Ամենայն հայոց կաթողիկոսի՝ Սյունիք և Արցախ կատարած քառօրյա այցն ավարտվեց հունիսի 6-ին


Ստեփանակերտի Սուրբ Աստվածածին առաջնորդանիստ տաճարում Ամենայն հայոց Գարեգին Բ հայրապետի հանդիսապետությամբ մատուցվեց պատարագ: Ս. Էջմիածնից բերվել էր հայոց առաջին կաթողիկոս, համաքրիստոնեական սուրբ Գրիգոր Լուսավորչի մասունքը` հավատքով ու լավատեսությամբ զորացնելու Արցախը: Պատարագի ավարտին կատարվեց Հանրապետական մաղթանքի արարողություն Արցախի և արցախցիների խաղաղության և անվտանգ կյանքի համար։ Մեկնելուց առաջ հայրապետը պատասխանեց լրագրողների հարցերին:

Հայրապետական քառօրյա այց Սյունիք և Արցախ (Ստեփանակերտ, Մաճկալաշեն, Ամարաս)


Սյունյայց թեմում այցն ավարտելով` հունիսի 4-ին Ամենայն հայոց կաթողիկոսը մեկնեց Արցախի Հանրապետություն: Վեհափառ հայրապետն Արցախ է տարել Սուրբ Գրիգոր Լուսավորչի մասունքները՝ օրհնություն և մխիթարություն բաշխելու արցախահայությանը։ Վեհափառ հայրապետը հիշեցրեց, որ Արցախը շարունակու՛մ է մնալ մեր ժողովրդի հավատքի ու հայրենասիրության խորհրդանիշը, շարունակու՛մ է միավորել ժողովրդին ազգային իղձերի շուրջ։ Եվ վստահեցրեց, որ չի նվազել հայ ժողովրդի պատրաստակամությունը՝ աջակցելու Արցախին և այստեղ ապրող հայորդիների իրավունքների պաշտպանությանը:

Հայրապետական քառօրյա այց Սյունիք և Արցախ․ (Գորիս, Շուռնուխ)


Հունիսի 3-ին սկսվեց Գարեգին Բ Ամենայն հայոց կաթողիկոսի այցը Սյունիք և Արցախ: Առաջին կայանը Գորիսի Սբ․ Գրիգոր Լուսավորիչ եկեղեցում էր, որտեղ կատարվեց հանրապետական մաղթանք: Հայրապետական պատվիրակությունն այցելեց Գորիսի զինվորական պանթեոն: Սյունիքի նոր մարտահրավերներին և բնակիչների խդնիրներին տեղում ծանոթանալու համար Նորին սրբությունը մեկնեց Շուռնուխ համայնք: Գորիսում գիշերակացից հետո հայրապետական պատվիրակությունը մեկնեց Արցախ:

Մերօրյա ծաղկողների առաջին թվային գիրքը


Երևանի մատենադարանում գործող «Ծաղկելու արվեստ» ստուդիայի սաները սովորել են նաև թվային մանրանկարչություն և պատրաստել առաջին գիրքը:

ՌԴ պետդումայի պատգամավորը ներողություն է խնդրել Շուշիի Կանաչ ժամի վերաբերյալ հայտարարության համար


Ռուսաստանի պետդումայի պատգամավոր Ալեքսեյ Ժուռավլյովը Հայաստանին մեղադրել էր ռուսական եկեղեցու օկուպացիայի մեջ՝ վկայակողչելով Շուշիի Սբ. Հովհաննես եկեղեցին: Ի պատասխան, Մայր Աթոռ Սուրբ Էջմիածնի Արցախի հոգևոր-մշակութային ժառանգության հարցերով հանձնաժողովը նամակ էր հղել Ժուռավլյովին: Նամակի պատասխանը ստացվել է օրերս: Պատգամավորը խոստովանել է, որ եկեղեցու պատմության, շինարարության, և պատկանելության մասին իր տեղեկությունները ակնհայտորեն սխալ են եղել, և ներողություն է խնդրել նախկինում արված հայտարարության համար:

Վարդատոնը Վիրահայոց թեմում


Մայիսի 30-ին Սայաթնովյան Վարդատոնը մեկնարկեց Ամաղլեբա փողոցի թիվ 18 տնից: Հովհաննես Թումանյանի բնակարանից սկսված քայլերթը հասավ Սուրբ Գևորգ` Թբիլիսիի բնակիչներին հիշեցնելով այս քաղաքում ծնված ժողովուրդների բարեկամության երգիչ Սայաթ-Նովայի հիշատակը:

 

Քահանաների հավաք Մայր Աթոռ Ս. Էջմիածնում


Եկեղեցականները խորհում են հետպատերազմական իրավիճակում իրենց առաքելության մասին։

Մայր Աթոռի գանձատունը համալրվել է 18-րդ դարասկզբի նրբակերտ խաչով


Շվեյցարահայ բարերար Վահե Գաբրաշը Ամենայն հայոց կաթողիկոսին նվիրել է 300-ամյա նրբակերտ մի խաչ, որը գնել է արվեստի գործերի աճուրդում: Խաչը համալրել է Մայր Աթոռի «Ալեք և Մարի Մանուկյան» գանձատան ցուցադրությունը:

Ամփոփ լրահոս 24.05.2021


Մայիսի առաջին կեսին Գարեգին Բ Ամենայն հայոց կաթողիկոսն այցելել է ԱՄՆ։ Կանադահայոց թեմի առաջնորդ Աբգար եպիսկոպոս Հովակիմյանը մասնակցել է Եկեղեցիների կանադական խորհրդի կառավարման նիստին: Երուսաղեմի Հայկական թաղամաս են այցելել մոտ 200 հրեաներ և ներողություն խնդրել հրեա ծայրահեղ կրոնական երիտասարդների կողմից հարձակման ենթարկված Տիրան աբեղա Հակոբյանից և Արբակ աբեղա Սարուխանյանից։ Բեյրութում «Ս․ Էջմիածնի կրոնասեր տիկնանց համախմբումը» պարենային մթերք է բաշխել լիբանանահայ ևս 60 ընտանիքի:

«Տավուշը Տահույս դարձրեց»․ Բագրատ սրբազանին շնորհավորում են 50-ամյակի կապակցությամբ


«Տավուշցի չլինելով` իրենով է արել, դարձել Տավուշի հոգևոր հայրը, զինվորն ու սպասավորը»։ Այսպես են բնորոշում Տավուշի թեմի առաջնորդ Բագրատ եպիսկոպոս Գալստանյանին։

Նոր ուսումնասիրություն Գրիգոր Լուսավորչի և Սահակ Պարթևի մասին


Մայր Աթոռի հրատարակչական բաժինը լույս է ընծայել պատմաբան Վրեժ Վարդանյանի Սբ․ Գրիգոր Լուսավորիչ և Սբ․ Սահակ Պարթև կաթողիկոսների մասին նոր ուսումնասիրությունը:

Թանգարանների միջազգային օրը Մայր Աթոռում


Թանգարանների միջազգային տոնին երկարացված օրով Մայր Աթոռում աշխատում էին «Ռուբեն Սևակ» թանգարանը, «Ալեք և Մարի Մանուկյան» գանձատունը: