լևոն Շանթի դրամաները: Այս հարցերի մասին Հայկ Համբարձումյանը զրուցել է գրականագետ Արքմենիկ Նիկողոսյանի հետ:

Հայ ժամանակակից կոմպոզիտորական արվեստ. խնդիրներ ու լուծումներ


Ինչպե՞ս է հնարավոր հանրայնացնել հայ ժամանակակից երիտասարդ կոմպոզիտորների ստեղծագործությունները, ո՞վ պետք է զբաղվի այդ գործով՝ ստեղծագործո՞ղը, Միությո՞ւնը, Մշակույթի նախարարությո՞ւնը: Ի՞նչը կարելի է համարել ժամանակակից կամ արդիական երաժշտություն և ի՞նչ վերաբերմունք ունեն նվագախմբերը այդ երաժշտության նկատմամբ: Այս հարցերի մասին Հայկ Համբարձումյանը զրուցել է կոմպոզիտոր, դաշնակահար Դավիթ Բալասանյանի հետ:

Ամառային ընթերցանություն


Ի՞նչ և ինչպե՞ս կարդան երեխաները ամռանը: Ի՞նչ ծրագրերով է հնարավոր խթանել մանկապատանեական ընթերցանությունը, ինչպե՞ս ապահովել ընթերցասերների միջավայր, որտեղ երեխաներն ու պատանիները կկարողանան դրսևորվել, քննակումներ անցկացնել, ներակայացնել իրենց տպավորություններն ու գիտելիքները: Այս հարցերի մասին Հայկ Համբարձումյանը զրուցել է «Ամառային ընթերցանություն» ծրագրի համակարգող Մարիաննա Աճեմյանի հետ:

«Խակ պտուղ». պատերազմն ու նկարչի ճակատագիրը պատկերապատումի լեզվով


Ինչպե՞ս է հնարավոր պատկերապատումի լեզվով և գրաֆիկական նովելի ձևով ներկայացնել ողբերգական պատմություններ, որտե՞ղ է ավարտվում վավերագրությունն ու սկսվում գեղարվեստական հորինվածքը: Ինչպիսի՞ն էր ստեղծագործող անհատի ճակատագիրը ստալինյան բռնապետության մամլիչի տակ և ի՞նչ կորցրեցին նկարիչները սովետական երկրում ապրելով: Այս հարցերի մասին Հայկ Համբարձումյանը զրուցել է նկարիչ Տիգրան Մանգասարյանի հետ:

Հրանտի դասերը. գիրը որպես պետություն


Ինչո՞ւ Հրանտ Մաթևոսյանը գեղարվեստական նոր գործեր չէր հրատարակում անկախությունից հետո, ինչպե՞ս անդրադարձավ նրա ստեղծագործության վրա Խորհրդային Միության փլուզումն ու իր հասարակական-քաղաքական գործունեությունը: Ի՞նչ հարաբերություն ունի վեպը պետականաշինության հետ: Հայկ Համբարձումյանը զրուցել է գրող, հրապարակախոս Գևորգ Տեր-Գաբրիելյանի հետ: 

Հրանտ. գրողն ու ժամանակը


Լույս է տեսել Գևորգ Տեր-Գաբրիելյանի «Հրանտ» հուշագրությունը-վիպակը, որտեղ Հրանտ Մանթևոսյան մարդն ու գրողը ներկայացվում է իր ժամանակի հասարակական-մշակութային հարաբերությունների լայն համապատկերում: Ի՞նչ ակունքներ ուներ Հր. Մաթևոսյանի ստեղծագործությունը, ի՞նչ հարաբերություններ՝ ժամանակի ու կինոյի հետ, ինչո՞ւ էր գրում Հրանտը և գնահատվա՞ծ էր արդյոք: Այս հարցերի մասին Հայկ Համբարձումյանը զրուցել է գրող, հրապարակախոս Գևորգ Տեր-Գաբրիելյանի հետ: 

Փրկված ձեռագործ գանձեր


Փրկված, ցեղասպանությունը վերապրած մշակութային արժեքների մասին խոսելիս սովորաբար նկատի ենք ունենում ձեռագիր մատյանները, սակայն հայ ժողովուրդը ստեղծել, փրկել և պահպանել է նաև կիրառական արվեստի նմուշներ՝ ասեղնագործ տարբեր իրեր: Ինչպե՞ս են պահպանվել ու մեզ հասել ձեռագործ իրերը, ի՞նչ արժեք ունեն, որքանո՞վ են հայ ասեղնագործության ինքնատիպ այդ նմուշներն այսօր հայտնի աշխարհին: Այս հարցերի մասին Հայկ Համբարձումյանը զրուցել է իրավաբան, հավաքորդ Նարեկ Վան Աշուղաթոյան հետ:

Մատենդարանը որպես գիտական կենտրոն ու թանգարան


Գիտահետազոտական ու թանգարանային գործունեության ի՞նչ առաջնահերթություններ և խնդիրներ կան Երևանի մատենդարանում: Ինչպե՞ս է հնարավոր առավել արդյունավետ կազմակերպել աշխատանքները, ի՞նչ նոր ծրագրեր են իրականացվում մեր ձեռագրական հարուստ ժառանգության ուսումնասիրության և հանրահռչակման ուղղությամբ: Այս հարցերի մասին Հայկ Համբարձումյանը զրուցել է Մեսրոպ Մաշտոցի անվ. մատենադարանի տնօրեն Վահան Տեր-Ղևոնդյանի հետ:

Խորհրդային Հայաստանի երգիծական մամուլը. քարոզչություն և քննադատություն


1920-ականթվականներին հրատարակվում, սակայն կարճատև կյանք են ունենում «Շեշտ», «Զուռնա» և «Կարմիր մոծակ» երգիծական պարբերականները: Ովքե՞ր և ինչո՞ւ հիմնադրեցին երգիծաթերթեր, դրանց ստեղծումը պատվե՞ր էր, թե՞ անհատական նախաձեռնություն, որքանո՞վ էին երգիծական նյութերը համապատասխանում և ծառայում քաղաքական-կուսակցական գաղափարախոսության քարոզչությանը: Այս հարցերի մասին Հայկ Համբարձումյանը զրուցել է պատմաբան Համո Սուքիասյանի հետ:
 

Համշենն ու համշենահայերի ինքնությունը


Վերջին տարիներին մեծ հետաքրքրություն է նկատվում պատմական Հայաստանի Տայք նահանգի Համշեն գավառի, համշենահայության ինքնության, լեզվի ու մշակույթի նկատմամբ: Ինչպե՞ս է պահպանվել համշենահայերի բարբառը, ի՞նչ առանձնահտկություններ ունի բանահյուսությունը, իրենց հայեր համարո՞ւմ են համշենահայերը և հնարավո՞ր է արդյոք վերադարձ հայկական ինքնությանը: Այս հարցերի
մասին Հայկ Համբարձումյանը զրուցել ԵՊՀ հայագիտական հետազոտությունների ինստիտուտի հայ-օսմանական առնչություների բաժնի վարիչ Լուսինե Սահակյանի հետ:
 

«Նարեկը»` բժշկարան


Սուրբ Գրիգոր Նարեկացու ստեղծագործությունը և հատկապես «Մատեան Ողբերգութեան» գիրքը եղել ու մնում է պաշտամունքի առարկա: Այն ուսումնասիրվել է որպես աստվածաբանական-փիլիսոփայական երկ, գրական-գեղարվեստական գործ, օգտագործվել բուժական նպատակներով: Ինչպե՞ս են մեկ երկի մեջ համատեղվում այս հատկանիշներն ու գործառույթները, ինչպե՞ս է ժամանակի ընթացքում փոխվել «Նարեկի» ընկալումն ու մեկնաբանությունը, ի՞նչ խորհուրդներ ունի «Նարեկը»: Այս հարցերի մասին Հայկ Համբարձումյանը զրուցել է իմաստասեր Աշոտ Պետրոսյանի հետ:

Գիրքը, գրողը, գրահրատարակչությունն ու պետությունը


Ինչպե՞ս և ինչո՞ւ փոխվեց Մշակույթի նախարարության քաղաքականությունը գրահրատարակչական ոլորտում, ի՞նչ ծրագրեր են իրականացվում ժամանակակից հայ գրականության զարգացման ու հանրահռչակման ուղղությամբ, ինչպե՞ս են համալրվում գրադարանները և ի՞նչ է արվում ընթերցանության խթանման համար: Այս հարցեր մասին Հայկ Համբարձումյանը զրուցել ՀՀ մշակույթի փոխնախարար Վահե Բուդումյանի հետ: