Ինչպես ենք դառնալու չորս միլիոն


Հայաստանում ծնելիությունը նվազում է ամեն տարի: 2018թ.-ին Լոռվա մարզում մահացությունը գերազանցեց ծնելիությունը։ Դեռևս 1980-ականներին մասնագետները կանխանկարներ էին արել, որ Հայաստանի բնակչությունը 2000-ակներին կդառնա 4 մլն 200 հազար: Նախորդ իշխանությունները հայտարարել էին քսան տարի հետո 4մլն բնակչության հասնելու մտադրության մասին, որը մասնագետների գնահատմամբ անհնար էր։ Ներկա կառավարությունն արդեն հայտարարել է ծնելիության խթանման ծրագրերի ավելացման մասին։ Արդյո՞ք դրանք բավարար են բնակչության աճ ապահովելու համար։ Քննարկում են ՄԱԿ-ի բնակչության հիմնադրամի «Բնակչություն և զարգացում» ծրագրի համակարգող Աննա Հովհաննիսյանը և Աշխատանքի և սոցիալական հարցերի նախարարության Ժողովրդագրության բաժնի պետ Արտակ Մարկոսյանը:

Աղքատության հաղթահարման նոր ուղի


Աշխատանքի և սոցիալական հարցերի նախարարությունը սոցիալական պաշտպանության բնագավառում փոփոխություններ է իրականացնում։ Դրանցով է թելադրված նաև սոցիալական կարիքի գնահատման միասնական համակարգի ներդրումը, որը կառուցվածքային փոփոխություններ է ենթադրում։ Ի՞նչ կոնկրետ փոփոխություններ են սպասվում քաղաքացու կյանքում, հատկապես, աղքատության հաղթահարման հարցում: Քննարկում են Աշխատանքի և սոցիալական հարցերի փոխնախարար Ժաննա Անդրեասյանը և ՀՕՖ երեխաների կենտրոնի տնօրեն, Սոցիալական աշխատողների հայկական ասոցիացիայի նախագահ Միրա Անտոնյանը։

Հանրային վայրերում ծխելն օրենքով կարգելվի


Ինչպե՞ս է ազդում հակածխախոտային արշավը ծխողների վրա: Արդյո՞ք օրենքի ուժը բավարար է ծխելը հասարակության մեջ մերժելի վարքագիծ դարձնելու համար: Ինչպե՞ս ապահովել ծխողների և չծխողների խաղաղ համակեցությունը։ Քննարկում են գրող, հրապարակախոս Տիգրան Պասկևիչյանը և ՔՈ կուսակցության գործադիր մարմնի քարտուղար Սուրեն Սահակյանը։

Գիտնականի խնդիրը պետության խնդիրը չէ


Գիտության ո՞ր ոլորտներն են առավել աշխույժ այսօր Հայաստանում։ Ի՞նչ պայմաններում են աշխատում երիտասարդ գիտնականները և ինչպե՞ս են միջոցներ հայթայթում հետազոտություններ անելու համար։ Արդյո՞ք մեր երկրում ստեղծված գիտական ու հետազոտական տվյալները ծառայում են գործնական նպատակների։

Գիտության համար դարձյալ փող չկա


2020թю-ի ՀՀ պետական բյուջեում գիտության ընդհանուր ֆինանսավորումը դարձյալ չի ավելանա: Այս  փաստը հարուցել է երիտասարդ գիտնականների վրդովմունքը: Գիտության ֆինանսավորման ցուցանիշով Հայաստանը տարածաշրջանում զբաղեցնում է վերջին տեղը։ 

Ընտանիքների կյանքը` գիշերօթիկների փակումից հետո


Հայաստանում գիշերօթիկ դպրոցներ այլևս չեն լինի: Աշխատանքի և սոցիալական հարցերի նախարարությունը համակարգային լուծումներ է մշակում՝ ապահովելու համար երեխաների վերադարձը ընտանիքներ: Ծրագիրը նախատեսում է կյանքի դժվարին իրավիճակում հայտնված երեխաների և նրանց ընտանիքների համար խնամքի և սոցիալական պաշտպանության որակյալ ծառայությունների ստեղծում։ Ինչպե՞ս է հնարավոր այս գործընթացը իրականացնել անցնցում։ Քննարկում են ՀՀ աշխատանքի և սոցիալական հարցերի փոխնախարար Ժաննա Անդրեասյանը և «Վորլդ Վիժն Հայաստան» կազմակերպության «Ընտանեկան միջավայր և ծառայություններ Հայաստանի երեխաների համար»  ծրագրի ղեկավար Գայանե Մարտիրոսյանը:  

Նոր ռազմավարական մոտեցումներ` տարեցների խնդիրներին


Ըստ վիճակագրության, Հայաստանի մշտական բնակչության 13 տոկոսը կազմում են 63 և ավելի տարիք ունեցող անձինք։ ՄԱԿ-ի բնակչության հիմնադրամի կանխատեսումները վկայում են, որ 2050թ.-ին 65-ից բարձր տարիք ունեցողները մեր երկրի բնակչության 22 տոկոսը կկազմեն։ Տարեցները մեր երկրում 
շարունակում են համայնքային կյանքից մեկուսացված լինել, նրանց համար չկան շարունակական կրթության կամ զբաղվածության հնարավորություններ, անբավարար է սոցիալական և առողջապահական ծառայությունների համակարգը։ Ի՞նչ փոփոխություններ կարող են սպասվել տարեց բնակչության կյանքում առաջիկա չորս տարում։ Քննարկում են ՀՀ աշխատանքի և սոցիալական հարցերի փոխնախարար Գեմաֆին Գասպարյանը և «Առաքելություն Հայաստանի» սոցիալական ծրագրերի զարգացման ղեկավար Աննա Գրիգորյանը:
 

Ռաբինդրանաթ Թագոր


«Հանրագիտարան» շարքի այս ֆիլմը պատմում է հնդիկ աշխարհահռչակ բանաստեղծ և ուսուցիչ Ռաբինդրանաթ Թագորի կենսագրությունը:

Ալեքսանդր Դեմյանենկո


«Ինձ համար առեղծված կմնա Շուրիկի այդչափ հանրային լինելը,- խոստովանել է Ալեքսանդր Դեմյանենկոն,-այդ դերը ես չեմ խաղացել, պարզապես հանդես եմ եկել պահանջվող տեսարաններում: Դա դերասանի համար տարրական խնդիր է»: Դեմյանենկոյին ճանաչեցին հենց այդ՝ Շուրիկի կերպարով: Ողջ կյանքում նա տառապեց դրա պատճառով: Դերասանի երազանքն էր խաղալ դրամատիկ, խորը կերպարներ: Հանդիսատեսն ընդունում էր դերասանին ցնծությամբ, բայց դրանից նա  ավելի էր հուսահատվում: Այդուհանդերձ արվեստում, մասնավորապես կինոյում, ամենադժվարը ծիծաղեցնելն է: Այսօր Ալեքսանդր Դեմյանենկոյին համարում են արտիստ, որը կարող է կանգնել անցյալ դարի մեծ կատակերգուների կողքին:  

Հայաստան-Սփյուռք նոր հարաբերությունների հնարավորություն


Առօրյա խոսույթում Ադրբեջանի նավթի հետ համեմատվող, ռազմավարական խիստ կարևորություն ներկայացնող հայկական Սփյուռքի մասին մշտամնա մի ափսոսանք կա՝ Սփյուռքի ֆինանսական, տնտեսական, մտավոր, սոցիալական և մարդկային ռեսուրսները լիարժեք չեն օգտագործվում։ Դրանք  կարող են դառնալ հզոր ուժ, եթե ավելի համակարգված մոտեցում ցուցաբերվի։ Սփյուռքի մասին ի՞նչ ուսումնասիրություններ են իրականացվում Հայաստանում, արդյո՞ք այդ ուսումնասիրությունները բավարար են Սփյուռքի նկատմամբ նոր քաղաքականություն մշակելու համար։ 

Ջազային իմպրովիզացիաներ


Ջազ երաժշտությունը ամբողջական է դառնում իմպրովիզացիայի շնորհիվ: Ի՞նչ է իմպրովիզացիան, ինչպե՞ս է այն կատարվում ջազում: 

Ինչպես խթանել հայրենադարձությունը


Հայաստանը Հայրենադարձության մասին օրենք կունենա: Սփյուռքի մտավոր ներուժի վերադարձը երկիր առաջնային նպատակներից է: Ինչպիսի՞ գործընթացներ պետք է խթանվեն երկրում` Սփյուռքի հետ նոր որակի հարաբերություններ հաստատելու համար: Քննարկում են - ԱԺ «Իմ քայլը» խմբակցության պատգամավոր Համազասպ Դանիելյանը և հետազտոտող Սյուզաննա Բարսեղյանը: