Ստեփանակերտի Սուրբ Աստվածածին եկեղեցու օծումը


Հիմնարկեքից 13 տարի անց՝ 2019 թվականի ապրիլի 7-ին, Գարեգին Բ Ամենայն հայոց հայրապետի ձեռամբ օծվեց Արցախի մայրաքաղաք Ստեփանակերտի Սուրբ Աստվածածին եկեղեցին: Առաջնորդանիստն իր շրջակա տարածքով 2 հեկտար է: Շինության բարձրությունը շուրջ 40 մետր է, ծավալատարածական լուծումներով մոտ է Զվարթնոցի տաճարին, հատակագծային լուծումներով ու հորինվածքով՝ տարբեր: Այս տարիների ընթացքում եկեղեցու կառուցմանն իրենց օժանդակությունն են բերել ավելի քան 450 անձինք:
Ապրիլի 8-ին Ամենայն հայոց կաթողիկոսին ընդունեց Արցախի Հանրապետության նախագահ Բակո Սահակյանը: Քննարկվեցին եկեղեցի- պետություն հարաբերություններին, Արցախի արտաքին եւ ներքին քաղաքականությանն առնչվող հարցեր:
 

Ամենայն հայոց կաթողիկոսը հովվապետական այցի ընթացքում հանդիպել է Սիդնեյի համազգային վարժարանի սաներին


Գարեգին Բ Ամենայն հայոց կաթողիկսը հովվապետական շրջագայությամբ Ավստալիայի և Նոր Զելանդիայի հայոց թեմում է: Հայրապետի համոզմամբ հայկական սփյուռքի ապագայի երաշխավորը հայկական դպրոցն է և հայախոս մանուկը: Այս ուղերձը նա հղեց նաև Սիդնեյում գործող Համազգային վարժարան կատարած այցի ժամանակ:    
 

Գարեգին Բ Ամենայն հայոց կաթողիկոսը հովվապետական այցով մեկնեց Ավստրալիա


Հունվարի 30-ին Գարեգին Բ  Ամենայն հայոց կաթողիկոսը, Ավստրալիայի և Նոր Զելանդիայի հայոց թեմի առաջնորդի և թեմական խորհրդի հրավերով, հովվապետական այցով մեկնեց Ավստրալիա:

Ամենայն հայոց կաթողիկոսն այսօր իր քվեն տվել է հանուն ժողովրդի բարօր կյանքի


Դեկտեմբերի 9-ի առավոտյան, Մայր Աթոռ Սուրբ Էջմիածնի միաբանների ուղեկցությամբ, Վաղարշապատի 14/11 ընտրական տեղամաս այցելեց Գարեգին Երկրորդ Ամենայն հայոց կաթողիկոսը` մասնակցելու խորհրդարանական ընտրությունների քվեարկությանը: 
«Քվեարկեցինք աղոթքով՝ մեր երկրի կայունության, խաղաղության և առաջընթացի համար, որպեսզի մեր ժողովուրդն ապրի ապահով, անվտանգ ու բարօր կյանքով, սիրո և միաբանության մեջ»,- ասաց Վեհափառ հայրապետը:
 

Հին ու նոր Մայր Աթոռը


Մայր Աթոռի տարածքում են հիմնվել Կովկասի առաջին տպարանը՝ 1771թ.-ին, Հայաստանի ամենահին բարձրագույն ուսումնական հաստատությունը՝ 1874թ.-ին, ամենահին թանգարանը՝ 1868թ.-ին: Դրանք նույն նպատակին ծառայում են առ այսօր: Մայր Աթոռը այն եզակի տարածքներից է, որտեղ իրար կից պահպանվում են տարբեր դարերի բազում շինություններ ու հիշատակներ: Հայ առաքելական եկեղեցու գահակալները իրար են փոխանցել նախորդի գործը շարունակելու պատգամը, անցյալի հիշատակների հանդեպ խնամքի ու հոգատարության հանձնառությունը:

Վատիկանում Գարեգին Բ հայրապետը հանդիպել է Ֆրանցիսկոս Պապի հետ


Հոկտեմբերի 24-ին Գարեգին Բ Ամենայն հայոց կաթողիկոսը Վատիկանում հանդիպելէ Հռոմի կաթոլիկ եկեղեցու սրբազան քահանայապետ Ֆրանցիսկոս Պապի հետ: Հայոց հայրապետը Իտալիա էր ժամանել՝ հանդիսապետելու Միլանի Ս. Քառասուն մանկանց հայկական եկեղեցու կառուցման վաթսունամյակի հանդիսությունները:

Ռազմիկ Դավոյան. ի հավելումն «Ռեքվիեմ»-ի. Մհեր


Ռազմիկ Դավոյան. «Ի հավելումն «Ռեքվիեմ»-ի. Մհեր»: Կարդում է բանաստեղծը:  

Թող քո սրբերը խնդությամբ ցնծան


Ստեղծագործում է Հայոց ցեղասպանության զոհերի սրբադասման արարողության առիթով ստեղծված Սրբոց Նահատակաց սրբանկարի հեղինակ Տիգրան Բարխանաջյանը:

Հայրապետական պատարագ Միլանի Ս. Քառասուն մանկանց եկեղեցում


Հոկտեմբերի 20-ից Գարեգին Բ Ամենայն հայոց կաթողիկոսը Միլանում է՝ հանդիսապետելու Սուրբ Քառասուն մանկանց եկեղեցու կառուցման 60-ամյակի արարողությունները: Հայրապետական պատվիրակության կազմում են Խաժակ արքեպիսկոպոս Պարսամյանը, Միքայել եպիսկոպոս Աջապահյանը, կոմպոզիտոր Տիգրան Մանսուրյանը: Հոկտեմբերի 21-ին Ս. Քառասուն մանկանց եկեղեցում հայրապետական պատարագ մատուցվեց: 

Ամենայն հայոց կաթողիկոսն այցելեց մարտական դիրքեր


Այսօր Գարեգին Բ Ամենայն հայոց կաթողիկոսը Մայր Աթոռ Սուրբ Էջմիածնի միաբանների ուղեկցությամբ այցելեց հայ-ադրբեջանական միջպետական սահմանի նախիջևանյան հատվածի մարտական դիրքեր։  Անդրադառնալով բանակ-եկեղեցի կապին՝  Հայոց հայրապետն ընդգծեց. «Տարակույս չունենաք, ինչպես անցյալում, այնպես և այսօր ու ապագայում հայ հոգևորականը լինելու է հայ զինվորի կողքին, լինելու է առաջնագծում»։ 

Հայոց ցեղասպանության սուրբ նահատակների ոգեկոչման արարողությունները Ծիծեռնակաբերդում և Ս. Էջմիածնում


Ապրիլի 24-ը Հայոց ցեղասպանության սուրբ նահատակների հիշատակության օրն է: Վաղ առավոտյան Ամենայն հայոց կաթողիկոսը՝ Մայր Աթոռի միաբանների ուղեկցությամբ այցելեց Ծիծեռնակաբերդի հուշահամալիր: Հայոց ցեղասպանության սուրբ նահատակների բարեխոսական կարգին ներկա էին երկրի նախագահ Արմեն Սարգսյանը, Արցախի Հանրապետության նախագահ Բակո Սահակյանը, Հայ եկեղեցու բարերարներ, հայոց պետական ավագանին, դիվանագիտական կառույցների ներկայացուցիչներ, պաշտոնատար այլ անձինք: Ապրիլի 24-ին բազմամարդ է լինում նաև Մայրավանքը: Երրորդ տարին է՝ ի նշան խոնարհումի դուրս է բերվում սուրբ նահատակների մասունքարանը:

Երդմնակալությունից հետո ՀՀ նախագահն այցելեց Մայր Աթոռ Սուրբ Էջմիածին


Ապրիլի 14-ին Գարեգին Բ Ամենայն հայոց կաթողիկոսը Մայր Աթոռ Սուրբ Էջմիածնում հանդիպեց ՀՀ նախագահ Արմեն Սարգսյանի և առաջին տիկին Նունե Սարգսյանի հետ: Վեհափառ հայրապետն իր շնորհավորանքները բերեց ՀՀ նախագահին երդմնակալության արարողության առիթով` վստահություն հայտնելով, որ կառավարման ոլորտում նրա հարուստ փորձառությունը պիտի լավագույնս ծառայեցվի երկրի առաջընթացին` արդարացնելով ժողովրդի սպասումները: