Ժողովուրդը և կառավարիչները


44-օրյա պատերազմից հետո հասարակությունը ինքն իրեն չի կարողանում վերագտնել։ Պարտությունը, իշխանության զիջողական քաղաքականությունը, դիմադրողականության բացակայությունը բերել է հասարակական ապատիայի։ Հասարակությունը կորցրել է հավատն իր ռեսուրսների նկատմամբ, ինչի հետեւանքով պարտության հետեւանքներն ավելի կործանարար են։ Երբ կորցնում ես հավատը, արդեն պարտված ես։ Ինչպե՞ս ոտքի կանգնել և հաղթահարել պարտվածի հոգեբանությունը, ինչպե՞ս հաղթահարել պառակտումը։ Աննա Սարգսյանը թեման քննարկել է հոգեբան Դավիթ Հայրապետյանի հետ:

Մերկ դիվանագիտություն


Երկիրը հայտնվել է ազգայինի, պետության, լեգիտիմության և քաղաքական ինքնության բարդ տուրբուլենտության գոտում։ Քաղաքական այս թեմաների դիապազոնն այնքան լայն է ու բազմազան, որ տպավորություն է, թե իսթեբլիշմենտը հասարակությանը հատուկ է ներքաշում այս հարապտույտ խոսակցության մեջ։ Սա այնքան վտանգավոր գործընթաց է, որ արդյունքում կարող է լինել Հայաստանի Հանրապետություն, բայց ոչ հայկական պետություն: Ինչպե՞ս ոտքի կանգնել և քայլել սեփական դրոշի տակ: Աննա Սարգսյանը թեման քննարկել է արտակարգ և լիազոր դեսպան Ռուբեն Կարապետյանի հետ

Շարունակվող սխրանք


2022թ. հոկտեմբերին, Վենետիկի Ս. Ղազար հայկական կղզին հյուրընկալեց մարդասիրական արժեքներ գնահատող շուրջ 200 մարդու աշխարհի տարբեր երկրներից՝ միասին խոսելու մարդասիրության մասին խաթարված աշխարհում և միասին շնորհակալություն հայտնելու աշխարհում գործող բոլոր անհայտ ու հայտնի խիզախներին: Ֆիլմը պատմում է 2022թ. «Ավրորա» մարդասիրական մրցանակի շնորհման մասին: Մասնակցում են «Ավրորայի» համահիմնադիրներ՝ Ռուբեն Վարդանյանը և Նուբար Աֆեյանը, Ստեղծագործական խորհրդի նախագահ Մարինե Ալեսը, Արևմտյան Եվրոպայի հայրապետական պատվիրակ Խաժակ արքեպիսկոպոս Պարսամյանը, «Ավրորա» մրցանակի ընտրող հանձնախժողովի անդամներ՝ Յեյլի համալսարանի Գլոբալիզացիայի ուսումնասիրությունների կենտրոնի տնօրեն, Մեքսիկայի նախկին նախագահ Էռնեստո Սեդիլյոն, Պուլիցերյան մրցանակի դափնեկիր Դելե Օլոջեդեն, Իռլանդիայի նախկին նախագահ Մերի Ռոբինսոնը և 2019թ. «Ավրորա» մրցանակի դափնեկիր Միրզա Դինային:

Արցախ. Սուրբ Հակոբավանք


Մեծարանից Սուրբ Հակոբավանքը Արցախի Հանրապետության Մարտակերտի շրջանում է: 13-րդ դարում Հակոբավանքը Հայոց Արևելից կողմերի՝ Արցախի և Ուտիքի նշանավոր ուխտատեղի է եղել և աթոռանիստ: Այստեղ է պահվել համաքրիստոնեական սուրբ Հակոբ Մծբնա հայրապետի մասունքը: Մեծարանից Սուրբ Հակոբ վանքը Հայ առաքելական եկեղեցու Արցախի թեմի իրավասության տակ է: 2020 թվականի Արցախյան պատերազմից հետո համահայկական դրամահավաք է սկսվել վանքի նորոգության համար:

Ու՞մ կողմն է իրավունքը


2020թ.-ին և դրանից հետո արտաքին ագրեսիայի հետևանքով ՀՀ բազմաթիվ քաղաքացիներ զրկվեցին կյանքի և սեփականության իրավունքից: Որքանո՞վ է պատասխանատու Հայաստանի Հանրապետությունը դրա համար: Ի՞նչ է ազգային կամ կոլետկիվ իրավունքը, ինչպե՞ս է միջազգային մակարդակում ճանաչվում այն: Գերակա՞ է արցախահայության ինքնորոշման իրավունքը: «Երրորդ հազարամյակի» տաղավարում իրավաբանական գիտությունների թեկնածու Տարոն Սիմոնյանն է: Զրույցը վարում է Աննա Սարգսյանը:

Բրինգի՝ կիսիր ճանապարհը


Նույնընթաց մեքենան (попутная машина)` 21-րդ դարում. Մարատ Հակոբջանյանը Ստեփանակերտում իր ընկերների հետ ստեղծել է «Բրինգի» ստարտափը: Եթե վարորդ եք կամ ուղևոր, հավելվածի օգնությամբ կարող եք գտնել ճանապարհակից, կիսել ճանապարհածախսը, ձեռք բերել նոր ընկերներ և ձեզ հարմար օրն ու հարմար ժամին ճանապարհվել ցանկալի ուղղությամբ:

Ս․ Էջմիածնի Մայր Տաճարի նորոգումը


2013թ․-ին Մայր Տաճարի նորոգման և ամրակայման նախագիծը համաձայնեցվում է ՅՈՒՆԵՍԿՕ-ի հետ։ Որմնանկարների վերականգնման գիտահետազոտական կենտրոնը սկսում է Տաճարի որմնանկարների ուսումնասիրությունը։ 2017թ․ ամռանը սկսվում է նորոգության շինարարական աշխատանքը։ 2021-ի ավարտին նկարահանված ֆիլմում Մայր Տաճարի լուսարարապետը, Մայր Աթոռի գլխավոր ճարտարապետը, որմնանկարների վերականգնման նախագծի հեղինակը ներկայացնում են Ս․ Էջմիածնի նորոգման ընթացքի, անակնկալների, ավարտված ու սպասվող աշխատանքների մասին։

Անանուն բարձունք․ 44-օրյա պատերազմի մեկ դրվագ


Արցախյան 44-օրյա պատերազմի առանձին դրվագները քիչ են ուսումնասիրված։ Մեզ հայտնի են Ադրբեջանի կողմից գրավված և նոյեմբերի 9-ի հայտարարությամբ հանձնված Արցախի Հանրապետության տարածքները և պատերազմի ժամանակ զոհված կամ վիրավորված տղաների անունները։ Ովքեր են նրանք, որտե՞ղ և ինչպե՞ս են կռիվ տվել, ի՞նչ խնդիրներ են կատարել, ի՞նչ որոշումներ են կայացրել տեղում, չգիտենք։ «Անանուն բարձունք» փաստավավերագրական ֆիլմը մանրամասն հետազոտում ու բացահայտում է 44-օրյա պատերազմի մեկ դրվագ՝ Արցախի հարավում գտնվող Անանուն բարձունք կոչվող բլրի առումը։ Ներկայացնում ենք լիամետրաժ ֆիլմի մի հատված։

Ամարաս․ սահմանի վանքը


2021թ.-ի գարունն է, Արցախում ենք: 2020-ի պատերազմն ավարտվել է, բայց կյանքն այլևս առաջվանը չէ: Պատերազմը փոխել է դիրքերը: Մարտունու շրջանում հայ-ադրբեջանական սահմանին կանգնած են ռուս խաղաղապահները, հայկական բանակային դիրքերը և Ամարասի պարիսպները: Մեզ դիմավորում է օրվա վանահայրը։

Հայաստանը աշխարհաքաղաքական կենտրոնների շահերում


Եվրոպական խորհրդի նախագահ Շառլ Միշելի՝ Երևան, ապա՝ Բաքու կատարած այցերից հետո հանրային խոսքուզրույցում կեսիրական, կեսհեգնական միտք հնչեց՝ «Հայաստանը Լավրովի և Միշելի պլանների արանքում է»: Որտե՞ղ է իրականում Հայաստանը: Քննարկում են իրանագետ Վարդան Ոսկանյանը և ամերիկագետ Սուրեն Սարգսյանը: Զրույցը վարում է Աննա Սարգսյանը:

Հայկական պետության մարտահրավերը


Ինչ է ուզում Թուրքիան՝ պարզ է, ինչ է ուզում Ռուսաստանը՝ կարելի է ենթադրել: Իսկ ի՞նչ է ուզում Հայաստանը: ՀՀ արդի մարտահրավերների մասին «Երրորդ հազարամյակի» տաղավարում զրուցում են հասարակագետ Արսեն Հակոբյանն ու պատմաբան Զոհրաբ Գևորգյանը: Զրույցը վարում է Աննա Սարգսյանը:

Վաղվա հաղթանակից առաջ. մաս 4-րդ


ՀՀ ԶՈՒ հոգևոր առաջնորդ Մովսես վարդապետ Սարգսյանի այցելությունը Կապան և Մեղրի (մայիս, 2021):