Աստվածաշունչը ձեռքին կնոջ պատկերով գոբելենը միջազգային մրցանակ է ստացել


«Յունիվերս Արտ» միջազգային մրցույթ-փառատոնին Նորքի հայորդյաց տան կարպետագործության ու գոբելենագործության դասարանի սան Ռիտա Մելիքսեթյանի աշխատանքը գրավել է առաջին հորիզոնականը։ Աստվածաշունչը ձեռքին կնոջ պատկերով Ռիտայի աշխատանքը մրցանակ է ստացել դեկորատիվ կիրառական արվեստ անվանակարգում։

 

Գիրք նվիրելու օրը Սարդարապատի դպրոցը գրքեր ստացավ


Մայր Աթոռ Սուրբ Էջմիածնի «Վաչե և Թամար Մանուկյան» մատենադարանը և Արմավիրի մարզի Խոյ խոշարացված համայնքի մշակույթի և սպորտի տունը գրքեր նվիրաբերեցեին Արմավիրի մարզի Սարդարապատ համայնքի դպրոցին։ 2008 թ․ սկսած՝ ամեն տարի Հովհաննես Թումանյանի ծննդյան օրը՝ փետրվարի 19-ին, Հայաստանում նշվում է գիրք նվիրելու օր։

 

Աստված չներեց Ադամին և Եվային, որովհետեւ նրանք չընդունեցին իրենց մեղքը


Պահքի երկրորդ կիրակին Հայ Առաքելական Եկեղեցին անվանում է Արտաքսման կիրակի։ Այն ներկայացնում է, թե ինչպես Աստված եդեմական պարտեզում առաջին պահեցողությունը սահմանեց մարդու համար: Դա մարդու հետ Աստծու առաջին ուխտն էր, որը խախտելով՝ մարդը վտարվեց դրախտից:

 

Ամենայն հայոց կաթողիկոսը Սուրբ Գայանե վանքում մասնակցել է Հանգստյան ժամերգությանը


Հանգստյան ժամերգությունը կատարվում է Մեծ Պահքի շրջանում: Այս ընթացքում Ժամերգության բովանդակությունը՝ սաղմոսները, աղոթքները, հոգևոր երգերը փոխվում են: Հանգստյան է կոչվում, որովհետեւ օրվա վերջին ժամերգությունն է: Այն սկսվում է «Տերունական աղոթքով» և շարունակվում սաղմոսներով:

 

Հայորդաց տան սաները մեսրոպյան տառերին նոր շունչ են տվել


Նկարիչների միությունում բացվել է ՄԱՍԷ և ՀԲԸՄ հովանու ներքո գործող Արաբկիրի ՀՏ մանրանկարչության դասարանի սաների «Ծաղկող տառեր» խորագրով ցուցահանդեսը: Նրանց ներկայացրած աշխատանքների մեծ մասը սյուժետային են, որով ներկայացրել են Հիսուսի երկրային կյանքը: Ցուցահանդեսը հոբելյանական է, որովհետեւ Հայաստանում գործող 8 Հայորդաց տներն այս տարի նշում են գործունեության երրորդ տասնամյանը։

 

Հայաստանի Աստվածաշնչային ընկերությունը նոր գլխավոր քարտուղար է նշանակել


Երևանում գումարվել է Հայաստանի Աստվածաշնչային ընկերության տարեկան համագումարը, որտեղ հոգաբարձուների խորհրդի երեք անդամ են ընտրել, որոնք նոր գլխավոր քարտուղար են նշանակել Հայր Հուսիկ աբեղա Սմբատյանին։ Համագումարին հաստատվել է նաև տարվա բյուջեն։ Այս տարի ևս Հայաստանի Աստվածաշնչային ընկերության հատուկ ուշադրության ներքո է լինելու «Հոգետրավմայի ամոքում» ծրագիրը, որը Արցախից բռնի տեղահանվածներին օգնում է հաղթահարել տեղահանության, հայրենազրկման և հարազատների կորստի ծանր ապրումները։

 

Մայր Աթոռը օգնում է Արցախից բռնի տեղահանված ընտանիքներին


Մայր Աթոռի հովանու ներքո գործող կացարանում ապաստանած արցախցիներին այցելել է Մայր Աթոռի Սոցիալական ծառայության գրասենյակի պատասխանատու Տ. Մարկոս քահանա Մանգասարյանը։ Այս պահին կացարում 16 ընտանիք է բնակվում՝ շուրջ 60 անձ: Արցախից բռնի տեղահանվածների խնդիրները Հայոց եկեղեցու ուշադրության կենտրոնում է։ Ինչպես Մայր Աթոռում, այնպես էլ տարբեր թեմերում տեղահանվածներին օգնության բազմաթիվ ծրագրեր են գործում։

 

Նաիրի Զարյանի անվան դպրոցում կատարվել է տնօրհնեքի կարգ


ՔԴԿ տնօրեն Տ. Զաքարիա ծայագույն վարդապետ Բաղումյանը Նաիրի Զարյանի անվան 130-րդ դպրոցում տնօրհնեքի կարգ է կատարել։ Օրհնված ջուրը հայր Զաքարիան ցողել է դասասենյակներում, աշակերտներին հորդորել է սիրել գիրքը, ունենալ հստակ նպատակներ, բացահայտել իրենց ուժեղ կողմերը և կարևորել հայ առաքելական եկեղեցին: Հայր սուրբը մինչև այդ ներկայացրել է տնօրհնեքի ձևավորումը, կարգն ու կարևորությունը։

 

Դալարիկի Սուրբ Վարդան եկեղեցում մատուցվել է տոնական պատարագ


Սուրբ Վարդանանց զորավարների և 1036 վկաների հիշատակության օրը Դալարիկի եկեղեցում մատուցվել է տոնական պատարագ։ Սա Ավարայրի ճակատամարտում հանուն քրիստոնեական հավատի մարտիրոսված զորավարների և հոգևորականների հիշատակության օրն է: Այս օրը Ամենայն Հայոց Հայրապետի անվանակոչության տոնն է, ինչպես նաև նրանց, ովքեր կրում են 1036 վկաների անունները: Պատարագից հետո հայրապետական մաղթանք է կատարվել:

 

Հայ Առաքելական եկեղեցին նշում է Սրբոց Ղևոնդյանց քահանաների տոնը


Ղևոնդյանց քահանաները Ավարայրի ճակատամարտում սրբացած քաջորդիներն էին, որոնք ոչ միայն քայլում էին հայոց բանակի առջևից, այլև քաջալերում պարսից զորքի դեմ դուրս եկած մարտիկներին։ Տոնի առիթով շուրջ 200 քահանաներ իրենց թեմակալ առաջնորդների գլխավորությամբ Էջմիածնի Սուրբ Աստվածածին եկեղեցում մասնակցել են տոնական պատարագի:

Հայորդաց տան սաները շախմատի առաջնություններում բարձր հորիզոնականներ են զբաղեցնում


Մայր Աթոռ Սուրբ Էջմիածնի «Հրաչ և Սյուզան Թուֆայան» ՀՏ շախմատի դասարանի սան Արամե Ղազարյանը վրաստանում կայացած շախմատի միջազգային փառատոնին գրավել է 2-րդ հորիզոնականը։ Ավետ Բալաբեկյանը շախմատի Վաղարշապատի առաջնությանը գրավել է առաջին տեղը։ Անահիտ Գրիգորյանը դարձել է մարզի դպրոցականների օլիպիադայի չեմպիոն:

 

Նրագավիթի Սուրբ Գևորգ եկեղեցում 52 արցախցի է մկրտվել


Նորագավիթի Սուրբ Գևորգ եկեղեցում կիրակնօրյա պատարագի ավարտին 52 արցախցի է մկրտվել, սակայն մկրտությունը ընդհանրական չի եղել։ Արցախցի մի քանի ընտանիք եկեղեցի է եկել իր կնքահայրերի հետ։ Մյուս մասի կնքահայրությունը ստանձնել են Սուրբ Գևորգ եկեղեցու համայնքի անդամները։