Օշականում Պոլսի հայոց պատրիարքության միաբանը վարդապետական աստիճան է ստացել


Օշականի Սուրբ Մեսրոպ Մաշտոցի գերեզմանին կառուցված սրբավայրում Պոլսի հայոց պատրիարքության միաբան Հովակիմ աբեղա Սերովբյանը վարդապետական աստիճան է ստացել: Վարդապետական մասնավոր իշխանության չորս աստիճանները հանձնել է Շիրակի թեմի առաջնորդ Միքայել արքեպիսկոպոս Աջապահյանը: Նորաօծ վարդապետին հայոց վեհարանում ընդունել է Գարեգին Բ Ամենայն Հայոց Կաթողիկոսը։

 

Գերագույն հոգեւոր խորհրդի ժողովը քննարկել է Հայաստանի անվտանգության հարցը


Մայր Աթոռ Սուրբ Էջմիածնում կայացած Գերագույն հոգեւոր խորհրդի ընդլայնված կազմով ժողովի օրակարգում քննարկվել է Հայաստանին և Արցախին նետված մարտահրավերները, արցախահայության իրավունքների պաշտպանությունը, սոցիալական աջակցությունը և Արցախի հոգեւոր-մշակութային ժառանգության պահպանության համար իրականացված նախաձեռնությունները: Գերագույն հոգևոր խորհուրդը դատապարտել է Հայաստանի նկատմամբ ադրբեջանական զինված ուժերի ոտնձգությունները, թշնամանքի ու հայատյացության քարոզչությունը։

 

Սբ․ Գայանե վանքում մատուցվել է Սբ․ Պատարագ. հիշատակվել է «Անառակ որդու վերադարձը» առակը


Ավետարանական «Անառակ որդու վերադարձը» առակի հիմքը ապաշխարության գաղափարն է: Տեր Վազգեն արքեպիսկոպոս Միրզախանյանի համարում է, որ այս առակը ավետարան է՝ ավետարանի մեջ, և դրված է պահքի ոսկե շղթայում՝ որպես դարձի խորհուրդ: Արտաքսման կիրակիից հետո անառակ որդու պատմությունը հիշատակելով՝ եկեղեցու հայրերը ներկայացնում են Աստծո ողորմածությունն ու գթասրտությունը:

Մայր Աթոռի մատենադարանում բացառիկ թեմայով թեզ է պաշտպանվել


Մասնավոր վարդապետական աստիճան ստանալու համար Կ. Պոլսի հայոց պատրիարքության միաբան Հովակիմ աբեղա Սերովբյանը թեզ է պաշտպանել։ Նրա ընտրած «Թարգմանական կրոնական երկերը 18-րդ դարի պոլսահայ գրատպության մեջ» թեման քիչ է ուսումնասիրված։ Առաջիկա օրերին, Ամենայն Հայոց Կաթողիկոսի հայրապետական բարձր տնօրինությամբ Օշականի Սուրբ Մեսրոպ Մաշտոց եկեղեցում կկատարվի մասնավոր վարդապետական աստիճանի տվչության հատուկ արարողություն:

 

Գերագույն հոգևոր խորհրդի ժողովում կքննարկվեն Հայաստանի և Արցախի առջեւ ծառացած խնդիրները


Ամենայն Հայոց Կաթողիկոսի նախագահությամբ սկսված Գերագույն հոգևոր խորհրդի ընդլայնված կազմով ժողովին կքննարկվի Հայաստանի և Արցախի շուրջ ընթացող զարգացումները, Արցախից բռնի տեղահանված հայորդիների առջև ծառացած մարտահրավերները, Արցախի հոգևոր-մշակութային ժառանգության պահպանման հարցերը։

 

Աստվածաշունչը ձեռքին կնոջ պատկերով գոբելենը միջազգային մրցանակ է ստացել


«Յունիվերս Արտ» միջազգային մրցույթ-փառատոնին Նորքի հայորդյաց տան կարպետագործության ու գոբելենագործության դասարանի սան Ռիտա Մելիքսեթյանի աշխատանքը գրավել է առաջին հորիզոնականը։ Աստվածաշունչը ձեռքին կնոջ պատկերով Ռիտայի աշխատանքը մրցանակ է ստացել դեկորատիվ կիրառական արվեստ անվանակարգում։

 

Գիրք նվիրելու օրը Սարդարապատի դպրոցը գրքեր ստացավ


Մայր Աթոռ Սուրբ Էջմիածնի «Վաչե և Թամար Մանուկյան» մատենադարանը և Արմավիրի մարզի Խոյ խոշարացված համայնքի մշակույթի և սպորտի տունը գրքեր նվիրաբերեցեին Արմավիրի մարզի Սարդարապատ համայնքի դպրոցին։ 2008 թ․ սկսած՝ ամեն տարի Հովհաննես Թումանյանի ծննդյան օրը՝ փետրվարի 19-ին, Հայաստանում նշվում է գիրք նվիրելու օր։

 

Աստված չներեց Ադամին և Եվային, որովհետեւ նրանք չընդունեցին իրենց մեղքը


Պահքի երկրորդ կիրակին Հայ Առաքելական Եկեղեցին անվանում է Արտաքսման կիրակի։ Այն ներկայացնում է, թե ինչպես Աստված եդեմական պարտեզում առաջին պահեցողությունը սահմանեց մարդու համար: Դա մարդու հետ Աստծու առաջին ուխտն էր, որը խախտելով՝ մարդը վտարվեց դրախտից:

 

Ամենայն հայոց կաթողիկոսը Սուրբ Գայանե վանքում մասնակցել է Հանգստյան ժամերգությանը


Հանգստյան ժամերգությունը կատարվում է Մեծ Պահքի շրջանում: Այս ընթացքում Ժամերգության բովանդակությունը՝ սաղմոսները, աղոթքները, հոգևոր երգերը փոխվում են: Հանգստյան է կոչվում, որովհետեւ օրվա վերջին ժամերգությունն է: Այն սկսվում է «Տերունական աղոթքով» և շարունակվում սաղմոսներով:

 

Հայորդաց տան սաները մեսրոպյան տառերին նոր շունչ են տվել


Նկարիչների միությունում բացվել է ՄԱՍԷ և ՀԲԸՄ հովանու ներքո գործող Արաբկիրի ՀՏ մանրանկարչության դասարանի սաների «Ծաղկող տառեր» խորագրով ցուցահանդեսը: Նրանց ներկայացրած աշխատանքների մեծ մասը սյուժետային են, որով ներկայացրել են Հիսուսի երկրային կյանքը: Ցուցահանդեսը հոբելյանական է, որովհետեւ Հայաստանում գործող 8 Հայորդաց տներն այս տարի նշում են գործունեության երրորդ տասնամյանը։

 

Հայաստանի Աստվածաշնչային ընկերությունը նոր գլխավոր քարտուղար է նշանակել


Երևանում գումարվել է Հայաստանի Աստվածաշնչային ընկերության տարեկան համագումարը, որտեղ հոգաբարձուների խորհրդի երեք անդամ են ընտրել, որոնք նոր գլխավոր քարտուղար են նշանակել Հայր Հուսիկ աբեղա Սմբատյանին։ Համագումարին հաստատվել է նաև տարվա բյուջեն։ Այս տարի ևս Հայաստանի Աստվածաշնչային ընկերության հատուկ ուշադրության ներքո է լինելու «Հոգետրավմայի ամոքում» ծրագիրը, որը Արցախից բռնի տեղահանվածներին օգնում է հաղթահարել տեղահանության, հայրենազրկման և հարազատների կորստի ծանր ապրումները։

 

Մայր Աթոռը օգնում է Արցախից բռնի տեղահանված ընտանիքներին


Մայր Աթոռի հովանու ներքո գործող կացարանում ապաստանած արցախցիներին այցելել է Մայր Աթոռի Սոցիալական ծառայության գրասենյակի պատասխանատու Տ. Մարկոս քահանա Մանգասարյանը։ Այս պահին կացարում 16 ընտանիք է բնակվում՝ շուրջ 60 անձ: Արցախից բռնի տեղահանվածների խնդիրները Հայոց եկեղեցու ուշադրության կենտրոնում է։ Ինչպես Մայր Աթոռում, այնպես էլ տարբեր թեմերում տեղահանվածներին օգնության բազմաթիվ ծրագրեր են գործում։