Հակոբ արքեպիսկոպոս Գլնճյան


Ֆրանց Վերֆելի «Երեմիա. լսեք ձայնը» վեպը գերմաներենից հայերեն է թարգմանել Ուրուգվայի հայոց թեմի առաջնորդ Հակոբ արքեպիսկոպոս Գլնճյանը: Գիրքն արժանացել է ՀՀ գրողների միության «Կանթեղ» մրցանակի: Հակոբ սրբազանը գրական ու թարգմանական արժեքավոր ժառանգություն ունի, թեև շատ համեստ է համարում իր վաստակը: «Ինչ կարողանում ենք ստեղծել, միայն Աստծո շնորհի ու ողորմածության շնորհիվ է»,-ասում է սրբազանը:

Գորիսի դպիրները


Գորիսի Սբ. Գրիգոր Լուսավորիչ եկեղեցու խորանը մանկաշատ է: Տղաները վաղուց ընկերացել են, միասին ուխտի բազմաթիվ ճանապարհներ են անցել: Մեր նկարահանող խումբը մի կիրակի անցկացրեց դպիրների հետ:

Գորիսի երգչախումբը


Գորիսի Սբ. Գրիգոր Լուսավորիչ եկեղեցու երգչախմբում տարբեր տարիքի երեխաներ են հավաքված: Խմբավարն ասում է՝ կարճ ժամանակում սերտել են շարականներն ու արդեն պատարագ են երգում: Փորձեր, ճամփորդություններ, խաղ ու զրույցով են անցնում երեխաների կիրակիները: Մեր նկարահանող խումբը մեկ օր անցկացրեց երգչախմբի հետ:

Սյունիքի Քրդիկանց Սուրբ Աստվածածինը


Քրդիկանց բնակավայրը դարերի պատմություն ունի։ Քուրդիկ իշխանը կառուցում է եկեղեցի՝ Սուրբ Աստվածածին անունով։ 1661թ.-ին եկեղեցին նորոգվում է։ Խորհրդային տարիներին վերածվում է պահեստի։ 1958թ. գյուղը տեղափոխվում է հարավ-արեւելք՝ ներկայի Լեռնաձոր, եւ եկեղեցին մնում է գյուղի միակ կենդանի վկան։ 2022թ. մայիսից սկսվում են պեղումները, մեկ տարվա ընթացքում եկեղեցին վերականգնվում է: 2023-ի սեպտեմբերի 9-ին Քրդիկանց Սուրբ Աստվածածինը վերաօծվում է: Լեռնաձորցիների համար իսկական տոն էր՝ սիրելի սրբավայրը երկրորդ կյանք էր ստացել: Իրենց հույզերով ու պատմություններով կիսվում են լեռնաձորցիները:

Առինջի Սբ. Հովհաննես եկեղեցու Վահեն


Վահեի համար կիրակիները սպասված ու հետաքրքիր են անցնում, առավոտից ընտանիքը օրն սկսում է Առինջի Սուրբ Հովհաննես եկեղեցում: Վահեն ու հայրիկը շապիկ են հագնում, մասնակցում պատարագին: Հետո միասին մարզվում, թենիս խաղում ու զբաղվում առօրյա գործերով:

ՏաՈւժի դպիրները


ՏաՈւժ դպրոցի սաներից մի քանիսը ցանկություն են հայտնել շապիկ հագնելու և խորան բարձրանալու, Տեր Աբելն էլ սիրով համաձայնել է: Իրենց բազմազբաղ առօրյայի, դասերի, խաղերի, ընկերության ու Տավուշի մասին պատմում են տաուժցիները:

Տեր Վահան քահանա Ազարյան


Ճարտարապետական էսքիզներ, գծանկար, մանրանկարչություն. Տեր Վահանի ստեղծագործական հետաքրքրությունների շրջանակը լայն է: Ամենափոքրիկ էսքիզի կամ նախագծի իրականացում մեծ ոգևորության ու ավելին անելու ցանկության առիթ է:

Սառան


Սառան ամեն կիրակի ընտանիքի հետ այցելում է Նորագավիթի Սուրբ Գևորգ եկեղեցի: Եղբայրը՝ Դավիթը, խորան է բարձրանում, իսկ Սառան երգչախմբում երգում է: Նա արագ սերտել է շարականների երգեցողությունը: Սիրում ու տիրապետում է չինարենին: Երազում է ուսումը շարունակել Չինաստանում:

Անիկն ու Յուրան


Անիկն ու Յուրան Վերին Արտաշատի Սուրբ Աստվածածին եկեղեցում մասնակցում են պատարագներին: Յուրան խորան է բարձրանում, Անիկը երգչախմբում երգում է: Անիկը օգնում է եղբորը, որ խորանի վրա լավ երգի շարականները: Նրանք նոր ընկերներ են ձեռք բերել եկեղեցում, միասին սիրում են խաղալ և ուխտագնացությունների մասնակցել:

Բժիշկները. Նորայր Միքայելյան, Սարգիս Մանուկյան


Բժիշկներ Նորայր Միքայելյանն ու Սարգիս Մանուկյանը մտերիմ ընկերներ են: 44-օրյա պատերազմի առաջին օրերին դիմածնոտային վիրաբույժ Նորայր Միքայելյանը մեկնում է Արցախ: Առանց իմանալու նրա գնվելու հստակ վայրը՝ ընկերոջ հետևից ճանապարհ է ընկնում վիրաբույժ Սարգիս Մանուկյանը: Հանդիպումը շատ չի ուշանում, բայց ինչ դժվարություններ դեռ պիտի հաղթահարեին, չէին պատկերացնում: Պատերազմի ու խաղաղ օրերի մասին պատմում են ընկերները:

Բժիշկը. Կորյուն Դալլաքյան


Կորյուն Դալլաքյանը 44-օրյա պատերազմի մասնակից է, վիրաբույժ է:

Վահե սարկավագ Մկրտչյան


Վահե սարկավագ Մկրտչյանը 44-օրյա պատերազմի ժամանակ գնդերեց էր Արցախում: Սարկավագը պատմում է զինվորների սիրո և սխրանքի մասին: