Բագրատ արքեպիսկոպոս Գալստանյանի և Սրբազան պայքարի 17 աջակիցների պաշտպանները դատական նիստին հետևել են դատարանի բակից՝ այս կերպ արտահայտելով իրենց բողոքն ընդդեմ դատական իշխանության և նախագահող դատավոր Կարեն Ֆարխոյանի: Պաշտպանական խումբն այս որոշմանը հանգել է երեկվա դատական նիստից հետո, երբ քննվում էր Լիդիա Մանթաշյանի խափանման միջոցի հարցը: Դատարանը երեկ 3 ամսով երկարացրեց Մանթաշյանի կալանքը: Այսօր արդեն երեք ամսով երկարաձգել է Բագրատ արքեպիսկոպոս Գալստանյանի, Արսեն Ղազարյանի, «Հայաստան» խմբակցության պատգամավոր Արթուր Սարգսյանի և Արման Իսրայելյանի կալանքը։ Արա Ռոստոմյանի նկատմամբ դատարանը կիրառել է տնային կալանք:
2025-08-21
Telecast type: Լուր Ռեպորտաժ
