Աշխեն Բաղդասարյան


Աշխեն Բաղդասարյանը Տաճատ քահանա Բարսեղյանի կինն է։ Լուսանկարչությանը սիրահարված Աշխենը չէր պատկերացնում, որ կյանքը կկապի հոգևորականի հետ։ Իսկ այսօր երեցկին արդեն Վանաձորում իր փոքրիկ լուսանկարչատուն ունի։

Նորագավիթի Ս. Գևորգ եկեղեցու Տարոնը


Մեր նկարահանող խումբն այս կիրակին անցկացրեց Նորագավիթի Սբ․ Սարգիս եկեղեցում դպրական շապիկ հագնող Տարոնի ու նրա ընտանիքի հետ:

Վազգեն դպիր Սարգսյան


Վազգեն դպիր Սարգսյանը Հառիճավանքում ուսանելուց հետո ընդունվում է Վազգենյան դպրանոց: Շուտով խումբ է հավաքում, որն սկսում է կատարել Կոմիտասյան պատարագը: Վազգենը տիրապետում է մի քանի երաժշտական գործիքների՝ դաշնամուր, կիթառ, շվի։ «Վերադարձ» ազգագրական երգի-պարի համույթի անդամ է: Վերջերս տարվել է նաև համշենական մշակույթով։

Վահե Աբրոյանի մայրը


Տանն ամեն ինչ պատերազմում զոհված որդուն է հիշեցնում: Կիսատ թողած գործերը ավարտելու ուժ է պետք: Այդ ուժը Աբրոյանների ընտանիքին տվեց փոքրիկ Վահանի ծնունդը:

Դավիթ սարկավագ Գիշյան


Դավիթը լուրջ հաջողություններ էր գրանցել մարտարվեստում, երաժշտության ու խոհարարության մեջ: Մի օր Յալթայի Սբ. Հռիփսիմե եկեղեցում առաջին անգամ պատարագի մասնակցելուց հետո կյանքի ճանապարհը փոխվեց:

Վանաձորի դպիրները


Ուխտագնացությունից մինչև ֆուտբոլ. Վանաձորում հանդիպել ենք Սբ. Գրիգոր Նարեկացի եկեղեցու երեխաներին, զրուցել նրանց զբաղմունքների մասին:

Ապարանի Սբ. Խաչ եկեղեցու երգչախումբը


Ապարանի Սբ. Խաչ եկեղեցու երգչախմբի երեխաները կոմիտասյան քառաձայն պատարագ են կատարում: Նրանց ուխտագնացություններից մեկին միացել է նաև մեր նկարահանող խումբը:

Տեր Հովհան Լեոն Խոջա-Էյնատյան


Մասնագիտությամբ երաժիշտ է տեր Հովհանը, Էվանսթոնի Սուրբ Հակոբ եկեղեցում հիմնել է «Նարեկ զանգակներ» նվագախումբը: Հայաստան այցը առիթ հանդիսացավ «Երևան» լարային քառյակի հետ ներկայացնելու Ալան Հովհաննեսի «Խորհուրդ նահատակաց» ստեղծագործությունը:

Սամո Ղազարյանի մայրը


44-օրյա պատերազմում զոհված Սամո Ղազարյանի մայրը սրտի թրթիռով պահում է որդու` զորամասում խնամած ծաղիկը... Անուշը կրկին մայրացել է Լեոյի ծնունդով։

Տիգրան սարկավագ Սարգսյան


Տիգրանը եկեղեցականի զգեստն ընտրեց Մանկավարժական համալսարանն ավարտելուց հետո: Այժմ սարկավագ է: Նրա գեղանկարների մեծ մասում Ապարանն է՝ անզուգական բնությամբ ու յուրատիպ գյուղերով:

Խորեն Աբրահամյան


Նա բուռն էր բեմում, հմայիչ` կինոյում և, ինչպես ինքն էր սիրում ասել, պարզ ու իսկական երևանցի` կյանքում: Մեծ արտիստի մասին կադրից դուրս պատմում են մտերիմները:

Արփինե Հարությունյան


Արփինեի համար հոգևորականի ընտանիքի մասին պատկերացումները շատ անորոշ էին, նա չէր էլ ենթադրում, որ մի օր քահանայի կին՝ երեցկին է դառնալու: