Հեղինակ Սոնա Խաչատրյան

1 2 3 4 5

	Արցախից բռնի տեղահանված անգլերենի մասնագետը Երեւանում երեխաներին ավազանկարչություն է սովորեցնում Արցախից բռնի տեղահանված Հասմիկ Արզումանյանը ավազանկարչություն է սովորեցնում Երևանում ապրող արցախցի երեխաներին: Նա շրջափակման ընթացքում Ստեփանակերտում հիմնել է ավազանկարչության կենտրոն, որտեղ դասական երաժշտության ուղեկցությամբ, գունավոր ավազներով երեխաները նկարել են՝ համրավելով էլեկտրականության ժամանակացույցի հետ: Երևանում հաստատվելուց հետո մասնակցել է Յունիսեֆի և «Կենաց ծառ» հոգեբանական ծառայությունների կենտրոնի կազմակերպած հատուկ վերապատրաստման դասընթացին։
	150 արցախցի երեխաներ Հայ Առաքելական Եկեղեցու հովանավորությամբ հանգստանում են Վանաձորում Ռուսաստանի և Նոր Նախիջևանի հայոց թեմի հովանավորությամբ Գուգարաց թեմի «Ծիծեռնակ» ճամբարում ավելի քան 150 արցախցի երեխաներ ամառային հանգիստն են անցկացնում: «Կատմանդու» Հոգևոր-մշակութային և սպորտային ուղղվածություն ունեցող ճամբարը Արցախի Ասկերանի շրջանի Պատարա գյուղում գործել է 2014թ․-ից։ Ճամբարականները հաճախ են հանդիպում ու զրուցում թեմի հոգևորականների հետ, միասին վոլեյբոլ ու շախմատ են խաղում:
	Բռնի տեղահանության հետեւանքով Հայաստանում գտնվող 15 տարեկան արցախցին օծանելիք է ստեղծում Ադրբեջանի կողմից Արցախը շրջափակելու ընթացքում արցախցի դեռահասը սկսել է զբաղվել օծանելիքի արտադրությամբ։ Բռնի տեղահանման հետեւանքով նա չի կարողացել իր հետ վերցնել Ստեփանակերտում թորած արցախյան բույսերի եթերայուղերը։ Հիմա սոցցանցերի միջոցով վաճառում է իր պատրաստած օծանելիքն ու երազում համաշխարհային բրենդ ստեղծելու մասին։
	Կընդլայնվի «Քաղաքացիական կրթությունը մարզերում» եռամյա ծրագրի աշխարհագրությունը Եկեղեցիների համաշխարհային խորհրդի հայաստանյան «Կլոր սեղան» հիմնադրամը 2023 թվականից սկսել է «Քաղաքացիական կրթությունը մարզերում» եռամյա ծրագիրը, որում ընդգրկված են Շիրակի, Լուռու և Տավուշի մարզերը: Ծրագրի իրականացմանն աջակցում են նաև թեմերը և դրանց կից գործող սոցիալական կենտրոնները: «Կլոր սեղան» հիմնադրամի՝ «Քաղաքացիական կրթությունը մարզերում» ծրագիրը կշարունակվի մինչև 2025թ։
	Թարգմանչաց տոնին Օշականի սուրբ Մեսրոպ Մաշտոց եկեղեցում մատուցվել է տոնական պատարահ Հայոց գրերի ստեղծմանը նվիրված տոնին Օշականի Մեսրոպ Մաշտոց եկեղեցում Մկրտիչ եպիսկոպոս Պռոշյանի առաջնորդությամբ մատուցվել է տոնական պատարագ: Ավանդաբար այս օրը սուրբ Մաշտոց եկեղեցի են այցելում արդեն գրաճանաչ առաջին դասարանցիները: Պատարագիչ հոգևորականը ներկաներին հորդորել է չմոռանալ 5-րդ դարում հավատքով, մտքով ու գրով ձեռք բերված հաղթանակի մասին։
	Առաջին անգամ Նորքի Հայորդյաց տան սաները ակադեմիական թատրոնի բեմում բաց դաս են ներկայացրել Նորքի հայորդյաց տունը «Նարեկ» պարային դպրոցի և «Արմեններ» հարվածային գործիքների համույթի տարեվերջյան բաց դասն անցկացրել է Կոնստանտին Ստանիսլավսկու անվան ռուսական դրամատիկական թատրոնի բեմում։ Համերգային ելույթը նվիրված է եղել «Նարեկ» պարային դպրոցի գործունեության 35-ամյակին: Հայորդյաց տան սաները ակադեմիական թատրոնի բեմում բաց դաս առաջին անգամ են ներկայացնում:
	«Արմեն» գիտահետազոտական ծրագրի մասնակիցներն ուսումնասիրել են միջնադարյան Հայաստանը Մաշտոցյան Մատենադարանը հյուրընկալել է Եվրոպական խորհրդի ֆինանսավորմամբ Ֆլորենցիայի համալսարանում գործող «Արմեն» գիտահետազոտական ծրագրի մասնակիցներին, որոնք մատենադարանի ավելի քան տասը հետազոտողների հետ մասնակցել են «Հայաստանը և հայերը համաշխարհային միջնադարում» թեմայով երկօրյա աշխատաժողովին: Հետազոտությունների թեմաներն ընդգրկում են Բագրատունիների Հայկական պետականության վերականգնումից մինչև Հայաստանում մոնղոլական իշխանության անկումը: Ուսումնասիրության նյութ են դարձել Մատենադարանում, Վենետիկի Մխիթարյան Միաբանության գրադարաններում, Վիեննայում, Երուսաղեմում ու Փարիզում պահվող քիչ հայտնի ձեռագրեր և բնագրեր:
	Արարատում տոնական պատարագով նշվել է Ամենափրկիչ եկեղեցու 2 ամյակը Արարատի բնակիչները օրն սկսել են սուրբ Ամենափրկիչ եկեղեցում՝ տոնական պատարագով: Միագմբեթ, սև և նարնջագույն տուֆից կառուցված սուրբ Ամենափրկիչը քաղաքի միակ աղոթատեղին է, որի կառուցման աշխատանքներն ավելի քան 10-ը տարի են տևել: Եկեղեցուն կից նաև մոմավառության սրահ և հովվատուն է կառուցվել, որն առաջիկայում կծառայի նաև երիտասարդաց միության և կիրակնօրյա դպրոցի գործունեության համար: Բարեկարգ և կանաչապատ է նաև եկեղեցու ամբողջ տարածքը:
	Մայր Տաճարի վերականգնմանը զուգահեռ բարեկարգվում է հարակից կանաչ տարածքը Առաջիկա 1-2 տարվա ընթացքում Տաճարի կանաչապատ տարածքն իր ամբողջական տեսքը կստանա։ Ամենայն Հայոց Հայրապետի առաջարկով՝ Տաճարի կանաչապատման նախագծումն իրականացվել է հայկական գորգարվեստի զարդանախշերի մոտիվներով։ Հարակից կառույցներին և կլիմային հարմար կանաչ համադրություն ստեղծելու նպատակով լանդշաֆտային ճարտարապետների, բուսաբանների, դիզայներների մեծ թիմ է աշխատել։ Ծաղկատեսակներից ընտրվել են սպիտակ և կարմիր վարդեր, լավանդա և հորտեզիա, որոնք իրարից առանձնացված են բուքսոր տեսակի թփերով։ Բուսատեսակները ներկրվել են եվրոպական տարբեր երկրներից նախորդ տարվա ապրիլին։
	Վիսոցկու ստեղծագործությունները «Իրական դպրոցի» սաները կսերտեն գրաբարով Շուտով «Իրական դպրոց» ուսումնարանը սաներին կդասավանդի գրաբարի հեղինակած սեփական դասագրքով, որտեղ կան առակներ, ժամանակակից պատմություններ՝ գրաբար թարգմանությամբ, պատմիչների ստեղծագործություններից ծաղկաքաղ և նույնիսկ Վիսոցկու և այլ հեղինակների երգերի գրաբար թարգմանություններ: Իրական դպրոցը գործում է Երևանում, Վանաձորում, Իջևանում, Գյումրիում՝ տարեկան ընդունելով 100 դիմորդի. առաջիկայում մասնաճյուղ կբացվի նաև Գորիսում: Հայ առաքելական եկեղեցու և ԵՊՀ բանասիրական ֆակուլտետի հետ համագործակցաբար՝ աշակերտների և ուսանողների շրջանում «Իրական դպրոցն» անցկացնում է Գրաբարի օլիմպիադաներ:
	Նորոգվում և մաքրվում է Մայր Տաճարի ներսում գտնվող երկու ջրհորը Մայր Տաճարի ներսում 2 ջրհոր կա՝ մեկը հյուսիսային ավանդատան ներսում, մյուսը՝ սուրբ Ստեփանոս Նախավկայի խորանի դիմաց, որտեղից հավատացյալները ջուր են վերցրել՝ համոզված լինելով, որ այն տաճարի հրաշագործ զորությամբ է օժտված: 2012թ. սկսած՝ վերականգնող ճարտարապետ Ամիրան Բադիշյանը չոր և անձրևային եղանակներին չափել և արձանագրել է Ստեփանոս Նախավկայի խորանի դիմացի ջրհորի ջրի ծավալը: Երկրորդ ջրհորում ջուր չկա, նախկինում էլ չի եղել: Տաճարի վերականգնման ավարտին ջրհորը կմաքրվի և երկուսում էլ ջուր կլինի:
	Սկսվել է Մայր Տաճարի հյուսիսային և հարավային խորանների և սուրբ սեղանների վերականգնումը Հարավային խորանը կոչվում է Հոհաննես Մկրտչի անունով։ Հյուսիսային խորանը քրիստոնեական հավատքի համար նահատակված անդրանիկ նախասարկավագի՝ սուրբ Ստեփանոսի անունն է կրում: Երկուսն էլ կառուցվել են 17-18-րդ դարերում։ 1950-ականներին՝ Տաճարի վերականգնամ ժամանակ, սուրբ սեղանները վնասվել են: Գարեգին Երկրորդ Ամենայն Հայոց Հայարպետի որոշմամբ կկառուցվի նորը՝ ավելի համահունչ Տաճարին:

1 2 3 4 5 › »