Փետրվարի 13


Մարդիկ մերժեցին Աստծուն, որպեսզի շարունակեն մեղք գործել

Նա, ով մերժում է Հիսուսին, մերժում է իր փրկությունը։ Հիսուսը շատերի փրկությունն է ու շատերի անկումը։ Հիսուսին ճանաչել չցանկացողը, չի ճանաչվի Աստծո որդու կողմից։ Նրա հետեւից չգնացողը հավիտենական կյանքի չի հասնի։ Հենց այդ պատճառով Հիսուսին չճանաչելը շատերի կործանման պատճառ է դառնում։

Մեկնում է Մովսես քահանա Սահակյանը (13 Գշ. ԱԿ. Բ օր Մեծի Պահոց: Եզեկ. 18.20-23: )

 

Փետրվարի 11


Պահքը ուրախությա՞ն, թե՞ սգի խորհուրդ ունի

Հիսուսն ասում է, երբ ծոմ պահես օծիր գլուխդ և լվա դեմքդ։ Պահքը Աստծո համար է, ոչ թե մարդկանց։ Պահքը սգի խորհուրդ ունի, որովհետև ծոմ ես պահում մեղքերիդ համար, բայց նաև ուրախության առիթ է, որովհետեւ դու գիտակցում ես, որ գնում ես Աստծուց ներողություն խնդրելու։

Մեկնում է Մովսես քահանա Սահակյանը (11 † Կիր. ԴԿ. ԲՈՒՆ ԲԱՐԵԿԵՆԴԱՆ: Ես. 58.1- 14: Հռոմ. 13.11-14.25: Մատթ. 6.1-21:

Փետրվարի 10


Լայնորեն բացեք ձեր սրտերը

Անկախ լարվածությունից ու նեղվածությունից պետք է բացել սիրտը տիրոջ խոսքի առաջ։ Հատկապես այս օրերին, երբ երկրի վիճակով պայմանավորված բոլորն էլ սրտնեղելու առիթ ու պատճառ ունեն, պետք է սիրտը բացել, որովհետեւ Աստծո խոսքն է ապրեցնող։

Մեկնում է Առնակ քահանա Հարությունյանը

Օրվա խորհուրդը


Ինչի՞ն ենք մենք ձգտում

«Երանի՜ նրանց, որ քաղցած են այժմ, որովհետև նրանք պիտի հագենան»։ Մարդն այս աշխարհում անընդհատ ձգտում է անցողիկ բաների, չմտածելով հավիտենության մասին։ Աշխարհում կա երկու իրականություն՝ անցողիկ և հավիտենական։ Անցողիկ իրականությունը երկու ճանապարհ է հարթում դեպի ոչնչություն և հավիտենություն։

Օրվա խորհուրդը


Որտեղի՞ց ենք գալիս և ո՞ւր ենք գնում

Ազնվության ու մաքրության կողքին միշտ կա կեղծիք ու բռնություն։ Քրիստոնյա լինել այս աշխարհում նշանակում է հալածվել ու տառապել ճշմարտության համար։ Այդ հալածանքը ինքնանպատակ չէ՝ դա տիրոջը նմանվելու կարևոր ձգտում է։

Մեկնում է Տիգրան քահանա Բադիրյանը ( Ուր. ԲՁ. Պահք: Տիտ. 3.1-15: Յովհ. 8.21- 30: )

Օրվա խորհուրդը


Պատրաստվիր լույսը տեսնելուն

«Ես եմ աշխարհի լույսը. ով իմ հետևից է գալիս, խավարի միջով չի քայլի, այլ կընդունի կենաց լույսը»։ Աչքերը պետք է պատրաստել լույսը՝ ճշմարտությունը, տեսնելուն։ Տիրոջ լույսը ոչ թե դատողության ու քննադատության, այլ սիրո մեջ է։

Մեկնում է Տիգրան քահանա Բադիրյանը (Դշ. ԱՁ. Պահք: Տիտ. 1.12-2.10: Յովհ. 8.12- 20: )

Օրվա խորհուրդը


Ո՞րն է աններելի մեղքը

«Ով Մարդու Որդու դեմ որևէ բան ասի, նրան կներվի, բայց ով Սուրբ Հոգու դեմ ասի, նրան չի ներվի»։ Ի՞նչ է սա նշանակում։ Երբ սկսում ենք ճանաչել Աստծուն և գիտակցելով մերժում ենք, դա մեզ չի ներվի։ Մերժիր Աստծուն և չես գտնի նրան քո կյանքում երբևիցե։

Մեկնում է Մովսես քահանա Սահակյանը († Գշ. ԴԿ. Սրբոց Ղեւոնդեանց քահանայիցն: Իմաստ. 5.16-23: Ես. 35.1-2: 61.6-7: Ա Պետր. 1.3-9: Ղուկ. 12.4-10: )

 
 

Օրվա խորհուրդը


«Եթե մեկը ծարավ է, թող ինձ մոտ գա և խմի» Հավատքն է, որը մարդուն հնարավորություն պետք է տա խմել Քրիստոսի տված ջուրը։

Այդ ջուրը ոչ միայն խմողին է հագեցնելու, այլև հնարավորություն է տալու խմողի միջից կենդանի ջրերի գետեր հոսեն։

Մեկնում է Մովսես քահանա Սահակյանը († Կիր. ԳԿ. Դ կիր. զկնի Ս. Ծննդեան: Ես. 63.18-64.12: Տիտ. 1.1-11: Յովհ. 7.37-52:)

 

Օրվա խորհուրդը


Մխիթարություն

Սուրբ գիրքն առաջին հերթին մեղավոր մարդկանց, հիվանդների համար է, ովքեր պետք է կարդան, ապրեն և բժշկվեն։ Սուրբ գրիքը ուժեղացնում է մեզ դժվարությունների, դժբախտությունների մեջ։

Մեկնում է Առնակ քահանա Հարությունյանը (Շբ. ԳՁ. Սրբոյն Իսահակայ Պարթեւի հայրապետին մերոյ: Իմաստ. 7.12-18: Ես. 61.3-7: Եբր. 13.17-21: Յովհ. 10.11-16: )

Օրվա խորհուրդը


Ճշմարտություն և իմացություն

Հիսուս Քրիստոսը ճշմարտություն ասելով նկատի ունի ոչ թե գիտելիք, իմացություն, այլ տիրոջը փառավորելու և տիրոջը գտնելու ունակություն։

Մեկնում է Տիգրան քահանա Բադիրյանը (Ուր. ԲԿ. Պահք: Բ Տիմ. 4.8-22: Յովհ. 7.14- 23:)

Օրվա խորհուրդը, 2024թ. Փետրվարի 1


«Երանի՜ սգավորներին, որովհետև նրանք պիտի մխիթարվեն» «Երանի սգավորներին» ասելով Հիսուս Քրիստոսը նկատի է ունեցել նրանց, ովքեր մեղավոր են, գիտակցել են իրենց մեղքը և ցանկանում են մաքրվել մեղքերից։ Մեկնում է Մովսես քահանա Սահակյանը (Եշ. ԲՁ. Սրբոց Ոսկեանց քահանայիցն: Առ. 24.1-12: Երեմ. 30.18-22: Բ Տիմ. 3.10-12: Մատթ. 5.1-12:)

 

Հունվարի 31


2024թ. հունվարի 31-ի օրվա խորհուրդը (31 Դշ. ԱԿ. Պահք: Բ Տիմ. 3.16-4.8: Յովհ. 7.1- 13: ) մեկնում է Տիգրան քահանա Բադիրյանը: