Արարատ քահանա Պողոսյանը ստացել է պատմական գիտությունների թեկնածուի աստիճան


Գարեգին Բ Ամենայն հայոց կաթողիկոսն ընդունեց Տ. Արարատ քահանա Պողոսյանին` պատմական գիտությունների թեկնածուի աստիճան ստանալու կապակցությամբ: Նորին սրբությանը տեր հայրը հանձնեց պատմաբանի որակավորման վկայականն ու ասպիրանտական թեզը: Տեր Արարատի ատենախոսությունը վերաբերում է 16-17-րդ դարերի հայ ազատագրական պայքարին և դրանում Սուրբ Էջմիածնի դերակատարությանը:

 

Մատենադարանի լուսանկարչական գանձարանի հայտնությունը


Քչերը գիտեն, որ Մատենդարանում հազարավոր ձեռագրերի կողքին պահվում են լուսանկարչական բացառիկ և խոշոր հավաքածուներ: Այս մեծ պահոցի մի մասը ուսումնասիրել և ցուցադրության համար համադրել է Մատենադարանի ավագ գիտաշխատող, արվեստաբան Իվեթ Թաջարյանը:

 

Քրիստոնյաները աշխարհում ամենահետապնդվող կրոնական համայնքն են. Եվրոպան կարմիր լույս է վառում


Եվրոպայում գտնվող բազմաթիվ տաճարներ, մատուռներ, ինչպես նաև աշխարհիկ շինություններ նոյեմբերի 22-ի երեկոյան լուսավորվել են կարմիր լույսերով: Կարմիրը խորհրդանշում է քրիստոնյայի տառապանքները: «Կարմիր չորեքշաբթի» կոչվող ակցիան նպատակ ունի աշխարհի ուշադրությունը հրավիրել հալածվող քրիստոնյաների ծանր վիճակի վրա և ոգեկոչել հալածանքներին զոհ գնացածների հիշատակը:

 

Ամփոփ լրահոս 20.11.2023


Բեյրութի Նոր Հաճն հայաշատ թաղամասի Սուրբ Գևորգ եկեղեցու գմբեթը և պատերը նորոգվել են: Նորոգվում է նաև Նյու Յորքի Սուրբ Վարդան հայ առաջնորդանիստ եկեղեցին: Երուսաղեմի պատրիարքները և հոգևոր պետերը իրենց զորակցությունն են հայտնել Հայոց պատրիարքարանին և հայ համայնքին` Երուսաղեմի հայկական թաղամասը անխաթար պահպանելու և սուրբ քաղաքում հայերի պատմական ներկայությունը չվտանգելու համար նրանց գործադրած ջանքերին: Պրահայի Սուրբ Հոգի եկեղեցում հնչել են Սուրբ Ներսես Շնորհալու շարականները:

 

Վերաբացել է Պոլսի Սրբոց Երկոտասան Առաքելոց եկեղեցին


Քանդիլի թաղամասի Սրբոց Երկոտասան Առաքելոց եկեղեցին, որը փակվել էր նորոգության աշխատանքների համար, վերաբացվել է: Վերաօծումից հետո Պոլսի հայոց պատրիարքը անդրանիկ պատարագն է մատուցել:

 

Լույս է տեսել անվանի հայագետ Բաբկեն Չուգասզյանի երկերի ժողովածուի առաջին հատորը


Մաշտոցյան մատենադարանում կայացավ երկօրյա միջազգային գիտաժողով` նվիրած նշանավոր գիտնական, հայագետ-արևելագետ, Մատենադարանի երկարամյա փոխտնօրեն Բաբկեն Չուգասզյանի 100-ամյակին: Գիտաժողովը բացվեց գրքի շնորհանդեսով:

 

Ս. Էջմիածնի կաթողիկոսական դիվանի արխիվի առաջին հատորը հրատարակվել է


Մաշտոցյան մատենադարանում տեղի ունեցավ Սուրբ Էջմիածնի կաթողիկոսական դիվանի արխիվին նվիրված մատենաշարի առաջին հատորի շնորհանդեսը: Քչերին է հայտնի, որ Մատենադարանը ձեռագրականից բացի ունի նաև արխիվային հարուստ հավաքածու: Մինչև հիմա այն գրեթե չի ուսումնասիրվել:

 

Բուխարեստում քննարկվել է Արցախի պատմամշակութային և հոգևոր ժառանգության պահպանության խնդիրը


Հանդիպումը կազմակերպել էր Ռումինիայի Կրոնի հարցերով նախարարությունը՝ հայոց թեմի նախաձեռնությամբ: Մայր Աթոռից պատվիրակություն է մեկնել Բուխարեստ:

 

Հանդուրժողականության միջազգային օրը նշվել է նաև Վիրահայոց թեմում


Թբիլիսիի Հավլաբարի Ս. Էջմիածին եկեղեցում շրջայց կատարելուց հետո «Հայարտուն» կենտրոնում կայացած միջոցառմանը մասնակցեցին Վրաստանում գործող կրոնական փոքրամասնությունների և կազմակերպությունների ներկայացուցիչները: Միջոցառմանը մասնակցեցին Վրաստանում գործող 14 կրոնական կազմակերպություններ:

 

Ամփոփ լրահոս 10.11.2023


ԱՄՆ հայոց Արևմտյան թեմում պատվել են «Վորլդ Վիժն» կազմակերպության պաշտոնյաներին: «Վորլդ Վիժնը» հայտնի է Հայաստանում կազմակերպած աղքատախնամ ու երիատասարդական բազմաթիվ ծրագրերով: ԱՄՆ հայոց Արևելյյան թեմում նշվել է Նյու Ջերսիի Սուրբ Ստեփանոս եկեղեցու օծման 35-րդ տարեդարձը: Թեմի կայքում դրամահավաքի գործառույթ է մեկնարկել` Արցախից բռնի տեղահանված մեր հայրենակիցների համար: Հորդանանում տեղի է ունեցել արևելյան ուղղափառ եկեղեցիների ներկայացուցիչների հավաք, որին մասնակցել է ՄԹ հայոց թեմի առաջնորդ Հովակիմ եպիսկոպոս Մանուկյանը:

 

Հայաստանում գտնված ամենավաղ ու ամենանոր վիմագրական արձանագրությունները


ԳԱԱ հնագիտության և ազգագրության ինստիտուտում մեկնարկեց երկօրյա միջազգային գիտաժողով՝ «Վիմագրական մշակույթ. Ժայռապատկերներից մինչև մեր օրերը» խորագրով: Գիտաժողովը նվիրված է ՀՀ ԳԱԱ հիմնադրման 80-ամյակին:

 

Ամփոփ լրահոս 06.11.2023


Նյու Յորքում տեղի է ունեցել Արևելյան Ուղղափառ եկեղեցիների մշտական համաժողովը: Ձեռնարկվել են իրավական քայլեր Երուսաղեմի հայոց պատրիարքության «Կովերի պարտեզ» կալվածքի խնդրահարույց գործում: Հառիճավանքի «Թրբանճյան» ընծայարան են այցելել ԱՄՆ հայոց Արևմտյան թեմի առաջնորդ Հովնան արքեպիսկոպոս Տերտերյանը, Գուգարաց թեմի առաջնորդ Հովնան եպիսկոպոս Հակոբյանը և Արթիկի թեմի առաջնորդական տեղապահ Նարեկ վարդապետ Ավագյանը։