 |
ՈւղղափառությունԱյսօր քրիստոնյա աշխարհում գոյություն ունեն ուղղափառ եկեղեցիների երկու մեծ խումբ, որոնք ունեն նույն ակունքները, բայց 5-րդ դարում բաժանվել են: Հայ Առաքելական Եկեղեցին պատկանում է Հին Արևելյան ուղղափառ եկեղեցիների ընտանիքին, չի պատկանում բյուզանդական ավանդության ուղղափառ եկեղեցիների ընտանիքին և ուղղափառ է ճշմարիտ հավատքի իմաստով։ Մեր սուրբ վարդապետները, մեր եկեղեցու հայրերը կոչվել են ուղղափառության պաշտպաններ, ուղղափառ լուսավորիչներ։ |
 |
ՔՊ նախընտրական ծրագրում եկեղեցու վերաբերյալ դրույթները խղճի ու կրոնի ազատության ոտնահարում ենՄայր Աթոռը խստորեն դատապարտում է «Քաղաքացիական պայմանագիր» կուսակցության նախընտրական ծրագրում Հայ Առաքելական Սուրբ Եկեղեցու վերաբերյալ մերժելի դրույթների ընդգրկումը։ Կուսակցության նախընտրական ծրագրում Եկեղեցու բարենորոգման, կանոնադրության վերանայման, Ամենայն Հայոց Կաթողիկոսի հեռացման և կաթողիկոսական նոր ընտրությունների անցկացման պարտադրվող օրակարգի ամրագրումը սահմանադրական կարգի, Եկեղեցու ինքնակառավարման իրավունքի, ինչպես նաև խղճի ու կրոնի ազատության միջազգային հիմնարար սկզբունքների բացահայտ ոտնահարում է։ |
 |
«Սրբազան պայքարի» գործով նախնական դատալսումներն ավարտվել ենԴատավարության հիմնական փուլում դատարանը կհետազոտի ներկայացված ապացույցները: Պաշտպանական կողմը սկզբունքային առարկություններ և անհամաձայնություն ունի։ Նրանց պնդմամբ՝ գործում առկա ապացույցները ոչ միայն անհատականացված չեն, ինչը թույլ չի տալիս պարզել, թե որ ապացույցը կոնկրետ ում է վերաբերում, այլև գործում ներառված ձայնագրություններն ու նյութերը մինչև օրս պատշաճ փորձաքննության չեն ենթարկվել: |
 |
Վեհափառ Հայրապետի եղբոր գործով անցնող վկայի ցուցմունքում նշված են Հարություն Մկրտչյանի տվյալներըԱմենայն Հայոց Կաթողիկոսի եղբոր և նրա որդու գործով դատական նիստին պաշտպանները պահանջել են դատարան հրավիրել և հարցաքննել ՆԳՆ Վաղարշապատի համայնքային բաժնի այն ոստիկանին, ով իրականացրել է գործով հիմնական վկա Գառնիկ Ղազարյանի հարցաքննությունը։ Պաշտպանական կողմը կասկածում է, որ Գառնիկ Ղազարյանը Ներսիսյանների դեմ ցուցմունք է տվել Հարություն Մկրտչյանի ազդեցության տակ։ Փաստաբանների պնդմամբ՝ վկայի ցուցմունքների և հարցաքննությունների միջև առկա են ակնհայտ հակասություններ ու իրարամերժ փաստեր, սակայն ամենաուշագրավն այն է, որ ցուցմունքի մեջ վկայի անձնական տվյալների դաշտում լրացված են հենց Հարություն Մկրտչյանի տվյալները։ Դատավորը բավարարել է փաստաբանների միջնորդությունները և կհարցաքննվեն վկային հարցաքննած ոստիկանն ու «Հանրապետություն» կուսակցության քարոզարշավն ուղեկցող ոստիկանության ծառայողը։ |
 |
Սահմանի փակվող դպրոցներըՍահմանամերձ և հեռավոր գյուղերում ապրողների տասնյակ հոգսերին շուտով կավելա ևս մեկը. ԿԳՄՍ նախարարության հրամանի համաձայն քիչ թվաքանակ ունեցող դպրոցները պետք է լուծարվեն: Այդ հաշվարկով ցուցակում 229 դպրոց է հայտնվել, որից 48-ը Սյունիքում է, 47-ը՝ Շիրակում: Թե ինչ լրջագույն խնդիրներ են տեսնում մասնագետներն ու համայնքի բնակիչները, փորձել ենք ամփոփել մեր տեսաֆիլմում: |
 |
«Սրբազան պայքարի» գործով դատական նիստին պաշտպանները պահանջել են ԱԱԾ գաղտնալսման տվյալներըՊաշտպանական կողմը միջնորդություն է ներկայացրել դատարանին՝ ԱԱԾ-ից պահանջելու այն օպերատիվ տվյալները, որոնց հիման վրա շուրջ մեկ տարի գաղտնալսումներ են իրականացվել։ Փաստաբանները պնդում են՝ եթե այդ նյութերը չտրամադրվեն դատարանին, ապա գործով ձեռք բերված բոլոր ապացույցները պետք է ճանաչվեն ապօրինի՝ իրավական հիմքի բացակայության պատճառով։ Հանրային մեղադրողները պնդել են, որ ներկայացված միջնորդությունն այս փուլում պետք է մերժվի կամ հետաձգվի, քանի որ օպերատիվ-հետախուզական միջոցառումների արդյունքներին վերաբերող ապացույցները դեռևս չեն ստացվել։ |
 |
Ավագ ուրբաթ բոլոր եկեղեցիներում հիշատակվել է Տիրոջ խաչելությունն ու մահըՔրիստոսի խաչելության օրը տխրության օր է բոլոր քրիստոնյաների համար: Ավագ ուրբաթ Սուրբ Պատարագ չի մատուցվում, որովհետև Քրիստոսն ինքը պատարագվեց խաչի վրա: Հոգևորականները չորս Ավետարաններից ընթերցում են Հիսուսի երկրային կյանքի վերջին ժամերը նկարագրող դրվագները՝ Պիղատոսի մոտ տարվելը, Գողգոթայի վրա խաչվելը, հոգին ավանդելը և դրան հաջորդած նշանները՝ արևի խավարումը, տաճարի վարագույրի պատռվելը: |
 |
Ամենայն Հայոց Կաթողիկոսի հանդիսապետությամբ Մայր Տաճարում կատարվել է Ոտնլվայի կարգըԲոլոր եկեղեցիներում կատարվել է ոտնլվայի արարողություն։ Մայր Աթոռ Սուրբ Էջմիածնում, ավանդության համաձայն, արարողությունը հանդիսապետել է Ամենայն Հայոց Հայրապետը: Ոտնլվայի ծիսակարգի ընթացքում, աղոթքների ու շարականների ուղեկցությամբ, Գարեգին երկրորդ Ամենայն Հայոց Հայրապետը Քրիստոսի օրինակով նախ օրհնել է խորանին դրված ջուրն ու յուղը, ապա ծնկել և լվացել Քրիստոսի աշակերտներին խորհրդանշող 12 անձանց ոտքերը: |
 |
Դատարանը որոշել է «Սրբազան պայքարի» գործով հարցաքննել 34 վկայի«Սրբազան պայքարի» գործով դատական նիստին դատարանը ամբողջ ծավալով ընդունել է մեղադրող կողմի ներկայացրած գրավոր ապացույցները և որոշել հարցաքննել 34 վկայի։ Դատարանը նաև բավարարել է պաշտպանական կողմի միջնորդությունը՝ որպես վկա ներգրավել Գառնիկ Դանիելյանին և Հովհաննես Ավետիսյանին, սակայն միևնույն ժամանակ անընդունելի է համարել բարձրաստիճան պաշտոնյաներին՝ ՔԿ նախագահին ու Գլխավոր դատախազին հարցաքննելու պահանջը։ Պաշտպանական կողմը պնդում է, որ երկրի բարձրագույն ղեկավարությունը ամենաբարձր ամբիոններից հնչեցնում է գործին վերաբերող հրապարակային հայտարարություններ, որոնք բացակայում են քրեական վարույթի նյութերից։ |
 |
Շիրակ. ԱղինՍահմանամերձ Աղին գյուղի միջնակարգ դպրոցը կառավարության որոշումով շուտով կփակվի։ Գյուղը Հայաստանի դատարկվող համայնքներից է։ Գտնվում է Հայաստանի հյուսիս-արևմուտքում՝ հայ-թուրքական սահմանին։ Շիրակի մարզի այս բնակավայրը 1872 թվականին հիմնել են Կարսից և Մուշից գաղթած հայերը։ |
 |
Կաթողիկոսի եղբայրն ու եղբորորդին շուրջ 5 ամիս գտնվում են ապօրինի անազատության մեջԱմենայն Հայոց Կաթողիկոսի եղբոր և նրա որդու գործով դատական նիստին փաստաբանները ներկայացրել են Գառնիկ Ղազարյանի դիմումը, որով նա հերքում է իր նախկին հայտարարությունը, թե Ներսիսյանները խոչընդոտել են Հանրապետություն կուսակցության քարոզարշավին։ Հիմնական դատալսումների ավարտից հետո պաշտպանները միջնորդություն են ներկայացրել տնային կալանքը վերացնելու վերաբերյալ, սակայն դատարանն այն թողել է անփոփոխ։ |
 |
իշխանությունը հակասահմանադրական քայլով սահմանափակեց Ամենայն Հայոց Կաթողիկոսի գործունեությունըՄայր Աթոռը դատապարտել է Հայաստանի իշխանություններին, որոնք չկարողանալով ճիշտ գնահատել իրողությունները և եղբայրական վրաց ժողովրդի սգի մեջ Հայոց Եկեղեցու զորակցության կարևորությունը, մերժեցին Նորին Սրբության ելքի արգելքի առնչությամբ ներկայացված միջնորդությունը՝ անհիմն համարելով Վրաստանի Պատրիարք-Կաթողիկոսի հուղարկավորությանը Հայոց Հայրապետի ներկա գտնվելու անհրաժեշտությունը։ Մայր Աթոռը ընգծել է, որ այդ գործելաոճը պախարակելի է, չի բխում Հայաստանի շահերից, նաև մեծապես հարվածում է երկրի արդարադատությանը և միջազգային վարկանիշին։ |