Սեյրան Սողոյանը 44-օրյա պատերազմից հետո


Սեյրանի ժամկետային զինվորական ծառայության ավարտին 3 ամիս էր մնացել, երբ սկսվեց 44-օրյա պատերազմը: Ջաբրայիլի ամենաթեժ մատերի մասնակից դարձավ Սեյրանը: Վերջին կրակահերթը անհետևանք չմնաց: Սեյրանի հետ հանդիպել ենք պապական տանը՝ Մարտունիում: Տատի հետ ձուկ էր կտրտում ու երգում: Վստահ է, որ մի օր սայլակից վեր է կենալու ու քայլի:

Աբրահամ Հակոբյանը 44-օրյա պատերազմից հետո


Աբրահամ Հակոբյանը բեկորային վիրավորում է ստացել, դեմքն ամբողջությամբ բեկորներով է պատված, դրանք հեռացնելու համար ևս մեկ վիրահատության կարիք կա: «Հոգնել եմ վիրահատություններից»,- ասում է Աբրահամը: Ծանր վիրավորումից հետո բժիշկները քայլելու հույս չեն տվել, բայց կամքի շնորհիվ Աբրահամն այսօր ոչ միայն քայլում է, այլև վերադարձել է օպերատորի օգնականի իր աշխատանքին: Թեև աշխատանքը ֆիզիկապես ծանր է, վիրավոր ոտքի համար՝ դժվար, Աբրահամը չի էլ մտածում աշխատանքից հրաժարվելու մասին: Սկսել է նաև պատմվածքներ գրել. լիցքաթափվելու և մտքերը կարգավորելու լավ հնարավորություն է:

Տիգրան Մարտիրոսյանը 44-օրյա պատերազմից հետո


«Երկու օր արնաքամ եմ եղել: Բժիշկն ասաց, որ եթե պարանոցս մկանուտ չլիներ, գլխավոր երակս, որի վրայով անցնում է դեմքիս սպին, չէր դիմանա: Ինձ Աստված ու սպորտն են փրկել»: Տիգրանը պատերազմից հետո նոր կյանք է սկսել, բայց ստիպված է եղել թողնել սպորտը: Հադրությում ԱԹՍ-ի հարվածից է վիրավորվել: «Դանակ ունեի, մի կերպ ուժ գտա, հանեցի գրպանիցս ու պահում էի սրտիս մոտ, որ եթե հանկարծ թուրքի ձեն լսեմ, սպանեմ ինձ: Ձայներ լսեցի՝ տեսեք, մեկը շարժվում է, վանաձորցի Տիգրանն ա: Մերոնք եկել էին»:

Մեսրոպ Սարիբեկյանը 44-օրյա պատերազմից հետո


Մեսրոպ Սարիբեկյանը 44-օրյա պատերազմի մասնակից է: Ռուսաստանից է եկել հայրենիք ու կամավորագրվել: Մեսրոպի հայրը Արցախյան առաջին պատերազմում անհայտ կորել է, ընտանիքը տեղափոխվել է արտերկիր: Մեսրոպի հետ մեկ օր անցկացրեցինք Զինվորի տանը, որտեղ նա վիրավորվելուց հետո վերականգնողական բուժում է ստացել: Այժմ լուսանկարչությամբ է գումար վաստակում:

Սիրակ Գևորգյանը 44-օրյա պատերազմից հետո


Սիրակ Գևորգյանը 44-օրյա պատերազմի մասնակից է: Ասկերանի զորամասերից մեկում հասցրել էր ընդամենը մեկ ամիս ութ օր ծառայել, երբ հնչել էր տագնապը: Ձեռքի հյուսվածքների ու հանգույցների 7 վիրահատություն է տարել: Սիրակին հանդիպել ենք Եղեգնաձորի Սուրբ աստվածածին եկեղեցում, դպրական շապիկ հագնելու որոշումը կայացրել էր հերթական վիրահատությունից առաջ:

Անդրանիկ Մարգարյանը 44-օրյա պատերազմից հետո


Անդրանիկ Մարգարյանը 44-օրյա պատերազմի մասնակից է: Ծառայել է Ջրականի զորամասերից մեկում՝ որպես սպառազինության ծառայության պետ: Առաջնագծում մարմնին յոթ գնդակ է դիպել, մեկը դեռ թոքի մեջ է: Հրազենային հարվածից վնասվել է Անդրանիկի ողնուղեղը: Նրա ընտանիքի հետ մեկ օր անցկացրեցինք Արտաշատում. չհամակերպվելով տեղաշարժման սահմանափակումներին՝ Անդրանիկը մեքենա էր գնել և որոշել հարմարեցնել իր կարիքներին:

Սամվել Ավդալյանը 44-օրյա պատերազմից հետո


Սամվել Ավդալյանը 44-օրյա պատերազմի մասնակից է: Գանգուղեղային վիրավորում ստանալուց հետո բարդ վիրահատություն է անցել, դեռևս պլաստիկ վիրահատության կարիք ունի: Ապրում է Չարենցավանում, այլևս չկարողանալով վերադառնալ նախկին աշխատանքին՝ գեղեցկության սրահ է բացել և կնոջ հետ միասին աշխատում է, սրահն էլ անվանել են «Եռագույն»:

Պետրոս Էֆենջյանը 44-օրյա պատերազմից հետո


Պետրոս Էֆենջյանը 44-օրյա պատերազմի մասնակից է: Վիրավորվել է Քարվաճառում, ողնուղեղի վնասվածք է ստացել: Պետրոսի հետ մեկ օր ենք անցկացրել իրենց տանը՝ Կոտայքի մարզի Արա գյուղում: Պատերազմից հետո Պետրոսի կյանքը շարունակվում է՝ անվասայլակով, լուսանկարչական խցիկով, ապագայի բազմաթիվ պլաններով:

Սուրբ Ծննդյան ճամփորդություն


2020թ. արցախյան պատերազմից հետո Ապարանի տարածաշրջանում հաստատված ընտանիքների երեխաներին Մուշե քահանա Վահանյանը ճամփորդության է տանում: Նրանք պիտի դիմավորեն Սուրբ Ծնունդը:

Ոզնիսոֆթ


Ծրագրավորողից մասնավոր ձեռնարկատեր դառնալու և ՏՏ ոլորտում սեփական գաղափարներն իրացնելու իր փորձառությունը կիսում է «Ոզնիսոֆթ» ընկերության հիմնադիր Համլետ Մանուկյանը:

Իմ երազը


«Իմ երազը» զարգացման կենտրոնը մանկավարժներ Նարինե Լոբյանի և Մերի Հունանյանի երազանքն է եղել: Ուսուցչությանը զուգահեռ, նրանք հաստատակամ որոշում են կայացրել, ստեղծել իրենց մասնավոր կրթական հաստատությունը և այսօր հաջողությամբ զարգանում են:

Բաղրամյան 26


Սահմանամերձ Ոսկեպար գյուղի երիտասարդ ձեռներեցը ընկերոջ հետ ցուցանակ է պատրաստում: Այն փակցնելու է իր տան առաջին հարկը հյուրատան վերածած պատին: «Թաթո՛ւլ, դու հըմի Բաղրամյան 26-ում պիտի ապրե՞ս»,-հարցնում են հարևանները: «Հըմի չէ, գարնանը հյուրատունս բացեմ՝ նոր»,-պատասխանում է Թաթուլը: