ԵՊՀ ականավոր դեմքերի մասին պատմող գիրք է լույս տեսել ԱՄՆ հայոց Արևելյան թեմի հովանավորությամբ


ԵՊՀ անվանի գիտնականների և ականավոր դեմքերի մասին պատմող նոր գիրքը տարբերվում է Մայր բուհի 100-ամյակին նվիրված մյուս հրատարակություններից: Անգլերեն և հայերեն երկլեզու գիրքը լույս է տեսել Հայ օգնության ֆոնդի, ԱՄՆ Քենեքթիքըթ և Թեքսաս նահանգների հայոց եկեղեցական համայնքի հովանավորությամբ:

Մայր Աթոռ դիրքորոշումը հանրակրթության առարկայական չափորոշիչների վերաբերյալ. ասուլիս


Օգոստոսի 5-ին տեղի ունեցած մամուլի ասուլիսի ժամանակ հրապարակվեց Մայր Աթոռ Ս. Էջմիածնի դիրքորոշումը հանրակրթության առարկայական չափորոշիչների և Հայոց եկեղեցու պատմություն առարկայի վերաբերյալ: Սուրբ Էջմիածնի կրթական հարցերով ենթախմբի ատենապետ Միքայել արքեպիսկոպոս Աջապահյանը և Քրիստոնեական դաստիարակության կենտրոնի ղեկավար Զաքարիա ծայրագույն վարդապետ Բաղումյանը ԿԳՄՍ նախարարության հրապարակած չափորոշիչները և դրանց մշակման գործընթացը ձախողված համարեցին: Հայ եկեղեցին դիրքորոշում է հայտնում հիմնովին վերանայել հանրակրթության առարկայական չափորոշիչների նախագիծը:

Ամենայն հայոց Գարեգին Բ կաթողիկոսը զորակցություն է հայտնել Լիբանանի ժողովրդին


Օգոստոսի 5-ին Գարեգին Բ Ամենայն հայոց կաթողիկոսը ցավակցագիր է հղել Լիբանանի Հանրապետության նախագահ Միշել Նաիմ Աունին՝ Բեյրութում տեղի ունեցած ուժգին պայթյունի առնչությամբ: Ամենայն հայոց կաթողիկոսը նաև հեռախոսազրույց է ունեցել Արամ Ա Մեծի Տանն Կիլիկիո կաթողիկոսի հետ՝ հայտնելով իր զորակցությունը Կիլիկիո միաբանությանը և Լիբանանի հայ համայնքին։

 

Ամենայն հայոց կաթողիկոսը հեռակապով հանդիպում ունեցավ Հյուսիսային Ամերիկայի թեմակալ առաջնորդների հետ


Գարեգին Բ Ամենայն հայոց կաթողիկոսը օգոստոսի 3-ին հեռակապով հանդիպում ունեցավ ԱՄՆ հայոց Արևմտյան, ԱՄՆ հայոց Արևելյան և Կանադայի հայոց թեմերի առաջնորդների հետ: Քննարկվեցին եկեղեցու առջև ծառացած մարտահրավերների և դրանց արդյունավետ հաղթահարման ուղիների մասին հարցեր։

Խրիմյան Հայրիկի ծննդյան 200-ամյակին նվիրված վավերագրեր են հրատարակվել


Մայր Աթոռ սուրբ Էջմիածնի հրատարակչական բաժինը լույս է ընծայել «Վավերագրեր հայ եկեղեցու պատմության» շարքի նոր հատորը` նվիրված Մկրտիչ Ա Խրիմյան հայրապետի ծննդյան 200-ամյակին:

Միջազգային լուրեր 31.07.2020


Ուկրաինայի նախագահ Զելենսկին հանձնարարել է կառավարությանը քննարկել մուսուլմանական ու հրեական մի շարք տոների պետական կարգավիճակ տրամադրելու հարցը: Վրաց Իլիա Բ պատրիարքը դարձել է 721 երեխայի կնքահայր: Սաուդյան Արաբիայում սկսվել մուսուլմանական հաջը:

Աստվածաշունչ մատյաններ բաժանվեցին Հայաստանում ապրող սիրիահայերի


Մայր Աթոռի քարոզչական կենտրոնը Աստվածաշնչեր բաժանեց Հայաստանում հաստատված սիրիահայերի:

Պոեզիայի տոն թբիլիսահայ համայնքում


Թբիլիսիի Ս. Գևորգ առաջնորդանիստ եկեղեցու բակում «Հայտնի բանաստեղծների անհայտ էջերից» խորագրով պոեզիայի երեկո էր: Հնչեցին Քուչակ, Նարեկացի, Ռուբեն Սևակ, Վարուժան, Թումանյան, Տերյան, Միքայել Ախտյան, Անահիտ Բոստանջյան, Ժորա Սնխչյան:

Նոր հրատարակության QR ծածկագրով «Նարեկը» հնարավոր է նաև լսել


Մայր Աթոռը ներկայացնում է Նարեկացու «Մատյան ողբերգության» նորարարական հրատարակություն QR ծածկագրով, որը հնարավորություն է տալիս նաև լսել գիրքը:

 

Ս. Էջմիածնի քարոզչական կենտրոնը 8500 Աստվածաշունչ կհատկացնի Հայաստանի համայնքներին


Թվով 8500 Աստվածաշունչ է հատկացվելու Հայաստանի համայնքներին` թեմերին, զինված ուժերի հոգևոր առաջնորդությանը, քրեակատարողական հաստատություններին, հոգևոր ու բարեսիրական կազմակերպությունների: «Աստվածաշունչ համայնքներին» նախաձեռնությունը Սուրբ էջմիածնի քարոզչական կենտրոնինն է:

Մալաթիայի բարեգործական ճաշարանի շահառուներին օգնություն տրամադրվեց


Չորրորդ ամիսն է` ՀԲԸՄ-ն և Մայր Աթոռի սոցիալական ծառայությունը հինգ բարեգործական ճաշարանի շահառուներին շարունակում են պարենային փաթեթներ բաժանել: Այս շաբաթ իրենց հատկացված սննդամթերքն ստացան Երևանի Մալաթիա վարչական շրջանի շահառուները:

Ամենայն հայոց կաթողիկոսն այցելեց Կենտրոնական զինհոսպիտալ


Հուլիսի 21-ին Գարեգին Բ Ամենայն հայոց կաթողիկոսն այցելեց ՀՀ ՊՆ Կենտրոնական զինվորական հոսպիտալ: Վեհափառը քաջալերող խոսքեր գտավ տղաներից յուրաքնաչյուրի համար: Բոլորի համար պահպանիչ աղոթք կարդաց` Տիրոջն աղերսելով շուտափույթ ապաքինում պարգևել հայրենի հողի պաշտպաններին: Հայոց հայրապետն իր երախտագիտությունը հայտնեց հոսպիտալի բուժանձնակազմին: